LAB EAT Restaurant & Bar (金巴利道)

營業中

休息中

又是一個忙碌的星期，經過了無數的死線後終於到星期五。為了好好慶祝，特別約了朋友吃餐好，享受這個小週末。LAB EAT Restaurant & Bar 位於尖沙咀金巴利道，從佐敦地鐵站D出口出發不用10分鐘便到，地點十分方便，適合九龍尖沙咀朋友放工嚟嘆一嘆。我們一行二人從餐牌點了幾樣餸，一起互相分享。Fresh Oyster (⭐⭐⭐⭐⭐)這裏的生蠔是逐隻點的，即叫即開。我們二人總共叫了四隻，吃起來海水比重，而且蠔味也十足，不用其他配料也十分好吃。Melting French Raclette Cheese with Potatoes & Smoked Ham(⭐⭐⭐⭐💢)這個流心芝士是即叫即製的。師父把芝士在廚房加熱，然後來到檯面把芝士倒下，確保新鮮熱辣辣。芝士份量十分多，有淡淡的乳香，不算太鹹。配合火箭菜吃，味道較為清新，而且層次更豐富。另外的薯角也十分不錯，吃起來十分脆口。Fried Tilefish Fillet with Caviar(⭐⭐⭐⭐💢)鯛魚刺身在日本餐廳就吃得多，但作為西餐也是第一次吃。廚師把鯛魚外皮炸得脆卜卜， 連魚鱗也可以吃。魚肉吃起來鮮味十足，肉質十分嫩滑，

今日同女朋友去開尖沙咀，揾咗好耐先揾倒呢間有格調嘅餐廳。一踏入餐廳，奪目嘅吊燈就掛係餐廳中間，就係我地對餐廳裝飾讚美嘅時候，廚師都推介咗幾道菜俾我地。先嚟嘅沙甸魚多士。沙甸魚食落絕對唔會有種霉咗嘅感覺，肉質仍然好有彈性，而且頗有海水味。師傅用心配以蕃茄粒同洋蔥粒等係魚身上面，當一啖食落去果陣，配料襯托住魚鮮味，一次過湧出嚟，係口腔內四處翻騰。跟住就係一個黑松露湯同蕃茄蟹湯。蕃茄蟹湯演繹咗咩係貨真價實，大大條蟹肉浸係濃厚嘅蕃茄湯，蟹嘅鮮味與湯嘅温暖隨住喉嚨慢慢流入胃部。黑松露湯亦有著獨特香味，重重嘅松露味滿佈口腔，天然而沒有任何味精，實在係健康之選。接著落嚟係八爪魚意大利飯，個飯好軟熟，一入口就已經感受到八爪魚嘅鮮味從舌尖傳到喉嚨，提得一提嘅係餐廳用料上乘，八爪魚觸手至少都有成人手掌嘅大細，好適合與朋友分享。 最後檸檬雪糕都好吸引，檸檬味好濃厚而且甜甜地，好啱情侶分享

同朋友食生日飯，個位有啲遠，但環境氣氛幾好。1. 龍蝦湯👍🏻同類嚟計唔算最好食，差少少蝦膏味，但都唔錯嘅。包就冇乜可以講啦都係嗰啲嘢同埋有啲硬。2. 西西里蕃茄意粉👌係幾好食嘅但意粉呢啲你知佢有幾易整，呢個要178，有啲揾笨。3. 澳洲M5 和牛肉眼👌Ok la ，乾咗少少，598真係貴得滯，喺澳洲周街都係呢啲牛扒仲要便靚正食到你呢世唔想再食牛，嚟到香港就算水漲船高都唔suppose 漲得咁緊要掛。。。同埋味道就係正常西餐level 囉。4. 八爪魚蟹膏意大利飯👍🏻呢個值得試下，賣相同味道都唔錯，八爪魚好新鮮。總結：係幾好味，又未好味到不得不吃，所以可以便少少，而家有啲太吊高嚟賣。

😋[[𝗟𝗮𝗽 𝗘𝗮𝘁]]今次間餐廳係🐢🍯揀既，有得飲又有得食🥰環境暗暗地，有情調之餘仲好舒服😌😌一如以往，由朋友發板諗食咩🤣🤣🎈Present $118因為我都唔知自己想飲咩，於是請侍應幫我揀一杯，唯一既要求係唔要有薄荷酒。上枱果陣見到隻冰熊仔勁有驚喜🥰侍應介紹呢一杯叫做“Present“，意思係一份禮物🎁佢有好詳細咁介紹有咩成份，我淨係記得有咖啡、Bailey’s、Vodka等等….仲有我唔記得既野😆😆佢仲好細心提醒我，如果要影相打卡就唔好一次過倒晒d Bailey’s 落去，如果唔係隻熊仔就會好似浮潛緊咁，影唔到相🤣🤣而我真係笑左好耐😆😆😆我喺Drink List 度搵，諗住睇吓有咩成份，點知搵唔到，一問原來杯Cocktail係之後新menu會推出既飲品😎😎睇住粒熊仔咖啡冰慢慢溶好得意，可以保持杯酒夠凍，又唔會越飲越淡👍🏻👍🏻🎈澳洲M5和牛肉眼扒 $598我個人就偏愛食肉眼扒，因為夠淋之餘又食到油香🥰叫左medium rare，生熟程度控制得好好，切開塊扒睇到唔會流勁多血水，證明塊扒rest得好好，有鎖番住d肉汁，唔係求其煎完就上碟👍🏻👍🏻果然靚既牛扒真係簡單配鹽已經好好味😋😋另外

就快父親節，孝順女小胖就當然要提早請爸爸食飯，胖爸愛食西餐，所以小胖就搵咗呢間高質西餐。小胖點了三文魚子伴海膽和吞拿魚蓉，熱熔法國流心芝士伴香草烤薯和意大利煙火腿，青口扁意粉🍝，炸馬頭魚塊伴魚子醬，咖啡配巴利甜酒和氣泡水佢的海膽和吞拿魚蓉都十分新鮮，鮮味足，而且份量多，上面三文魚籽脆卜卜，又唔會好鹹，鮮脆的魚籽配上鮮甜的海膽和吞拿魚蓉，口感豐富，推佢的熱熔流心芝士係即場係你面前切片放上沙律上，成個過程雖然短，但溶芝士當下芝士味超濃香又治癒，香脆外皮包住鹹香流心芝士，伴埋香草烤薯和意大利煙火腿超好食😋佢的青口意粉味道香濃，超多青口，扁意粉吸滿青口的海鮮味，伴淡淡的奶油香👍🏻佢的馬頭魚塊炸到超香脆，又唔會焦，魚肉頗嫩，埋上高級魚子醬😋佢的咖啡配巴利甜酒，佢的咖啡係熊仔形狀的大冰粒，慢慢滲入甜酒中，淡淡咖啡香配上甜甜的酒，十分配🍹整體食物質素不錯，坐位舒適，環境氣氛和服務態度好，雖然價錢有點小貴，但做為慶祝餐廳，推推

呢間餐廳一路都好多好評, 咁我都唔重覆講喇, 講D SIDECUT少少既野叫左個二人餐, 5度菜, 1個湯, 樣樣都好食, 重點講下以下兩樣:1. 法式洋荵湯, 好清甜, 而湯上面舖左塊厚厚既CHEESE......本人孤陋寡聞, 但估計係正宗法式楊荵湯做法, 起碼o係普通餐廳係唔會食到2. 澳洲m5和牛medium, 香, 嫩, 火路好, 唔識點再形容, 簡單講就係可能係本人食過最好食的牛扒..(o係香港)另外想講下佢個伴碟配菜, 應該係叫櫻桃辣椒, 外表似小車妮茄, 但一咬微辣, 微甘, 好特別既配菜, 又係o個句, o係香港冇食過, 冇見過...從湯同配菜, 都顯得呢間餐聽係好有誠意, 唔係求其做...價錢當然相對貴少少, 但物有所值, 比咁多錢, 食返有價值既野

沙律：很有驚喜，口感清新，藜麥健康又有𡁻勁，絕對值得推介青口：口感軟滑，酒香濃，吃過不停口，是一道很好的下酒菜甜品：冰涼暢快的感覺，有效地減去油膩感，味道微酸亦都非常清新，配合脆脆，新鮮感十足，另外糕點亦不會沒有偏甜，味道剛剛好龍蝦：賣相非常好，Risotto煮得非常出色，水準一流羊架：非常新鮮，整得入味之餘，還完全沒有羊羶味，外脆內嫩，非常Juicy這個叫 hopeful 的飲品， 檸檬味重，酸酸甜甜， 又靚又清新。

今次喺尖沙咀金巴利道食晚餐，以往一般人覺得較多韓國餐廳，今次就去咗呢一間西餐廳，都好有驚喜😆今次叫咗二人晚餐，頭盤就安排法國新鮮生蠔，非常新鮮，味道清甜亦都有濃郁嘅海水味，勁讚👏🏻前菜係煙燻意大利沙甸魚及香醋魚籽。本身比較怕魚腥味，所以好少食魚，但煙熏味道滲透落嘅沙甸魚裏面，食落去完全唔覺有醒味，亦都有一種醒胃的感覺。湯係法式洋蔥湯，好多洋蔥，已經煮到好甜，加上整片芝士，真係好香，好特別嘅配搭！真正嘅主角係澳洲M5和牛牛柳及法國鴨肝，鵝肝煎到外皮鬆脆裏面入口即溶；至於和牛牛柳，五成熟做出嚟嘅效果剛剛好，入口軟滑，脂肪同肉嘅比例剛剛好，亦都唔會太過油膩。一路用餐嘅過程亦都有支香檳Moët伴餐，始終覺得食西餐配合餐酒先至令到整件事覺得圓滿，再加上地方裝修十分舒適，亦都適合三五知己一齊來用餐，整體來說非常滿意！

今日同男朋友去咗間勁有格調嘅餐廳，侍應為我哋推薦咗幾道菜，其中有個八爪魚意大利飯，個飯好軟熟好入味，一入口就已經感受到八爪魚嘅鮮味從舌尖傳到喉嚨，值得一提嘅係餐廳用料上乘，八爪魚觸手至少都有成人手掌嘅大細，好適合與朋友share。 仲有個檸檬雪糕都好吸引，檸檬味好濃厚而且甜甜地，好啱情侶分享飲品都好吸引，我地叫咗個expresso 做底再配上威士忌同百利甜酒嘅酒精飲品，調酒師仲用咗以冰熊做模型嘅咖啡冰，令杯酒就算時間耐咗都唔會變淡，好值得一試。

同大家分享先*\(^o^)/*我同朋友都拎到job offer la~~(*≧ω≦)所以我哋前一晚即興約食飯，食餐勁嘅黎賀一賀佢wohoo~~開心🥳今次就黎尖沙咀嘅LABEAT Restaurant上OpenRice睇價錢幾貴，算啦慶祝係要食貴啲嘅🔸Hopeful 叫左杯水果味mocktail黎飲 較重菠蘿味🍍 甜甜地唔會一次過一啖飲晒🔸日本拖羅蓉海膽杯🍣 $158想講呢個係超級好食😋omg!!魚生好鮮甜，海膽一啲都唔腥，係好好食啊！拖羅都好正，而海膽個層次感會重過拖羅，但以價錢來講咁細杯好貴，如果大份啲會好啲，但真係超級好食🔸熱熔法國芝士配香草薯及意大利煙肉火腿 $188上菜嗰下震驚了😱冇諗過店員直接喺隔離上演批熱溶芝士，平時係fb睇外國街頭芝士美食就睇得多，估唔到香港都有得食請原諒窮人見識少🤣🤣 (我有拍片但沒得upload,得張相睇下先)。講返嘢食先，呢份就大份過海膽好多，兩個人食呢啲芝士都真係幾濟下，有兩款辣肉腸，火腿，薯仔，蕃茄仔，火箭菜，建議多人share🔸Mussels Pasta $288🍝呢個就正路意粉咁青口新鮮，意粉都好吸味，唔錯🔸北海道粟米雪糕及海棉蛋糕 $128

休靜既位置, 有靚靚既餐廳, 有舒適既坐位, 最後有不錯的美食, 啱哂兩個人橕枱腳!Orchin ToastCarabinero Uni PastaCappuccino Gelato花盆點品上面既dishes見字都覺有特式, 由於同平既西餐有別, 所以特別欣賞。成大片海膽係法包上, 海膽味超濃, 法包新鮮脆邊, 我仲加咗olive oil 同vinegar點下個包, 真係一大享受!  跟住黎個豐富味蕾既Pasta, 是咁的: 個汁有順滑既龍蝦湯味, Pasta面加咗海膽同魚子醬, 再夾個煎香咗而內裏質感似牡丹蝦既大蝦, 堅係優質!點品好可愛, 個花盆仔原來食得既......葉係MINT做, 泥係香濃既芝麻, 花盆係朱古力, 一口size好味又方便!  至於個Cappuccino Gelato, 泡泡打到咖啡咁香, 加添咗獨特既口感!

餐廳嘅飲品好靚，首先嚟杯冇酒精菠蘿汁，有yogurt 同薄荷喺入面，甜得來清新。再加杯有酒精咖啡 ， 可加Bailey 同volka ,。咖啡酒造型可愛，有熊仔型嘅咖啡冰，酒味同咖啡味同樣突出，唔會互搶。餐包亦值得一讚，外脆内軟，海綿般容易吸收黑醋白醋。法國生蠔每隻都肥嘟嘟，鮮甜美味。鵪鶉腿非常入味，大大件蕃茄加香草亦都可以平衡一下肉類嘅菜色。黑毛豬扒啖啖肉，份量十足，烤得入味，已經不需要額外醬汁。然後到我最中意嘅海膽黑松露意粉，黑松露味瞬間成為全枱主角，海膽新鮮入口即溶，意粉完全吸收忌廉白汁，再加上蒜片吊味，非常高質。甜品嘅雪糕再加士多啤梨乾絕對係一個完美句號。

是晚慶祝結婚半週年，和友人到這間網上大受好評的西餐廳紀念慶祝。頭盤點了四隻生蠔淺嚐一下，生蠔鮮甜新鮮，味道不錯。另外點了這個芝士火腿沙律。他的芝士很特別，火腿和沙律先上桌，然後侍應拿著一大塊芝士即場在客人面前把芝士溶掉，然後灑在上面。吃落去滿滿的芝士香味，配搭沙律菜，實在味道一流。火腿的份量似乎有些多，所以吃下感覺比較鹹。海膽扁意粉，海膽的份量十分大份，扁意粉煮得剛剛好熟，配上忌廉和海膽混合在一起吃，十分滋味。不過由於吃了一個充滿芝士的沙律後，覺得忌廉意粉似乎比較膩。點了一個清淡一點的鮮魚配上魚子。不要看這小小的一塊煎魚，價錢不菲呢。魚可以連皮吃，十分香口。魚肉鮮甜，沒有特別的調味，就只是點著鹽吃，畢竟這樣才能吃出魚的鮮味。魚子放在薄薄的薯片上，一口一塊鹹香味十足。最後甜品是檸檬意大利雪糕。檸檬的清甜味十分解膩，伴碟還有一塊不知什麼的糕點。這間餐廳的飲品挺有特色，我們點了一個凍咖啡雞尾酒，上面有一隻可愛的咖啡做的小熊，伴有牛奶灑在上面就像熊在浸牛奶浴呢。另外還點了一個菠蘿特飲，沒有酒精的，味道也清甜不錯。

朋友介紹搵咗間坐得好舒服，地方幽靜嘅餐廳可以傾好耐計嘅餐廳由夜晚七點食到九點半真係好享受可以慢慢食、慢慢飲、慢慢傾偈😊叫咗二人餐，有六道菜😆二人餐包原支香檳🍸🍸🍸一坐低已經開香檳心情勁靚😆餐牌都有其他嘢食飲品賣相都好靚極cute 😆前菜輕煎半熟北海道帶子配菠菜蓉擺盤非常靚😆帶子大隻好鮮甜個人口味如果煎得香啲更加正👍🏻菠菜蓉有驚喜，甜甜的豐富左帶子嘅味道😌湯牛肝菌湯濃郁嘅味道，但唔鹹，ok ! 主菜西班牙紅蝦及海膽意粉配魚子醬一上碟已經聞到紅蝦嘅煎香味估唔到咁大隻😆肉質爽口，感覺似龍蝦味道海膽勁多😆魚子醬亦鮮甜意粉量可以少些因為真係食到好飽☺️甜品Opera 蛋糕配雲呢拿雪糕雲呢拿雪糕外層再加凍，不會溶化作為最後一道菜感覺refresh好多！😆減少了飽滯嘅感覺今晚真係好滿足🍸✨

事先網上book 好位 （尤其而家10點要走；book定位係正確做法）坐廁所位附近，對住個出菜位；都算了 。。。可能真係無其他位呢看看menu, 第一次黎；叫個set dinner for 2 la 其實個menu d嘢食幾吸引；包括有生蠔（4隻）: 其實都好新鮮，雖然蠔味唔算濃；但我覺得大部分人都覺得可以接受嘅煙熏意大利沙甸魚及香醋魚籽：唔知係咪放耐咗；所以到食嘅時候個皮已經林左；但配上番茄，其實都酸酸甜甜幾開胃輕煎半熟北海道帶子配菠菜蓉：呢個就真係nothing to speak off; 無特別之處；可能因為半熟啦；真係room temperature 咁上囉牛肝菌湯：呢個唔錯，夠熱得黎仲要濃味澳洲M5和牛牛柳及法國鵝肝：朋友prefer medium, 咁就medium la ; 個鵝肝夠油潤，配埋個牛，味道真係喺口腔裡爆發~ （哈哈 有d誇張）但牛味就相對弱d西班牙紅蝦及海膽意粉配魚子醬： 呢個我同朋友都覺得煮得好好；因為個意粉唔會太林，蝦就剛好，唔係太熟；成個意粉醬都好夾~唔理3 7 21；減starch ? 聽日先算啦Dessert of the day : opera