La Vache!

營業中

休息中

朋友生日，介紹咗我哋嚟呢一間西式扒房慶祝。餐廳嘅裝修好有格調，而且偏向高級，侍應全數都係外國人，令人入到去好感受到有外國氣氛。呢間餐廳唯一一道主菜就係牛扒，你可以揀嘅就係牛扒有幾熟。套餐除咗有牛排，仲包咗沙律同埋無限量嘅薯條。落完單冇幾耐就上咗沙律。唔同嘅係，牛扒並唔係一碟碟咁上。 我哋一行四人，嗌咗兩份三成熟同兩份五成熟嘅牛扒。上枱嗰陣，就係一盤三成熟一盤五成熟嘅牛扒。盤下面仲有兩個小燭台熱住個盤，等牛扒冇咁快變凍。牛扒肉質鮮嫩，而且處理手法非常好，食落去充滿肉汁，非常惹味。

ㄧ入到去,餐廳真係very good! 好似去左巴黎旅行咁! 入到去想揾餐牌睇,唔駛怕係揾唔到的,haha , 只有飲品menu. 因為全晚佢只得ㄧ個menu, 服務員只會問你牛扒幾成熟, 首先佢會放低麵包咁啦,跟住就上沙律,跟住就牛扒,我就食medium ware!!真係好好味!!!薯條任食,食到你唔食# 次次refill都係熱辣辣的..

員工態度極差，經理更加一樣，野食一般，但服務態度差是主要問題，一個二個無視客人，大的管理方式有問題，就算食物質素怎樣好也沒用，食到一肚子氣，我以後也不會再來！差差差

法式牛扒大餐🐮🐮🐮 👍🏻 食過既朋友都知道，La Vache既餐牌只得一樣主菜，佢就係牛扒啦!再配上法式薯條（可refill). ..一般去餐廳食牛扒叫熟度都會叫比較生一d，因爲要預廚房會overcook, 但係La Vache就無呢個問題，牛扒既熟度煮得岩岩好，完全你叫幾成熟就幾成熟，保持到應有既肉質同肉汁🤤🤤🤤 ..而且跟薯條有一個in house sources 味道有d似蒜蓉蛋黃醬⋯點薯條一流👍🏻 ..另外真係要提既係，餐前麵包既牛油都超重奶味🤦🏻‍♀️真係omg.小小既麵包令到我情不自禁咁抺上厚厚既牛油.最後，又不由自主咁叫多左個lemon tart🤭🤭🤭🤭咁清下喉嚨都要既

這一間法國扒房已經光顧了很多次，每次都是一些特別日子/生日的時候去，因為氣氛很好每一次都不會令人失望。這間扒房的特色是只賣一個Set $318加一（包括：沙律，麵包，牛排和無限refill的薯條），有選擇困難症的人可以不用煩惱吃什麽。個日係我同男朋友週年紀念，因為我地得兩個人所以冇得book位，放工就即刻過去! 好在我地都算早，吾需要等位住!上菜速度很快！首先到的是Set餐的沙律和麵包，沙律醬料酸酸的令人開胃！而且加上果仁令沙律更有咬感。麵包很外脆内軟，牛油味道更是香濃。主菜牛扒，這裡的牛扒會用蠟燭烘住碟的底部，令牛扒保持住熱的。牛扒很鬆軟而且很juicy，牛肉味都好濃。附有2個餐廳自製的牛扒醫汁，配埋一齊食更加惹味。重點是薯條，呢度的薯條可以任加的埋單每個人大概$400平就一定唔係平，不過食物質素相當不錯。值得一試

我地忽然想食牛扒，就諗起朋友介紹呢間餐廳，不過打去無得book。星期六7點幾去Walk-in 等左10分鐘左右就有位，不過係bar檯位。佢得一種牛扒可以揀，岩哂選擇困難症既人。我地要左三成熟，覺得岩岩好。記得薯條係任食，岩哂薯條愛好者

之前去過中環嗰間，覺得氣氛和食物都頗理想。 最近再去尖沙咀呢間 ，位置比較偏僻空間比較小 ，相對人亦比較少 。不用等已可入座。牛扒肉質嫩，味道濃(個人喜愛燶味重－點香－點的表皮)。薯條比中環點的淡—点，但無限潻食就已經令到大家佷滿意。 甜品份量大， 朱古力蛋糕香濃鬆軟。食得好滿意

好耐之前已經係la vache!的粉絲 ，一路都係soho個邊食，今日就來到尖沙咀試下一樣也是可愛的手繪餐枱紙，一款食品供應侍應也是只會問牛扒你要幾熟簡單的沙律，普通主角來啦！都係用燭臺keep warm ，肉汁在口四濺，$318有呢個水準已經覺得性價比超高，但小妹絕對覺得個薯條可以問鼎 best fries in town! 我每次都係因為掛住個薯條先回來食，香脆既外表配上淡淡牛味，無論有幾飽都要encore!每次幾飽見到甜品推車都忍唔住要order 今次試下檸檬撻，其實都好食，上層蛋白霜做得好結實，但食到最後就有d膩好欣賞兩間分店可以keep到相同水平，為左個薯條一定會再去haha

自從銅鑼灣holiday in上邊嗰間entrecôte 執咗笠之後, 有朋友介紹呢間同之前銅鑼灣嗰間差唔多....有睇過啲人寫食評講到啲嘢好好味，即管去試吓。點知我自己就覺得係雷聲大，雨點少。整體來講我覺得有沙律到牛扒薯條甚至乎甜品都唔好食。啲牛扒嘅味道真係一般，薯條我覺得麥當勞啲薯條仲好食。甜品方面我地點左五個甜品，除咗個布甸係好味啲其他嘅甜品真係唔好食。仲有就係嗰五款甜品個Menu上面係冇寫住要加幾多錢，都埋單先知道每一份甜品係要加最少$108，有啲仲要加到$128。加錢問題都唔係咁大，最大問題係加咗百幾蚊一個甜品係唔好食。老實講，同喺以前銅鑼灣嗰間真係差天共地。仲有一樣野係要講嘅就係餐廳入邊啲音樂好大聲，完全同食飯嘅氣氛一啲都唔夾！

這一間法國扒房已經光顧了很多次，每次都是一些特別日子/生日的時候去，因為氣氛很好每一次都不會令人失望。這間扒房的特色是只賣一個Set（包括：沙律，麵包，牛排和無限refill的薯條），有選擇困難症的人可以不用煩惱吃什麽。餐具排放整齊，而且餐紙使用繪畫十分有趣，很有個人特色。首先到的是Set餐的（沙律和麵包），沙律醬料酸酸的令人開胃！而且加上果仁令沙律更有咬感。麵包很外脆内軟，牛油味道更是香濃。　主菜到了是令人期待的牛扒（我們揀了５成熟），圖中是兩人分量！牛扒十分鬆軟，牛味頗重而且牛脂恰到好處！肉質豐富之餘不會感覺油膩。餐廳更提供自制的醬汁沾牛肉，令牛扒味道更有層次。牛扒下有燭擡溫著牛扒，令你吃每一啖牛扒都是有溫度的。不過建議大家可以可以揀生一點成數，避免牛排過熟。生日當然少不了吃蛋糕！這裡的職員會播法文的生日歌和法文的生日快樂，氣氛很好。　職員還會送一張即影即有的照片給我們留念，照片更有漂亮的封套套著！！如果Post相片到ＩＧ更有機會贏得免費午餐。這頓飯我們都吃得十分開心！餐廳甜品更是出色！是值得再來的一間餐廳

繼續生日月的飯局!今晚同事約左我黎呢間位於尖沙咀赫德道的餐廳!因為我地得兩個人所以冇得book位，放工就即刻過去!因為係星期五，初初都驚我地去到既時候要等位，好在我地都算早，未需要等位住!不過我地都被安排坐近門口的座位了!同事揀呢間餐廳係因為唔需要揀食咩，餐廳就只有一個餐可以揀，岩哂有選擇困難症既佢!坐低無耐，店員便問我們牛扒要幾成熟，然後就上麵包同沙律!另外仲點了紅酒飲添!麵包，是法包來的，麵包唔會好硬，脆脆地，牛油亦唔會雪得太硬，方便塗係麵包上。沙律，沙律中除了有沙律菜，還有核桃。沙律配有沙律醋，酸酸地很開胃。主菜-牛扒，這裡的牛扒會用蠟燭烘住碟的底部，令牛扒保持住熱的。如果牛扒黎到時太生亦可用這個方法烘熟返少少食。牛扒很鬆軟而且很juicy，牛肉味都好濃。附有一個牛扒的醫汁，配埋一齊食更加惹味。薯條，呢度的薯條可以任加的，不過食完個牛扒同佢第一次俾既薯條已經好飽了，都不用再加!薯條雖然是幼薯條，但係都好好食!鹽量都好夠!House Wine($78)，食牛扒配紅酒是perfect match!這裡的紅酒都算易入口，唔會好拿口!檸檬批，生日當然要食下蛋糕，檸檬批上面有火燒過的cre

由中環出名開到黎尖沙咀既牛扒店，每晚都有唔少人排隊，多人起試黎可能要等超過一個鐘。入到去只有一樣主食，就係牛扒，你只需要選擇幾成熟🌟叫完waiter/waitress就會幫你上salad👍🏻主角牛扒，圖係兩人既份量，食肉獸既男人可能會差少少，但女仔應該係食唔晒，所以二人份量係夠一男一女食🌟另外會有candle係牛扒下面暖住👍🏻另外，waiter/waitress 會幫你上薯條，熱辣辣加上prefect ratio既鹽，非常好食👍🏻👍🏻👍🏻同埋薯條係無限refill👍🏻

Steak and fries一直都係我既comfort food，而La Vache！就係the comfort place for comfort food。今次同一班女仔friend來食lunch，適逢星期六，成間餐廳都冇么人，最啱girl talk。我好鍾意La Vahce既嗌嘢方式，冇花巧，只需要揀牛排既熟度就得。我啲四個人有三個揀左medium rare，另一個就嗌左medium。好快侍應就serve左walnut salad。講真呢度既salad真係幾啱我心水，其實只係簡簡單單既沙律菜加埋roasted walnut，再淋上少少油醋汁，但好新鮮開胃。其間當然仲有餐飽，暖暖dei，配埋放至room temperature既牛油，又係簡單美味。等左唔耐就有牛扒食啦。侍應會serve埋薯條La Vache既薯條因為落左牛脂肪去炸既緣故，所以充滿牛脂香味，非常特別同好味。牛扒本身都一如既往既well executed，水準都keep得ok，唯是日chrf調味重手左少少，令到扒鹹左d第一次係lunchtime食，嗌完埋單先知原來仲有甜品送。我啲果時已經超級無敵飽，就捻住嗌兩份sha

朋友生日慶祝，本身唔鐘意西餐的我都覺得好食。去到好多人等位，好彩有book枱，而且都準時有枱，讚！我地分別點左medium rare同rare，個人比較鐘意rare，食落甜啲，肉汁非常多，而且夠大件，配餐酒一流。我本身唔鐘意食薯條，原本諗住唔要，但侍應好快手咁夾左比我，咁好啦，試下啦，竟然有驚喜，薯條加左調味粉(我估)，好好味，而且係無限添加，抵！上蛋糕環節全場音樂會轉為生日歌，侍應會在枱邊一齊唱，帶動其他食客的氣氛，最後再一齊鼓掌，好愉快！總括而言，食物環境服務都非常滿意，必定會再回來！

話說我同老公都辛苦左兩個星期,要出去食下好野獎勵下自己係啲美食post度見到有推薦,所以就黎食佢地既服務態度一流,好細心👍🏻佢地用全英文對答不過佢地無預定服務,所以我地差不多6點就去到,見到門口已經排左條隊係度好快地就有得入去坐😊佢地只有牛扒可以食,價錢係劃一收費只需要講出你想要幾多成熟既牛扒就得另外就係會問你飲咩,如果水既話佢地有分 still water or tap water 眼見隔離對情侶好似點叫錯左以為still 同tap water 都係免費既,點完之後見到我地同其他枱都叫左 tap water之後就知道自己叫左要收費既水黎飲另外就係薯條會無限量供應俾你,只要你想食就叫佢添就可以我老公食左4轉😂超級多薯條但我覺得薯條未夠香,如果佢地可以加少少香料就會更好至於牛肉方面都唔錯既,不過價錢黎講都有少許貴,佢既牛肉sauce 都唔錯😊點完野食就係食到尾聲時,佢地會拉架甜品架埋去你度,逐一拎個甜品放係你面前同你介紹佢地既甜品,介紹完之後會同你講「呢度啲甜品係$108起」呢個價錢我地都覺得貴,加上佢地架甜品車就咁放係餐廳度完全無野蓋住,我地都覺得有啲唔衛生,最終無點到黎食整體黎講我地