La Moo Moo' s Steak and Fries (已改名) 查看

2020年8月14日 星期五今日晏晝又想同老婆出街食飯，因為已經留咗喺屋企好多日，好想出去行吓。。。去咗附近嘅一間扒房食飯，位置喺一座商廈裏面18樓，一出lift就見到餐廳裝修得好有風格，中間仲有一個螢幕，裏面仲播緊依家好流行既燒柴片段，感覺好似係外國嘅餐廳咁餐牌只係得一款，有餐包、沙律、牛扒同薯條，非常簡單，薯條可以任食嘅至於飲品就有好多款， Cocktail都有好多唔同嘅顏色同種類首先嚟嘅係田園新鮮沙律，上面加咗半隻流心蛋，蛋黃一路流落去蔬菜到，配合埋芝士粉同蔬菜一齊食又幾夾，仲有好脆嘅麵包粒添之後有餐廳整嘅麵包，仲有特別既肉桂牛油，同麵包特別配合，食到停唔到口之後主菜肉眼扒終於到，冇諗過咁大塊，而且好香，切落去唔需要太大力已經可以切開，仲好腍添，充滿肉味。至於薯條份量都幾多，唔需要再添已經好足夠，幼長又脆身，炸得岩岩好，點埋茄汁簡直係一流果然冇揀錯呢一間餐廳，同情侶去嘅話強烈推薦，因為環境夠浪漫而且食物質素高

昨日去左間新開高級餐廳，間餐廳淨係食牛扒同薯條，啱晒我呢啲有選擇困難症嘅人。佢一個set三舊水，有齊麵包沙律牛扒同埋任加嘅薯條。間野喺軒尼詩道， 一出地鐵站行幾條街就到啦， 十分方便，上到去係一啲黑蚊蚊嘅高級餐廳好有情調，真係好適合情侶去飲飲紅酒談談心。別無他選侍應就好細心咁介紹佢哋有兩款包俾我哋，一款係有玉桂味，另一款就係普通嘅餐包，因為我哋都麻麻哋肉桂咁就揀咗個普通餐包，佢個餐包好鬆軟，中間切左一半烘埋底真係十分細心。沙律方面，佢哋就安排咗羅馬生菜加埋半隻蛋，但勝在好多麵包粒同埋煙肉碎，越食越想食。終於終於上主菜啦，我哋嗌左三成嘅牛扒，肉質好鮮嫩，廚師將肉嘅熟度拿捏得非常準確，另外亦都有海鹽同胡椒碎，睇返自己嘅個人需要，切落去牛扒汁亦都爆曬出嚟，係想上盛之選。另外薯條呢就係幼身薯條，啱晒我口味，薯條外脆內軟，而且非常香口，仲要新鮮熱辣辣，食完一次仲可以添加呀，呢個價錢食到高質嘅食材，性價比極高啊

疫情關係夜晚冇得堂食， 所以老公話lunch帶我食好啲，老公知我鍾意鋸扒， 帶咗我去灣仔軒尼詩道一間專食牛肉眼扒嘅餐廳餐廳環境不錯，18樓景觀開揚，環境亦都幾寧靜，有個火爐，有外國餐廳嘅感覺原來餐廳全日都只有一個餐牌，所以人人食嘅野都係同一個set自家製餐包+沙律+8oz牛肉眼+薯條+餐飲自家製餐包配有牛油同肉桂牛油， 唔牛油會好鹹或好濃味，但係食到好香嘅肉桂味非常鬆軟，而且表面有輕輕烤過，所以外脆內軟同埋食咗有少少甜味沙律有六分之一隻溫泉蛋，伴隨啲新鮮蔬菜同芝士粉，仲有一些烤過的煙肉粒增加口感主菜牛肉眼，客人可以自己選擇要幾多成熟，有洋蔥汁、黑椒汁或者紅椒汁選擇。我今次要左3成熟， 上菜時非常之香，一大塊牛扒見到上下兩面都煎得好靚，切開見到肉質非常粉嫩，而且紋路分明，咬落果然好多肉汁，好香牛味，好腍！非常易食，令人一口接一口！ 洋蔥汁味道比較淡，反而加 岩鹽更加能提岀肉的鮮味~薯條係比較幼身的薯條，炸得好香脆，而且份量不少！加埋餐飲真的十分飽！

我唔係孤獨精，好少一個人食飯，而且好難搵食，今日比我搵到一間，食牛扒的餐廳，面窗的吧枱有一個人位，望住開陽環境唔會悶，總比對住人食好。講開環境呢度唔錯，動感仿火爐令人有家的感覺，慶祝、拍拖、傾偈的好地方。來到考慮都冇需要，只有一款餐，枱上面張紙就是餐牌，侍應只會問你牛扒要幾熟，都唔使問其他問題，我只係問咗佢最佳效果是怎樣，回覆是半熟 medium 最佳。麵包脆口，裏面煎過，配備普通牛油及肉桂牛油，我基本上只塗肉桂牛油，因為佢特別。凱撒沙律加咗隻半熟蛋，更加好食。主角出場，安格斯牛扒大塊肉靚，有些肥膏及筋先至好食，勁鍾意把刀，闊身好有型，而且好好切，可以買的，$200/把。薯條都炸得好好，香，唔油，不過我已經夠多食，冇追加。牛魔王大滿足！

喺灣仔駱克道睇完裝修花多眼亂之後，終於可以喺鬧市區一間優雅，有古典味嘅西餐廳坐低享受人生另一大樂事。呢間餐廳專食美國USDA Premium Steak。特別欣賞佢專注，主打做好佢唯一有嘅Ribeye steak set $298. Serve with salad, cinnamon butter bread, 8oz steak with freeflow fries. 沙律用羅馬生菜，乾淨新鮮爽甜，唔會有太多dressing上面嘅芝士粉同bacon bits都好平均有些少檸檬汁好開胃。餐包係toasted暖暖哋, come with cinnamon soft spread and butter， quite yummy, 因為個肉桂醬好食。 Entrée有新鮮熱辣脆卜卜又唔油膩嘅薯條加上一片大塊薄切嘅美國肉眼扒。牛扒個熟度控制得啱啱好有肉有脂肪，佢有三種唔同嘅sauce畀你揀包括onion sauce, red pepper sauce and black pepper sauce. 香港人口味應該會比較鍾意onion sauce，我食牛扒要食到原汁會配手磨black pep

好舒服好relax嘅一間扒房 Moo Moo's， 地方唔係好大但裝修精緻， 牆上有個火爐螢幕，熊熊烈火，感覺好像置身在外國一樣， 非常有氣氛！呢間扒房嘅menu非常之簡單,因為只有一個套餐，有選擇困難症嘅朋友就啱曬。 佢嘅套餐 有沙律 、餐包、牛扒和任食嘅薯條。 只需要order牛扒嘅熟度就已經足夠。Garden Fresh Romaine Salad 非常之新鮮，而沙律上加有四分一隻流心蛋，賣相亦 相當吸引。Home-made Bread roll 可配牛油或玉桂牛油， waiterss 亦提意我哋可以加海鹽在肉桂味嘅牛油內，幫助提升味覺嘅享受。主角係8oz Premium USDA Ribeye Steak, 啱曬鍾意食牛嘅我哋。 呢塊薄牛扒配備有黑椒汁、紅椒辣汁和蒜蓉洋蔥汁， 客人可根據自己嘅口味再自家配搭。 我勁鍾意佢嗰把餐刀， 非常有手感，造型得意，實在係打卡之選。而佢嘅薯條係幼身個種， 熱辣辣又香脆，仲可以無限refill，very nice! $298 的套餐有以上享受, 而且情調格局又浪漫，性價比唔錯。

之前聽朋友講灣仔有間食牛扒好出名嘅扒房叫Moo Moo's，而且好有情調，今次終於有機會嚟試。呢度其中一樣特色就係只得一款套餐，所以對懶人包嘅我嚟講就最好，需要甜品或者飲品就有個menu畀你揀，講番個套餐，包一個caesar salad，麵包拌肉桂牛油同埋8安士美國優質肉眼扒，而另一個賣點就係炸薯條任食，如果唔夠隨時可以再order。先講番食物，沙律用咗超新鮮嘅蔬菜加咗四分一隻溫泉蛋，配埋炒過嘅煙肉碎同埋烘過嘅麵包粒，係一個好出色嘅caesar salad。店員教落少少海鹽入肉桂牛油，然後再搽上麵包食，感覺真係好正食到停唔到口。而塊肉眼扒就超大塊而且入面超juicy好有牛味，肉質同脂肪分佈平均，好掂！熱薯條都炸到恰到好處，每一條長短都一樣，點埋茄汁食感覺超正，而且唔夠可再叫，真係好滿足嘅一餐。

用斧頭刀🪓鋸扒你試過嗎？餐廳全日只供應一個餐，$298加一 = 餐包🍞+沙律🥬+ 8oz Premium USDA Ribeye Steak🥩 + 任食薯條🍟，感覺超值！Homemade甜餐包帶暖，麵包烘得金黃，質感軟綿實在，搽牛油🧈吃感覺像兒時鐵板餐餐包，味道不錯😌凱撒沙律相當出色，沙律菜夠新鮮，濃度剛好，非常合我心意❣️8oz Ribeye🥩薄切而面積大，一上桌牛扒已香味撲鼻👃🏻，急不及待拿起斧頭刀🪓，order了medium，出來結果比較似七成熟，但肉質絕對是juicy淋軟，充滿油脂和牛香👅 ，店員建議灑上岩鹽和黑椒粉吃，味道已很出😋反而選配的黑椒醬汁偏淡，黑椒味也未夠突出。幼身薯條🍟新鮮炸起熱辣辣夠香脆🔥，令人吃不停手，薯條任食，再order的依然熱辣辣即炸，吃完飽到要捧著肚子走🤤店員十分attentive，不時走過來留意客人有何需要，也有主動問我們是否需要添加薯條，服務態度值得一讚👍🏻

難得放假所以約咗朋友去灣仔區間扒房度食Steak 餐廳裏面只得一個menu就係Home made bread roll + Garden Fresh Romaine Salad + 8oz Premium USDA Ribeye Steak + Free Flow Crispy Golden Fries, Full Set包Coffee/ Tea係298蚊加一麵包好鬆軟 配埋肉桂牛油搽落去甜甜地好好味Salad配上Dressing 加埋烤到卜卜脆既煙肉粒 仲有個半生熟嘅蛋 係開胃之選至於重頭戲牛扒 生熟程度好好 好juicy 牛扒雖然唔係好厚 但係嫩得黎依然好有咬口薯條熱辣辣送出嚟 好香脆 而且仲可以無限Refill tim另外員介推介咗杯strawberry cocktail (Shamby) $65 士多啤梨味好香 少少酒味又甜甜地 好適合女仔飲最後 呢到除咗食物質素好好之外 亦要一讚呢度環境舒服 播上西方音樂 店員服務亦好好 好有禮貌 每次上菜都會介紹下個菜嘅特色 Overall我都幾鍾意呢到 會再黎

朋友介紹這間扒房，全日只有一個set（即是不用費心去選擇，因為沒有選擇），包括butter bread、salad、8oz牛扒、free flow French Fries、tea/coffee（Lunch $298+10%），我覺得價錢合理。因為疫情關係，近乎包場，全個午飯時間只有4客人。外國feel餐廳，waiter/waitress說英語，簡單的跟你說明餐廳只有一個套餐，唯一的選擇，就是牛扒要幾成熟。沙律生菜很新鮮，調味亦不錯；我覺得牛扒有調過味，不是牛味很濃的品種，肉質有咬口，簡單的配上車厘茄和rosemary；薯條超級新鮮，從廚房走出來的一刻已經聞到得香的薯仔味；咖啡出乎意料之外的好喝，值得一提是用來切牛扒的店舖限定餐刀， $200，都幾特別。

前排去左呢間美式扒房 環境好有外國feel😆 侍應服務態度亦都好好👍🏻 整體用餐感覺舒服😼選擇其實得一樣 個個嚟到都係食呢個set🥩🔪 都欣賞佢地呢種專注做好一樣野既態度👅❣️Moo Moo’s steak set $298🍞🥖🥨Homemade bread roll 🍞🥖🥨麵包有牛油香 微微烘過(⁎⁍̴̛ᴗ⁍̴̛⁎) 最特別係肉桂牛油加鹽咁食 如果去既推薦大家叫黎試😆🥗 Golden fresh Romaine salad🥗 同普通Caesar差唔多🤣 冇咩特別🤨🥩8ozs Premium USDA Ribeye steak 🥩 最期待嘅牛扒٩(˃̶͈̀௰˂̶͈́)و 叫咗medium rare 燒得幾靚😚呢款黑安格斯牛比較軟 基本上唔使點用力切😼 有牛脂但唔會太油 牛味就唔算好濃🙊不得不講把刀好得意諗起flat iron🔪佢有三款sauce揀 但都比較稀🤔 紅椒比較辣 洋蔥正常黑椒汁食落好似KFC嘅蘑菇汁😂🍟 Free flow crispy golden fries🍟薯條可以任添 不過份量都夠晒🤣 係連薯皮嘅幼薯 熱辣辣好脆口🤤💦 食到停唔到口(˶‾᷄ ⁻̫ ‾᷅˵)

呢間餐廳Menu比較簡單，只係得一個set，入到去只係需要揀牛扒幾多成熟。Starter: 🍞🥗Home-made bread roll麵包鬆軟，不過如果入面係熱嘅話會更好。配上牛油同埋帶有玉桂香味嘅果醬十分好食。因為麵包食落有空氣感，如果食晒一個都唔會覺得好飽肚。所以就算胃口比較細，都唔需要擔心食完包同個沙律會食唔落一陣嘅牛扒同薯條。Garden Fresh Romaine SalasSalad就平平無奇，冇咩特別。生菜配上沙律醬，麵包糠同煙肉，清甜爽口。上面加上芝士粉，多咗一種鹹香。Mains: 🥩🍟8 oz premium USDA rib-eye steak + free flow crispy golden fries 不得不讚佢哋嘅薯條好好食， 炸到金黃色，食落熱辣辣，每咬一下有種脆卜卜嘅感覺。呢個薯條食落唔係有種好多粉好重身既感覺，而係你食得再多都唔會覺得自己會變好肥嘅感覺，所以會係咁食。而且佢哋係可以無限refill，如果食得落唔驚熱氣嘅話可以encore 多round。牛肉方面，叫咗五成熟，煮得啱啱好冇過熟變咗七成。肉同脂肪比例各半，一口肉一口脂肪感覺好正。肉質嫩滑，

早前和朋友去左灣仔影相，之後去左之前Book落既MOO MOO'S 餐廳食牛扒；餐廳是朋友所介紹，所以也很期待啊！餐牌中只有一個SET提供，但份量也不少，包括餐包，沙律，肉眼牛扒同埋無限量供應既薯條；聽到無限量就覺得實食得飽！餐包口感極為鬆軟，加入埋牛油一同食用；味道更加香口！沙律令我感到驚喜，由於本人對平時既沙律不感興趣。但MOO MOO'S既沙律夠晒特色，充滿左大量既巴馬臣芝士碎，另有麵包脆粒粒，糖心蛋，菜等材料！更配合酸酸甜甜既沙律汁一齊食，味道開胃又夠好食啊！肉眼牛扒：主角出場既肉眼牛扒夠晒份量！而牛脂分佈比例很平均，切開後可見當中帶紅，很新鮮啊；而且厚度好足，令口感加晒分！再配上醬汁一同食用，更味道再度提升～～肉眼牛扒真的很值得推介啊！無限量薯條真的好有派頭！薯條即叫即炸，店員更很貼心會問食客是否需要加薯條，以免食客需要時要等候！薯條口感脆口。

一出升降機就是這間扒房的reception，侍應很熱情的歡迎及招待。他給我的就只有飲品的Menu，我也好奇為什麼沒有其他餐牌，原來在這裡就只要一個套餐$298（另收加一服務費）。坐著等朋友，看見這環境也不錯、很舒服。暗暗的燈光，又不吵鬧，這是適合約會的好地方啊。這個餐包烘得熱熱又帶點脆口，有海鹽和（疑似）花生醬，配搭在一起好好吃！不過海鹽小心下多了變得鹹。很快就上了沙律，普通，沒特別。最後就是這個主角 牛扒了！他另外附上黑胡椒、鹽和醬，但壓根不需要，原因是牛扒已經夠鹹了！有點嫌他重手了⋯有點失望

扒房就去得多，通常都係好多款式揀，花多眼亂，全間餐廳得一款扒嘅，真係第一次見，想必都係對自己嘅牛扒餐非常有信心7月頭去咗呢間MooMoo’s，朋友定咗座，我先到就入座，原黎服務員係全英文，我都怯咗怯，好彩服務員態度好好，詳細解釋，就算我英文差，都溝通到個場唔大，嗰陣全個場都坐滿人，我地被安排坐餐廳中央嘅低圓枱位置呢個就係佢地個menu，包+沙律+肉眼扒+薯條=298沙律係偏香口，而唔係酸咪咪嗰種，入面嘅麵包粒超脆，鹹香咸香咁，我鍾意上面塊蛋，再增添幾分香餐包嘅牛油可以揀肉桂牛油，有特殊嘅芬芳，麵包鬆軟，而且好暖身，溫度好適合夾牛油主角係肉眼扒，唔係8oz嘅，望落好大塊，佢用薄切嘅，所以就睇落面積好大，我地揀3成熟，控制得好好，肉質比我想象中軟身好多，完全唔洗花牙力去撕爛佢，我地兩個都揀onion salt，基本上唔洗額外加調味，已經啱啱好，我冇多點醬，因為旁邊嘅醬味道反而偏淡，有d湯嘅感覺。另外美中不足嘅係感覺牛扒嘅“一體感”唔夠強，感覺舊扒中間d脂肪位、筋位較多，彷彿將舊扒分開咗做幾部分咁講到鋸扒，不得不提佢呢把刀啦，玩味十足，我見身邊嘅客人嗰個第一眼見到，都會忍唔住攞上手把玩一番，