La Moo Moo' s Steak and Fries (已改名) 查看

慕名而來，聽到話有用斧頭嚟鋸扒嘅餐廳 ，今次終於搵到嚟呢度，上到呢個氣氛都好靚。玻璃器皿做，設計裝修，坐低感覺都好有高級享受，再加埋個火爐形態嘅牆壁，淨係氣氛都感覺好似冬天去咗外國一樣， 呢度淨買一個餐，呢個餐8安士牛扒，加埋前菜沙律，再加杯咖啡，呢個餐已經係好豐富。沙律嚟到上碟，真係有一般嘅水準，食落啲菜新鮮沙律醬， 一入口真係醒胃。主菜嘅牛扒嚟到，真係有驚喜，我就要過五成熟，朋友要咗七成熟，睇落都非常有睇頭 ， 用斧頭刀，刀薄鋒利，據一片先，刀鋒細膩，完全唔使用力，就砌到牛扒，薄薄一片都可以，果然係名副其實，斧頭鋸牛扒 ，醬汁依然係咁惹味，我哋叫嘅係，黑椒汁微辣香口，薯條任食可以再叫，呢個都個賣點，我個肚就食唔到第二輪啦。杯咖啡一樣係可口色香味俱全，淨係飲杯咖啡都要40幾蚊。值得一試!再試!

聽說La Moo Moo's Steak and Fries充滿澳洲風味，本應年頭已報名去澳洲旅行，因疫情下暫時未能出發， 只有等下啦，好開心朋友介紹話呢間有點澳洲風情，雖然是18樓，當坐下又有音樂襯托，一啲都唔似上樓囉，好舒服啊！環境佈置好似去了外國呢！有一個大電視機像火爐很特別，侍應生男女也是外國人，要講英文的，真的去了外國咁。😁😁特別全日套餐都是食牛嘅！餐包甜甜味配肉桂醬和牛油令味道更正，沙律還有四分一隻流心蛋配搭好特別， 薯條還可添加呢！(本人覺得其實份量係夠不用添加)牛主角嚟啦！8OZ Premium USDA Ribeye Steak黑安格斯肉眼牛扒配黑椒汁(七成熟) 好大塊牛啊！外貌有格仔煎得好香肉汁絕對juicy好淋好有牛香味。另一特別係用斧頭刀鋸扒嘅，一切落 去超順呀！把斧頭刀鋸牛肉話都無咁快。爽爽！再配埋杯咖啡，又有音樂襯托好浪漫好享受啊！

灣仔高樓下的午餐，仼食薯條的賣點，只有牛扒一道菜的賣點，看看吧。好友經常帶我找好吃的餐廳。牛扒唔似平時個啲咁厚實係薄身嘅手扒，煎到個表面有啲燒烤烙印，色澤係褐啡色，切開見到粉粉嫩嫩嘅顏色，都算幾多汁，配埋佢個醬汁仲好香濃添，薯條都係多脆同埋乾身，好怕係好油膩個啲薯條，所以仼食都幾好嫁。另外， 估佢唔到lunch 都咁多人係渡食嘢，真係好似爆埸，所以建議訂個位先去，服務都幾周到成日幫你加水，同埋問你要唔要薯條。

年中灣仔新開了一間全日只供應一個餐牛排店 自家製餐包+凱撒沙律 + 8oz Premium USDA Ribeye Steak + free flow黃金脆薯條都只係$298 今日終於約到朋友一齊去食 入到去餐廳店員會比份wine list 之後問你幾成熟及配什麼醬汁(我選擇了黑椒汁 朋友選擇了蘑菇汁)點餐後不久店員遞上了自家製餐包跟凱撒沙律 麵包烘得金黃色帶暖 附上牛油跟肉桂牛油 肉桂牛油很特別坊間很少機會見到 味道甜甜帶肉桂香味想不到凱撒沙律的羅馬生菜好新鮮爽脆 沙律面頭還有溏心蛋 吃完不久那即點即煎的肉眼扒中上枱配上幼身脆口的薯條 一啖粉嫩牛扒一啖薯條好滿足 記住薯條是任食的！！！

男友想食高質素牛扒，聽朋友介紹呢間獨沽一味賣 $298 牛扒餐，質素唔錯，一於去試試。套餐包餐包、沙律、牛扒拼薯條（薯條可無限任添）。餐包柔軟、溫暖有麵粉香，分別有牛油同 caramel供客人塗 ，一款包兩種食法，正！至於沙律就正常發揮啦，最特別是配上好嫩的熟蛋。牛扒有三種汁可供選擇，我選了black pepper sauce。主菜牛扒我叫了medium，肉質鮮、食落有牛香，有咬口而不硬，食得出是用了高質素的牛扒，配合 pepper sauce，令人一口接一口。薯條則是新鮮炸起，香脆又熱辣辣，令人一條接一條。食完又可以再添。餐廳食物質素不錯，環境都幾好，新裝修，如果套餐包一杯飲料便完美了。

今日放假，去咗灣仔約舊同學去咗Moo Moo’s Steak and Fries 到鋸扒。餐廳裝修好靚，係一間好有特色嘅扒房。餐牌只一款餐$298有包、有沙律、有肉眼，有薯條，如果想飲酒或者其他飲品都可以喺drinks menu到揾到，或者加$69要加house white 或者house red，價錢都好合理沙律好大份餐包好香，好軟棉棉主菜係薯條，脆卜卜，幼幼地，好好味。牛扒係8安士嘅肉眼，煎得好好，好有肉味，肉質都軟😋

之前睇相都覺得呢度把刀好得意所以放早都要嚟試吓可能因為6點前要清場嘅關係我哋4點幾嚟到都無人我哋就係唯一嘅一枱😂其實都唔太需要揀食咩只係需要決定塊扒幾成熟就得把刀真係好得意🤣餐包好好食！我諗係我食過咁多間餐廳入面呢間啲餐包真係數一數二好食烘得好脆，但唔會好乾，而且甜甜哋沙律開胃，配上整得好流心嘅流心蛋嚟到主菜，可能自己本身都唔太食好熟嘅牛叫Medium都略嫌有啲太熟下次可以試吓Medium rare牛味重薯條可以refill新鮮嘅幼薯條真係正

係灣仔食晚餐既選擇都幾多，今晚揀左呢間樓上主打食扒既。.餐廳細細間但氣氛情調都幾好，岩情侶/朋友黎食飯。.供應既菜式就係唯一$298 自家製鬆軟餐包、新鮮凱撒沙律、8安士美國特級肉眼牛扒 以及 無限添加薯條。.最特色既就係用斧頭切扒，又真係好好切，推一下就將牛扒切開！鍾意既朋友仲可以以$200買番屋企用！.肉眼牛扒我叫左Medium，切開後中間既肉呈粉紅色剛剛好。肉質林而juicy且充滿了油脂香，以呢個價錢黎講性價比都高。.炸到好香脆既幼薯條越食越多，食到7788時店員會主動問使唔使添加。.叫左杯Mocktail 飲，係Lychee Lemon Cooler $60好清新既一個Mocktail，以荔枝既甜蜜去中和新鮮檸檬汁既酸味，好配合食紅肉同炸薯條。

從那天開始我就沒有愛你的衝動從得知你偷食的那天我也心死了.有些因果不是不報是時辰未到我從來也不介意你生活如何因為從我離開後我知道你少了位愛你的人而我只是把垃圾回收在垃圾桶沒有對錯也沒有不開心這般的惡耗消失過再出現真的想說 天啊 你可以放過我了我真的不想跟他有仼何關係.這天跟DD 來到了灣仔鋸鋸扒，記得大熱一時的仼食薯條，店內只有一道菜是沒錯是只有這道牛扒，你只要選擇熟度便可以。一道價錢包前菜沙律，餐包，主菜。餐包配上肉桂醬汁，把平凡轉為不平凡，DD 還吃過不停。沙律配上流心蛋更添滋味。我點了三成熟，牛扒是薄身的那種，香煎過兩面帶上些烙印，牛肉頗重牛味，肉質嫩身，不會太韌身，最重要是他的醬汁，濃郁不會太鹹配著牛扒吃味道剛剛好。任食的薯條也不是一般貨色，是幼身的薯條，香脆乾身不油膩。沒有點任何飲品。.你人生只是徘徊在後悔的階段當你找到仼何替代的枕邊人也一樣她只會承受著你不愛她只愛前度的階段而你以為她不同 能被你馴服跟綿羊般但錯了，綿羊總有天看穿牧羊人的詭計.

有日睇完飲食節目撩起條癮，勁想食牛扒😂一同男朋友講佢就take action帶左我黎尼間餐廳🤤一入到去燈光昏暗，有個假壁爐幾有情調🥰仲有個bar位望到調酒師尼度Menu係冇menu😮😂清一色全部人食一樣嘅嘢，會有前菜一份沙律、主菜: 牛扒，同薯條任食🤤侍應貼心問我地會唔會唔食得牛，可以改做豬🐖/前菜跟個包好好食，烤到鬆軟香口凱撒沙律加溏心蛋，好新鮮而且份量同調味適中G&T加左香檳幾特別, moo moo margarita比較甜岩女仔飲/食完前菜之後冇耐就上主菜有3款汁: pepper, chilly pepper, onion👌🏻我個人覺得chilly pepper比較特別，但其實唔點汁都夠味叫左medium rare岩岩好，牛肉淋滑，亦有烤過嘅香味整體來講係食牛扒嘅好選擇，薯條冇食晒都飽了，滿足🥰

難得出街食飯當然要搵啲好嘢食啦今日午餐嚟到呢間位於灣仔軒尼詩道Moo Moo’s餐廳只有一個套餐可以揀$298包括餐包 沙律 牛扒 薯條任食你只需要揀牛扒嘅生熟度就可以餐包配兩款唔同嘅牛油🥖原味同玉桂味玉桂味好有特色不妨一試羅馬生菜沙律🥗生菜新鮮 調味唔錯加入左大量麵包粒 Bacon配上¼隻流心蛋牛扒揀咗medium rare🐮雖然係薄切但係都幾大塊下肉味香濃有三款醬汁可以揀薯條用鴨油去炸🍟炸得十分之香脆而且仲可以任食每位加完一後要$330性價比都唔太高偶然食一餐都可以🤨

今次良咗呢間隱世嘅牛扒餐廳，真係好好食好特別 ，性價比都幾高， 唔使300蚊就已經有包，沙律超，大塊牛扒， 仲有任食嘅薯條 ，保證一定飽！ 個包都整得好好味，特別鍾意佢嘅cinnamon醬汁，配埋呢個充滿牛油香味包真係唔錯。 個沙律都幾大碗，好清新好fresh。主菜就係牛扒，可以話係煮得好淋身，個牛扒佢可以鎖住啲肉汁， 而出面呢煎得好香 ，好有牛嘅香味，脂肪比例都幾好。 份量好慷慨，我平時都好大食，都差啲食唔曬。 另外亦都好欣賞佢嘅薯條 ，都算炸得好脆，每條薯條嘅鹽份啱啱好，連牛扒一齊食可以中和牛嘅油膩 ，亦都可以大增我嘅胃口，真係整得好出色。 呢度環境亦都非常唔錯，一路食住晚餐都可以一路望住個虛擬火爐嚟食， 亦都好啱情侶嚟撐枱腳，因為每枱都有蠟燭燈營造個浪漫氣氛， 今次晚餐真係好滿意！

朋友介紹咗呢間餐廳，係專係食牛扒，我就決定呢試下究竟係咪真係咁好味。餐牌方面基本上係劃一一個餐牌，298蚊包咁多野，價錢合唔合唔合理就取決於佢嘅質素。佢個包係一早煎香咗，令到個包嘅口感好脆，配埋軟熟嘅牛油一齊食好滿足。另外沙律方面都好鍾意，上面嘅蛋係半生熟，個蛋黃啱啱好質感。另外佢沙律上面加埋啲煙肉一齊食，增加咗佢嘅口感。牛扒一上菜就見到色澤好靚 ，賣相都好吸引，大大增加我嘅食慾。 另外一切落去就知道佢一啲都唔軔，應該好易咬。 我呢個嘅熟度唔夠5成，內層嫩紅色嘅色澤真係好誘人。 特別鍾意佢畀咗三隻醬汁我哋揀，可以按自己的口味選擇黎食。紅椒醬有些微辣，但係呢個醬汁平時好少見，而且配牛黎食都好特別。洋蔥汁真係煮得好出色，平時我個人嚟講都唔係好鍾意食洋蔥，但係呢個洋蔥汁真係好香口 ，配埋牛黎食都未到意想不到地夾。 仲有黑椒汁添！ 呢三款醬汁絕對睇得出好用心同埋投放時間落，好值得欣賞。 呢度環境好浪漫，都幾多外國人嚟呢度食 ，非常relaxing。

話說疫情大流行, 相信好多人都好久沒有旅行。最近, 有點掛念英國的地道扒房, 無意中, 朋友推介了這一家!於是我和女朋友兩人前行, 這裡請注意, 需要訂位, 我當天去的時候, 全場爆滿, 而且限時用謄!為免摸門釘, 切記訂座!餐廳只有一道套餐, 正好, 解決了我們的選擇困難症!先來一道自家製的麵包, 個人認為比outback 的更出色!前菜是一道很惹味的沙拉!然後主菜是8Oz 肉眼扒, 我們們都選擇了5成熟配黑椒汁, 絕對是煎得超美味!首先唔會overcook, 而且扒的質數絕不是濫竽充數, 不會有筋!最後薯條是地道的外國幼薯條, 而且可以無限refill我和女友各點了一杯house red, 質數還可以。整體而言, 這裡味道絕對是超值, 價錢也只是$298 加一不過有數點要注意1. 很多外國人, 有點嘈2. 要訂座3. 要說英文不過我相信要拍拖的話, 這是一個好地方!!

灣仔食好野，平日工作甘辛苦，星期六食好點 獎勵自己一下吧！La Moo Moo’s steak and fries 好評不斷，同友人訂位子食！全日只有一款套餐，是沙律，餐包，烤牛扒和薯條！客人只要選擇牛扒的生熟成度 即可！岩晒我選擇困難症！沙律先上，有流心蛋加上新鮮的生菜，酸酸的沙律醬 不會太多，食完好開胃 酸咪咪的，好refresh!餐包是烤到脆 加上熱度 加分不少，仲有2款sauce 是牛油同肉桂醬。 好好食！我選了medium, 即是5成熟。一大塊的 份量是不在客氣切下去肉汁流出，加上黑椒汁 ，肉質嫩滑！是烤得剛好，充滿油脂和嫩滑！加上pink salt,更加好食！是高級扒房的味道！環境坐得舒服 沒有嘈吵的人聲，是跟友人談天的好地方！