La Moo Moo' s Steak and Fries (已改名) 查看

Unique modern twist on the traditional "Steak Frites"..香港貴為美食天堂，扒房多不勝數，唯獨灣仔呢間扒房卻貴精不貴多，只提供一款給客人享用，質素一定有水準才屹立不倒吧。今次趁住有週末有時間，當然要跟朋友來享用一頓高質Prime。.8oz Premium USDA Ribeye Steak $298Homemade Bread RollGarden Fresh Romaine SaladsFree Flow Crispy Golden Fries.一個套餐已經超級豐富😍，Salad🥗 用上羅馬生菜，新鮮爽脆 爽甜多汁；餐包🍞 亦一點都不馬虎，預先烘至金黃香脆，牛油亦配有2款，其中Cinnamon🖤 獨有香味，更是令我一試愛上，淡淡香甜，愛上了。.主食重量級Prime🥩，質素真的很不錯‼️ 煎封既牛扒帶點點焦香，肉質保持Juicy，實而不韌滿有牛香亦鮮嫩，優質食材簡簡用海鹽調味已經很可以了。Free flow 薯條🍟，亦炸至香脆不油膩，新鮮薯味 隨意添加，涼了亦能保持脆度。..整體食物質素很高，而且服務亦很好喔，值得一試。..××××××

很久沒來此餐廳，以前餐廳名是moo moo改左La Moo Moo 's Steak and Fries 喜歡這餐廳雖然小，但很寧靜，裝修很浪漫很適合慶祝 今天因為朋友生日所以想起這餐廳過來 選了靠窗位置當然吃餐廳招牌美國肉眼朳又厚又多汁，套餐$298 沙律+餐飽+主菜 完全美式菜式，服務員都是外國人 凱撒沙律 食材新鮮爽口 有少量芝士，半熟蛋，羅馬生菜，麵包粒安全衛生 簡單一隻白碟配襯餐包和其他餐廳不同，包中心師傅烤過，脆脆的金黃色塗上特別焦糖牛油，對很特別呢！餐廳特色牛油完全不甜，淡淡牛油味，多了份焦糖香氣，令一切甜美起來 最喜歡這裡牛扒有咬口，沒有多餘醃製完美新鮮大大件直接烤熟中間位粉紅色嫩嫩入口充滿牛肉味道這種健康血腥享受 現在多了午餐選擇，可能沒晚市新增黑松露意大利粉漢堡熱狗三文治套餐有沙律，湯和甜品 $98 在這樣環境來說很經濟套餐。

估唔到呢度星期六日都有午餐，最平$98，好抵！不過我都係想試佢哋主打嘅steak餐$298!套餐包沙律、包及薯條。唔包飲品，要飲品就要散叫。當中加$69可配house wine red/white . 薯條係任食，雖然本身份量都已經好多😂 沙律大大份，有蛋，菜爽口😊 牛扒簡簡單單，肉質食落有點急凍味，調味要做好一啲。一個人食一定夠飽，唔夠都可以瘋狂加薯條🍟😂餐廳唔算大，但環境靜靜地，幾舒服。價錢唔算貴～～

有時想食牛扒會想食得好啲，環境坐得舒服啲。灣仔星期六日唔多人，所以就會揀呢一區。牛扒餐首先就會有沙律🥗沙律菜新鮮，有麵包糠，而且仲有沙律醬。然後就到麵包。麵包有烘過，所以個底脆脆地，而且仲有牛油及肉桂醬。牛扒叫咗medium rare，煮出嚟比起平時食開號基本上都非常之生。牛扒係厚身，都有肉味。薯條係食完可以再添，如果鍾意食薯條就正！套餐唔包飲品所以要另外叫。水都要收費架～所以揀其他飲品就相對地抵。

新一年第一餐出去嘅午餐梗係要食得豐富啲！於是就揀左依間樓上嘅西餐，餐廳唔大但環境裝修都幾靚，可以舒舒服服咁傾吓計。依到有個lamoomoo signature嘅扒餐！$298包餐包、沙律、80oz Rib eye steak，仲有free flow fries，鐘意食薯條嘅我真係好興奮！好鐘意依到把刀，好特別，原來仲有得買添。野食方面餐包同沙律就正常水準啦，但塊肉眼扒就好嫩滑多汁，牛味都唔差，就咁加少少鹽就算唔加汁都好夠味。薯條係有幼薯條嚟嘅，幾脆！任食真係幾開心另外都有lunch menu！叫左個black truffle cream pasta($98)，本身覺得有啲葱好奇怪但原來同松露味都幾夾！依間西餐質素唔差，慢慢坐低嘆番餐係唔錯嘅！

今日同朋友黎灣仔西餐廳扒房lunch.餐廳裝修高級，係咁靚既環境，Set lunch 都算好抵，都係98蚊，加多30蚊有沙律有餐湯。覺得幾吸引既地方，就係薯條，即叫即炸，我好鐘意食薯條，食得好滿足。仲見到隔離枱兩個小朋友，一見薯條上枱開心到成個彈起，真係好搞笑。我就叫左La Moo Moo's burger，漢堡味道不錯，塊牛大大塊，裹面既洋葱整得幾甜，唔食洋葱既我，一啖咬落去整體感覺好好。濃濃既粟米湯都推介飲。叫左杯mocktail lychee lemon cooler，感覺清新。餐廳算大，但都好快坐滿，好彩我地早黎啫。Set lunch 仲跟餐飯。

餐廳位於18樓全層，靠近窗邊更有一排座位可以俯瞰街景，餐廳格調相當高雅，吧檯的另一邊盡頭是一部播放著火爐的電視，很有聖誕氣氛。除了各式酒類飲品及少量甜品外，餐牌上主要有一款$298的套餐，套餐包括了餐包、沙律、8安士肉眼牛扒及無限量供應的薯條。牛扒刀賣相特別，形狀就好像我們中式的菜刀一樣，不過是 Mini 版，要玩弄在股掌之間需要一段時間去習慣。自家製餐包鬆軟綿密，上枱的時候還有微溫，除了基本的牛油外，還有比較特別的自家製肉桂牛油，馥郁醇香，味道獨特。跟餐的沙律是凱撒沙律，濃稠的凱撒沙律醬配以新鮮的羅馬生菜，面頭還有四份之一隻流心蛋作畫龍點睛之效，美妙。燒豬肋骨，雖然這裏的招牌菜是牛扒，但我見伴侶已經點了一客，就不想跟她一模一樣，可以有多一個款式一起品嚐一下，燒豬肋骨亦都不負所望，肉質軟嫩多汁，外層燒得微微焦脆，配合經典的美式燒烤醬，絕對不會給牛扒比下去。配菜有炸薯條和椰菜蘿蔔絲，炸薯條可以說是這裏的第二名物，炸得香脆之餘亦相當乾身，完全不會有油膩的感覺，椰菜蘿蔔絲配上柚子酸醋，異常開胃。埋單每人只是三百多元，便能在如斯環境下鋸個靚扒，絕對是物超所值。

今年因為疫情，都少左好多出街食好西。經過介紹後，呢間 La Moo Moo's steak ＆ Fries 係朋友極力堆介佢地既牛扒餐。 一入到餐廳，好用心既聖誕佈置，而我個人就最鐘意電子屏幕版既火爐，看上去仲幾有真實感！頭盤有Garden Fresh Romaine Salad 沙律菜新鮮爽甜，麵包粒係有香草係入面，每粒都好脆好香口。個自制麵包被烘過，有輕微脆口配上少有既玉桂醬，好特別。8oz Premium USDA Ribeye Steak 做得好好燒過既Rose Mary放係牛扒面，令牛扒除咗肉香，仲有rose mary既香上菜既時候有陣陣既香草煙薰味，以味奪人🤣 今次叫左7成熟，做到封鎖肉汁既效果而個紅椒汁食得出係用新鮮紅椒打醬而成，好香紅椒味。

今日去開香港島，之前聽朋友介紹一間灣仔嘅餐廳，食牛扒同薯條，就決定咗同老婆過嚟試吓，我哋大概12:00到，間餐廳嘅面積唔算好大，坐到大約30人到，侍應服務態度非常好，餐牌有分set lunch同埋牛扒薯條，其實個set lunch都好吸引，選擇好多，仲要薯條任叫，都係$98，但係由於本人好鍾意食牛所以我哋買咗兩份牛扒薯條，個餐包跟左兩款牛油，一個係普通牛油，一個係肉桂牛油，沙律，牛扒可以揀幾多成熟，麵包超鬆軟，牛扒我叫咗五成熟，個牛扒一啲都唔韌，個汁有得俾你揀紅椒，黑椒或者洋蔥，我揀咗黑椒汁，薯條都炸得非常香，一句講晒，呢間餐廳我會再嚟過，絕對唔會令你失望！

今日女朋友帶左我黎灣仔呢間La Moo Moo's Steak and Fries　慶祝生日，呢間餐廳佈置都好有心思，聖誕氣氛十足，電視機仲持續播放住炭火暖爐嘅畫面，冬日感覺出晒黎。首先出場嘅係餐包，餐包經烘製後外脆內軟，而包內側預先烘至脆口，相當少有，塗抹牛油後更香氣四溢。沙律好新鮮餐湯口感相當creamy8oz肉眼很厚，肉筋和肥肉非常少，較易消化，咬起來非常有口感，五成熟嘅深紅牛肉酥軟，汁濃味厚。漢堡中間有大大塊蕃茄。漢堡肉質肉質鮮嫩多汁薯條可以無限量添加，店員仲會主動問你需唔需要，就算比較怕醜都唔驚。Espresso Martin 調得相當出色，咖啡味同酒精嘅辛辣調配得恰到好處。最後就係一件芝士蛋糕作結，餅底有淡淡嘅肉桂味。

新一年第一餐出街食，食好D，同朋友去了灣仔嘅La moo moo's 鋸扒，超級滿足。餐廳嘅佈置有外國氣氛，好岩節日慶祝。👍餐廳除左$298的 signature set ，宜家仲多左lunch set menu， 每款都是98元。我想食扒所以點了$298既set，十分豐富，包餐飲，homemade bread roll， 新鮮羅馬生菜沙律，任食薯條，同8安士premium USDA 肉眼扒。餐包已經好好味😍烘得外脆內軟。沙律菜夠新鮮爽脆，任食嘅幼身薯條，即叫即炸非常香脆，食完仲可以添。 肉眼扒好高質，肉質上乘，油脂豐富，果然係招牌菜👍最後來個new york cheesecake，估吾到甜品都做得甘好，滿足曬我所有願望。

今日同朋友去灣仔行街，去OpenRice睇一睇見到呢間餐廳好似唔錯咁😋 雖然呢間餐廳主打牛扒，但因為朋友話中午食牛扒冇咩氣氛🤣於是我哋就叫咗午市套餐！Caesar Salad (+$30)沙律菜好新鮮，配合凱撒沙律醬食落好開胃🤤，表面灑上大量芝士粉，加埋好香脆嘅麵包粒，令沙律味道更加豐富同有層次🥳🥳Garden Salad with lemon vinaigrette (+$30)沙律菜都係好新鮮，加埋酸酸甜甜嘅檸檬醋，令到成個沙律味道更加清新，食完之後好開胃呀！係一個好好嘅前菜😋Soup of The Day是日餐湯係粟米忌廉湯，湯嘅質感都幾濃稠，湯內有好多粟米，面頭仲有啲蔥花，都幾好飲🥳不過飲完已經有少少漏🤣La Moo Moo’s Burger （$98）漢堡好大個好足料😍😍 包皮烘得好香，漢堡扒肉味香濃，如果juicy啲一定仲正🤤 芝士呈半溶狀態，真係超邪惡呀😈 加埋香香甜甜嘅洋蔥汁，完全令漢堡扒嘅味道更上一層樓！個薯條十分驚喜🥳係我最鍾意嘅幼身薯條，口感香脆，薯條新鮮炸起，上碟仲係熱辣辣，即使隔咗一段時間，依然能夠保持到個口感🥰抵讚😋！而且仲可以無限refill添！Black

來到灣仔，食咩好呢？朋友带我去了這一家餐廳～位於灣仔軒尼詩道239號18樓 嘅La Moo Moo' s Steak and Fries.環境好靚，好溫馨，坐窗口位可以望街景，真開心。呢個牛扒餐有埋餐包，沙律，8oz Premium USDA Ribeye Steak 及薯條，五成熟見到小小血色，食落啱啱好，唔韌又juicy另一個餐係Sandwich餐，有松露醬，蛋黄醬及洋葱還有芝士令到牛柳片更添滋味，口感極豐富，好特别，而且價錢好平，只是98蚊嘅一個餐。餐後甜品本想揀紅籮卜蛋糕，但賣哂，揀咗賣相靚靚嘅紐約芝士蛋糕同樣好味。

嚟到2021年，新一年新開始，梗係要食返餐好㗎啦，今日再嚟到呢間灣仔好有格調嘅西餐廳，据塊靚扒先好彩有訂枱，所以有窗邊位坐，唔係就要等位本身以為呢度剩係得牛扒餐，原來都有午市套餐，價錢都係$100左右，非常抵食我哋就叫咗份牛扒餐，有埋凱撒沙律同埋自家製嘅麵包沙律菜非常爽甜，超級新鮮，我哋仲叫咗杯酒慶祝新嘅一年，espresso martini$98 超易入口，死啦，我驚飲得多會醉咗午餐有包餐湯，呢個係忌廉粟米湯，質地係非常creamy ，仲有好多粟米粒朋友就叫咗個漢堡包餐，留意番呢度嘅薯條係任食㗎，實食得飽，薯條好幼身，但係勁脆，就算凍咗，都依然咁脆我嘅八安士牛扒終於到啦，終於知點解把刀係好似斧頭形狀，同平時啲刀有啲唔同，因為塊牛扒實在係好厚身，唔用咁大把刀有點開餐呢五成熟嘅牛扒帶點紅色最後仲叫咗個甜品添呢度嘅紐約芝士餅係一啲都唔實的的，所以食完個正餐實食得落個甜品

聖誕節又點可以唔食聖誕大餐不過今年就轉左食lunch老公好浪漫帶我去食西餐呢度氣氛好好，加上今日好天陽光曬入黎好warm除左有Steak and Fries仲有set lunch ,薯條無限添食都只係$98但係我哋都係牛魔王所以叫咗Steak and Fries個餐有home made麵包，沙律， 8安士肉眼扒，薯條無限添食 $298Home made麵包好鬆軟，我鐘意食佢嘅肉桂牛油，好香呀我地order左Medium rare，生熟到剛剛好，Juicy得黎又好有口感，牛味香濃，配埋個黑椒汁好正，仲有紅椒汁同洋蔥汁選擇其實甜品都好想試，不過今日太飽了，留待下次