La Moo Moo' s Steak and Fries (已改名) 查看

有時想食牛扒會想食得好啲，環境坐得舒服啲。灣仔星期六日唔多人，所以就會揀呢一區。牛扒餐首先就會有沙律🥗沙律菜新鮮，有麵包糠，而且仲有沙律醬。然後就到麵包。麵包有烘過，所以個底脆脆地，而且仲有牛油及肉桂醬。牛扒叫咗medium rare，煮出嚟比起平時食開號基本上都非常之生。牛扒係厚身，都有肉味。薯條係食完可以再添，如果鍾意食薯條就正！套餐唔包飲品所以要另外叫。水都要收費架～所以揀其他飲品就相對地抵。