La Moo Moo' s Steak and Fries (已改名) 查看

今日去開香港島，之前聽朋友介紹一間灣仔嘅餐廳，食牛扒同薯條，就決定咗同老婆過嚟試吓，我哋大概12:00到，間餐廳嘅面積唔算好大，坐到大約30人到，侍應服務態度非常好，餐牌有分set lunch同埋牛扒薯條，其實個set lunch都好吸引，選擇好多，仲要薯條任叫，都係$98，但係由於本人好鍾意食牛所以我哋買咗兩份牛扒薯條，個餐包跟左兩款牛油，一個係普通牛油，一個係肉桂牛油，沙律，牛扒可以揀幾多成熟，麵包超鬆軟，牛扒我叫咗五成熟，個牛扒一啲都唔韌，個汁有得俾你揀紅椒，黑椒或者洋蔥，我揀咗黑椒汁，薯條都炸得非常香，一句講晒，呢間餐廳我會再嚟過，絕對唔會令你失望！