La Moo Moo' s Steak and Fries (已改名) 查看

同事見到OpenRice 有coupon 買，$80 當$100 用就買左啲再帶我地食好野😋😋地方唔太大但環境都好舒適，lunch time 時間全場爆滿，仲有少量人門外輪候。由於只有兩個待應帶位，落單，送菜連收錢，工作量咁大，所以要原諒佢地會慢啲啲。每個lunch set +$30 就有是日餐湯同沙律，我地去當日就南瓜湯，好濃南瓜味，但有少量好硬既肉，估計近皮位置Set lunch 有4 個選擇。由於我同另一同事唔食牛，四個餐都有齊黑松露意粉和式熱狗牛扒三文治🥪牛肉漢堡四個餐都賣相精美，我就食熱狗餐，薯條個人較喜歡粗薯條多啲，不過主食都好唔錯😋😋

今日同男朋友週年紀念搵咗間靚餐廳同佢燭光晚餐～餐廳環境浪漫有情調酒櫃牆同埋『火爐』裝飾更顯格調今晚我哋叫咗個「Dinner set $328／each」「Starter：Soup」先來嘅係今日嘅餐湯－蘆筍湯蘆筍味道鮮美，濃稠度適中「Starter：Home-made Bread Roll served with Cinnamon Butter」麵包同玉桂味牛油都係自家製搽落麵包度食有少少蘋果批嘅味道哈哈「Starter：Caesar Salad」「Main：BBQ Baby Back Pork Ribs」烤得好嘅Ribs一切落去就知道輕輕一切便即骨肉分離，同時肉質略帶輕微濕潤加上表面甜甜的燒烤醬整個豬肋骨配合得非常美味！而旁邊嘅薯條炸得金黃色，熱辣辣食完一條又一條最後我哋因為太飽，所以無叫甜品～喜歡甜品嘅朋友可以額外+「Dessert $59」總括而言，呢度食物同環境氣氛屬中上水平非常適合約朋友或伴侶嚟共進晚餐～

超級難食，希望大家睇到呢個食評懸崖勒馬，唔明點解咁多正評沙律湯餐包都一般，質素同去港式扒房冇分別，主菜直頭災難級Ribeye叫medium，overcooked變左at least medium well to well done，叫waitress過嚟仲話medium就係咁？？what???咁樣亂噏都得，服務態度真係一流Bbq Pork back rib直頭食到雪味，囗感似煲湯肉，難食到嘔Free flow fries十足十M記薯條。咁嘅價錢質素，中大伏。勸大家食outback好過，完

同朋友收工想食扒，見到介紹呢間la moo moo唔錯，就過黎食下。set menu好豐富，淨係前菜已經有3樣野。餐湯係青豆忌廉湯，豆蓉粒粒口感之餘帶清新味道。凱撒沙律味道唔錯，除左新鮮羅馬生菜之外，加上麵包脆粒、糖心蛋同香濃芝士，讓人開胃。餐廳提供一把斧頭形狀刀切扒，幾有趣。紐西蘭10安士肉眼牛扒 (whole set 328)牛扒係招牌菜必食的，五成熟剛剛好，粉嫩且肉汁juicy。配菜雖然係薯條，但味道非常好，金黃脆口，充滿鹹香。而且重係任食，好飽肚。

La Moo Moo’s Steak & Fries. 超級好食牛扒！上星期過咗灣仔食午餐 估唔到非常之有驚喜話說我哋都有段時間無食吓西餐一入到餐廳已經覺得好舒服 點好咗餐 好快就有嘢食粟米湯好香濃 有好多粟米粒粒 好好飲沙律ge菜都好新鮮 好少調味料都好好食 令我哋好享受然後嚟ge就係2款主菜啦手撕豬肉漢堡 好好味 佢哋用咗軟淋淋ge包 再配合香氣撲鼻ge BBQ醬同手撕豬肉 好夾好好食！仲有蕃薯片 同薯條都幾好食呀 大滿足之後就係果塊香噴噴 肉香四射ge牛扒 我哋要咗5成熟淨係賣相已經令人流晒口水 切開佢之後係更加吸引咬落去有血有肉 真係超級超級正！呢餐真係食得好開心！超級滿足！🐻💚🫕🥗🍔🥩

上個禮拜日午餐時間黎到呢間好出名食牛扒嘅米芝蓮餐廳🍴Lunch Menu 包括沙律、湯同一個主菜。🥗沙律菜沒有如一般食開嘅加沙律醬，只是加入芝士同半熟蛋，更覺清新！🥣餐湯喺粟米湯撒上蔥花，湯裏還有粟米蓉，清甜之餘還帶口感！主菜嘅牛肉包非常有驚喜！辣牛肉碎同芝士嘅組合非常惹味，配合表面焗至脆口，更塗上牛油的麵包，味道豐富至極！𑁍𑁍來到整餐最期待嘅Ribeye Steak, 拿捏剛好的5成熟，憑輕易地切下去的手感便能得知。肉汁隨著切開之際流下；肉質鮮美而且極之嫩口，而且表面帶濃厚炭香味！食完久久依然回味！薯條仲要喺任fill 嫁😋

La Moo Moo最大特色是只供應一款牛扒餐 牛扒是手掌般大的8oz美國名牌1855黑安格斯肉眼牛扒 是USDA的最高等級Prime Grade 以油花細密 肉味濃郁聞名 以專屬斧頭刀鋸扒十分過癮🥩.這次點了五成熟的牛扒 火喉剛剛好 牛扒切開後呈嫩粉紅 外層煎至微微焦香 內裡肉質軟腍且鮮嫩多汁 簡單地灑上海鹽及黑椒已令到味道加以昇華🤤.此外這裡的餐包是自家製作 烘得香脆內軟 牛油幼滑更帶點淡淡玉桂香氣 任食薯條是即點即炸 口感香脆帶鹹香 餐廳樓底高且景觀開揚 裝潢典雅有格調 愛吃牛扒和薯條的朋友切勿錯過😈

今日來到銅鑼灣看電影，入場前先去吃個午餐。這家在附近灣仔的樓上西餐店 La moomoo' steak amd fries 是出名專吃美味牛扒的，於是我和朋友上來一嚐。餐廳環境有格調，座位舒適，有落地玻璃，開揚光猛。餐廳出了新餐單，有多款較便宜的lunch set,每個餐$90左右，另外還有full set lunch 的貴一點的套餐，包湯，沙律，牛扒等。Fresh Caesar Salad配有半隻滑溜的溏心蛋，沙律菜新鮮爽脆，口感清新，芝士粉味道香濃而份量多，烤麵包粒香脆可口。Soup黑椒薯仔蔥粒清湯，口感較清甜，爽滑香甜而不膩，黑椒味較惹味，蔥粒增加其鮮味。Home Made Bread Roll餐包溫暖軟稔，味道香甜，有原味牛油和自家特製的玉桂牛油，香濃惹味，玉桂味很突出，和麵包很配搭。Chimichurri Grilled Chicken烤雞配炸薯條和香辣醬，烤雞烤得剛好熟，肉質十分嫩滑鮮甜，肉汁充沛，烤得入味，咬下令人覺得驚喜。雞皮烤得惹味而香脆，帶有香濃炭燒味。香辣醬頗辣，麻而美味，很適合用雞肉點來吃，增添雞肉的鮮味。薯條即叫即炸，香脆可口，薯仔味香甜。

聽人講灣仔La Moo Moo嘅牛扒性價比高，呢日就去咗同女友試下。餐廳燈光比想象中更昏暗浪漫，menu都要打燈先睇到呢！ 餐廳獨沽一味，晚市只有一款套餐，每人$328，已經包咗是日餐湯、自家製餐包、凱撒沙律及主菜連任食薯條。 凱撒沙律菜好新鮮，口感鬆脆，加埋香脆嘅麵包粒，開胃清新！ 是日餐湯有粟米湯，我自己好鍾意佢有好多粟米渣口感，味道香甜，口感又豐富。 餐包新鮮即整，趁熱食非常軟熟，肉桂牛油一定要試下，好香肉桂味，同餐包味道好夾！ 主菜原先係諗住食牛，但嚟到見到隔離枱嘅豬肋骨好吸引，就決定食豬，哈哈！ Full Rack BBQ Baby Back Ribs份量十足，一個人食真係非常飽足。豬肋骨肉質軟腍，燒烤場惹味香濃，配搭脆卜卜嘅薯條，真係非常邪惡，令人完全食唔停口！薯條係幼身薯條，炸得香口，不過中間部份就唔夠軟綿。雖然如此，我都忍唔住再encore咗一輪。店員非常殷勤，不停問我哋仲需唔需要添，服務好好！

好耐無出街撐枱腳啦！呢日同老公去LA MOO MOO鋸扒，餐廳燈光昏暗，甚有情調。晚市只提供一款套餐（$328/位），包主菜、是日餐湯、自家製麵包、凱撒沙律及任食薯條。主菜有六款選擇，不過一場來到，我哋都係決定點招牌嘅Ribeye Steak！Caesar Salad凱撒沙律清新爽脆，係開胃清新嘅頭盤。Home-made Bread Roll Served with Our Famous Cinnamon Butter餐包上枱時微暖，口感鬆軟，招牌肉桂牛油真係好食，帶有淡淡肉桂香，令餐包生色不少！Soup of the Day是日餐湯係粟米湯，粟米味道香甜濃郁，而且食嘅時候仲有好多粟米粒，口感豐富！Signature 10oz Premium NZ Ribeye Steak紐西蘭肉眼扒肉質軟嫩，肉汁豐盈，肉味亦算重！可惜伴碟嘅薯碟就比較幼身，中間薯仔部分較少，亦唔夠脆口，口感略為遜色。整體性價比頗高，牛扒質素唔錯，最鍾意食佢嘅homemade bread！值得一讚嘅係外籍店員服務殷勤友善，主動性強，坐得舒服！

如果想搵間餐廳chill下，呢間西餐廳都唔錯，環境幾靚又有feel，有種燭光晚餐既感覺。叫左兩個dinner set，$328 per person。麵包自家製，口感鬆軟，配上玉桂醬同牛油，香味更佳。signature 10oz premium NZ ribeye steak叫左5成熟，牛扒非常厚身，咬落肉汁甚多，軟熟得黎帶點嚼勁，點紅椒醬更惹味。full rack BBQ baby back ribs豬肋骨外皮燒得帶焦香，肉質軟腍入味，BBQ醬帶甜辣香味，頗開胃又唔太膩。薯條雖幼身但炸得香脆，讓人食唔停口。

牛魔王又出動，今次去左位於灣仔軒尼詩道既上樓扒房据扒，聽聞呢間人氣扒房高質之餘，薯條仲係free flow𠻹，未食先興奮上到去比我想像中細，可能晚市既關係，餐廳會將燈光調暗，對於foodie黎講真係皺一皺眉，因為真係好黑好難影相影得靚，晚市佢得set menu提供，甜品再額外加錢，亦都有多款酒可供選擇Rose Sangria見唔到d生果粒有少少失望，不過用黎做餐前酒都不錯Starter忌廉粟米湯 & Caesar saladMainSignature 10oz Premium NZ Ribeye steak我揀左medium，洋蔥汁，都grill得好香，熟度稍微熟左d，但可以接受，10oz份量都唔少，佢把mini chopper真係好可愛，但其實唔係好好切🤣Free flow薯條係幼薯，係我favourite，新鮮炸起外脆內軟，好好食Full Rack BBQ Baby Back Rib豬肋骨都幾大份，食落都幾嫩，BBQ醬好入味，不錯肉類同薯條都幾高質，雖然呢度食物款式選擇唔多，但有時唔洗左揀右揀都係一件事

星期六一覺醒來，肚子咕咕的響，想吃牛扒又想瘋狂食薯條，於是便來了這間La Moo Moo's Steak and Fries 大快朵頤。店內開揚寬敞，採光度十足，令人寫意。甜餐包在點餐後不久，侍應便捧來餐前甜餐包，並配上牛油及肉桂牛油各一塊，微暖的餐包很容易便把牛油吸收，令味道更為軟滑。凱撒沙律蔬菜都很新鮮清甜，蒜蓉多士粒烘得香脆，灑上粒粒芝士，味道提昇了一個層次。餐湯這裡的餐湯做得很特別，不像一般的忌廉湯的口感，湯較為流質，灑上蔥花及蛋白絲更能吊出清甜味。Signature 10oz Premium NZ Ribeye Steak餐廳採用了美國1855黑安格斯肉眼牛扒，是US Prime 的等級，肉質香濃，肉汁鮮嫩，燒到外皮帶點微脆，薯條更加是free flow 的，即叫即炸，香脆可口至極。

今次去的扒房環境一流，燈光氣氛裝修都好好，雖然今次係同朋友食飯，但這裡都幾適合情侶燭光晚餐，慶祝特別節日。/Home-made Bread Roll🌟個包好軟熟，烤完又熱又脆皮，驚飽都忍唔住食哂佢。/Fresh Caesar Salad🌟麵包糠好卜卜脆，生菜非常之新鮮，仲有配流心蛋就知個沙律好比心機。/Corn soup🌟忌廉粟米湯非常濃郁，而且幾大碗，飲哂已經有有少少飽。/Signature 10oz Premium NZ Ribeye Steak🌟餐廳推薦的紐西蘭肉眼扒，選擇了medium rare， 冇overcook，肉質軟稔得黎唔會話一切好多血水，而且夠哂厚，質素幾高。/Free Flow Crispy Golden Fries🌟餐廳其中一個特色係任食薯條！十分之脆，所以都忍唔住加左黎食，佢冇調味，可以按自己口味加鹽同黑胡椒調味。/Rose Sangria🌟味道幾香有果味，酒味都算濃，而且裝飾幾靚。

本身好鍾意食牛扒，聽朋友介紹la Moo Moo’s 的牛扒好好食，而且仲有薯條任食，所以就同朋友一齊嚟食晚餐。Corn soup是日餐湯corn soup，每一啖都好足料，有好香的粟米味，麵包沾湯吸滿湯汁食好好味。Fresh Caesar Salad有新鮮生菜、脆麵包粒，仲有流心蛋，用左 Parmesan Cheese調味，少少鹹岩岩好。Home made bread roll餐包中間切開左之後微微烘過，食落去更加香口，仲有牛油同玉桂醬可以搽，食落又甜又香。Full Rack BBQ Baby Back Ribs豬肋骨的份量好足，真係完整一條骨，用豬肋骨醬燒完甜甜酸酸好好食。Signature 10oz Premium NZ Ribeye Steak去到la moo moo必食的牛扒，一人份量10oz一定夠哂飽，牛扒生熟度岩岩好，配埋黑椒汁調味好夾。