La Casa Chilean Oyster Bar (已結業)

男友生日, 當然要揀間好o既餐廳叫埋三五知己一齊慶祝啦. 我去過呢間餐廳幾次, 雖然價格高, 但品質好令人滿意 生蠔拼盆 : 好鮮味, 男友最鍾意食Gillardeau, 雖然過左最肥美o既季節, 仍不失海水味同爽口肉質. 另外我地拼左南非蠔, 竟然又唔錯喎, 都好爽口, o岩我地口味. 馬介休雪魚燉蛋配多士 : 雖然話叫做燉蛋, 但係個質感似醬, 所以配多士OK, 些少馬介休香味又唔鹹, 魚肉增加口感層次, 唔錯. 帶子海膽刺身配秘製醬汁 + 椰菜花奶凍 : 朋友話椰菜花奶凍夠香滑, 反而我個人幾鍾意個帶子海膽既秘製醬汁, 微酸, 好開胃. 蘋果雜菜沙律配乳酪醬及煙鱔片 : 雖然男友唔喜愛乳酪醬, 但係各位一致認為煙鱔片唔錯. 炸物, 蟹肉薯仔丸, 酥皮牛油果蝦卷 : 蟹肉雖然豐富, 但係有D油膩, 要改良; 牛油果蝦卷都有少少油, 不過牛油果同蝦味道幾清新. 燴牛尾配薯團 : 牛尾真係好OK, 夠味又腍. 西班牙豬扒 : 呢個無得頂, 我地咁多個都讚, 豬味香濃但唔肥, 肉質嫩滑又Juicy. 簡單用鹽同胡椒調味已經咁好味. 海鮮Risotto配蕃茄汁 : 原本菜單呢個飯跟忌

晚上九時多突然想食蠔, 打電話到餐廳問下, 好彩有位又趕到 Last Order.整左個新招牌, 幾 Sharp.例牌蠔盆, 除左我食開既 Gillardeau, 最近新寵 St Michel, 今次試左 Namibia. Namibia 都好爽口, 不過試黎試去, 我始終最鍾意法國蠔, 重金屬O岩我.魚羊 晚餐既魚, 我知係好魚, 因為真係游水斑仔, 配藍青口底同茄汁. 我以為咁煮會O徙左D青口, 原來青口既海水味對呢個菜有好大作用. 魚羊 晚餐既羊, 賣相一流啦! 羊肉又香又嫩又 Juicy.甜品係梳乎里, 見到咁大舊已經夠開心, 入口真係皮脆裡滑.

小弟第一次寫食評~寫得唔好唔好見怪~openrice見到呢間野食評唔錯所以試下由於爸爸生日我比火焰雪山吸引到所以揀左呢間餐廳餐廳較細~由於先前訂左枱所以去到就有位~冷拼盤揀左2樣野~400蚊~還可以接受~但生蠔一般~大蝦天使麵一般~只有2隻蝦~$2xx唔記得左呢個咩魚~唔錯~煎得好香口~$2xx落單個侍應姐姐唔知聽唔到定唔記得左我order左個鴨肝定點.問佢先知漏單所以等左一排先黎...鴨肝另有麵包茶上去~煎得好好!呢個最好味!入口即融!$150最後的甜品火焰雪山!由於訂位時已經訂左!所以餐廳已經幫我寫左字上去!還不錯~但我好似見到師傅用o既雪糕係牛奶公司...餐廳都好貼心~見我影相影唔切幫我點多2次火等我影到為止~入面有個雪糕球同心太軟~$120總括黎講我覺得還可以~只係d野食黎得好慢...好似食法國餐咁...一樣食完第2樣野都等好耐先上...可以一試!最好就係唔洗收加一!

小弟最愛吃生蠔，老婆大人便上openrice找了這間店並預訂了位，因為金鐘地鐵轉車太多人，攪到我地遲到８分鐘，但員工還有留位給我們，一上座小弟便問了當日有什麼生蠔供應，有點失望是員工在八月還推薦法國及英國生蠔，此時應該只食南半球，那會吃北半球的生蠔，最後小弟點了２隻南非生蠔及３隻澳洲的Coffin bay及１隻South Pacific，主菜方面，小弟點了羊架，而老婆點了豬扒，生蠔不錯，但和一田超級市場的質數差不多，實在無需要刻意到大坑食，在此不評論太多。主菜在吃完生蠔後一小時才煮好，沒有點前菜及吃生蠔的老婆超肚餓，如果有興趣來試的朋友，必須叫前菜，唔係好難頂，因為太苦悶，就留意下個廚房，相信係細牌，所以沒有明火，全部用電（有一個打邊爐的gas爐），不知這是否煮得慢的原因。說真的兩份主菜味道真的不錯，比小弟常去的Baby blue好，但價錢就貴太多了，甜品亦是不錯，比一般的甜品店好太多了。如果大家比較富有，可以一試。

左揀右揀, 最終選了這間位於大坑的小店子, 渡過我倆的＋二週年 小妹不好酒, 但在這浪漫氣氛下, 要求 waiter 介紹一杯白酒配海鮮 是夜的海鮮拼盤＋分豐富, 我們 order 的是 small size, 包括六款自選生蠔, 其中的Gillardeau 令人回味 ( 這款每隻要另加二＋元 ), 那個用中國酒浸的醉鮑魚很入味, 與白酒同吃, 一中一西 ~ 絕配 還不及那隻法國小龍蝦, 半透白色蝦肉混和鮮甜無比的蝦膏, 好想ENCORE ! 額外送的 sea whglk 也很新鮮, 臨走時見鄰枱的 cherry stone 都好正, 下次一定要試 !很軟滑美味, 見到那黃油嗎 ?未夠喉, 冒住超標也要吃小妹至愛, 外脆內軟 到main course, 一早預訂及confirm 了的quail, 又係有鵝肝, yummy ! 肉質很嫩 .這個羊真的很滑, 很滑, 要試 !吃吧這個流心心太軟, 很滿足 店子雖然很細小, 我倆反而覺得很舒服寫意 !

今次第二次再光臨這間餐廳， 帶了個好友一齊去。朋友話 店子環境舒適境不錯。我地叫了兩個 set lunch,我 要了個蠔湯 ,友人則要了魚湯。蠔味不錯， 魚湯亦相當岀味。刻意叫了個芝士蒜蓉飽，可惜油多蒜味不太夠 。主菜 要了自選鮮茄意粉，一個跟雜菇，一個跟牛舌。友人都非常讚 。甜品我地要了兩客心太軟。我那個跟了個雪糕，非常滿足，只是。。。個心太軟不太鬆脆，有待改善。星期六坐無虛席，好彩我預早訂位。La Casa 果然都有點名氣。最後我倆各要了 檸茶 檸水完結午餐。本來想一試火焰雪山，可惜要早一天預訂，留待下一次再試吧！

每一年我都會跟這位好友互相慶祝生日! 剛好今年是好友的last single birthday，我們不約而同的，心中好像暗暗約定好般, 唏! 大家今年的生日，都要吃得豪一點啊~ 呵呵~生蠔和鵝肝是我跟好友的最愛~♥♥♥La Casa 果然沒有選錯!! 吃得痛快!! 非常圓滿的一餐~

寫開大坑既餐廳，寫埋呢到先。係團年飯，因為人數所限，團年飯只可以係西餐同日餐兩者中選擇，今年就揀左西餐。見呢間la casa最近有唔少好評，就黎呢到食虎年既團年飯。先要海鮮拼盤，俾師傅發板，係幾鮮，不過食完呢set拼盤，無話對邊款係特別有印象或者想再encore。入正題，先要cesar salad，食完只可以講dressing 多d會更好。今日想要湯，要個南瓜忌廉湯，湯夠creamy，不過無咩南瓜味，睇顏色都略知一二，友人既蠔湯，小試一口，蠔味不錯，比我個南瓜忌廉更好。跟個芝士蒜蓉飽，芝士味幾輕手，蒜蓉落得均勻，熱烘烘，沒有難食既道理。主菜要個鵝肝牛柳，鵝肝幾大塊，面頭煎得未算脆，不過入口溶化，充滿油脂，算是不錯。牛柳要medium，不過一切開至少都係medium well，不過幾腍幾鮮嫩。另一款主菜係黑啤雞，雞嫩滑美味，不過唔係好食到黑啤味。伴碟個薯蓉真係好蓉，同埋好cream，食到尾有d膩，不過係好味的。主菜有side dish，要個risotto，夠Creamy夠黏身，很不錯。一貫大坑小店風格，得幾張枱不過一位哥仔都可以攪掂哂，服務不錯，食物也OK，整體不錯。

沙律Gillardeau 好肥美爽口又有海水味露筍 ... 清淡的口味, 食落好嫩.蝸牛 ... 滋味 ... 嚐起來一流烤豬腿 ... 皮脆肉柔嫩嫩鱸魚 ... 伴菜的焗薯十分粉嫩吸引一個滿足的新年飯

very fresh oyster - gigas, white pearl, gillardeau, fine de claire, st michel. we ordered an oyster platter (12 oysters + 2 complimentary sea snails). we encored a half dozen oyster platter. the waiter was nice to offer if we later decided to have another half a dozen of oysters, he would change combine the two orders as a full oysters platter on the bill.Grilled ox tongue - very tender and taste like 午餐肉. Only 6 slides but rather tasty.Clams in white wine sauce - taste was ok but the clams are

生蠔 Gillardeau 好肥美爽口鮮甜又有海水味. 白酒煑蜆好香好惹味, 蜆肉＋分鮮味. 露筍西蘭花清淡的口味, 唔咸略淡. 女朋友點了鱸魚, 魚都可以煮到皮脆肉嫩, 非常出色.鵝肝牛柳, 鵝肝真係好香, 牛柳7成熟剛剛好, 肉質鮮美.好美好的一餐, 由簡簡單單的飯後果作結.

話說四位相貌娟好但極愛喪食之女子，上場食完民聲後，雖然已飽到想嘔，但冇甜野落肚總覺得有所欠缺；為咗要令個肚重拾空間裝甜品，一行四人決定響大坑行大運，行咗幾廿個圈後，個胃終於有返位放甜品喇!!! 哈!! 哈哈哈哈~~!!我地心儀既，就係甜魔會長yan推介的la casa...四人早響未食正餐時，己對此店之心太軟及creme brulee 虎視眈眈!! (特別某兩位份屬青山之女子)接近三時入店，剛好有四人枱，就叫它四客甜品吧!! 一人一客，不多，不多~~~嘿~!!!這兒的心太軟的確不錯; 首先份量不會太少, 雪糕球又夠大 (嘿嘿~) 正好符合甜魔門的要求. 甫切開, 朱古力漿如泉湧, 朱古力漿味道濃郁, 配雲尼拿雪糕一流!! 外層的朱古力蛋糕也夠鬆軟, 最外邊烤焗的香味, 配上裏面濕滑鬆軟口感+ 濃味朱古力漿+味道還不錯的雲尼拿雪糕, 非常美味!!creme brulee 也很好, 焦糖面清脆，基本功夫完全合格；裏面的燉蛋則滑溜富蛋香，質感順滑，一流也要了APPLE CRUMBLE一試. 面層的金寶富牛油香, 烤得又夠鬆化; 裏面的蘋果餡甜度適中, 肉桂的份量也剛好. (我這肉桂愛好者其

大坑已成為美食小館的集中地，無聊地逛逛小巷，發現了La Casa，外觀上像一家里昂的Bouchon，La Casa採用open kitchen，廚房很小，十分聰明地他們主打海鮮生食及冷盤加上各樣慢煮菜式。我們只有兩個人，看到他們小生蠔吧上有世界各地的靚生蠔，先由老闆娘推介來一個生蠔海鮮拼盤，一直覺得生蠔不只是法國Belon好吃，今晚的是Scottish Bay最出色。太太喜歡洋葱湯，她還是覺得agnes b的洋葱湯更正宗。試嘗了他們的慢煮鵪鶉slow cooked quail配意大利飯，鵪鶉肉嫰多汁，雖說跟Cepage的同一款菜式仍有一段距離，但小店收的價錢也十分親民和合理，沒有假期去歐洲，也可以來La Casa度一個價廉物美的晚餐假期！

上週六天晴氣清，最適合外遊拍照了；相約靚女友人前往虎豹別墅影相前，三人先於大坑吃個悠閒午餐。之前到訪大坑都是夜晚，原來日間的大坑寧靜安詳，眾多清靜小餐室吸引非常，還好一早收集了食友的意見，縮窄了選擇範圍才不致頭痛!最終與友人選了京街的La Casa，那是小小一片店，午餐選擇都以粉筆版寫在店外；店內以紅色為主題，醒目但卻不眩目，兩小排餐椅上排滿咕臣，既有家的感覺又帶點異國情懷，是坐得幾舒服的。午餐選擇共有十款之多，我們選了其中三份一起分享，而開餐前先就享用蒜茸包籃，麵包是剛剛烘熱出來的，香口熱暖美味，而且份量也甚為慷慨，每人都有兩大片，吃得滿足。之後來到是日餐湯--雜菜清湯，飲著只覺清甜清新，相當美味，結果三女生都將之喝得一乾二淨!然後三款主菜也上檯了，最先上場是Carbonara(58)，用上較幼身的意粉，煮得稍為稔身，忌廉味與蛋味均不太濃，吃來是很homemade的感覺；切得細碎的洋蔥粒及煎至香脆的煙肉則是加分位，加上廉宜收費，也是收貨有餘了。接著上檯為是日精選的燒豬仔骨($88)，成品共有五大條骨，肉質算鬆化，調味中茄汁偏重以致口味較清甜，整體水準是可以的，無驚也無喜；反而伴菜的焗

因為火焰雪山心太軟, 在之前的頌揚局已經想來一試, 但那天沒有位子, 等到星期六的下午, 終能夠順利來到這店.已經吃了午餐, 來到這裡, 只為吃甜品, 就叫兩個甜品分吃.火焰雪山心太軟 $120: 8分, 火焰雪山吃過, 心太軟更是到不少地方的指定動作, 兩者同吃又如何? 這裡的招牌甜品, 就是把這兩款甜品結合在一起. 外層是火焰雪山, 心太軟就藏在入面. 點上酒的一刻, 效果是幾靚的. 這個火焰雪山, 外層的蛋白幾香, 酒味適中. 入面個心變成心太軟, 或許這樣說, 好像是把原個心太軟移植入去火焰雪山度. 相信大家也知道, 心太軟一定要夠熱先能夠做到冷熱交纏的感覺. 但火焰雪山就已經把心太軟的熱度降低了, 再加上心太軟入面的雪糕, 出來的效果是有點溫溫吞吞. 心太軟本身的流度中等, 朱古力幾濃烈, 但外層的質感一般. 最重要的問題, 是覺得兩種甜品其實不太能夠拼合在一起, 誠意是可嘉, 火焰雪山同心太軟各自的表現也幾好, 但就像雙特, 分開是更好的選擇. 下次再來, 或許都係剩吃心太軟更佳. 不過, 喜愛甜品的, 還是應該來一試.原味疏乎里 $55: 9分, 揀了原味的疏乎里, 賣相