kikusan

營業中

休息中

今日幸好有朋友排隊攞位，所以都可以食到一向午餐時間大排長龍嘅kikusan，我呢個魚生怪當然叫個魚生飯啦！魚生有三文魚，油甘，甜蝦，蟹子，三文魚子，吞拿，多款刺身都非常新鮮肥美，除咗有魚生外，面頭灑上天婦羅炸漿脆脆，食啖啖肉刺身時又咬到脆卜卜脆漿，非常配合！另外呢個kikusan roll 真係要推介！$68食到大大行海膽再加充滿油脂嘅拖羅碎，仲有粒粒新鮮飽滿嘅三文魚子，配上芝麻香，的確十分美味。呢個kikusan 卷果然比足料唔怪得成日條龍都咁長啦！

之前同朋友試過呢間餐廳一次, 今日帶另一位朋友黎。 Kikusan 卷係必定order 性價比好高嘅超級推介！ 價值$68, 份量唔少, 上面嘅海膽同吞拿魚蓉亦好新鮮！ 友人驚見價值後, 決定再來多一客！！！好~滿~足~呀！帶子壽司都好鮮甜。壽司拼盤係懶人嘅好選擇, 有6件, 差唔多每件都唔同嘅。待應不時加暖水, 好貼心燒物選揀左煙肉露筍串同雞翼。 雞翼味道ok, 但好似乾左啲。不過, 淨係為左個Kikusan 卷都值得再光臨！！！

Kikusan是Landmark炙手可熱的餐廳，這已是早有耳聞的事情了。既然餐廳不提供訂位服務的話，那就只能早早來排隊了～還沒到12點，就已經有這麼多人在排隊了～一到12點，等位的人越來越多。所幸，餐廳的安排也頗利索，大概10-15分鐘就被安排入座了，同時也被告知用餐時間只有60分鐘。餐廳環境不錯，就是有點吵雜，聊天都要很用力很大聲方可聽到對方所說。快速瀏覽了menu之後，便下了單。很快，食物就被逐一送上了。千層豬扒擔擔拉麵看到很多人都點這款，我們也跟著點了。果不其然，挺impressed的，豬扒的炸粉夠薄，豬扒也不是普通的塊狀，是名副其實的千層肉呀! 湯底濃郁，辣度剛好，刺激了一下悶熱天氣的胃口。拉麵幼細，容易吸收湯汁。面層灑了炒香的白芝麻，當眞是香辣可口。牛油果冷豆腐吃完香辣可口的千層豬扒擔擔麵，這款牛油果冷豆腐便被送上了。牛油果和凍豆腐向來是很match的，恰好這份的牛油果成熟度剛好，吃著很清爽，也解了剛才的辣。Kikusan RollKikusan Roll可算是熱門菜式的榜首了。賣相不會一板一眼，海膽和魚子的質素不錯，吞拿魚蓉則被直接比下去了，也可能是我本來對吞拿魚感覺就一般

食品質素就高，環境舒適。而且價錢合理。在中環區真的少有。推薦大家來一試。午飯時間真的大排長龍，大家最好1230前來到。或者130後。否則只好排外賣吧。食品基本上所有都好好味，兩個人，可再點一款小食分享。四人點3份等。。。牛油果豆腐，小龍包都是推介的。主菜，豬肉湯咖哩飯，天婦羅飯，雲呑膽膽麵等都一流選擇。如果喜歡食生野，魚生飯，或海膽卷都好好味。他的更有外賣選擇，但都要排長龍丫。。只因好味。。。。。。

近近地行咗去試呢間個個都話中價高質嘅fusion菜12點去到已經排長龍，等咗10分鐘...有位啦！入到去原來入面好多位嘅...又係做生意手法太多選擇...但得兩個人，咁就試吓大家一致好評嘅幾樣菜色先，睇吓有冇言過於實：Kikusan卷 — 上枱賣相好好👍🏻海膽非常新鮮，creamy得嚟帶少少海水味，唔太咸，同即開嚟食果D有八成相似。吞那魚就冇乜特別...件碟嘅魚子...夾埋一齊食😋正。炸千層豬扒擔擔面 — 點解豬扒分開上呀？😞淋咗囉...D麵都略嫌over cooked... 唔夠彈牙...不過湯底夠味救返少少個麵。小籠包 — 夠熱、皮簿、多湯、肉冇雪味、咸淡適中👍🏻👍🏻壽司拼盤 — 壽司飯都ok，唔散又唔太酸，最鍾意個炙燒芝士甜🦐係中環以呢個價錢食飽飽...算係性價比高...應該會再度幫襯

Kikusan roll：想必是本餐廳的名物，的確，上面的海膽和三文魚子令本菜性價比很高。雖然不會是頂級魚生，值得一提的是拖羅蓉入口嫩也不腥，很適合兩人晚餐當前菜。千層豬扒擔擔麵，豚角野菜咖哩：這兩個菜是可以估計的味道，單純的蠻好吃，擔擔面有應有辣後勁，還有不少的花生碎粒。咖哩的汁用一個大湯碗奉上，汁也比較惹味偏辣，似乎fusion的煮法拋開了日本咖哩一向的甜味呢。在高壓的中環用膳，我雖然已經不會期望有很舒適寫意的環境，但是侍應的態度卻很叫我失望。我知道，平常上班的壓力很大，可能有很多無理取鬧的客人喚東喚西，人流量多，無論服務態度如何都無法影響生意，所以虎視眈眈收走餐盤，抹桌子無視我收拾個人物件的手，禮貌的提出轉桌子的要求被嗆等等，合理嗎？順帶一提商場禮賓部的規矩可能是看到亞洲人面孔也要說英文...有心看到這裡的讀者（謝謝您）可能誤會了我很生氣，但是在香港的上班地區，如果這是常態，然後因為我不是坐美麗餐廳的有錢人，因為這個是我們日常生活中根本無法避免的事情，令我沒有資格抱怨的話，我真的沒有什麼東西可以說的～那大家就可以盡情享受這裡的食物，因為實話實說的話，也挺好吃的。

去中環食晚飯好難搵到平靚正嘅地方，仲要近地鐵站，打風落雨都唔使驚，仲要唔難有位（lunch 除外，打蛇餅到後樓梯），呢間係好選擇。之前兩次分別係星期四同六來，人唔算多今次第一次星期五來，6點幾來已經話8點交枱，都照食。叫咗幾款食物1. Kikusan 卷推介，幾十蚊嘅卷有吞拿魚海膽三文魚子，雖然份量唔算大，但睇賣相都已經抵哂，好味2. 雲吞擔擔麵擔擔麵夠辣夠爽，雲吞就一般3.煎韮菜餃估唔到咁大隻，同意料之外幾juicy ，好食4. 牛油果豆腐一般，牛油果可以多啲更佳，鋪唔哂豆腐，唔知點同個friend 分啲牛油果結果差唔多8點半先趕我地走，禮拜五晚係比較多人除番開每人$140，水準又唔錯，其實係好抵食

中環打工仔如果想要節儉一點，就要到茶餐廳和快餐店跟其他人摩肩接腫的匆匆地吃飽就逃。Kikusan雖然比快餐店略貴，但以環境、服務和質素而言，其性價比絕對冠絕中環。更重要的是這𥚃有不少素食，就算和同事一起午飯也不需要他們特別遷就。煎素餃子是每次都一定會吃的。先是賣相吸引，新鮮煎好熱騰騰的也叫人食指大動。薄薄的餃子皮裹著滿滿的韭菜，連同灑在上面的香䓤一併吞下，十分美味。平時在其他餐廳吃的擔擔麵多數都加有肉碎，這裡就以花生和菜脯取代。帶有微辣的湯底有點刺激，吃到最後舌頭更有點麻痺，卻又很過癮。麻醬冷麵最適合夏天吃，附有炸豆腐和天婦羅，味道稍稍清淡一點，和擔擔面形成鮮明對比。以價格和味道來說，擔擔麵略勝一籌，加上煎素餃子已經是大滿足。素食友善指數：4分Encore指數：5分

好難得喺Landmark都搵到便靚正嘅好嘢食，梗係要第一時間好嘢share。誤打誤撞入咗嚟，見裝修格調都幾唔錯咁，啲嘢應該好得。時間尚早，嚟食飯嘅人都唔算多，可以好清淨舒服咁食飯。見店名叫Kikusan，唔好以為係食日本嘢，睇咗輪menu先知原來係食fusion嘢。 - 千層豬扒擔擔拉麵（$72）先試咗啖湯底，有啲辣辣哋，好香麻油味又唔油；夾咗嚿豬扒食，雖然浸咗喺啲湯度，但咬落去仲係脆卜卜，肉質鮮嫩多汁，好惹味；連麵都好fusion，用咗拉麵，好特別，有另一番風味。 - 豚肉小籠包（$48）新鮮熱辣，小籠包一定要趁熱食。細細啖咬，吮咗啲湯汁，ummm .... 成啖精華 .... 小籠包皮薄餡靚，啲湯汁吮曬，但係啲豚肉食落都仲係好juicy，唔會乾爭爭，好味。 - 炸雞親子飯（$58）睇到都流曬口水而且份量好足。勁多香蔥，平時唔太鍾意食嘅我，今日居然破例，將佢全部撈勻喺飯度，令到碗飯生色不少；炸雞真係炸到脆卜卜，係咬落去可以聽到聲嘅嗰種脆，雞肉又係鮮嫩多汁；啲蛋大概五成熟到，勁嫩勁滑漏，連飯一齊食，哩個價錢食到咁有質素嘅嘢，簡直係超值。 - 西柚蘇打（$28）

FUSION菜好岩同成班同事去食, 因為唔洗就來就去, 大家都可以揀到想食ge野。呢間餐廳位於中環LANDMARK, 返工食LUNCH好方便, 所以今日就約左幾個同事一齊去食。去到見到好多人排隊, 但係餐廳好大, 所以只係排左大約15分鐘左右, 都可以接受。我叫左個壽司拼盤, $108, 覺得質素OK, 但係份量少左D另外嗌左份豚肉小籠包, 皮薄, 肉都好新鮮, 成隻擺落口都唔會太熱 (當然有人會覺得應該熱到滾先好食啦)但係侍應冇俾匙羹我地...食小籠包好唔方便...雖然等位唔耐但送餐就等得耐, 我地差D以為漏單。至於朋友食左個炸雞親子飯, 覺得味道好淡, 呢D希望可以改善一下!但整體來講, 以呢個價錢係中環食LUNCH, 環境同食物我覺得都係唔錯ge, 應該間中都會再食!

與很久沒見既友人相聚晚餐,於前一天預訂了位置,餐廳表示晚餐開始時間為6:15p.m.,會留位10分鐘.我和友人當天大概6:20p.m. 到達, 看到已有好幾枱客已入座,環境唔算好嘈,睇左之前既食評話似foodcourt,有啲擔心傾唔到計,話哂咁耐無見嘛友人表示剛剛與同事afternoon tea,所以我地唔係叫好多野,只係叫左個小籠包,kimusan卷物同千層豬扒擔擔麵.小籠包皮簿肉嫩,但唔係好夠熱,普普通通,價格$48/4粒 可以接受啦~而kikusan卷 有呑拿魚,海膽, 飛魚子,味道不錯,唔腥嘅~$68 都抵食,但唔好期望係好新鮮既海膽而千層豬扒擔擔麵$72,豬扒厚肉鬆化,係有驚喜既~ 而湯底微辣都幾嘢味~略嫌麵太少,唔可以同人share,食左afternoon tea 都要一人一碗先夠暖肚!

多得老闆介紹，這次是第3次來Kikusan喇。位於Landmark地庫的Kikusan由之前一間高級日本料理餐㕔改建而成，有很多座位，坐得舒服，價格相宜，係約朋友lunch 的好地方。Lunch set種類多元化，有魚生飯 、卷物、豬扒飯、擔擔麵等。千層豬扒擔擔麵（＄68）－ 豬扒炸得鬆化，內裡的肉真是一層層的，配上傳統上海擔擔麵，中日fusion 又幾夾喎。之前試過的吉列千層豬扒飯（＄68) 、紅油抄手（＄48)和野菜天婦羅豆腐冷烏冬配芝蔴汁（＄88)都很不錯唯獨今次點的Kikusan卷 （＄68）唔得，賣相好靚，但海膽和魚子都很腥。。吃一半已吃不下去整體來說，性價比挺高，熱食做得不錯，但需留意魚生是否新鮮。

夜晚好難響中環搵平野食，我都唔係好熟呢頭D路，今日朋友介紹食呢間Kikusan，$100一個飯連小籠包搞掂，店舖裝修得唔錯，比起一般快餐高級少少，位都幾闊落唔迫，不過叫野食要等下，同埋附近個廁所好似開到8點，所以想去廁所都幾麻煩下，不過味道都唔錯，醫肚餓而且唔洗迫快餐等位，我覺得呢個會係一個幾好的選擇，不過就唔洗太高級，餐牌有壽司同酒類，見到其他食客的壽司賣相都唔錯，不過冇咩錢就冇叫到，8點至9點幾都仲做生意，好彩有得食。

Surprise to take have this tea set at landmark. With just higher price than fast food shop, kikusan serves better food, more choice and better environment.The set was dan dan noodle served with sake chicken and drinks (they got the cha chan tang drinks, like lemon tea and yuzu tea). The sake chicken is better than expected, just like shanghai druken chicken. Dan dan noodles were a little bit spicy.. i will say baby spicy level.Situated in the prime district area, it was not crowed during tea tim

環境舒適， 裝修好好，衛生感覺都唔錯，下午2時半後不多人。落單方面但Menu唔夠，在排遂時睇唔到食啲乜嘢，又睇唔出頭頂有個是日午餐選擇，去到落單有啲尷尬， 後面啲人等緊，要很快作出選擇，所以求其揀咗個午餐。食物方面切角魚生飯味道冇特別， 配的豉油味道一般，份量較為小，唔推介喺度食。Kikusan Roll味道好好，不用豉油都夠味，好多roll好滿足， 好值得一食🤠不過出菜時間慢，食完個Set，個Roll都未出。有點不耐煩。