KiKi麵店 (國際金融中心商場)

營業中

休息中

難得ifc開新舖，對於食lunch得好少選擇、就黎食lunch食到冇味嘅我當然要試下(中環人的悲哀😭)~都要講句試還試，網紅店、明星店通常都伏多，所以唔算太有期望里度嘅好處係可以手機㩒飛，12:20左右係手機拎飛，13:10左右成功入到(前一日12:30拎飛完全入唔到...)本著唔想思考嘅宗旨，就梗係點套餐😂$148大路中環價，開係ifc計埋舖租，價錢尚可接受🥢套餐揀左蒜泥白肉(小食)麻辣蹄花拌麵(主食)白桃烏龍(飲品)蒜泥白肉蒜味不足，面頭有類近沙茶/沙嗲味嘅醬，有啲怪🤔麵質不錯，有咬口，條條分明(好怕啲舖頭煮唔開啲麵，通常我一見到一團黏住嘅麵都已經會冇胃口)拌麵汁份量適中，不過味道亦屬平庸，豬手(蹄花)口感軟淋，微辣，為中上品~白桃烏龍清甜解膩朋友點嘅套餐揀左椒麻雞(小食)川味牛肉湯麵(主食)白桃烏龍(飲品)牛肉麵嘅牛肉好淋好入味，麵就冇試啦椒麻雞嘅雞肉處理得好好，雞皮有如水晶皮嘅質感，冇乜油膩感，係個醬同蒜泥白肉個沙茶/沙嗲醬一樣味🤨試業期間唔收加一係食就快啦，慳得一蚊得一蚊🤭

平時都鐘意係屋企自己煮kiki 撈麵，所以都想去店試一試佢。出發前半個鐘用gulu拎定飛排隊，岩岩好，去到就有位，地方不算大,都有人係門口等位。叫左個set,$148,一個小食，一個主食加杯指定野飲。我叫左一個椒麻雞小食，炸菜肉絲拌麵同白桃烏龍茶。椒麻雞一般般，食落似係花生醬味。個麵味道其實幾好，不過咩料都無，好似係茶記食$20炸菜肉絲麵咁.....。白桃烏龍茶就正常味，唔差。最後佢有個麻辣醬，呢個係好食GE。👌

和同事一起lunch，因為佢有一張$50券，所以選擇去依間餐廳。朋友話呢間鋪係新開的，12 點後會排長龍，我哋11:30去到好容易就有位我揀咗中午套餐冬菇雞粥: 雞冇味，冬菇有酸味，室溫微暖粥雞小碟：無肉，賣相也不好，只得三小件加 $18 一小碟小棠菜，只得三四小條，也是無味的非常差的一歺，又貴又唔好食一定唔會再嚟!呢篇係我第一次寫嘅食評，本來都冇諗過要寫的，但係真係太差，所以要反映一下比中環嘅白領上班族。可能呢間麵店主要係賣麵，但我揀咗粥，所以唔係佢哋嘅主打。不過都未至於差成咁，實在太差了，大家樂嘅粥俾佢還要好很多倍！

行過IFC諗住搵啲野食咁啱就見到KiKi麵店嘅poster就醒起係喎 香港分店啱啱開喎然後就行過去 又要有位喎咁冇理由唔試啫佢門口一邊有個打卡位隔離有KiKi茶 可以就咁買黎飲然後餐廳全bar枱形式裝潢簡約舒適而家試業期間仲免收服務費添題外話 剔野食個menu都好得意我又係懶嘅關係揀左$148套餐 有小食主食同KiKi茶最後揀左滷牛腱 KiKi擔擔麵野飲就揀左白桃烏龍我覺得全部野都好好味呀首先個擔擔麵 佢個麵真係無得輸呀煙韌得黎好彈牙然後有好多肉碎 好有咬口個汁又惹味喎 不過係唔夠辣啫其實我直情唔係好食到有辣味牛腱厚得黎 都算軟腍 而且好入味白桃烏龍好清新 唔太甜配番擔擔麵 好夾呀總括而言 好滿意

一路都好鍾意kiki的包裝拌面！因為好香！麵好彈牙！一路都期待ifc的kiki 拌面店！今日就試食！八點幾排左10min！之後點左一個set！148Hkd一碗川味牛肉麵+麻辣蹄花+白桃烏龍茶～先講牛肉麵！得四塊薄薄得嘅牛展！食落口沒特別！湯都係唔辣唔麻～麵條都係完全沒有彈性！湯仲家唔值得飲👎👎👎麻辣蹄花 得2塊都係一樣沒有麻辣味！淨係骨！～失敗👎👎👎白桃烏龍 無功無過～～食完之後完全唔飽，其實我覺得呢間麵舖唔知係乜嘢style！上海麵no 台灣麵又no 得個明星效應！都係麵舖我情願食隔鄰嘅翡翠拉麵小籠包！同樣價錢我會食得飽又好味！真係唔會再來！

本人於本月25號下午約2點到 貴店用餐，卻是一次非常不愉快的經驗，準確說是從來沒遇過這樣的經驗！第一次下單時，等了半小時後，食物仍未上台，眼見比我們遲下單的其他食客已經進食完畢，結帳離開，而我們仍在等候，於是向店員查詢詢問後，結果一位疑似部長過來問我們點了什麼，我們告知後，本人明白應該係當時本沒有給我們下單，這樣都不是問題，問題是過了一分鐘後，卻由另一位普通員工告訴我們，我們點的食物，貴店是日並不供應，為何在我一坐下點餐時並沒有告知呢？這我都可以不追究！唯有我再次下單，但最令人失望的是，第二次下單，我們所點的食物還是錯的，我實在不明白貴店採用的是顧客填寫食物紙下單，白紙寫字，為何還可以出錯？本人深感疑惑，作為一間知名食肆，屹立在國際金融中心商場，為什麼服務竟是如此？更讓人氣憤的是，我向經理做出投訴，但不明為何貴店經理竟用今次用餐可不用付費的處理方式，希望可以淡化事件，其實我本不是希望從中得到任何優惠，我亦不是一個用餐後不結帳的人，我完全覺得這是對本人的一種侮辱！！！！！！希望貴公司尊重每一位客人！

做左咁耐cd rom, 估唔到呢間餐廳令我的起心肝寫第一篇食評！ 以下都是今天7月25日午餐時間的經歷，綜合有以下幾點:1) 帶位員工制造排隊不公本身可以用app 或者親身去拎飛，呢個制度本身無問題。但帶位的員工卻制造了不公平的情況。話說當時二人枱叫到B2, 有人本身坐喺等位的坐位等嘅，但佢地等得太耐唔耐煩，同個帶位講，帶位就話下一張俾佢入。佢入左之後我們發現佢張飛係B7，即係話帶位Skip 左B3到B6! 雖然我的飛係比B7後，對我來說，個次序無影響，可是見到這個情況忍不住出聲，另外有其他等位的人也見到呢個情況，而且正正是B3-B6中間，於是一齊出聲。個帶位話係佢錯，跟著我地問佢點處理，佢就扮忙去做其他野，之後都一直迴避！最後等了三十多分鐘才有位。2) 食物難吃，等得耐，物非所值，仲要漏單第一份食物等了二十多分鐘才有，第一份餐來時，我同個侍應講仲有個餐未到，叫佢幫我跟，佢話好。再等多幾分鐘，仲未到，就叫個侍應check, 轉個頭覆返話漏左單，真係激死人。撇除等得耐同漏單，百幾蚊食個麵，真心唔抵，味道也不好吃，飲品就有少少偏甜3) 埋單時錯單大家埋單時一定要睇單，我張單係錯的，同佢地講

滿心歡喜見到Kiki麵係IFC開 諗住12:00上Gulu攞飛啦 攞左第一張既五人枱。到12:30都未叫，上前問，黑西裝經理好似如夢初醒咁話佢會安排，過左十五分鐘，佢地不斷入二人/三人枱，忍唔住問個經理安排成點。又唔hold枱點會安排到呀？攞住4人5人枱飛只可以乾等，望住有4個人起身走，即刻叫佢hold啦，轉頭佢就入3個人.....問佢係唔係安排唔到又話做到，攪唔掂早出聲呀！完全浪費時間。最後同一個白衫疑似高層既投訴，幾經辛苦先安排到我地五人打橫坐豬肉枱😓 一心諗住好啦落單叫野食，叫果樣冇果樣。落完單又錯，個waitress 問完又問....簡直不知所謂！食物質素？普通過普通 但貴到你唔信！唔使指意我再幫襯.......#入座安排亂#落單安排亂#教你又唔聽 聽你又唔做 做又做唔到#祝正式營業成功#食到一肚氣

係公司樓下既KiKi麵店終於開幕啦我今朝經過見開左閘諗住問下有冇得訂位點知不設預訂，到lunch time落到泥已經人頭湧湧等左十分鐘左右到我地，當然要試期待已久既蒼蠅頭拌麵。蒼蠅頭其實係豆豉炒肉碎同韮菜粒，非常惹味，加埋KiKi椒麻油，帶點麻香及辣味，一口接一口，好快清左同事叫左個胡麻棒棒雞小醋麵，係星級廚師創作，用手撕雞配自家胡麻醬，非常開胃，最適合而家天氣食！另外同同事share左個腸粉，夠熱配甜甜地既豉油，好好味！整體泥講係好食既，服務有待加強，但我地都會返轉頭