JUST'er Bar & Restaurant

營業中

休息中

今天老友在尖沙咀開工，約了我搵位食午餐。我知尖沙咀難搵食，於是提早來到，查看柯士甸道附近的餐室食館，大部份標價昂貴不適合打工仔荷包！後來行入內街，在山林道的這間西餐廳找到實惠午餐。餐廳除了有西餐外，還新出了和風西餐，價錢相當大眾化。燒汁配美國龍脷柳炒飯（$62）老友肚餓，要了炒飯。魚柳煎得香噴噴，外皮有點焦香，魚肉嫩滑。魚柳蓋著大份量的炒飯和新鮮沙律菜，炒飯乾身，拌着甜甜的燒汁很好吃。老友大贊好味，有大酒店的賣相，但價錢平了一半！爆雜菌味噌忌廉扁意粉配菇菇天婦羅（$55）我則要了一份素意粉，意粉表面有菇菇天婦羅，非常香口，意粉中也有菇菇。扁意粉掛滿味噌味的忌亷汁，口感和味道都層次，也減少忌廉汁的油膩，吃到讚不絕口！老友話今次開工賺到錢，加上中午惠顧任何主食都享有$24折扣，所以請我飲較貴的特飲。我點了牛油果奶昔，新鮮有益，味道清新，合老人家胃口。他則要了「忘了愛」（檸檬特飲），酸酸甜甜的好好飲。餐廳雖然細細，但氣氛悠閑，牆上的霓虹光管有特色，我倆一邊食飯一邊吹水，暢談甚歡。

今次出食評唔係影好多相, 原因係好好食, 忘記影, 食食下才記得要影相分享~朋友知我唔太喜歡單調嘅西餐, 但就會帶我黎依間, 就只有依間才滿足到我多多要求, 我嘅最愛:門西淋牛豬仁雞VS 蝦兵蟹將首先一提, 全部食品都係即做的, 熱辣辣上枱架~一大碟上枱, 乜都唔做住, 打卡先, 擺得隨意卻好震撼, 有率性嘅美感💪🏻💪🏻見到滿膏嘅龍蝦已經😍😍眼, 比手掌還要大啊, 肉厚兼彈牙無比, 沒有多餘嘅調味, 少許塩卻能帶出龍蝦嘅鮮甜味, 好少西式餐廳做得到呢!淨係依個已經係滿分💯之作。😋😋脆脆嘅軟壳蟹, 一定要趁熱食才脆, 食落完全唔會覺得好油膩, 好想一人獨食一隻呀仲有半隻燒雞, 起咗塊皮就已經見到雞脾位好滑溜啦, 又入味, 原來係用慢煮而成的。一流最初驚唔夠食, 就叫咗個焗多汁豬仔骨, 看似份量頗多, 哈哈, 真係好大份呀~D汁酸酸甜甜,配豬仔最啱,食多都唔覺膩👌👌之前睇OP食評, 就好想試佢地嘅啤酒薯條, 好味, 好脆, 好特別, 放耐左都仍然好脆, 唔似M記出品, 讚👍🏻

朋友特意介紹我來 Just'er 這間fusion西餐,佢話之前來過都好好食,所以帶埋我來再訪. 餐廳門面不大,是型格家酒吧式設計,一入餐廳就被那塊的霓虹燈牌"全員滿座"吸引住,甚有氣氛 🔮全麻皆雞四隻  點佢全因個名真係好鬼攪嘢！不過呢個芝麻炸雞翼確認好香口,入味之餘肉又滑,加咗炒香咗嘅芝麻再回炸,更加惹味 🔮慢煮孜然蒜香春雞拌酒醋沙律   以蒜和香草作醃料,雞肉非常入味,慢煮烤焗處理,肉質非常嫩滑,連雞胸肉位置也是juicy的,輕輕撕開,還見到雞汁流出來,而雞皮也是微脆的,上面還灑上孜然粉,這個烤雞真心好食. 🔮焗多汁猪仔骨配啤酒薯條  真的骨如其名,真係好多汁,以燒烤醬烤焗,十分惹味,肉質好鬆軟,連骨頭位也很入味,輕輕一切都已經離哂骨,即使係女仕們也不是食的很論盡. 最有驚喜竟是旁邊的口啤酒薯條,好耐都無食過咁好食嘅beer chips. 將啤酒加入炸粉漿, 略加salt and pepper, 勁脆呀！👍👍 🔮牛油果奶昔  好fresh牛油果味,只是嫌water了一點 🔮菠蘿熱情果沙冰   新鮮菠蘿果肉和汁打成,酸甜又清新

今次同朋友黎到山林道酒吧餐廳用膳餐廳提供座位約2️⃣0️⃣個左右，屬小店餐廳內好多特色燈牌，最吸睛的一定是「全院滿座」==========🔹Assorted Platter Set $445▶️門西淋牛豬仁雞 VS 蝦兵蟹將玩味十足的食物名多汁淫蝦：原隻開邊龍蝦，蝦肉雪白爽彈，鮮味十足，帶甘甜龍蝦膏龍蝦鉗已被鉗過，食起黎方便輕鬆脆炸美國魚柳：接近前臂的長度，切開魚肉雪白軟嫩炸漿厚度適中炸得香脆，調味恰到好處，雖然炸過，魚肉仍保持嫩滑濕潤慢煮蒜香春雞半隻：春雞比想像中大隻，將雞髀同雞hh分開，方便進食雞肉帶較重的孜然味道，質感細嫩肉汁豐富炸軟殼蟹：原隻軟殼蟹上，外皮炸得酥脆，蟹肉連蟹膏帶蟹鮮味啤酒薯條：做法係加入啤酒麵糊令薯條食落更酥脆醮上蛋黃醬/番茄醬都夾得來推介指數：8.5/10==========🔹玉桂桂花蘋果紅茶 $43用上接近1️⃣公升的器皿呈上，足夠幾個人分享倒出來時已聞到清香的玉桂味道飲落玉桂及蘋果味道皆突出，紅茶帶微苦，甜度不高，食完炸物用以解膩很不錯推介指數：8.5/10

Just'er Bar and restaurant 係尖沙咀玩到夜，又想食下野嘅話山林道嘅Just'er Bar and restaurant 係其中一個選擇，仲可以同朋友飲酒吹水chill下。———————————————————𝐎𝐫𝐝𝐞𝐫:⧐門西淋牛豬仁雞 VS 蝦兵蟹將($445)☻焗多汁豬仔骨、多汁淫蝦，慢煮蒜香春雞(半隻），炸軟殼蟹，套餐包羅萬啱哂貪心乜都想試下嘅為食貓，雖然個蝦名叫淫蝦，但唔淫嘅，多汁就真，仲有豬仔骨如果再加埋燒烤醬就正啦，春雞加左孜然粉去燒，所以都幾香孜然味。炸軟殼蟹，脆卜卜唔算好油膩，仲可以MeWe支持一下添。———————————————————📝評分味道⁴/ ⁶環境 ⁴/ ⁶服務 ⁴/ ⁶衛生 ⁴/ ⁶抵食 ⁴/ ⁶———————————————————📍JUST'er Bar & Restaurant 尖沙咀山林道13號地下A1-A2號舖

JUST'er Bar & Restaurant尖沙咀山林道13號地下A1-A2號舖餐廳採用全落地玻璃❤️完全可以望到街景 而呢度裝修好特別牆上掛咗好多霓虹燈 可以打卡影下相而餐廳霓虹光管標題都好有特色夜晚黎食飯一定好靚😆🎉Assorted Platter Set門西淋牛豬仁雞 VS 蝦兵蟹將呢個拼盤岩岩好 2個人餐 仲要一次過食哂海陸空🐣勁滿足🥳焗多汁豬仔骨🐽豬仔骨有啲燶左 但肉質好粉嫩 肉質軟 唔使點咬 超入味 份量都唔少 有一排豬仔骨多汁淫蝦🦞就睇下有幾淫蝦啦😂原來係焗龍蝦新鮮龍蝦好彈牙 仲要好大隻 由頭食到尾到龍蝦夾味道無過咸 岩岩好 咬入口多汁又多膏 慢煮蒜香春雞(半隻)🐣睇佢隻雞細細 點知好有驚喜第一啖食好大陣孜然味 又有啲似土匪味咁仲要呢半隻雞係可以完全鎖住肉汁雞皮好香脆 慢煮之後好入味啲雞肉好嫩滑 好好好有驚喜😍炸軟殼蟹🦀入口唔係好油 炸到脆卜卜 少少鹹鹹地咁香脆又多汁 都幾大隻可以切到一半share 啤酒薯條 炸到金黃色 好脆口 好好食😋曲奇🍪馬上瘋 一飲好多Oreo 面頭有cream 同一塊Oreo餅好濃烈既Oreo 味 好似食緊雪糕咁牛油果奶昔🥑超中意食牛油果 🥑飲

今次又嚟到尖沙咀覓食啦！呢間餐廳已經想去好耐，今次大約6點幾去到唔洗等位就入得😗餐廳位置唔多，裝修好有特色，D霓虹燈打卡一流🤩我地Order左個門西淋牛豬仁雞VS蝦兵蟹將（$445）、焦糖鮮奶咖啡（$32）同檸檬莓果梳打（$44）🙌-個主菜係個超豐富既海陸套餐，有焗多汁豬仔骨、多汁淫蝦、薯條、炸軟殼蟹同慢煮蒜香春雞🤪個豬仔骨表面焗到脆脆地，一切落去果下已經feel到D肉質好軟嫩，超Juicy既肉加埋D鹹鹹甜甜既汁好香口，食到停唔到🥳-個多汁淫蝦其實係龍蝦嚟，又新鮮又大隻，D龍蝦肉食落好爽口彈牙，味道鮮甜💕而個慢煮雞都好有驚喜，煮得好入味之餘，D肉係軟嫩到不的了，基本上一叉落去唔洗點切已經甩到骨😛-個炸軟殼蟹既炸皮唔會好厚，剛剛好，鮮味十足😍-主菜既最後一樣就係薯條，亦都係我最愛！佢係幼身個種，佢係外脆內軟，夠曬熱辣辣，而且就算唔點茄汁都已經好夠味🤣-野飲方面都幾大杯，杯莓果梳打真係有堆莓可以食，而個焦糖鮮奶咖啡奶味好濃，而且唔會話太甜❤️整體我地都覺得呢間餐廳值得encore!

最近同老公去佐敦想撐枱腳，夜晚去左山林道呢間好有味風格既餐廳，牆上掛滿霓紅燈飾，十分特別！✨全院滿座✨真係好多人😋門西淋牛豬仁雞vs蝦兵蟹將雜錦拼盤夠2人份量，總共有5款食物，用料十足🍽餸名夠晒特別✨焗多汁豬仔骨豬仔骨用燒烤醬醃味，焗到焦香味撲鼻，食落非常多汁，而且肉質嫩滑～美味可口✨多汁淫蝦中間有一隻大龍蝦🦞，叫淫蝦🤣夠晒大隻，肉質鮮嫩彈牙，最緊要係廚師已經幫我地卡碎埋啲腳位置！令我地食得好舒服又滋味！✨慢煮蒜香春雞🐔(半隻)蒜香春雞焗完後係表面灑上孜然粉，皮脆肉嫩，雞胸肉質好滑口！唔會焗到過老！✨炸軟殼蟹🦀軟殼蟹炸到脆卜卜，淡淡都係肉！味道適中✨啤酒薯條 呢個好特別～薯條炸得熱辣辣！一口放入口有輕微嘅啤酒味，真係好特別！完成唔駛茄汁！薯仔味濃郁

係尖沙咀Donki行完覺得肚餓之際行過見到有間餐廳既霓虹燈牌好靚好吸晴🥹所以決定唔理好唔好食今晚都要食佢🫢不過可能晚飯時間 我地都要等左陣先入到去入到去都忍唔住同d霓虹燈打左卡先環境真係好靚 充滿住懷舊味道😚門西淋牛豬仁雞VS蝦兵蟹將 $445由於今次食呢呢間餐廳係誤打誤撞嘅關係我地都唔係好知有咩係必食🥹見檯檯都係叫assorted platter set所以都係dum低一蚊跟機 廢事自己諗了🤪呢個餐可以係燒豬仔骨 炸魚柳 同西冷入面三揀一🤤另外仲會跟龍蝦一隻🦞炸軟殼蟹一隻 🦀慢煮春雞半隻🐥同埋啤酒薯條或者意粉二選一如果揀西冷要另外加多$40 我地今次揀左豬仔骨🐷因為成盤即整既關係 都要等耐少少先上到餐呢個餐既份量超多 裝滿哂成個木盤炸薯條同軟殼蟹好脆好香口 熱辣辣勁好食🙈龍蝦上檯果陣直頭見到出哂煙 勁juicy既樣子食落口都好有鮮味同埋好多蝦糕另外龍蝦鉗亦都會整碎咗 方便食客👍🏻燒仔骨都好滑 切開肉汁流哂出黎而個慢煮春雞係岩岩好熟既程度 d肉勁滑加上表面仲有好多孜然粉 重口味人士岩哂😈另外臨走果陣職員仲同我地講佢地而家做緊優惠消費滿$850 就送一盒$200g 既A5和牛片，價值$3

JUST’er Bar & Restaurant 位於尖沙咀山林道，餐廳不大，約有6張4人枱。一入去就被全院滿座的燈牌吸引，帶點懷舊氣氛。有三款Assorted Platter Set。分別有門西淋牛豬仁雞 VS 蝦兵蟹將 $445、Pro $575、 Promax $1680門西淋牛豬仁雞 VS 蝦兵蟹將 $445焗多汁豬仔骨/脆炸美國魚柳/美國安格斯西冷 9oz +$40（三選一 ）小編簡了焗多汁豬仔骨，燒得很香，而且又入味，肉質很淋。炸軟殼蟹一隻炸軟殼蟹，夠晒脆卜卜。可能最近食得比較清淡，小編略嫌有少少咸。多汁淫蝦其實就係龍蝦，都幾大隻，又多膏。大大舊肉😋本原是配慢煮蒜香春雞（半隻），但換了三隻炸芝麻雞翼

今日同嗰friend gathering🥰，佢介紹呢間“Just'er Bar & Restaurant”，話試過唔錯😊。反正我今日又無咩心水，一於去試下啦😁。去到餐廳門口，店員🙎‍♀️一見到我哋行近門口就招呼我哋問幾多位，一坐低佢又好快咁遞上餐牌📔及2️⃣杯暖水🥛，服務勤快👍。餐廳雖細小，但裝修及菜式名稱都充滿玩味😂。睇完餐牌📔後，最後叫咗佢哋嘅signature，“西門淋牛豬仁雞vs蝦兵蟹將”配上焗多汁猪仔骨🐖(你可以揀脆炸美國魚柳🐟或者+$40要美國安格斯西冷 9oz🐂)，和啤酒薯條🍟(或者真茄汁意粉🍝)。西門淋牛豬仁雞vs蝦兵蟹將 $445一上枱十分震撼，海鮮🐟、豬🐖、雞🐓和薯條🍟鋪滿哂全個盤，淨係睇都覺得好滿足🥰。多汁淫蝦(1隻)：龍蝦🦞size有一隻手掌大，肉質彈牙有蝦味，外面焗到乾身，但咬落充滿肉汁加埋淡淡嘅香草味🥰，而且龍蝦膏超多🤩，超香，連埋啲龍蝦肉一齊食，超級好食😋。焗多汁豬仔骨：🐖外層焗得好焦香🥰，肉質依然軟淋，好容易切開🔪，調味適中🥰，好食😋。炸軟殼蟹：🦀炸得好香脆，外脆內軟又充滿肉汁👍！慢煮香蒜春雞：🐓同樣外層覺得乾身，肉質很嫩滑又充滿肉汁🥰，即使係雞胸嘅部分都唔

⭐️豪食午餐⭐️，喺尖沙咀同佐敦交界有一間西餐廳，佢嘅裝修好有港式風格，都係啲懷舊嘅霓虹燈招牌，今日lunch就食好西，叫左一份海鮮拼盤，呢份海鮮拼盤，簡直係全肉餐，我哋揀咗⭐️$445⭐️嘅套餐，門西淋牛豬仁雞蝦vs蝦兵蟹將，佢有多汁豬仔骨/脆炸美國魚柳/美國安格斯西冷，9oz +$40(選一個),多汁淫蝦，慢煮蒜香春雞(半隻)，炸軟殼蟹，啤酒薯條/鮮茄汁意粉(二選一)我哋就揀咗🐷豬仔骨:佢嘅燒汁非常濃郁，沾滿整件豬仔骨，豬仔骨既肉質烤得啱啱好，唔會老，仲有肉汁喺裏面，非常juicy 🦐多汁淫蝦:其實唔係好明點解會係呢個名，本身以為寫錯，但原來真係呢個名，唔緊要其實佢係焗龍蝦，基本上冇咩醃製技巧，因為本身都有鮮味，龍蝦基本上輕輕烹調下就會好好味，就好似呢份咁，肉質鮮甜彈牙，除咗蝦身之外，佢嘅鉗輕輕一拆就可以整嚿食到😋🐔慢煮蒜香春雞(半隻):我都估唔到佢會比半隻燒春雞我哋，佢係用慢煮形式去烹調，所以可以鎖住肉汁，而肉質方面烤到非常軟熟，一切就可以切開，同埋加上蒜香味，淡淡地都唔錯🤤🤤🦀炸軟殼蟹:配左一隻軟殼蟹，炸到非常酥脆，但又唔會油膩，蟹肉夠晒新鮮，因為食落有鮮味🍟啤酒薯條:呢份啤酒薯條同一

有朋友食過呢間餐廳覺得啲嘢幾好食，所以badboy專程嚟尖沙咀一嚐究竟😌。-🍖Assorted Platter Set$445門西淋牛豬仁雞 VS 蝦兵蟹將拼盤啱哂有選擇困難症嘅朋友，樣樣都想食取捨唔到，叫拼盤就搞掂😎乜都有啲唔洗煩。焗多汁豬仔骨醬汁甜甜哋幾好味，口感軟腍有肉汁，肉都算多唔會得排骨。多汁淫蝦嘅蟹鉗夠哂巨，又甜又多汁😏佢本身有幫你鉗碎定啲殼，所以其實都幾輕鬆就開到嚟食。慢煮蒜香春雞(半隻)唔鞋口，啱啱好熟好juicy。炸軟殼蟹炸得鬆脆有油香。啤酒薯條好出色，炸到脆香好好食😋。-🫖洋甘菊蜜糖茶檸檬$43有得揀芒果定檸檬，朋友揀咗檸檬。原來勁大壺，share飲都飲唔哂😳

行完尖沙咀入左呢個佈滿霓虹燈的餐廳食dinner, 原來佢地依家做緊優惠. 食滿$850, 仲送你一盒和牛比你拎返屋企! 優惠去到今個月尾, 快d約埋朋友一齊去食, 再搵日打返個邊爐食和牛啦!JUSTER科布沙律 (黑醋汁) $128估唔到都幾大碟, 可以當一個主食! 沙律十分豐富, 有水煮蛋,車厘茄 ,牛油果, 青瓜, 雞胸, 配埋黑醋汁, 十分健康! 沙律材料都十分Fresh, 雞胸肉質都好嫩. 焗多汁豬仔骨配啤酒薯條 $138啤酒薯條即叩即炸, 十分外脆內嫩. 豬仔骨表面焗到燶燶地, 陴陴焦香, 用燒烤醬醃的豬仔骨好入味, 豬仔骨肉質juicy, 十分惹味.全麻皆雞四隻 $50 佢地炸物十分出色. 雞翼炸得外脆內嫩, 淡淡的芝麻味, 雞翼咬落充滿肉汁. 洋甘菊蜜糖茶芒果 ($43)天氣開始凍飲杯熱茶就最岩! 飲落淡淡的芒果洋甘菊香味, 好warm好滋潤. 

山林道本身都有好多特色小店，每間餐廳都有自己嘅裝修style。今次就嚟左依間玩味嘅餐廳，牆上有五光十色嘅霓虹燈，符合返依家流行嘅元素✨✨✨🧆門西淋牛豬仁雞VS蝦兵蟹將 ($445)依個名已經好有趣，但又可以包含哂所有食材，而依個份量亦都啱啱好，可以食到想食嘅嘢食之餘，份量又啱啱好，適合心大心細嘅人😬😬😬🐷焗多汁豬仔骨平時食到嘅焗豬仔骨都係又乾又柴，但依款豬仔骨焗完之後有驚喜，冇overcook 之餘配埋醬汁一齊食，十分惹味😋😋😋🦞多汁淫蝦龍蝦肉質彈牙之餘又真係幾多汁，match 返個嘢食名，餐廳已經好細心開好殼，方便客人進食👍🏻👍🏻👍🏻🐥慢煮蒜香春雞(半隻)半隻雞嘅size都好大，加埋大量蒜香孜然粉，十分惹味🤪🤪 🦀炸軟殼蟹軟殼蟹切開同朋友share，炸粉唔厚炸到卜卜脆👏🏻👏🏻👏🏻 🍟啤酒薯條 而我就最鍾意薯條，同平時食開嘅薯條唔同，炸完十分酥脆，亦都冇咁多油😜😜😜✨依家JUST'er 舉行緊感謝祭，消費滿$850就會送A5和牛一盒✨