JK Brother’s (已結業)

星期六的晚上用餐時於餐廳看見食環署職員手戴消毒手套並手拿手提冰箱工作已心知不妙。上網搜尋新聞得悉餐廳與 *近日多宗食物中毒個案* 有關，詢問負責人，他擺出那副零責任的態度，推卻是客人的責任未有將磯燒食材煮透才出事。但是，跟據資料，多宗不適主要跟活八爪魚丶醬油蝦有關。要是刺身出問題，又哪有是客人未把食材煮透的道理？？！！那晚的刺身質素真的很爛，端上來的不是漏單，就是刺身霉的程度令你有能否放入口中的考慮⋯⋯用那價錢換來這樣食物質素實在不值！！！如一早得悉餐廳近日爆出多宗食物中毒個案，我一定不會光顧⋯⋯特此留言，讓大家在考慮光顧時作參考！

為了應付吃貨太太，經常都要攪盡腦汁。見到JK 有咁多正評，當然唔會錯過啦！除了可以上網係OpenRice 訂坐外，更可以用QR code落單，配套方便，節省不少時間。JK有齊日式同韓美食，而且食物款式多元化，性價比超高。我地當然把握機會試試活章魚刺身、醬油蝦等招牌小食。兩樣刺生都十分新鮮，見到佢地佢碟上郁下郁下。配上麻油更加正！除了刺生，JK既炸物(串燒)同壽司、手卷亦都值得一試。全部都是即叫即製，熱辣辣上碟。最後，甜品、飲品都是自助形式。依個價錢就可以食曬兩種菜式，性價比高！

朋友提議黎食醬油蝦同章魚刺身，因為好少放題有得食好啦好啦，等我捨命陪君子啦訂左6:45,我地坐底後，其實一直都無人招呼我地，我地問d侍應點樣嗌野食，長髮女職員就好悔氣叫我地等一等，我心諗，如果唔係你限時2個鐘頭，我都唔洗問你啦，更何況個場當時都無乜其他客人大約15mins後就有職員行過黎俾個QR code我地上網點野食，點解用QRcode, 唔早d俾我地呢😡😡刺身普通，醬油蝦略嫌醬油味不足 ，章魚刺身普普通通...雖然食物種類多，但好似無一款特別出色....再加上侍應嘅服務態度，我相信下次要我再黎都好難喇

黎呢度離不開都係想食醬油蝦同活八爪 因為畀呢個醬油蝦同活八爪吸引同老婆就山長水遠喺荃灣搭地鐵黎呢度食但係打嚟時間，店員都好老實話已經冇咗個咁我哋覺得佢其他嘢都好似有啲吸引咁就照來，價錢都正常，HKD 228 17:00 - 18:30 ，假期加十蚊，238 再加一價錢正常放題啦環境都尚算寬敞刺身就有，有頭甜蝦，鮑魚，帶子，赤貝，三文魚，劍魚，油甘，好食嘅不過好凍壽司都做得幾出色， 不論係火灸系列，黑松露系列或者普通壽司係做得不錯海膽手捲，我覺得唔新鮮，好苦竟然有咖哩蟹食，但明顯雪藏貨， 肉質非常之林清酒梅酒係任飲人參雞湯因為我哋係成個場第二個到，所有嘢都係即刻做，個天婦羅做得好鬼好食餐前小食也做得不錯而且呢度掃描落單非常環保我本人非常之贊同但講真呢度冇乜食物令我留下深刻印象就係好似去一間日本餐廳度食如果500蚊兩個人出去食好多地方都係食得好好呢度一但冇咗 醬油蝦 或者活八爪認真我真係搵唔到咩 point又要再返嚟呢度 埋單五舊水左右兩個人抵唔抵見仁見智啦我就覺得佢唔係唔抵但係冇特色要我返嚟香港任食市場都實在太大太多選擇你只要冇特色或者價錢唔抵或者唔係走高級路線呢啲咁嘅中庸餐廰好易賴嘢

難得男朋友放假，百忙中都要抽空拍下拖，到了位於尖沙咀的JK食個放題。好在排咗十分鐘就入到座，牆身上有個超巨型的八爪魚噴畫，超可愛同吸精喔！另外，餐廳超hi-tech，用到QR code 落單，又快又方便。JK stands for 日本🇯🇵同韓國🇰🇷。故名思義，餐廳的放題以日韓美食為主。坐底後，即刻叫咗碟招牌活生生八爪魚刺身。點上特製麻油食，確寶滋味十足。醬油蝦亦係另一個必試小食食八爪魚刺生🐙嘅同時，亦叫了日本新鮮魚生，例如三文魚、帶子等。更叫了手握壽司、同埋卷物、炸物及炸愛。而雪糕同飲品更可以無限追加。最後更有我最愛的日式甜品。炸物就係即叫即炸，熱辣辣同爽脆晶瑩剔透的醬油蝦，忍不住叫了兩碟！生八爪魚刺身係必試之選👍🏻食物種類幾多而且又新鮮好味！一個價錢兩種享受，CP值超高，可以encore!

同老公又食放題，仲要有磯燒食。首先係比qr code點單，又方便又環保。d位又坐得幾舒服。野食都上得好快又新鮮。刺身有磯燒鮑魚！刺身有三文魚、蝦、希靈魚、帶子、螺、蟹棒老公話三文魚都好厚切，又肥美帶油脂，唔錯！我最欣賞係d壽司！個帶子壽司勁大粒！蟹棒同海鰻都勁大條！！仲要係好新鮮！網燒牛仔骨幾好食幾入味。榴槤炸彈，好重口味。火辣雞翼天婦羅係任拎Mövenpick雪糕！有咖啡味。飲品方面有清酒、梅酒及啤酒hite,烏龍茶,汽水。甜品都有好多。overall上菜好快手，換碟好勤力，又抵食。

又想食放題，又想食燒野，所以就揀左JK Brother，環境好寬敞，坐得舒服，較relax。而且包含日式放題加燒烤食物，好吸引，全店使用qrcode手機落單，好方便又環保。刺身方面，款式多，上得好快，好新鮮。刺身有三文魚、油甘魚、北寄貝、赤蝦、鮑魚片、希靈魚、帶子、八爪魚等等個人比較中意油甘魚和赤蝦, 油甘魚厚切,入口帶油脂而且鮮甜，赤蝦鮮甜大隻。仲有新鮮鮑魚，好鮮甜爽口。壽司都好多種類，而且飯不會好大舊，特別係海膽手卷，入口即溶。黑松露帶子、三文魚腩壽司等，應有盡有，食不停。另一亮點係即叫即燒的串燒，有雞翼、牛仔骨、薄牛肉燒、雞串、牛舌等等。全部都燒到好香，金黃色，特別係牛仔骨，勁juicy。其他仲有天婦羅、炸物等等，質素都好高。特別推介貓山王炸彈，啲榴連味勁到飛起。好多雪糕任君選擇，仲有任食Mövenpick雪糕，點忍得口。飲品方面有多款韓式飲品，要酒精有酒精，無既選擇都好多。

放題就經常都會食，今次特別於食生章魚同醬油蝦嘅韓式放題！周五宵夜時段做緊$258位，再添加磯燒海鮮只需另加每位$10一入到去就見到養滿左章魚ge 魚缸，超吸引！ 姐姐要黎食你喇！生章魚同我係韓國食到都一樣，超級活躍！只用麻油輕輕調味。吸管會吸住咀唇，要小心喔！輪到醬油蝦，每人每次會上兩隻！應該係刺身果種牡丹蝦！醬油味比韓國料理店相對較淡一點。刺身款式都多，推介赤貝、帶子。豚肉溫泉蛋拌飯、燒蠔、壽司、炸物香蔥吞拿、炸芝士、炸香蕉大推。鐵板燒好多款，仲有第一次見原隻八爪魚天婦羅！串燒系列，牛舌、免治雞肉棒大推！加左每位$10～磯燒海鮮 任燒！有蠔、大蜆、扇貝、蝦、蠔、螺等等！配埋蒜蓉同清酒自行調味。第2轉再追加，今次d 蠔再飽滿d! 雪糕仲有3個櫃，movenpick, dryers, 多款韓國雪條！仲有一個甜品櫃，有4款糯米糍、木糠布甸、焦糖燉蛋！飲品梗係唔少等多款酒精類汽酒、啤酒。唔飲酒仲有道地玉露、巨峰汽水、解茶！超爽！最後食左兩條雪條，同埋呢款糖質O Ge 檸檬燒酒真係好適合食磯燒海鮮。$300都唔洗一位真係十分抵食。

又搵到間可以任飲酒既地方，今次呢間喺尖沙咀近佐敦，地點尚算方便。好多韓式罐裝飲品，含酒精既都唔少。甜品款式都唔少。雪糕雪條好多選擇。（另外仲有個雪櫃）清酒梅酒都係任飲，但只係有凍既揀。麻醬豆腐，香滑既豆腐用沙律菜墊住，再加上麻醬可以當豆腐沙律食。刺身有好多款，特別係劍魚腩同油甘魚，好有油香。榴槤炸蛋，入面有流心既榴蓮，超香濃！牛肉薄燒，牛肉一啲都唔韌，入面包住好多蒜，重口味但好好味。牛油粟米，粟米本身已經好甜，再加上少許蜜糖好似食緊甜品。溫泉蛋豚肉水冷麵，撈勻隻溫泉蛋食令到啲麵更加滑，而泡菜豚肉令到個麵辣辣地幾好味。最後飽到只能容下兩杯雪糕，我至愛既味道都有齊！！

之前聽朋友介紹過這家任飲任食的食店，大讚食材新鮮，味道不錯。剛巧在佐敦附近見完客，個人又肚餓，立刻走去試一試。 食店近佐敦地鐵站，從D出口走幾分鐘就到，幾方便。一入食店，環境四四正正，座位舒適。 食店採用QR Code掃描餐單，一鍵下單，非常方便。看著電子餐牌的食物，已拇指大動，不斷點擊想食的東西。【原隻有頭甜蝦、皇帝蟹棒、珍寶帶子、八爪魚片、北寄貝、赤貝】味道非常鮮甜，一級棒。【拉絲芝士爆炒牛舌】鑊氣十足，非常惹味。【芝士牛油炒雜菌】牛油味甚濃，不過雜菌有點苦澀味。【蒜香燒生蠔】蒜味十分濃厚，不過蠔肉有點乾。【原隻章魚天婦羅、帝王蟹棒天婦羅、茄子天婦羅、鮮魷魚蝦棒】味道沒有太大特別，不過欣賞天婦羅汁竟然加熱。【貓山王榴槤炸彈、日本一口炸芝士、吉列廣島蠔、牛乳蟹肉忌廉餅、脆炸香蕉、日本芝士年糕】炸物一般，不過榴槤炸彈味道強勁，讚。【清蒸小籠包】沒有湯汁，加了醋上碟，醋味濃烈。整體而言，食材新鮮，道不錯，任食食店來說，算是良心製作。值得一試。

central location, easy to get to. Price is right. well arrange fresh and colourful sashimi, light battered tempura. broil whole oyster with garlic, savory lamb chops. Choices of soft drinks and also provide sake and prune wine. Desert come with cakes, and Icecream. marinade live octopus is must try.

日式放題相信大家都唔陌生而我本身好鍾意食日本野！所以好間唔時都會食日式放題，今次同成班朋友一齊去試吓日韓放題！朋友推介嘅！好明顯啦日韓放題咁即係有日式野同韓式野，餐廳坐落於係尖沙咀，地理位置都係方便嘅！因為近佐敦站同埋近尖沙咀站！食放題重點一定係食刺身🤩而呢間日韓放題最正嘅呢就係有刺身八爪魚😍喺店入邊呢系會有啲魚缸養住啲八爪魚！新鮮切嘅當八爪魚上枱嘅時候嗰啲觸鬚都仲係蠕動緊🙀好似去左韓國咁！好新鮮！值得一試！壽司選擇中規中矩！比較有特色係一個餃子！辣到飛起！鍾意食辣嘅你都可以試吓！而天婦羅都好有意外驚喜！皇帝蟹棒勁大條外脆內軟！好有滿足感！甜品方面有Häagen-Dazs同movenpick,仲有好多唔同嘅韓國雪條雪糕好有特色😻😻成餐放題食到我哋好滿足！

今日放工同朋友諗住慶祝所以想去食放題我哋大概7:00左右去到餐廳喺門口已經見到好多人排隊，已經覺得呢間餐廳嘅質素應該唔錯入到去見到好多人都有用一個個燒烤爐燒啲海鮮，好似好正咁。不過我同朋友冇叫到，下次一定要試吓先！我哋叫咗個活章魚，感覺都幾有趣！另外呢間餐廳嘅款式都幾多，有好多嘅唔同嘢食揀，刺身都多都幾新鮮！仲有好多唔同款嘅熟食，佢仲有得打邊爐添！呢間放題都幾正、好多嘢，性價比都幾高！到最後梗係唔少得甜品，佢甜品嘅款式超級多！有好多雪糕可以揀！仲有啲雪糕仲有係出面未見過嘅！總括來講呢間放題性價比都不錯

今天和朋友來一個即興晚飯，我們都不知道吃什麼東西好，但又想吃日本和韓國菜，所以我們就選了一間也可以吃日式料理，同時也可以吃韓國菜的餐廳，而且我們想吃到飽，所以找了一間韓日式放題餐廳。一進到餐廳，就聞到一估很香的味道，這就是日式爐端燒的味道，原來這裏不但是日韓放題，而且還可以加上$10 ，便可以享用爐端燒。首先我們點了一輪刺身，當然有很多日式料理刺身，但今次一定要講的是章魚刺身，我和朋友都是第一次在香港看見這一種刺身，就是在韓國魚市場可以吃到的超新鮮章魚刺身，上枱的時候那些將要還是會動，所以我不用再說新不新鮮了。其他刺身也非常多選擇，比起很多放題料理店都比較新鮮，但第二樣值得一說的是他有清酒和梅酒選擇任飲，而且啤酒還有Hoo-garden 可以選擇，這個價錢的放題，在酒類都有那麼多選擇，而且並不是什麼平價貨，我想能喝的朋友，多學幾瓶已經值門票價，不喝酒的朋友也有很多沒酒精成份的飲料可選擇，這可能是我第一次看到放題店最多的選擇的一家。除了刺身外，還有很多日式天婦羅，燒物，壽司，日韓煱物等等。當然如果你選擇爐端燒，種類多到我不能番點了。另外我想介紹的是這裏的甜品，我從未見過一間放題店的雪糕櫃

原本Book咗今晚去試，點知呢家打嚟話無八爪魚同醬油蝦，但係有八折，咁，我做乜要走去食呢，兩樣招牌嘢都無，咁咪即係拆自己招牌！唔好怪我咁寫，約曬飯腳無得食，心情勁差