Italian Tomato Cafe Jr. (已結業)

之前在朗豪坊見到間舖頭已經好想試下, 因為門口示範o個d set dinner樣子幾吸引,之前在其它地方買過佢d蛋糕覺得好有水準,好好味(其實朋友已經叫我唔好去,因為佢覺得唔好食, 但我有唔係好信, 因為買相實在唔差), 昨晚又出左糧諗住食餐好, 卒之同我男朋友仔去左食, 點知一去到先知原來係要自已等位, 結果同人搭枱, 一張細小的圓枱擺左四個人的餐具及食物(湯,主菜,飲品)實在有點擠迫, 成間舖都係人(其中有d係等位)所以食得唔係好舒服, 感覺幾dirty, 所以我唔會再食, 我寧原比多50元去食風月堂好食好多,環境舒適好多, 講講食物首先:白湯- 是沒有料的只有2塊磨菇&餐飽是凍的(所以不食也罷)主菜- 茄汁吞拿魚蝦意粉(買相好靚但係唔知點解d吞拿魚我聞到有d臭味, 臭味唔係變壞的臭...但種味唔好聞所以同男朋友交換左食,意粉質地ok, 都有5隻蝦左右, 材料ok)飲品- 凍檸茶(2-3粒冰)唔凍好難飲 男朋友要凍奶茶but無冰(糖水&奶要自已出去擰)最後好期待的蛋糕朱古力慕絲- 好味, 朱古力好滑唔太甜, 全晚食物最正 可以話係佢.士多啤梨芒果

我本身好鍾意carbonara (即忌廉煙肉蛋)意粉，無論去到，只要間餐廳有呢款意粉，我一定會order!!!此餐廳的carbonara屬於較稀的一類，如果大家鍾意食濃d結d既，可以選擇去風月堂或i doo cafe!但我太愛吃carbonara啦，無論稍結都同樣歡迎~haha

餐湯在門外看已知不是高水準，餐包拿上手有點冷。不過主菜ok~煎龍脷柳不俗~ 賣相也不錯！飯也很有咬口，不知是什麼米？女朋友吃的是白汁煙肉意粉，賣相不太好，水汪汪的，不過味道ok，只是意粉本身不是很好吃…甜品方面，有很多款蛋糕供選擇，我們吃了藍莓芝士餅，餅面是粒粒藍莓，不是藍莓醬，很好！不過餅皮有點濕…不及Starbucks的好吃，Starbucks的藍莓又大粒，吃入口爽甜，Italian Tomato的卻好像沒有味道…兩者口感差不多，只是Starbucks的吃下去有rich的芝士味，但Italian Tomato的沒有…好想吃Starbucks的蘇門塔臘咖啡蛋糕！點解Starbucks日日都係得3款左右？而且好像最近幾個月都是那幾款！講番Italian Tomato，呢個$65 dinner set係自助o既，自己走去cashier買，自己捧餐，不過食完有人幫你執…點解會掉轉頭走快餐路線？>.<杯凍奶茶一點味也沒有，應該是英式奶茶，加了糖漿只是變了有色糖水，一點茶味、一點奶味也沒有！好奇者可以一試~過隔離吉野家吃飯好得多！~ 貨真價實又好味~ 朗豪坊呢間仲係唯一一間有京

因無乜胃口, 所以由男友決定食乜, 佢想食蛋糕, 不作他想, 就揀左呢度.因我唔係好想食野, 所以只要左一個晚餐. 個忌廉湯濃稠得宜, 但味道只一般. 主菜係茄子肉醬意粉, 試了兩啖, 意粉煮得剛剛好, 而且醬汁的味道唔只蕃茄味, 像加了某牌子的蔬菜汁, 好好味亦好開胃. 蛋糕揀左NY cheese cake, 麻麻, 無乜芝士味. 再追加多個Tiramisu, 又係普普通通, 咖啡同酒味都唔太夠, 但質感就唔錯.今次所食的蛋糕水準都比以往差了, 希望只係今次我地唔好彩啦~

上次食不到這店,星期二晚便約家姐來這裏食飯,六點九來到,人客半滿,幸好坐到兩人梳化位.叫了茄汁蜆肉意粉餐,先來餐湯,芝麻包,味道一般.要了熱咖啡,味道其實不錯,可惜不夠熱.茄汁蜆肉意粉,味道幾好,酸酸地幾醒胃,蜆肉當然不是靚貨,幸好最後一隻才有沙,不至於影響口感.蛋糕櫃很多選擇,最後打包了blueberry cheese tart,這件比較失望,芝士味不濃,tart 皮亦不夠脆,這可能是隔了夜的關係,下次都是堂食好了.服務幾好,價錢抵食,下次會再來試.

今日我和一個朋友去呢到食tea, 我叫咗一個$35 tea set要New York cheese cake同埋一杯熱奶茶,另外加多一杯熱檸茶,我落order嗰時,咪叫個梳兩條孖辮嘅小姐幫我張個cheese cake分開一半(因為嗰陣已經5點,唔想食得咁多。)嘩!佢竟然聲都唔聲,然後擰轉背話我麻煩,咁都算啦,可能真係好煩嘅,但係最嚇死人嘅就係,當佢沖杯熱奶茶時,可能佢加咗太多熱水,佢將多咗嘅水倒翻落隔離嗰個洗碗盆嗰陣時,整濕咗隻杯嘅出面,佢竟然好順手咁拎起一條類似梅菜嘅布就咁抹落隻杯度,跟住若無其事,面無表情咁俾杯飲品我,我諗佢應該當我係盲嘅,但係盲嘅我又睇到有第2個同事,拎住條梅菜去抹抬! 跟住我同佢講我見到咁嘅情形梗係要求換過第2杯啦,雖然佢話唔係,但都換過俾我,但俾嗰陣時,佢背脊係背住我,拗晒手咁俾嘅。雖然呢餐只係$50,但啲服務真係值得改進!! 另外個New York cheese cake都OK, 係個餅底差啲,唔夠實!

成夜晚九點幾，好肚餓, 所以即管嗌set有湯/包/粉/茶/cake蔬菜湯不是一般罐頭湯，幾夠料...但是略嫌西芹味重了一點，但我朋友卻欣賞不已至於我點的莧菜磨菇白汁意粉，size ok，但略嫌白汁太重太濃，但意粉卻出奇地爽口，這是值得讚賞的地方，不過我口感一向異於常人，看官可能覺得嫌硬了一點但是我朋友點的蜆肉意粉，我朋友卻吃出沙粒來，多肚餓的他也不願意吃下那幾隻蜆仔但我最想推介的是這裏的蛋糕....我與朋友分別點了朱古力慕絲蛋糕，覺得口感既軟滑，但又不會太一"pat pat"，最重要是不會太甜，正正. 我被白汁灌飽了，也忍不住掉整件蛋糕，還想"安哥"不過如果唔係太肚餓，對女仔來說一個set真係食唔哂,我見全場不少女士都是單叫..... 不過真係好多人幫襯九點半還要等位....如果你想坐出面雅座, 不想那麼侷促的話, 那可能要等至十點

第二次黎呢間野之前黎係剛開,牌都未有。果次d野食比今次更差dinner冇叫佢d set要左個有吞拿魚+蝦+茄汁0既意粉。(sorry...唔記得個名)同上次一樣唔見d吞拿魚3隻蝦...依然係冇味但今次個汁improve左,濃過之前,同埋d意粉剛好,加埋一齊好好食。$38好似唔多抵囉。多料就話ok ja...但得3隻小蝦同見唔到0既tuna~....真係有點兒那個朋友叫左set,同佢share 個cake佢要左栗子朱古力蛋糕(sth like that)我同佢都覺出奇地好好食woresp個硬0既面,入口即溶粒strawberry好甜,栗子溶唔太甜,算ok~個人認為佢地d cheese cake一般因為餅底都係淋0既....淋到唔想食~

昨晚去apm店食set dinner這間店不用自己取餐, 算不錯湯,主菜及蛋糕都幾好, 尤其個strawberry cake, 足足有五大粒strawberry呀

記得以前食的cake都好好味今日食tea set，一心想試下咁靚cake點知個new york cheese 係完全令我失望味道怪....cheese好"鞋"唔夠creamy個千層什果係"林"的，一d都唔新鮮一句講哂...好難食！！

今日想補番上星期五的食評呀!我同朋友,2個人都食左2個set dinner,都幾抵$65一個set dinner有主菜,芝麻餐包,餐湯,飲品同蛋糕,另外每人再加多$10轉左個飲.講真真係好好味架喎(除了餐湯...因佢是開粉的又唔好飲).我們叫了:白汁tuner 意粉....味道調得好好呀.鴨胸飯....個汁好野味但鴨胸就揩左d.Drink.... 菠蘿金枯菊花蜜...呢個用新鮮菠蘿(好甜)整, 而且賣相好靓..又好味.

20050306 7pm跟apple突發晚餐, 選址旺角就因為我尋日響公司OT. =_=因為肚餓, 求其就揀一間食. 見個set dinner 好似幾抵嘛~同埋有位.2人都係set dinner. (有主菜+餐包+餐湯+coffee/tea+蛋糕, $65@)我要鴨胸飯, apple 要蛋汁煙肉唔知咩pasta(忘記了), 我個鴨胸飯比想像中好食, 賣相都幾好睇, 但係跟餐o既忌廉湯同包都唔好食, 擺得太耐, 凍晒同埋漿埋一舊咁樣. 餐飲係熱檸茶當然亦都係唔好飲的了.蛋糕我要了Tiramisu, 選擇太多, 花多眼亂, 我比個蛋糕面o的朱古力粉太乾"濁"親, 搞到我咳o左幾聲, 不過都OK 好味.本來環境都OK兼乾乾淨淨, 但係o的餐具有水跡, 要扣分.(題外話- 我有N年無食過Italian Tomato, 對上一次係......我Form1.......響尖沙嘴廣東道果間有落地玻璃已摺分店, 食當年好潮o既淡咖喱牛肉飯, 嘩哈哈~)

同BF行街買衫，行到腳軟就去坐左一陣~ 我地用之前食dinner留低o既cake coupon換左件Blueberry cheese tart一齊share~ 件tart好靚，而且好好味：Blueberry 好清甜，配合cheesecake o既香濃的確一絕！如果tart邊再鬆軟d就perfect啦~

2點幾在旺角搵食本來想食意粉屋，但好多人於是上了朗豪坊見cafe jr的lunch set display個樣都ok咁就入o左去搵位9成full到啦坐低o左之後又要去買o野食，都係鍾意有人幫我落order多d食o左個是日意粉set，係莧菜蘑菇意粉有是日餐湯(羅宋湯)，餐包和餐飲湯、包和咖啡都非常普通，意粉就幾好食個人認為餐具好靚^ ^~

三個人去食dinner，總共要左兩個dinner set (好多野食，包括餐飽、餐湯、pasta/meat main、homemade cake & drink)同一碟散叫o既spaghetti carbonara，兩個main都係要pasta，分別係Cream Tuna Spaghetti & Tomato & Calm Spaghetti~ 餐飽、餐湯唔係太好食，我食得唔多，盡量留肚~ 後來事實證明我o既做法係o岩o既，因為除左Tomato & Calm Spaghetti麻麻，另外兩個pasta真係好味而且好飽~ 之後我o地都食唔落兩件cake，好在Italian tomato俾我o地留起張cake card，以後當take away voucher用，good~ 講返cake，我o地都on spot試左一件新出o既綠茶朱古力蛋糕，幾好味架~ ^^