Italian Tomato Cafe Jr. (已結業)

同女朋友去到朗豪坊，女朋友為了件cake，揀了這裡。叫了一個set : 餐湯+ 餐飽+ 忌廉野菌天使麫 + 栗子千層+ 凍mocha 咖啡，散叫了一碟藍芝士燴意粉。餐湯+ 餐飽，普通的ok，忌廉野菌天使麫，個汁好稀，少了少少，令到個天使麫有點乾，但味道算不錯。藍芝士燴意粉，連少少火腿蓉都沒有，幸好還有少少香草香，不過還是無料，不值。女朋友揀cake ，揀了好耐都拿不到主意，結果由我揀了栗子千層。脆皮曲奇底，還有一層厚厚朱古力，味道不錯。凍mocha，上面有一拳頭咁大舊的cream，味道淡淡，加$8 換都算值。其實一個人食這個set 真的會食唔哂，還有，要自己等位+ 攞餐都算是麻煩，不過，為了件cake，都會再食的。

本來佢地d 蛋糕都好OK 架，但係佢地既服務真係想死......入到去要自己搵位、要自己拎野食都算啦......有一次，我囉住盆食物埋位坐低，點知唔記得囉糖，咪離位去囉law，點知當我返埋位時，我見到個waiter 將我d 蛋糕la、lemon tea la、全部放哂係桌上面，然後將個盆囉走，有冇搞錯，我食都未開始食，就咁快收走個盆，又唔係人多，而且膠盆亦夠用呀，而且佢仲當我透明咁，粒聲唔出，我就企左係度等佢做完哂以上工序先可以坐埋位，如果再遲d 返離，佢咪連我既lunch 都丟埋......真係莫名奇妙......一d 禮貌都冇呀......

$68 一個set ,有湯, 餐包, 指定飲品+ 意粉+ 甜品. 好似好多野食好抵, 點知係惡夢既開始!一入去原來係半自助既. 要自已搵位, 拎野食(只係主菜意粉佢同你拎)本來好似好抵, 但吞拿魚意粉勁乾, 一D 汁都冇,仲要SIZE 細左好多好多!甜品我叫tiramisu, 都OK 啦! 太飽, 根本冇可能食得晒...... 隔離枱好多人都食凈甜品, 好WASTE !不過我忌FD 講, 粟子朱古力好正! 不過我就唔會再去了!因真係冇咩特別, 我見佢一件CAKE 都SELL $ 20 UP太貴

25/12 同女朋友去食聖誕自助餐食物種類少, 份量大,只適合一大班人share食。整體味道ok,尤其意粉同pizza最為出色,意粉彈牙有口感,pizza夠脆夠香口,如果多d料會更加好喇。但d cake就冇想像中咁好食,我女朋友就話tiramisu唔好食,冇乜味。總括而言,1個半鐘都夠食,唔係太趕!!ps. 店員態度幾有禮,收碟速度都算快

20051218 4pm港島區不好行, 過海來到朗豪坊, 男友肚餓, 找個地方吃tea, food court 層吃tea 又較像樣的地方, 已只得italian tomato 了.2人order* 栗子朱古力蛋糕夾餅($24) - cake 櫃裡9成10都是cheese cake 的天下, cream cake 又太膩, 所以挑了這個夾餅. 不俗. 我最欣賞佢唔算太甜.* 香腸肉醬意粉- 食左一啖, OK 啦, 唔好食又唔難食lor.* 熱檸茶x 1total 不知道幾錢, 男友買的.

佢地d套餐真係好抵, 一個湯, 一個主菜, 一杯野飲及自選蛋糕, 都係大約60-70蚊. 單買一件cake 都要廿十幾蚊啦.我食個佢地一個菠菜雞肉意粉, 都幾正.不過食得佢個餐, 我都係想食件cake...blueberry cheese cake最正.

同女朋友晚上十點係旺角搵食，結果走左去朗豪坊試下這間。叫了一個set，有茄子肉醬意粉、跟餐湯，餐飲及自選cake，另加一碟露荀鮮蝦橄欖油意粉，兩份食。兩碟意粉都幾好食，茄子肉醬意粉好濃味，露荀鮮蝦橄欖油意粉少少辣，但都幾惹味，但女朋友就辣到食唔到。餐湯ok，餐飲咖啡好水又甜，女朋友最開心都係有得揀cake食! 不過其實計落個set唔係特別抵，我同意另一位食家所講，個counter 的waiter 有少少串，唔helpful!

食物幾好...我叫0既係忌廉三文魚蟹肉意粉同蘋果汁Counter條友仔...少串...冇笑容+唔helpful.

個pizza好好味$32杯Iced Lette $22 (小) -- 好多冰好淡芒果芝士Cake -- 又硬又無芝士味

八月某個中午, 跟男友到這裏食lunch, 當我站在櫃位前等食物的時候, 發現盛湯的碗傷痕累累, 崩得很嚴重, 於是我跟站在cashier、一位貌似店長的男子說可否換碗時, 他居然頗晦氣地說:「呢d碗係崩架喎!」「但係無理由用d崩o既碗來serve客人嘛, 好唔衛生o者!」然後該男子以更晦氣的態度去拎另一隻「冇咁崩的碗, 唉~~以呢個價錢+ 咁o既服務態度+ 不過不失o既食物, 我一定唔會再去!

Lunch set $65 有餐包、餐湯、意粉、餐飲及蛋糕。餐包：又凍又硬，好心佢叮返熱啦！你俾牛油我都無用啦！餐湯：唔濃，唔得！白汁煙肉意粉：意粉煮得剛好，質感、口感都唔錯，但個汁咸左d，如果無咁咸，咁都可以話“正”！餐飲要左凍奶茶，好難飲，好水，同茶餐廳無得比，黎呢度千萬不要叫凍奶茶呀！芒果芝士撻：個皮唔錯，芝士係New York Cheesecake那種實的芝士，本人like實的多過軟的，所以都覺得ok，但未至於好rich 的芝士味，都算滿足到我這個甜品怪但芒果唔係咁新鮮，有改進的空間。收得呢個價錢又似快餐店格局，好心改善下d食物質素，尤其餐包、餐湯及餐飲，話就話主打甜品，其他都要食得人先得架！

間嘢好奇怪，要自己搵位，好似麥記咁，冇人理，所有嘢都要自己攞。set dinner都算貴，$68，包&湯都係唔熱，個飯又麻麻，另外加個日式意粉，唔好味，啲墨魚好難食。最期待佢啲cake，點知都係麻麻，失望...

個waitress只係同d碟仔得一呎咁近, 佢竟然同我地講叫我地自己攞, 仲表明呢到係self-service, 喂, 我地一開始又唔知你放係邊, 你行多一呎攞畀我地都唔係好浪費你d體力啫? 最多咪之後補番句話其實d碟係晒到, 我地可以隨便拎囉~仲有碟飯淨番五六啖就問我地仲要唔要(!!!只係得呢碟飯係得番咁少, 其他食物都淨番一半有多), 好似想趕我地走咁~d食物好一般啫, d cake得, d意粉飯不過不失~但呢個價, 我唔覺得service應該係咁我情願去pizza hut, 起碼人地有service(even加一)!

呢度個個都話d面包唔夠熱其實係可以request佢叮番熱既真係好味好多~!

今日同朋友行朗豪坊,就揀呢度食左個lunch,我要左個$65的lunch set餐湯係忌廉湯,有幾粒粟米,味道麻麻餐包又硬又乾又凍,我覺得係隔夜麵包...鮮蝦芝士焗飯就ok,呢個價錢對d蝦都冇乜期望架喇!但個芝士汁幾好味,好rich!甜品要左芒果芝士撻,呢個唔掂!完全冇芝士味!!我淨係食到好重蛋味=_=(早知係o甘就要個冇cake既set算...)餐飲要左凍奶茶,係冇味既!好似飲水o甘價錢雖然唔算好貴,但以佢o甘既質素係唔值囉!