822
54
19
港鐵觀塘站 A1 出口, 步行約3分鐘 繼續閱讀
所有分店 (4)
電話號碼
29888289
開飯介紹
店舖以白色為主,並以大量花飾增添仙氣感覺,食物精緻,打卡一流。餐廳提供各种沙律、意粉和扒餐,適合朋友聚會。 繼續閱讀
營業時間
今日營業
12:00 - 22:00
星期一至日
12:00 - 22:00
付款方式
Visa Master AlipayHK 支付寶 現金 銀聯 Apple Pay Google Pay 微信支付
座位數目
50
其他資料
網上訂座
無障礙設施 詳細介紹
加一服務費
以上資料只供參考, 請與餐廳確認詳情
有關獎賞計劃
食評 (944)
等級4 2023-12-25
3499 瀏覽
前兩日襯放假🏖帶奶奶去左屋企附近嘅餐廳食午餐🌻🌹奶奶見餐廳好靚,成個小朋友友咁開心🥳呢間餐廳主打宮庭華麗嘅感覺🥰每一個位置都適合打卡📷有設室內同室外位,臨近聖誕 ,店舖都增添左聖誕裝飾,充滿氣氛🎄我地今次揀左坐室內,周圍好多花嘅擺設,令人感覺療愈🥰我地點左兩份set lunch,包餐湯、餐飲同主食,一份$100左右,咁靚嘅環境真係幾抵食🤤🤤全日早餐呢個全日早餐誠意十足,全部食材都新鮮及用心製作,而且擺盤精緻又美觀,最鍾意佢地塊麵包同蕃茄😋牛肝菌豬肋肉意大利飯上到枱香噴噴熱辣辣,豬肋肉煮到好腍好嫩👍牛肝菌好香,令成個意大利飯更加惹味😋😋奶奶第一次食都覺得正🥳🥳📍INN - I’m Not Nothing (裕民坊YM²) (觀塘)觀塘協和街33號裕民坊YM² 2樓205號舖#宮廷風 #打卡餐廳 #美食推介 #人氣美食 #觀塘美食 #裕民坊 #環境優美 #foodie日記 #香港探店 #yummy #nice #relax #相機食先 #聖誕燈飾 #kwuntung #foodie #chill 繼續閱讀
(以上食評乃用戶個人意見 , 並不代表OpenRice之觀點。)
等級4 2024-06-23
0 瀏覽
話說裕民坊YM² 開咗咁耐都未參觀過,今日就去睇睇先。見間唔錯嘅西餐廳,而且價錢唔算太貴入去試一試😍每張枱都有一盞波波燈好有儀式感手工黑松露雲吞配野菌黑松露忌廉汁 $138手工雲吞好少地方有,雲吞嘅size就係一口嘅大細,食落好方便,醬汁就好creamy而且好濃郁,啱晒重口味嘅我,仲有啲野菌配搭🥰香煎銀鱈魚配露筍茸鮮魚忌廉汁 $198🐟首先鱈雪煎得啱啱好,有少少焦香味道,魚油都保留住,而肉質方面都算嫩滑,配搭少少醬汁啱啱好套餐餐湯連嘢飲 $61湯係羅宋湯,材料豐富所以食落去就比較結身少少,嘢飲$28以下免費,$28以上就半價,揀咗個西柚檸檬梳打🍹,非常開胃芒果熱情果班戟$ 78甜品即叫即整,上到枱熱辣辣但仍然保持口感,而份量啱啱好,兩個人可以share,芒果同埋熱情果嘅份量都好多😍每一淡都有法式芝士焗生蠔 $28@1(優惠價)雖然有芝士係面,但係都保留住生蠔嘅味道👅INN - I’m Not Nothing (裕民坊YM²) (觀塘)觀塘協和街33號裕民坊YM² 2樓205號舖 繼續閱讀
(以上食評乃用戶個人意見 , 並不代表OpenRice之觀點。)
等級3 2024-06-20
0 瀏覽
觀塘裕民坊YM ²二樓INN I‘m not nothing餐廳個名好特別,裝修都幾fancy放下晝約咗同事嚟呢度午餐,食咗個全日早餐同埋煎焗厚切豬肉眼扒。全日早餐嘅份量都好多,擺設精緻,有雞蛋、蕃茄、有肥美的香腸,好食蘑菇、煙肉,最欣賞有半個牛油果,沙律生菜,覺得呢個早餐有營養,而且有菜有水果好均勻,那天午餐,見到餐廳都有幾多人叫呢一個全日早餐。厚切豬扒食落去非常之腍,廚房煎得好香,豬扒有肉味,調味都唔錯,仲有薯蓉、菜配咗忌廉汁,午餐嘅份量非常之足夠。每個餐都包有一杯飲品,我哋叫咗青檸梳打,凍檸水。人均消費大約係$140食得開心坐得舒服 繼續閱讀
(以上食評乃用戶個人意見 , 並不代表OpenRice之觀點。)
等級4 2024-06-20
0 瀏覽
白色主調嘅宮廷風格搭配到處嘅花花裝飾,十分篤中老夫嘅少女心😍因為朋友生日帶佢嚟慶祝,訂嘅時候有預先留言,上蛋糕嘅時候唔單止幫手寫咗字,亦都十分貼心切換咗生日歌🥰🍄‍🟫手工黑松露雲吞配野菌黑松露忌廉汁忌廉汁好香濃嘅黑松露味道,搭配細細粒嘅手工雲吞,香滑又creamy,真係好滿足😋🍝意大利煙豬面頰肉卡邦尼意粉豬面頰肉肉質緊實,入口細膩,重點每一條意粉都沾滿咗醬汁,味道十分濃鬱🥰🍟黑松露薯條配巴馬臣芝士粗粗薯條新鮮即炸,表面撒滿巴馬臣芝士,薯條搦上手仲系暖既🤩點上黑松露醬香死😚就系點醬嗰個碟有d深,如果再改進下就更加加分🤪🧁藍莓醬巴斯克芝士蛋糕配雪糕巴斯克蛋糕口感綿密,內里有點似雪糕嘅口感,入口即化🤤旁邊更系雲尼拿雪糕等裝飾伴碟,顏值至上!😍柔和嘅燈光加上輕松嘅音樂,真嘅好啱朋友小聚傾偈,約會慶祝打卡我真嘅十分推薦😊因為後面蛋糕上嚟顧著打卡,最後食完都快到閂門時間,都冇催,體驗都一流🥰 繼續閱讀
(以上食評乃用戶個人意見 , 並不代表OpenRice之觀點。)
等級3 2024-06-17
0 瀏覽
🍽️ INN - I’m Not Nothing (裕民坊YM²)~~~~~~~~~~~~~~~~~~~~~~~~~~前幾日去完打卡餐廳之後就愛上咗,今日又想搵間打卡餐廳影下相食下野🤓餐廳有室外同埋室內,室外有好多花花,室內就有啲宮廷feel🟠 黑松露薯條配巴馬臣芝士($78)🍟👉 薯條係熱辣辣嘅香脆嘅👉 面層鋪有淡淡嘅芝士碎同埋黑松露粉,豐富咗口感👉 仲附帶有沙律醬汁,點薯條食又可以做到另外一個口味🟠 牛油果凱撒沙律慢煮雞胸($128) 🐔👉 擺設睇得出係有放心思嘅,牛油果切片再圍住雞胸去擺👉 旁邊都有少少麵包糠,食落香口鬆脆👉 雞胸方面,都算嫩滑,一啲都唔嚡,食得出有簡單嘅調味👉 生菜方面,一如既往配有沙律醬,簡單健康又唔會口味太單調🟠 法色紅酒燴牛面頰肉意大利飯($168)🍷🐮🍚👉 可以加$38做套餐,有南瓜湯同揀左Long Black☕️👉 飯嘅質感較一般燴飯為濕潤,口味比較濃郁 👉 牛面頰肉好有驚喜,唔會又乾又柴反而好嫩,肉味都好濃郁👉 一個好濃郁嘅味道嘅組合,鍾意口味較重嘅朋友可以嚟試下🟠 香蕉榛子朱古力忌廉班戟($78)👉 加$10配雲呢拿雪糕👉 注意‼️甜品製作需時,侍應都好有心思提醒需要15分鐘製作👉 朱古力班戟,食落朱古力味好濃郁👉 中間隔咗好多香蕉片👉 配搭埋士多啤梨香蕉嚟食,有種又酸又甜嘅感覺,都幾開胃👉 再加雪糕 ,口感更加豐富👉 又足料,鍾意朱古力嘅唔可以錯過☺️餐廳都適合人哋用嚟慶祝生日,會全場播放生日歌同埋畫碟。今晚都幾多人生日,一共聽咗三次生日歌😂~~~~~~~~~~~~~~~~~~~~~~~~~~🍽️ 餐廳:INN - I’m Not Nothing (裕民坊YM²) @inn.imnotnothing📌 地址:觀塘協和街33號裕民坊YM² 2樓205號舖📍 位置:觀塘 繼續閱讀
(以上食評乃用戶個人意見 , 並不代表OpenRice之觀點。)