INN - I’m Not Nothing

營業中

休息中

今日同朋友去D2 Place行市集，行完覺得有啲餓，加上荔枝角又有好多好嘢可以食，所以我哋決定留喺荔枝角食埋飯先走。上網見到都多人推介呢間，同埋環境又好靚，見到咁多綠色嘢，成個人嘅心情都會好啲，好適合圞情侶或者閨蜜食飯吹水。另外食物方面，我同朋友每人叫左一個set，個set包一碗餐湯同埋主食，仲可以半價叫一杯特飲。餐湯係黑松露蘑菇湯，湯嘅味道唔錯，黑松露味都好濃，如果鍾意黑松露嘅人一定會食過返尋味！主食方面，我哋就叫咗一個蟹肉南瓜意大利飯同芝士和牛漢堡。朋友同我食完都大推蟹肉南瓜意大利飯，因為蟹肉真係有好多，相當足料！芝士和牛漢堡都唔錯，牛味濃郁而且又Juice，如果係漢堡控，可以叫嚟試吓！最後我哋仲叫咗兩杯特飲，分別係士多啤梨藍莓奶昔同西柚檸檬梳打，味道就正正常常。

今日係我生日，朋友幫我地book左個二人晚餐，今次揀係荔枝角既I am not nothing食，方便大家放工既時候去。首先餐廳距離地鐵站五分鐘路程，十分方便。平日既晚市都唔算好多人，而且裝修非常唔錯，歐陸風格得黎又唔會太grand，非常合宜。我地點左一份黑松露芝士薯條，一份奶油大蝦意粉，仲有一份七成熟既澳洲肉眼拼薯菜，加配湯同飲品。餐湯係周打海鮮湯，creamy得黎又啖啖蜆肉，唔錯！先講份黑松露薯條，佢另配茄汁同芝士汁，鮮炸出黎非常惹味，配上芝士汁食到停唔到口。之後黎既意粉非常creamy同煙韌，加埋上面既大蝦，食到我朋友雪雪聲。最後黎既係我既肉眼牛扒，七成熟真係岩岩好，外面焦香而入面嫩滑，食晒之後都想食多碟，不過估唔到比既薯菜都係薯條，下次落單前要問清楚。然後仲有兩杯飲品，一杯士多啤梨藍莓smoothie，一杯桂圓紅棗茶，兩杯都非常有水準。總結：一間高水準既隱世歐陸風餐廳，之後仲會同朋友再黎食

#荔枝角美食 #小蓮星呑食荔枝角🔻 INN - I’m Not Nothing 荔枝角長沙灣道883號億利工業中心2樓203號舖/🧃波士頓龍蝦肉羅勒意大利飯 $148波士頓龍蝦肉原來唔係龍蝦肉咁簡單，而係用咗足足半隻龍蝦，非常足料。龍蝦肉入口彈牙，每一啖都滲透出濃烈嘅龍蝦味，感覺好新鮮，估唔到呢個價錢都食到呢個質素。意大利飯生熟程度啱啱好，入口彈牙，有米香，每一啖都有濃烈嘅高湯味，食落一啲都唔會膩，完全係驚喜。/🧃忌廉蘑菇湯 $38忌廉蘑菇湯由多種菇類混合而成，入口層次分明，亦都食到少少菇嘅顆粒，提升整體口感，成功令到平凡中帶點不平凡。/🧃Lime Soda $23青檸梳打感覺清新，加上梳打嘅泡細小，入口更加細緻，酥酥麻麻嘅感覺係舌頭散開，喺夏天飲真係一流/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkigshop

之前見IG好多人食呢間INN - I’m Not Nothing, 見嘢食好似唔錯, 今日啱啱喺嗰頭做嘢, 順便同朋友去食個晏午市套餐價錢都唔貴, 主食連餐湯同餐飲, 人均都係百零蚊, 又幾親民喎<意大利茄醬海鮮意大利飯>天氣有啲熱, 胃口就唔係咁好啦呢份意大利茄醬海鮮意大利飯味道酸酸地, 一定係夏天嘅開胃之選意大利飯米飯粒粒分明, 相對一般嘅意大利飯米飯會比較熟, 腸胃唔好嘅朋友都可以食裏面加入左唔少彈牙嘅蝦肉同蜆肉, 都幾揼本<澳洲肉眼扒8安士配薯菜.燒汁>大食妹呢個食肉獸就嗌咗份澳洲肉眼扒8安士配薯菜.燒汁澳洲肉眼扒外層煎得幾香脆, 而裏面就係啱啱好嘅五成熟肉眼扒比較瘦, 但有肉汁飽滿配菜係薯蓉同雜菜, 味道清清地, 係一個清爽嘅午餐<是日餐湯>除咗主食之外, 是日餐湯都好有誠意大食妹食嗰日嘅是日餐湯係蘑菇湯, 裏面帶有冬菇嘅味道, 特別之餘有濃郁<凍檸茶>飲番杯凍檸茶就更加清涼啦<熱檸水>注重養生嘅朋友就嗌左杯熱檸水

🇭🇰 #荔枝角美食隱世歐陸宮庭餐廳，位於ᴅ𝟸對面既工廠大廈既樓上ᴄᴀғᴇ，絕對少女心打卡一流既地方❤️-ɴᴜᴛᴇʟʟᴀ ᴄʀᴇᴘᴇs完全被外相深深吸引雖然有朱古力醬，但整體唔會太甜♥ 𝟾/𝟷𝟶-ʜᴋ$𝟿𝟾 香蒜辣椒伏特加煮鮮馬拉峴鮮味十足既峴，辣辣地好惹味♥ 𝟽/𝟷𝟶-ʜᴋ$𝟷𝟺𝟾 波士頓龍蝦肉羅勒忌廉意大利飯相比平時食開既意大利比較乾身味道較淡，入口只有少許忌廉味道整體一般，但賣相補拙♥ 𝟽/𝟷𝟶-ʜᴋ$𝟼𝟾 水牛城雞翼身為雞翼控既我，絕對唔係放過有雞翼既小食口感特別，酥皮外層，入口脆脆可惜太重酸味蓋過辣既感覺♥ 𝟼/𝟷𝟶-ʜᴋ$𝟺𝟾 養生紅棗杞子桂圓茶♥ 𝟽/𝟷𝟶INN.I‘m Not Nothing Cafe九龍荔枝角長沙灣道883號億利工業中心2樓203號舖——————————————————————————————————————————

🍴低溫慢煮牛柳八安士配紅蔥頭紅酒汁$208低溫慢煮牛柳我揀咗餐廳提供到最生嘅四成熟，切開牛扒完全冇令我失望，牛扒極厚身，足足有兩寸厚，牛肉顏色呈粉紅，同時表面個crust極薄，睇得出餐廳好有功架。牛肉大些少榛子果香，而且牛味激昂，配搭賣經典嘅紅酒汁，整個用餐體驗非常享受。除咗牛排之外，側邊嘅配菜亦都做得非常出色，該爽脆嘅爽脆，該淋滑既淋滑， $200係完全收貨，非常推薦大家是呢份牛扒。🍴忌廉蘑菇湯 $38呢度嘅蘑菇湯好Creamy，入口好順滑，但係同時保留左一啲好細小嘅菇粒，令到整體非常有層次感，同事蘑菇味好濃，飲得出係用新鮮蘑菇烹調。🍴 cappuccino $19呢度嘅咖啡偏向nutty少少，但係入口一啲都唔苦，咖啡師傅嘅拉花亦都非常出色，溫度亦都掌控得好好。

藍苺果碗 雖然佢個名叫做「藍苺」果碗。但其實裏面有嘅水果都仲有埋有士多啤梨🍓，西柚乾半片、亞磨籽。水果份量就唔係超級多，所以就蠢咗冇撈到均勻先食。於是，最尾食到嘅時候，就會變咗好似得返yoghurt 咁😂 但係都夠carry coz it’s yummy. 薄荷葉可以摘下葉子🍃 都會食得㗎～ 雖然有人覺得好似牙膏味，但本人就覺得係refresh ge 我main dish 叫左⋯低溫慢煮澳洲牛柳配紅蔥頭紅酒汁牛扒有8 安士，兩個人分到好其實都幾夠飽。夜晚始終都唔使食太多碳水化合物。有時明係點解要出街食人地煮嘅野嘅🤷🏻‍♂️1）即使無汁，牛扒都半身medium 程度係肉味香濃，夠做2）就算點左汁，都唔會ruin咗舊牛，所以覺得不肯定一下廚師👨‍🍳嘅心機調配。兩者夾宿好好3）都有充足嘅蔬果，三色嘅小波波型狀蔬果都有哂，好悅目👍 有兩三塊薯仔薄片～

唔好以為工廠大廈只喺得燒味舖同快餐店，其實仲有其他有格調嘅Cafe☕️，今次去咗荔枝角嘅INN - I’m Not Nothing，餐廳走歐式小清新路線，環境整潔又衛生，幾啱同朋友小聚片刻。.📍英式炸薯條（$68）Fish and Chips 薯條炸得香脆完全唔油膩🍟，調味剛好，好好食🤤。重點嘅炸魚亦炸得非常出色✨，外皮薄而香脆✌🏻。唔油膩之餘魚肉非常細膩嫰滑🐟，食落仲要好juicy💧，完全冇魚腥味，點埋沙律醬真喺好好食😋，真心做得好過唔少外國餐廳❤️。.📍奶油大蝦嫩菠菜煙肉忌廉意粉（$118）Spaghetti Tossed in Cream with Shrimps, Baby Spinach and Bacon 配菜有4隻爽脆大蝦🦐，意粉煮得好好，口感煙韌有咬口🍝。醬汁黏稠有厚度，伴以煙肉🥓、菠菜🥬、火箭菜同洋蔥🧅做配料。菠菜吸收咗油份口感好滑溜，同菜式非常配搭，但整體上如果可以鹹啲應該會更出色。.📍牛肝菌野菌意大利飯（$118）Porcini Risotto with Wild Mushroom牛肝菌味道比想像中濃郁😍，野菌份量亦唔少。意大利飯口感岩好🤤，質感creamy，整體上健

去咗荔枝角搵食上咗間樓上cafe叫咗好多人都推介嘅班戟。，我抱住好期待嘅心態去食，好彩佢冇令我失望！食完我覺得好滿足！班戟68蚊一份，有四種味：榛子朱古力香蕉 士多啤梨忌廉 ， 鮮藍莓藍莓醬忌廉 ， 玉桂蘋果杏仁片忌廉 ， 芒果熱情果忌廉。 由於第一次食，我好保守咁樣試咗最穩陣嘅榛子朱古力香蕉士多啤梨忌廉。 呢個組合冇得輸。 最加分嘅地方係佢嗰班戟皮都好好食。唔會薄到張紙咁，有少少厚度，食得出佢嘅蛋香同麵粉香。 另外生果亦都好新鮮，香蕉唔會黑同林得濟，士多啤梨亦都係香甜。呢個甜品我會比100分佢。68蚊，真係抵食過好多日本舖嘅 梳乎厘pancake ，下次去一定會試下佢其他味！另外，餐廳嘅大蝦菠菜意粉都好好味。總結係呢間餐廳抵食得嚟好食！

餐廳好靚！有8成半都係女仔，1成半係同女士嚟嘅男士加兩三個男waiter。 入到去餐廳少女心滿溢。加埋啲擺碟好靚嘅食物，可以影到好多打卡相。我哋叫左低温慢煮澳洲牛柳8安士配紅葱頭紅酒汁（208蚊），佢嘅主打菜奶油大蝦燉波菜煙肉忌廉意粉（118蚊），水牛城雞翼。主食做得幾好，好高質，order左七成熟嘅牛排，佢用慢煮嘅方法都控制到個生熟程度👍 牛排用好多蒜頭一齊煎，幾香。紅葱頭紅酒汁有少少酸酸甜甜嘅感覺，同啲蔬菜好夾。佢個蕃茄好大粒好juicy。粗露荀好嫩無渣。一定ncall嘅係奶油大蝦燉波菜煙肉忌廉意粉。首先意粉生熟程度好好，唔林有少少彈牙。 調味都好好味，有少少菠菜，唔會太咸，奶油唔會太漏。夾埋佢好多隻大隻彈牙嘅蝦，好出色。難怪網上介紹都主打呢個意粉。

最近喺網上面搵到呢間位於荔枝角工廠嘅Cafe門面裝修同埋入邊都非常之有特色走少少宮廷嘅風格Menu嘅設計俾人感覺都好文青黑松露芝士薯條份量非常之多薯條亦都揸得非常之香脆同埋乾身，食落去唔會好油膩配埋黑松露芝士醬味道非常之唔錯水牛城雞翼味道非常之出眾酸酸辣辣嘅感覺好開胃雞翼亦都好大隻，外皮炸得非常之香脆雞肉亦都好嫩滑同多汁澳洲牛眼扒配薯菜份量都係勁多無論係薯條同牛扒都係牛扒我哋叫咗五成熟亦都冇令到我哋失望保持到肉汁喺入邊肉味亦都幾重玉桂蘋果班戟配雲呢拿雪糕個賣相一流係同種類嘅甜品來講呢間餐廳算賣得比較平佢嘅配料亦都係無手軟落咗好多蘋果粒增加左成個甜品嘅層次感西柚檸檬梳打一杯非常之清新嘅飲品非常之解油膩但又唔會過酸士多啤梨藍莓奶昔甜到控制得啱啱好唔會有死甜嘅感覺好開心喺520呢一日可以喺一間咁靚嘅餐廳渡過左一個晚上❤️

閒時短聚片刻，實屬美事。最近工作上忙完又忙，終於有些少讓人可以喘息的機會，而我當然不會放過這個約朋友短聚的機會。這次約了友人在荔枝角吃晚飯，而我們最後於某工廈的樓上cafe用餐。於我而言，荔枝角是一個較為陌生的地方，所以就交給「地頭蟲」的朋友代為決定。走到門外，不知為何有種身在地中海的感覺，就是希臘🇬🇷、意大利🇮🇹之類的地方，而一走進內，這種感覺得以延續下去。無論是牆上的掛畫，或是具歷史感的吊扇，再加上具格調的昏暗黃燈，都帶來一種很輕鬆、舒暢的心情。當時心想，若是帶女生來她必定會喜歡！！🤔這次食物方面亦很不錯，先說低溫慢煮牛柳配紅酒汁，牛柳這次叫五成熟，這種不太熟略帶血紅色，再加上嫩滑的肉質帶點肉汁，非常美味可口。👍🏻👍🏻至於香煎帶子香蒜辣味意粉🍝，羅勒獨特的清新香料味，配上先來彈牙的帶子，意粉還帶微辣呢～～～這時配上一杯Matcha Latte🍵，甜甜的奶香即時解一解辣！還有貼心的拉花，haha!!😆

碌碌下IG竟然見到航空界劣漫佬腔叔為呢間餐廳設計餐牌☺️作為前航空界既一份子，當然要身體力行支持一下💁🏻‍♀️✨香燒焗豬肉眼配肉桂蘋果醬（$108）我是衝著肉桂蘋果這個新鮮配搭來的～豬肉眼扒煎得金黃，醃得入味，肉質厚實有份量。配菜肉桂蘋果淋軟，鹹中一點甜🤠✨意式茄醬海鮮意大利飯（$98）蕃茄味十分濃郁！食意大利飯最怕煮過龍又或者有米骨😟好彩我所擔心既野係呢到冇出現到😚軟硬度適中😙海鮮都幾多，冇雪味😙✨藍莓班戟（$68+雪糕$10）表面鋪滿藍莓醬同藍莓🫐朱古力醬做點綴🍫班㦸皮煙韌有蛋香，忌廉輕盈不heavy，配上遇熱半融既雪糕，口感更多層次🍧👉🏻加一服務費👉🏻而家OpenRice book 位有折扣優惠，加一服務費會以原價計算(以上菜式價錢是原價）👀👉🏻如果多人，Book左位都需要等位🙇🏻‍♂️

If you dont mind trekking to the 2nd floor of a industrial building the vibe inside this restaurant is totally different.Little round tables, rattan chairs with plants dotted around provide a comfy environment to dine. Went for 2 lunch sets:Roasted Pork ribeye with cinammon apple sauce.Pork steak was a good size with chunky apple pieces in the sauce, and a nice amount of veggies. Did find the pork a little overcooked but not too dry.Fish and ChipsGood generous serving of the fish and chips, did

舊同事準備移民，約了她們到舊時工作地方吃午餐，這工廈有不少餐廳都有試過，最近開了間新餐廳又見充滿歐陸風情，決定一試 。裝修以白色配雲石加水晶燈為主，入到店內很舒服。我們點了法式班戟配班尼蛋菠菜巴馬火腿及蟹肉南瓜意大利飯套餐套餐包了一餐湯及餐飲餐湯 是黑松露忌廉蘑菇湯蘑菇粒很多，湯很濃和熱，味道不錯法式班戟配班尼蛋菠菜巴馬火腿有沙律菜，口感新鮮，賣相好吸引配上流心蛋加巴馬火腿，又唔會太咸再配上薄薄的班戟蟹肉南瓜意大利飯滿滿的蟹肉在意大利飯上面再配搭蘑菇露荀蟹肉一梳梳的，意大利飯很有口感和Creamy咖啡 - Cappuccino 和 Flat White咖啡香滑，拉花圖案也拉得很不錯最後額外加配法式班戟甜品榛子朱古力. 香蕉, 士多啤梨加忌廉 法式班戟法式班戟賣相好出式班戟內有好多香蕉片 熱呼呼的吃很甜員工很有禮貌，中午Lunch 滿座，建議要先訂位!