INN - I’m Not Nothing

營業中

休息中

有時都會嚟到荔枝角工廈入面搵吓嘢食，上網search到呢間新餐廳就試下啦。一入到去個環境都幾靚好岩打卡，而且都見到唔少女生同情侶。本身見到餐牌有smoothie bowl，熱辣辣好岩食，不過實在太餓所以都係食左肉肉，叫左一份豬肉眼午餐。前菜有一個蘑菇湯，雖然蘑菇湯唔算十分濃郁，但係都尚算不錯。至於主菜豬肉眼，一上到黎就睇得出佢做唔錯有微微焦香味配上玉桂蘋果醬，睇落都幾吸引。一切落去啲肉汁就流曬出黎，而且焗得岩岩好，好嫩。個味道都相當唔錯。唯一不足反而係個醬汁，蘋果食落仲係爽口嘅，唔係我想像中已經煮到溶溶地嗰種醬汁，而且個汁有啲多，蓋過咗個豬肉眼嘅鮮甜。有機會都會再黎試下。

連續兩個週末去了荔枝角 D2 Place，不過今次改咗去附近工廠大廈的樓上食肆開餐。揀「I’m Not Nothing」的其中一個原因就是名字夠特別，用得這個名，似乎對自己嘅出品好有信心。入去坐低冇耐，已經覺得似曾相識。雖然裝修唔同，但室內環境及間隔好有印象曾經來過。上去OpenRice一查，餐廳之前名字叫「Ulyssa by Aldou」。再用舊名字查一下，果然兩年前曾經光顧！原來餐廳也只是大約三個月前才改名，睇返之前撰寫的食評，出品質素唔錯，而且很抵食，點解要改名呢？裝修以白色為主，簡潔明亮。餐廳面積唔算大，偏偏又要為咗增加採光，將外牆的原有玻璃窗改成原幅大玻璃（編者按：純粹靠估，因為唔相信以前啲工廠大廈會有原幅大玻璃外牆）。姑勿論是原有配套抑或經過改動，雖然室內的確變得更加光猛，但玻璃完全沒有吸音功能；再加上工廈樓底較矮，聲音反射問題嚴重。餐廳的背景音樂加上客人談話聲浪就使到環境變得非常嘈吵，直逼大排檔。偏偏所有聲音又侷促在室內，不似露天大排檔可以散去，耳仔嚴重受罪，未食完已經想走。印象中，兩年前的「Ulyssa by Aldou」沒有這個問題，點解呢？午餐款式是固定的。由於餐廳

荔枝角工廈隱藏咗好多好多嘅隱世cafe, 今次就嚟咗呢間新開嘅INN 試下一出2樓就會見到，店外比較簡約，室內就唔算好大，佈置偏向自然風花花草草，打卡都好啱同男朋友夜晚唔算好餓，就叫咗幾款小食同一個main share 小食方面，最有驚喜嘅就係青芥末牛油果蟹肉多士，份量非常充足，每件多士上邊有厚厚嘅牛油果醬同蟹肉碎，唔會食到一半就得返個包冇哂配料😋夏天咁熱一食就爽哂水牛城雞翼正常水準，黑松露薯條都係推薦，，薯條係粗身款，黑松露醬黑松露味濃，唔會俾沙律醬蓋過，好易一條接一條食唔停口😀主菜方面揀咗龍蝦意大利飯，上枱presentation 好有心思，半隻開邊龍蝦絕對唔細，最細心嘅係蟹鉗位已經敲碎咗，一拆就完整嘅蟹鉗肉起到出嚟，超讚！😋最後見到雪櫃有handmade嘅tiramisu, 係crepe 同佢之間都掙扎咗好耐，最後都係揀tiramisu, 係無揀錯嘅，底下浸滿咖啡酒嘅手指餅，配埋上邊又香又滑嘅cheese ，好夾而且唔會太甜😍😍另外跟餐嘅餐湯同飲品都唔錯，宜家係OpenRice 訂枱仲有折，即刻再約朋友再試一次（見到隔離枱食扒好似都好正😛😛

收到餐廳嘅邀請，今次黎到荔枝角嘅餐廳INN試食，餐廳係羅馬式既設計，所有嘅擺設都好有復古風格。青芥末牛油果三文魚籽蟹肉多士，一個幾特別嘅配搭，青芥末新鮮吾攻太鼻，食落仲會有淡淡的牛油果香味帶返出黎，加上脆卜卜嘅多士，口感豐富好食。波士頓龍蝦肉羅勒忌廉意大利飯 ，意大利飯嘅忌廉好香，上面有半隻開邊龍蝦，好濃嘅牛油奶香，店員仲已經將個蟹鉗剝左殼放埋喺上邊添，用薄荷醬去做畫碟，成個意大利飯都好有心思。澳洲肉眼扒八安士配薯菜·燒汁 ，5成熟嘅肉眼扒肉質鮮嫩，濃濃嘅牛肉味，旁邊有燒汁同蜜糖芥末醬作調味，薯條方面都係即叫即炸，脆卜卜好好味。

⿻⿻ 𝘐𝘯𝘯 𝘐𝘮 𝘕𝘰𝘵 𝘕𝘰𝘵𝘩𝘪𝘯𝘨𓏲𓏱𓏭𓏭今次去嘅餐廳係荔枝角嘅工廈入面 如果唔係見到其他人推介應該唔會發現到呢間隱世小店 ヾ(o´∀︎｀o)ﾉ裝修塑造出一種歐洲宮殿嘅風格 白色柱配搭玫瑰花、小型水晶燈、墻上嘅畫仲有大量嘅花草 真係有種避世嘅感覺 𓋎𓋈主菜揀咗煎焗鴨胸同帶子蒜香意粉 意粉辣辣地 蒜味香濃 帶子煎得啱啱好保持到軟熟同唔鞋鴨胸係七成熟左右 肉質一啲都唔柴 鴨味幾濃 配上特別嘅chocolate cointreau gravy 燒汁嘅朱古力味幾出 但係又意外地幾夾鹹味嘅鴨胸 配菜有好幾種蔬菜 健康又解膩甜品係crepes 一上嚟就聞到好大陣肉桂味 法式班戟質地微煙韌 有蛋香味 加埋蘋果同忌廉好香甜～𓏲𓏱𓏭𓏭煎焗香草鮮鴨胸配朱古力橙酒燒汁 $158香煎北海道帶子配香蒜辣味羅勒意粉 $138法式班戟(肉桂蘋果 杏仁片 忌廉) $68

荔枝角工廈內嘅打卡cafe☕️裝修以白色為主調，光線充足，一定要幾多幾張相📸Lunch set包括餐湯、主菜同飲品一杯·<黑松露磨菇忌廉湯>原來是日餐湯有黑松露，唔怪得入門口就聞到淡淡黑松露味👃🏻食落味道反而無咁重，但就有好濃郁菇菌香味🍄·<香燒焗豬肉眼配肉桂蘋果醬> ʜᴋᴅ 108本來見到有cinnamon都唔係好敢哎，但又見openrice好多人讚，就豁出去試下啦😤肉眼扒好大塊，目測仲有3cm厚👀大食如我都覺得一個人好難搞掂🤰🏻醬汁微甜，肉桂味唔重所以我都接受到💁🏾‍♀️肉眼扒有驚喜🤩肉質紮實，非常juicy💦肉味都唔會有豬腥臭味。伴碟係薯蓉同蔬菜🥬薯蓉算細膩，無加入太多牛油忌廉，調味簡單清淡唔錯👍🏻·<煙肉芝士和牛漢堡配薯條> ʜᴋᴅ 108和牛漢堡牛味濃🐮配埋芝士同煙肉味道層次更豐富🤪冇花巧嘅醬汁，食嘅係原材料嘅味道，唔怕搶走牛味。雖然呢個無肉眼扒咁出色驚艷，不過都算可以😝·<西柚檸檬梳打>ʜᴋᴅ 46半價ʜᴋᴅ 23轉特飲，清新之選🌱酸酸地非常refreshing，西柚嘅微苦都唔會比甜味蓋過🍊·<士多啤梨藍莓

早排嚟到荔枝角一帶，就搵咗呢間好特別又靚嘅CAFE做我lunch地點，我哋分別叫咗：叫咗兩個set lunch之後會有餐湯隨即附上，當日嘅餐湯係磨菇湯，個湯夠熱又足料，有心思得嚟又好飲。意式茄醬海鮮意大利飯$98呢個飯就好多海鮮配料，有蝦，魷魚，同蜆；而蕃茄醬味香濃帶些少微甜同酒香，份量都好足。澳洲肉眼扒配薯菜燒汁 $138呢款扒有8士安重,燒汁旁有些少芥末同薯蓉配菜底，好抵食！澳洲肉眼扒嘅肉味濃，配埋佢哋自家製嘅燒汁我覺得好夾，咁大塊肉食完都飽晒餐飲加錢配青檸SODA $23 同士多啤梨藍莓奶昔$24兩杯都好睇好飲，而杯奶昔加埋啲cream真係好邪惡但又好正!而有興趣想幫襯呢間餐廳的話，其實佢哋有三間鋪！大家可以因應地點參考吓，週未就約埋朋友去試試啦！📍荔枝角長沙灣道883號億利工業中心2樓203號舖 📍九龍灣展貿徑1號E-Max 國際展貿中心地下21-23號舖📍元朗鳳攸南街9號好順利大廈地下60號舖

🍴INN - I’m Not Nothing 荔枝角新開了簡約宮廷風西餐廳，吸引了筆者假日去吃午餐打卡。餐廳簡約舒適，日光令餐廳格局更顯光猛。📍澳洲肉眼扒8安士配薯菜·燒汁 $138注意跟餐薯菜是薯蓉，如要轉配薯條需額外加$20其實筆者比較喜歡薯條，但考慮到要加$20又好像有點不值，所以就沒有加配了。薯蓉質感幼滑，感覺像吃香滑的奶油般，只是筆者不喜愛的紅蘿蔔份量有點多。筆者要求牛扒烹調熟度至7成熟，大廚烹調時間控制得宜，把牛扒切開，肉質鮮嫩，保留了肉汁。📍是日餐湯-忌廉蘑菇湯午餐附送餐湯，忌廉蘑菇湯菇味香濃，入口充滿奶油香。📍Flat White $38 隨午餐可以半價優惠$19加購）咖啡拉花厚實精美，稍稍欠缺的是杯子外圍有咖啡跡，如果清理後才奉上給客人會更好。咖啡香濃，喝至最後一口仍有清晰明顯的拉花。餐廳舒服好坐，食物味道好，侍應服務態度好效率高，值得一讚。👅 味道：5/5💰CP值：4.5/5🕴🏻服務：5/5🔰餐廳環境：5/5👀回頭率：4.5/5🍽 餐廳：INN- I’m Not Nothing 🌐地址: 荔枝角長沙灣道833號億利工業中心2樓203號舖#foodie #hkfood

食物雖然還算有水準，奈何用餐時間只有70分鐘，服務員除了口頭提醒，還有不少小動作讓你「知難而退」，原來一心想三個老人家休閑的聚一聚，結果全程匆匆忙忙一肚氣，早知不如去茶餐廳！😡絕對認同之前所說的另人反感經歷，I am not alone! 如果真的不想I'm not nothing, 那大概要作出改變了！

🥑青芥末牛油果三文魚籽蟹肉多士WASABI AVOCADO WITH CRAB MEAT TOAST (3PCS) $88一見到個名就已經俾佢深深吸引住😍因為牛油角同蟹肉都係本人嘅至愛😋雖然加左wasabi，但一D都唔會攻鼻，反而令到成塊TOAST更加FRESH😛好食指數︰8.5/10 🍫法式班戟 (榛子朱古力, 香蕉, 士多啤梨, 忌廉)   $68CREPES (NUTELLA,BANANA, STRAWBERRY, CREAM)飯局最後一定要叫個甜品，先係完美嘅結束😌朱古力🍫加香蕉🍌，一定係完美配搭😘再加埋士多啤梨🍓同忌廉，完全做到甜而不膩👍🏻好食指數︰8/10 🍝波士頓龍蝦肉羅勒忌廉意大利飯PESTO CREAM RISOTTO WITH BOSTON LOBSTER MEAT $148一上枱就見到大大隻龍蝦🦞碟邊都有D點綴，賣相整得好有心機❤️龍蝦🦞方面勝在夠大隻，同埋已經剝左殼，方便食客❤️但肉質唔算好鮮甜，百幾元都算係合理價❗️意大利飯整唔唔會太硬，符合港人口味🤩好食指數︰7.5/10 🍟英式炸魚薯條FISH AND CHIPS $68原本諗住過下口癮，點知一上枱，我同友人都好

好小踏足荔枝角呢個地方然後就意外發現咗呢間餐廳裝修好宮廷feel，乾淨企理放工遲咗但都岩岩好趕到Lunch menu嘅last orderLunch set包咗一杯野飲同餐湯是日餐湯係蘑菇忌廉湯飲落有一粒粒嘅蘑菇粒粒，味道濃郁，唔錯飲品就叫咗青檸薄荷梳打同西柚檸檬梳打正常發揮，不過天氣熱熱哋，飲杯凍嘢係正嘅😂😂Main方面叫咗個Crepe eggs benedict with parma ham and spinach -88都好足料咸咸甜甜都幾夾澳洲肉眼扒8oz配薯菜燒汁 -138個薯蓉好滑肉眼扒叫咗medium rare，嫩滑

跟朋友去完D2 PLACE的市集便到億利工業中心這間文青CAFÉ吃午餐，幸好有一早訂座，不用等待很長時間。店內裝修打卡味極濃，不過昨日36度的高溫，餐廳的冷氣輸出有待改善。黑松露忌廉磨菇湯雜菌湯本身的菇味已經好濃郁，有一粒粒的磨菇肉碎，再有黑松露香更是錦上添花。湯面有些忌廉、橄欖油及香草提鮮及增加順滑感。澳洲肉眼扒8安士配薯菜.燒汁 - $138肉眼扒好大塊，好像不只8安士。油花好豐富，一邊邊位有明顯的油脂。五成熟口感好軟腍，切開流出濃濃肉汁，入口肉味好香濃。底部有綿密的薯蓉配一些蘿蔔切片等等，再配燒汁及芥末醬沾牛扒，口感豐富。煙肉芝士和牛漢堡配薯條 - $108鮮嫩多汁的漢堡扒入口不乾柴，充滿牛肉味。夾著半溶化的芝士、蕃茄及生菜帶點清新感。麵包有微微烘過，帶點爽脆，裡面則柔軟水潤，有些芝麻香。黑醋沙律帶點微酸，健康又醒胃。粗薯條的薯肉較多，口感較佳，不過有某幾根炸得過老。士多啤梨藍莓奶昔 - $48士多啤梨味度較重，夾雜些藍莓肉碎，兩者非常配合。奶昔入口非常香甜絲滑，還有那麼多忌廉好邪惡。Matcha Latte - $42抹茶的茶香馥郁，有茶獨有的淡淡回甘味，鮮奶令口感更滑順。

長沙灣道樓上食肆多 水準唔錯 今晚我又跟朋友去尋寶 呢間餐廳裝修簡約 白色做主調 室內擺滿盆栽同西洋油畫 滿室水晶吊燈 超多打卡位-🦞#波士頓龍蝦肉羅勒意大利飯 $148用羅勒青醬做嘅意大利飯 唔係咁多餐廳提供 呢個價錢仲要包埋半隻龍蝦 當堂心心眼😍 當晚所見 好多枱都點呢個 飯粒濕潤份量足 青醬同忌廉汁 味道糅合得唔錯 入口綿滑唔會太膩 龍蝦肉用羅勒焗 有香草芳香 -🍝#香煎北海道帶子配香蒜辣味羅勒意粉 $138香煎帶子柔軟 意粉乾身 煙韌有口感 意粉中加咗蘆筍 番茄 同彩椒粒 顏色靚靚味道豐富 紅椒絲落得唔多但辣度足好惹味-🫖#香茅橙片果茶 $48果茶有五款選擇 香茅檸檬茶飲得多 特登試吓呢個組合 茶嘅顏色比想像中淺 香茅味有 橙香橙味唔突出 -📍#INN - I’m Not Nothing荔枝角長沙灣道883號億利工業中心2樓203號舖

門口裝修係靚靚嘅希臘宮廷風🗿入到去就係歐陸叢林風 比人一種RELAX感不過空間感唔算大 枱與枱之間距離有啲近ᐠ( ᐛ )ᐟ如果想搵個地方浪漫下 慢慢傾下計 就麻麻地喇🔖 水牛城雞翼非常脆口 內裡雞似嫩滑 帶點微辣嘅惹味醬汁 🔖 英式炸魚薯條以送嘅質素嚟講 真係唔敢相信會係好食!!炸魚外層炸粉唔厚 入面魚肉保持住鮮嫩滑口薯條係合格嘅超脆粗薯條🍟 咬落卜卜脆🔖 意式茄醬松露芝士意大利雲吞雲吞皮唔厚 但邊緣位有嘅硬 松露味唔突出🔖 香煎北海道帶子配香蒜辣味羅勒意粉帶子大大粒 而且有輕輕煎下表面 有點金黃🥰食落蒜味好重 但又伴隨羅勒嘅香味 超衝擊味蕾

荔枝角有好多地鋪同商場美食，而工廈中除左有性價比高嘅佬飯，人氣排隊嘅台灣菜，哩間精緻西餐都值得一試。餐廳雖然地方唔大，勝在枱數更少，可以比食客在得舒服啲。🐟英式炸魚薯條 $68炸魚薯條真係不錯，因為廚房要應付嘅枱數較少，所以炸魚同薯條可以即叫即炸。炸魚嘅麵衣香脆夠薄，魚肉味道好香又夠熱。薯條每條都好香脆，薯味又夠。最正係佢嘅沙律醬，酸瓜撈埋沙律醬配炸魚同薯條都好夾。🥩澳洲肉眼扒8安士配薯菜 燒汁 $168哩塊肉眼扒感覺唔只8安士，牛扒好厚身，牛味好濃。五成熟煎得岩岩好，外面香脆入面軟熟多汁，真心不錯。🍎玉桂蘋果班戟 $68玉桂配蘋果就幾時都咁夾架啦，班戟除左有熟蘋果外，廚師仲將佢壓去泥當果醬咁搽，香甜而且清新，食完肉食哩款甜品中和一下就岩曬。#荔枝角美食 #伏遊荔枝角 📍INN - I’m Not Nothing (荔枝角)荔枝角長沙灣道883號億利工業中心2樓203號舖