INN - I’m Not Nothing

營業中

休息中

呢間餐廳係係荔枝角返工既朋友介紹既，朋友仔話呢度環境好chill, 性價比幾高，最啱同好朋友or另一半黎食飯傾下偈餐湯：龍蝦湯香濃龍蝦味，仲有龍蝦肉襯托，好creamy, 一啖一幸福主菜：美國豬鞍架配蜜挑芥茉醬&香蒜辣味馬拉蜆意粉前者既豬鞍分量大大件，啖啖肉，有濃濃既肉香味，配上蜜桃既果香中和豬肉既油脂感，味道不錯，而我更愛後者既意大利粉，有肥美既蜆肉，加上彈牙既意粉，仲有我最鍾意既香蒜同olive ,食落清新唔油膩，好味因為想同朋友吹多陣水，再點左黑松露薯條，炸到脆卜卜，邊食邊傾偈，加上環境舒適，呢個dinner 令我放低晒平日工作既壓力

明天是假期，同事話lunch要食好嘢慶祝下，所以帶我嚟工廠大厦入面呢間精緻嘅西餐廳試新嘢。一入門口已經見坐到滿晒，同事話唔訂位都幾難有位坐。環境都算整潔，就是枱有啲密。食物方便，都係一般西餐嘅lunch set，價錢唔係特別平。3餐湯：比較淡，唔算濃味，不過還可以。牛油果蕃茄和牛漢堡：我冇試，同事話牛肉多汁，薯條非常香脆。澳洲草飼 西冷牛扒：五成熟煎得剛剛好，值得一鑽，牛味不算重，肉汁多環境味道也不差，不過百七蚊食lunch，只能偶一為之

🎪 INN - I’m Not Nothing (荔枝角)荔枝角長沙灣道883號億利工業中心2樓203號舖店舖名很有意思🌸「I’m Not Nothing」要學習多多欣賞自己💁🏻‍♀️餐廳係工廈內，走法式宮廷風，牆掛上古典風扇和吊燈，用上雲石枱和黑白藤椅，適合姊妺們去聚聚👭🌟香煎北海道刺身帶子羅勒意粉 $148青醬充滿羅勒香氣，清爽而不膩☺️北海道刺身帶子大大隻，煎完夠香口。意粉質地硬身小小，掛滿晒青醬🫶🏻🌟美國豬鞍蜜桃芥末籽 $188厚切豬鞍表層好香脆，肉質較厚實，配蜜桃芥末籽醬，甜甜辣辣好合襯。薯菜都幾豐富，仲配埋薯蓉，好飽滿🤓🌟芒果熱情果班戟 $78據聞法式甜品岀色☝️見擺碟用心，用料豐富，有芒果、士多啤梨、熱情果、風乾橙片，仲有好多杏仁片‼️班戟上碟仲熱熱地，質感柔軟，小編再加配了雲呢拿雪糕$10，係好食😋

好似好耐冇同男朋友食西餐，今次就喺荔枝角呢個工廈度揀咗呢一間西餐廳，大家都知億利係好多嘢食嘅，所以應該都會唔錯。餐湯+餐茶 ($38/位)珍寶虎蝦伴燒焗澳洲牛柳八安士配紅酒燒汁 ($258)虎蝦都勉強算爽口，不過牛柳就有少少韌，但係味道都算唔錯嘅香蒜辣味馬拉蜆扁意粉🍝 ($128)意粉偏辣，原隻辣椒上，啲蜆都新鮮，冇沙香草牛油焗田螺 呢個係食滿$500有得送嘅，個薯蓉幾滑，田螺就正正常常下面襯左一舊蘑菇，蒜蓉包考得非常之香脆芒果熱情果忌廉班戟配雲呢拿雪糕 ($88)嗰班戟原來係捲埋一舊，同啲配料係分開，不過上菜嘅時候夠熱，點啲雪糕凍凍地都幾好食整體嚟講我覺得普普通通啦，價錢都有少少貴，最後兩個人食咗六百幾蚊，不過環境都幾有情調。

荔枝角一帶有唔少工業大廈，億利工業大廈裡面都有好多食肆同商店，呢度嘅食物都好好味同價錢都實惠～今次去嘅cafe 環境好靚而且食物都幾多款式🤤1️⃣香燒紐西蘭肉眼扒10安士個肉眼扒好大件，叫咗7成熟煎得啱啱好，肉質好嫩好juicy而且表面燒得好香～配菜新鮮爽甜，仲有薯條都好好食，炸到外脆內軟🍟2️⃣香煎北海道刺身帶子羅勒醬意粉帶子好新鮮，質地彈牙，表面焦香～意粉同羅勒醬好夾，羅勒醬嘅香味唔會太搶太濃，幾推介3️⃣🥑Avocado Smoothie好濃郁，好足料～奶嘅份量唔多，牛油果好多超級飽肚，糖嘅份量落得好少，飲到落半杯左右先飲到少少甜，飲曬成杯都唔怕🤭4️⃣🍓Mixedberry Smoothie好新鮮，飲落酸酸甜甜，仲有啲微微嘅果粒，口感好豐富

返工返到懷疑人生覺得自己係nothing嘅時候 到呢一間INN小清新嘅工廈 近地鐵站之餘一出𨋢就係呢間餐廳 非常方便就腳 有半島酒店嘅級數 但係就係cafe嘅價錢 真係係可以呢洗滌下心靈 做嘢做到好辛苦 食下啲精緻美食當自己叉下電今晚同朋友嚟講下公事點咗個香煎北海道刺身帶子羅勒意粉帶子好大粒好鮮甜 羅勒意粉好清新 好入味不嬲都係好鍾意食意粉嘅我覺得好滿意主菜點咗個 美國豬鞍架蜜桃芥末籽本身有少少驚好似普通豬扒咁 食落真係好出色㗎 係厚切嘅份量非常大 好juicy一啲都唔硬 加上啲配菜沙律 薯蓉 等等真係 有酒店嘅級數Matcha latte🍵拉花拉得好靚 飲落好舒服甜品點咗嗰朱古力班戟加雲呢拿雪糕樣子好精美感覺去咗歐洲咁樣 有好多生果喺上面感覺健康 加上呢度價錢唔貴 同朋友慶祝生日或者放工呢叉下電啱曬 食完真係唔會覺得自己係nothing美食真係可以令人開心返

呢間之前已經食過，因為好食，又再番黎! 今日叫左青芥末牛油果三文魚籽蟹肉多士，呢個超好食!! 超足料，而且牛油果同蟹肉好夾，青芥末有少少辣辣地酸酸地，配埋脆多士，真係好開胃，呢個下次黎都一定要食! 黑松露醬薯條，薯條上台時熱辣辣，好正! 另外，叫左2個意粉，香蒜蜆肉意粉，蒜味好足夠，咸味岩岩好，蜆肉仲大大粒，呢到仲好貼心，會比定個碗仔你裝蜆殼，而且意粉唔會乾，辣辣地，好食! 香煎北海道帶子羅勒意粉，帶子係好大粒，羅勒醬幾好食，呢款比起蜆肉意粉乾身少少，但底意都幾多蟹籽，撈埋一齊食好正。順帶一提係呢到D staff既態度都好好，好加分，而且環境幾好，同男女朋友黎都好岩。

今日和朋友慶祝生日，挑選了氣氛和食物也不錯的餐廳🥰✅ 意大利水牛芝士蕃茄簡單卻美味的開胃菜。水牛芝士非常鮮美，有著濃郁的奶香味道，而且很容易被切開。蕃茄也非常新鮮，口感清爽，加上一點點的羅勒和橄欖油，整道菜的味道豐富✅黑松露醬薯條炸得酥脆的薯條配搭濃郁的黑松露醬汁，香氣十足😋黑松露的味道非常濃郁，但不會過於強烈，而是和薯條完美地融合在一起✅巴馬火腿牛肝菌飯米飯的口感煙煙韌韌，加上牛肝菌和巴馬火腿的香味，很惹味🥰牛肝菌非常新鮮，巴馬火腿的鹹味也很好地平衡了整道菜的味道✅虎蝦牛柳8安士配紅酒燒汁五成熟的牛柳的質地非常柔軟，口感極佳，而且非常入味。紅酒燒汁是整道菜的亮點，它的味道非常濃郁，和牛柳的味道完美地融合在一起。虎蝦也非常新鮮，口感彈牙🤤✅榛子朱古力斑戟酥脆的餅底配上甜美的榛子朱古力餡，口感非常豐富。榛子的味道很濃郁，但不會過於甜膩，而且和朱古力的味道完美地融合在一起。整道菜的外觀也非常漂亮，讓人一看就垂涎欲滴🤩

🌟喺荔枝角D1出口行，唔使1分鐘就到🌟建議可以喺D2 Place行完街之後，過嚟食個高質Cafe🌟餐廳行歐陸宮廷風風格，打卡位好多，點影都好靚📸📸📸😋青芥末牛油果三文魚子蟹肉多士 （$88）-牛油果同青芥末醬，好夾，好fresh-多士焗到香脆-三文魚子同蟹肉份量好多，鮮味十足-推薦嘅前菜😋美國蘆筍黑松露野菌飯 （$138）-蘆筍好大支🤣，不過好鮮嫩-黑松露味，香氣好夠-餐廳有做到正宗意大利飯嘅做法，外表軟滑但中心仍保留些微硬度，有驚喜😋美國豬鞍架蜜桃芥末籽 （$188）-醬汁好味，同豬鞍好夾-豬鞍好厚身，煎到啱啱好，一啲都唔鞋口，好淋，香豬肉味-配菜有焗薯粒，薯蓉，同埋沙律菜，好豐富😋濃縮咖啡＋雪糕 （Affogato）($52)-超級推薦嘅意式飯後甜品-擺盤已經好靚，打卡一流-濃縮咖啡，果味香濃，加入去香滑嘅雲呢拿雪糕同忌廉，完全升華到去甜品介既天堂👼🏻

🌟港鐵荔枝角站D1出口 1分鐘路程🌟#D2place附近 #億利工業中心 #工廈cafe 呢幾年 工廈cafe愈黎愈多 呢間好似好出名🤔🤔午飯時間會好多人 估唔到放工時間後 入座ge人都唔少🙈🙆🏻‍♀️🌼 #香煎焗盲鰽魚配香草牛油忌廉汁 $168- 盲鰽魚唔會醃得太鹹 淡淡#味🌼#美國保濕豬鞍架配蜜桃芥末籽醬 $188- 厚厚ge 豬鞍 但煎完一d都唔韌 一樣咁稔👍🏻- 蜜桃芥末籽醬 微甜 又好香！兩個主菜 ge 伴碟配菜都好好食- 有煎到金黃色ge薯仔- 有加左黑松露醬ge 薯蓉- 仲有露荀 蕃茄…❣️#Affogato $52- 2球雲呢拿雪糕 忌廉 再加埋1 shot expresso 係絕配- 就算夜晚可能會眼光光 都要食😂😂

Inn係我第二次食，今晚特登嚟試荔枝角億利工業中心分店，億利出名美食多，所以係度開鋪應該都有返咁上下實力。呢度裝修一貫INN嘅法式宮廷作風，餐廳放滿絲花配上柔和嘅燈光，令人用餐時好放鬆食得好舒服。小食叫左英式炸魚柳薯條 （$78）份量都好大份，魚柳外脆內Juicy 保持水準啦主菜叫左牛柳8oz 配大虎蝦（$258）蝦肉彈牙一定新鮮，牛柳5成熟好淋嘅肉質，肉汁流出來感覺好 juicy. 香檸雞翼非常大隻（$78）對我呢種雞翼控來講真係非常滿足，佢皮好脆，應該係炸完再用檸汁煮過，非常乾身，肉又厚，美味。最後力推佢嘅抹茶紅豆藍莓班戟（$68）好特別，第一次食到呢隻味，紅豆鋪面又吾會好甜，果然用心水準作品。

億利工業大廈出名多野食, 呢間係2樓, 裝潢典雅, 白色主調, 環境乾淨又企理, 大部份小圓枱加藍白色藤椅, 仲有水晶燈同植物既襯托, 感覺高貴; 仲提供藤籃放隨身物件。經典法式龍蝦湯 - $68好香濃龍蝦鮮味, 有少少龍蝦肉加忌廉, 都幾creamy香滑, 味道算濃香, 又冇味精。如果有包點伴湯就更好。美國保濕豬鞍架配蜜桃芥末籽醬 - $188 成個擺盤好靚, 有蜜桃沙律及沙律菜, 黑松露薯蓉, 焗薯角, 配菜, 蜜桃芥末籽醬係碟旁邊劃花。 豬鞍好厚肉, 煮得岩岩好, 少少調味都足夠, 而且多肉汁, 配蜜桃芥末籽醬, 感覺好fresh, 夠哂開胃。盲鰽魚牛油忌廉汁 - $168擺盤又係好精緻, 魚表面用油煎到香脆, 外皮脆, 肉鮮嫩, 好滑, 配埋牛油忌廉汁非常開胃, 配菜用迷你蘿蔔仔同黑松露薯蓉, 味道口感都不錯!Grapefruit soda - $46柚子梳打入面有柚肉, 加埋梳打水, 好清新, 打卡都好靚。Ice mocha - $46都有啲驚喜, 味道好香濃, 朱古力同咖啡嘅味道都唔錯, 加埋cream係上層, 好滑唔太甜, 正呀!肉桂蘋果班戟 - $78法式班戟

位置其實好方便，好近D2 place，可以行完街過去食飯~個環境好有feel，暗暗地嘅~· 黑松露醬薯條 $68份量唔少！粗身嘅薯條，要點醬先正！· 香煎北海道刺身帶子羅勒意粉 $148羅勒醬意粉會有少少油，不過都ok，味道都夠濃而帶子好腍，有煎過少少，另外仲有蟹子增加口感~同埋都有啲菇！同羅勒醬都夾😆· 燒肉眼扒10安士 $258肉眼扒叫咗5成熟，未去到會出好多血水，做得啱啱好👍🏼仲可以點醬食！不過就咁食牛味都好正🤤原來仲有跟埋沙律菜、配菜同薯條，感覺叫多咗薯條食🤣🤣🤣· 榛子朱古力班戟 $78 (雪糕+ $10)最後食埋甜品🤤推薦真心其實榛子醬加香蕉真係無得輸Pancake係薄薄地一層，仲有大量香蕉片係面建議加埋雪糕，同pancake一齊食係更加好食！🍽 INN - I’m Not Nothing | 荔枝角📍 荔枝角長沙灣道883號億利工業中心2樓203號舖

荔枝角億利工業中心一向都非常多樓上食肆今次特登跟同事來咗為於大廈2樓嘅INN-I'm Not Nothing,餐廳走歐式宮廷花園風格；西式羅馬柱,天花板有多盞華麗的水晶燈,白雲石紋的枱椅,周圍都是綠色的植物擺設,感覺寧靜舒適,猶如置身於花園中用餐 Set Lunch 有10款選擇, 全部都包餐湯和飲品的 🔸️粟米忌廉湯賣相十分精美,再來過忌廉拉花,入口香滑 🔮燒菠蘿配加拿大豬肉眼     上菜時已被陣陣的肉香吸引,廚師挑選了加拿大入口的肉眼扒,肉眼厚身,廚師火喉功架非常了得,外表煎至金黃,完全鎖住肉汁,切開時可見肉汁流出,入口非常軟腍,很久沒有食到這麼juicy的猪扒了,與燒香的菠蘿,再蘸些秘製燒肉汁來食更加滋味,伴碟的雜菜也沒有馬虎,以西式香料調味再烤焗,清新得來又香口 🔮香蒜辣味鮮馬拉蜆扁意粉     賣相非常吸睛,馬拉蜆大大隻肥嘟嘟,鋪滿整個碟面,非常新鮮,意粉質地煙靭有口感,意粉汁的材料很簡單,以蜆汁作底再加蒜蓉洋蔥乾辣椒調味等,蒜香鮮辣味,味道十分出色有層次 🔸️Passion fruit 🍹mint soda用咗整個Passionfruit再加Soda Water嘅特飲，酸酸甜

早前與舊同事慶生，挑了這間位於D2對面的工廈餐廳。名字非常特別INN - I'm Not Nothing 😌 幾年前食過，覺得餐廳環境及質素都唔錯。今次再去，仍然保持水準，甚至比之前出色，真要推薦一下💛。.香煎北海道刺身帶子羅勒意粉($148)🌟🌟🌟🌟吃羅勒意粉，最怕青醬煮得太油，但餐廳處理恰到好處，每條意粉掛上羅勒醬汁而不覺油膩。帶子非常鮮甜彈牙。配料的洋蔥、鴻喜菇、魚子，令意粉口感及層次更豐富。.寶雲酥羊鞍配薄荷醬燒汁($248)🌟🌟🌟🌟🌟寶雲酥是什麼呢？🧐 這是法國南部一種最傳統的焗羊架方法，在羊架面層塗上芥末醬、麵包糠和香草焗香，從而增加食物的層次👍👍👍。這小小餐廳，拿出最大誠意，讓客人嚐到傳統焗羊的滋味。羊架外脆內軟，甚有層次感💓 配菜的薯蓉、蘆筍、紅蘿蔔、蕃茄全都很好吃！大推！.玉桂蘋果班戟($78)🌟🌟🌟朋友對這班戟評價甚高，個人則認為蘋果略酸，比較開胃，或許也是這原因，令我們兩個女生可以吃得完整份甜品。🤣.Flat White($38)🌟🌟🌟🌟Latte($38)🌟🌟🌟🌟兩杯飲品的咖啡濃度都算高，即使latte奶味亦不多。