IKI Teppanyaki Bento (已結業)

買完嘢行過，見晚市餐牌一份鐵板西冷牛扒配沙律、湯同白飯，價錢未計加一為$158，倘可。點餐，至食物上桌時，只係不停聽到三個鉄板燒師傅大大聲並夾雜大量粗口高談闊論，其實佢地知唔知自己開緊工!沙律裡面的西生菜好明顯係原個一開四就上碟，每片菜葉都仲係疊到實一實，大件到食唔到。其實，切多刀，將啲菜葉分番開真係咁難咩？牛扒上桌，味道其實不差，雖然比較多根同肥膏，但咁嘅價錢，預咗。味噌湯都夠熱。白飯份量正常，但比較乾。唯一讚賞的是樓面員工有禮貌。

價錢不值。無味，鐵板凍既，雞像紙皮，羊勁不新鮮。太差。價錢又貴，俾內地人食多，揾笨，唯一服務不錢。 ..............................

同情人慶祝生日, 途經此店；嘗試一下。不用等候，因時間尚早。見有卡座位，欲二人對座；但被一女侍應拒絕。理由是三人或四人才可。剛剛坐下，另一女侍應卻帶了兩位女仕入座卡座位；似乎有些不公平。食物可以說是物有所值，但廚師的上枱擺設；有點兒馬虎。另外，一男侍應文放食物上枱；弄掉食物，竟然用客人的筷子執回。隨後再上枱，卻說已經重新燒。但食物是冷，後由一侍應處理；本人亦感滿意。本來不打算給小費，但整體算好；亦給小費。

今日難得尼到沙田 梗系搵間正野食個lunch啦見到d lunch set好似幾抵 $100吾洗就有個餐 就入左去lu~入到去要一個鐘內還枱 沙律同味噌湯都吾錯但主菜尼到 d牛太熟D羊凍既 個三文魚就ok份量都幾少最離譜系鐵板都吾熱D飯好少 想加一碗要$20吾會再尼兩個人埋單仲要$240

沙田友對食一向好捨得，新城市好多食店都屬中至高價而且一到食飯時間就勁多人等位😅😅😅今日工作到6點先食杯飯前甜品綠茶雪糕就諗住去等位食飯。。。經過覺得好香停低望下。。。老公就叫我拎左飛再考慮，反正都要等點知一話兩位，就問我地吧枱坐唔坐😁😁😁反正又行到攰就唔洗等入左去了因為老公唔食蝦，我又勁愛所以龍蝦就無我份lu😔😔😔一人點左一個一人餐 選自己喜歡的❤️點完菜就睇d c父表演見到好多人點龍蝦呀。。。很想吃的說幾個c父忙到爆。。。無敵手好快由於我坐吧枱，所以等我地d野食黎都無咁悶所有餐都有附上沙律同麵豉湯有生菜粟米同蕃茄，汁就係日本酸酸地嘅沙律汁，都幾開胃👍🏻👍🏻👍🏻食食下c父又係表演快刀手。。。點知最後一下彈左滴黑色汁落我隻手到😅勁熱囉，我當日仲要著白色衫好彩中嘅係隻手。。(女人就是衫重要過一切)😂😂😂主菜到了我們點了兩個一人b餐可以自選兩樣b餐食物我就梗係選澳洲大蝦同牛柳啦😍😍澳洲無加拿大咁大隻，但都好多肉即燒好香呀😋😋😋牛柳就有d咬不開，其實西冷同價我老公點嘅西冷同帆立貝好味d你要識揀呢😏😏😏仲有白飯一大碗另外可能坐吧台覺得好熱氣所以點左一個飲品$48一大支，兩個人飲剛好有四隻味，都係鮮

第一次黎試，見佢有2人套餐，價錢唔算好貴，就入去試下我地揀左坐Bar枱，睇住師傅燒，幾得意個餐先黎沙律，係芝麻醬的，食落幾fresh跟住主菜海鮮黎啦個龍蝦係活龍蝦，食落好新鮮，好彈牙鮑魚好爽口，一d都唔韌魷魚都好爽口，好新鮮牛排我地揀左5成熟，但黎到好似生左少少，不過食落都好好味好有肉味咬落仲有好多肉汁

沙田雖然多食店但比較少鐵板燒, 朋友食過話ok就即管試試, 價錢算中等, 龍蝦比目魚套餐 $398, 一於試試食鐵板燒就梗係要坐吧枱, 見住師傳一路燒一路食先過隱架嘛 ^^上碟唔係分開一碟碟, 好似一大碟炒埋一碟, 賣相就麻麻地但食落龍蝦都幾彈牙, 比目魚都幾鮮, 鮑魚就燒得耐左d有少少un牛柳7成熟, 唔算太un都ok, 但部份有少少根位要吐出來, 其實總括都算合格, 沙田友可以一試 ^^

終於過完一星期，又到星期五，去完沙田旅行社搞掂d野就搵野食，本來想試下新野，但一諗起佢既鐵板既味，又番黎食，唔知幾時開始呢間餐廳成為我係沙田既首選佢有得散叫or叫佢今日推介既餐，我就次次都叫佢個餐，今日星期五有牛，蝦，蠔鮑魚配麵豉湯同白飯 $368我再加左炒菜$28同加左鮑魚 $68同酒 響+soda 水 $92佢每樣野都可以配唔同醬汁，蝦佢會俾番海鮮汁，醬汁味道香濃，令食物味道更鮮沙律係送既生菜 栗米 蕃茄 配 日式芝麻海鮮醬 令本身肚餓既我更加胃口大開酒味略為淡，冰塊過多麵豉湯同平時自己沖既味道差不多第一味黎炒雜菜，菜切成條狀，有椰菜，洋蔥，紅羅白同木魚，鍾意食菜既我完全對佢愛不釋手，俾多碟我都食得哂主菜黎啦蝦今次有d過熟，但都好鮮甜，肉質好實鮑魚熟道岩岩好，好淋同鮮甜，但比加錢果個會細隻d呢個係加$68，味道一樣好味，但大隻好多，好正最後黎到牛扒，我地揀左4成熟，因為鐵板上，好快就會變得好熟牛肉質鮮嫩，一咬肉汁就出哂口入面，肥同瘦既部位都均勻整體上都好滿意，呢間餐廳既既職員都好醒木，就算見到佢地好忙，你一舉手就已經有人應，就算食完都唔會急住叫人走

月中带個東歐客落廠，中午我就带左佢去IKI午膳，我就叫左份安格斯牛柳，賣相挺不錯，牛柳相當軟腍，七成熟，唔會太熟而令肉汁流失，牛味重，無渣，確實有水準，再加埋杯Zero，完美配搭，大家可以一試

夜晚同朋友2個去左食，係門口已經聽到鐵板既jar jar 聲，都幾吸引。入到去坐左係bar 枱，睇住師傅即場煮都幾得意蝦同帶子都幾好味，可惜西冷牛就太韌蘋果梳打幾好飲

同男朋友提早慶祝聖誕節 一入到去就見到師傅整緊鐵板燒已經聞到好香好吸引可惜坐唔到bar位 我地叫左二人餐前菜有沙律同湯 睇落個沙律好似冇咩特別咁 但估唔到都幾好食 個汁少少辣 蔬菜好新鮮整體不錯！ 我地叫左雞扒加牛肉 牛肉好肥美 一食落口勁香 不過太熟了 有點難咬雞扒皮脆肉嫩 好食！而且非常之香 點少少辣醬同燒汁一齊食好正

係沙田新城巿食飯邊度都貴, 但呢一間既性價比算係唔錯, 兩個人食, 四個餸, 有前菜都係400蚊到超鍾意食比目魚, 真係好好飯, 好滑, 叫左個肉眼5 成熟, 等左一陣食, 剛剛好, D 前菜都好正特別要講講無影到既荔枝梳打, 一JAR 夠4 個人飲, 但真係用荔枝架, 唔係罐裝果D荔枝香精, 好好飲, 40蚊到, 比SCHOOL FOOD抵飲好多, 沙律都好大份, 所以計番算抵食又好食

今日去左非常多人既新城市廣場，因為已經過左用餐時間，所以唔使等位。之前已經食過依間既晚市，印象唔錯，見lunch價錢唔貴，都幾抵食！叫左2個餐，牛肉漢堡（$68）同安格斯牛柳（$98），我地都轉左香菇飯，牛柳味道唔錯，份量都幾多，牛肉漢堡有2塊，味道一般，牛肉味唔夠！跟餐有個麻醬沙律，個沙律好好食，菜夠新鮮，無咩雪味！依餐唯一唔滿意既係香菇飯唔夠熱！

每次去沙田行街，都好鍾意嚟呢度食飯。唔知點解，次次都會叫番呢個2人餐，真係情有獨鍾!叫餐完，侍應生好快便放來1大盤沙律菜，d蔬菜好新鮮，好爽脆，可惜品種唔多，只有生菜。海鮮經燒烤後，好香。烤海鮮是我的至愛，所以每次都會叫這個，好味味唷! 這個套餐是包括牛柳，牛柳質地還可以，不過全部都係肉，感覺有d heavy.呢餐飯食到好飽飽，大滿足! 不過每次飯後都會好口渴，要飲好多水。

星期六來到新城市, 想試新嘢, 經過見日式鐵板燒幾正, 價錢又不多貴, 於是拎飛等位, 等了十多分鐘就有位。這店格局似快餐店, 坐位都很窄, 幸好每張枱旁邊都有個方形布籃, 可以將手袋, 遮都放晒入去。我倆二人同行, 點了個三文魚+肉眼扒鐵板燒 (二人前)。二人前的份量都OK, 差不多都係兩個一人前的總和, 不會在頭盆之類的地方減份量。先來是一大盆沙律, 2碗麪豉湯和2份腌菜, 沙律都係一般的日式芝麻醬沙律, 味道OK且份量多; 麪豉湯則是一般的麪豉湯, 豆腐都沒有, 只有海帶和蔥花; 每份腌菜都只有兩片黃蘿蔔, 兩粒青瓜和兩條牛蒡..(好大盆沙律)(腌菜, 份量好少...)主菜鐵板燒! 牛扒叫了七成熟, 但最後出來是過熟了一點, 可能鐵板的熱力令牛扒煮過熟吧...而三文魚則要襯熱食, 因為塊三文魚俾塊鐵板再煮一煮, D魚油被迫晒出來, 最後會成塊魚都被油浸住...整個套餐還跟兩大碗白飯, 沒有餐飲和甜品, 好像缺了什麼的.. 但以這個價錢食到日式鐵板燒, 都算OK了! 感覺似食快餐, 如果要求不太高的, 這裡都算是相宜的選擇。