IKI Teppanyaki Bento (已結業)

買完嘢行過，見晚市餐牌一份鐵板西冷牛扒配沙律、湯同白飯，價錢未計加一為$158，倘可。點餐，至食物上桌時，只係不停聽到三個鉄板燒師傅大大聲並夾雜大量粗口高談闊論，其實佢地知唔知自己開緊工!沙律裡面的西生菜好明顯係原個一開四就上碟，每片菜葉都仲係疊到實一實，大件到食唔到。其實，切多刀，將啲菜葉分番開真係咁難咩？牛扒上桌，味道其實不差，雖然比較多根同肥膏，但咁嘅價錢，預咗。味噌湯都夠熱。白飯份量正常，但比較乾。唯一讚賞的是樓面員工有禮貌。