IKI Teppanyaki Bento (已結業)

沙田係小弟由細到大好鐘意去的地方近年開左好多名店食物間間都好貴前排咁岩去沙田睇完戲，諗住係附近食飯，睇左好耐搵左間lunch set 唔算太貴嘅餐廳睇下好唔好食所以就決定食佢以沙田人流，等左15分鐘都算係咁啦因為2個人，咁岩可以坐係排爐前面其實咁樣嘅有Feel 睇佢地整野食幾好，同埋開揚嘅台好似好高級lunch set 先黎前菜有大大份沙律 沙律冇咩特別湯都算幾好飲，還算足料啦主菜黎啦，同朋友叫左2個set.朋友叫左和牛set 小弟自問唔太喜歡肥野有肥油的食物唔岩我所以唔多評論啦講下小弟食個份係三文魚加漢堡排三文魚有啲唔算太滑但整體黎講都可以味道都夠鮮甜唔會落左太多調味料漢堡排方面都幾juicy 但算係平平常常啦呢個set仲配埋香菇飯，幾香口但有啲油膩整體黎講 不過不失不過啲師傅最好唔好一路煮野 一路係客面前噴晒口水唔太好可以帶返個罩 會衛生啲

慶祝女友返intern一星期，食餐好既！睇menu時覺得B組既食物好吸引，A組同C組就唔係特別鍾意，但係又唔可以一個餐叫兩樣B既食物，好彩仲有個肉眼扒餐，係肉眼扒配一樣b組食物，啱晒。B一款＋A一款 $168，肉眼扒＋B一款 $208，我地要左牛扭拼雞，肉眼扒拼比目魚。先上沙律，比之前退步左，無左超甜超多汁既太郎大蕃茄，變左車厘茄，其實質素都好好，但係大蕃茄更好ar ma。湯就比較淡，都係飲茶啦。飯就蘑菇飯好味好多，白飯未係最好味最煙肕個d。主菜方面，肉眼扒極度抵食，強烈推介！份量係牛扭同魚各自既三倍，大塊到差d食唔晒，肉質又好，半肥瘦好嫰滑，充滿甘香既肉汁。相比之下魚就細塊好多，魚油好香，骨唔多，檸檬都好新鮮。牛扭居然同肉眼差唔多嫰滑同香口，估唔到塊肉眼咁好，其實係對手太強啫，牛扭係鬆軟少少同無肥肉既，又唔會有筋，兩種扒差唔多咁好食啦，份量就無得比lu。食到個底仲有炒洋葱同生洋葱，兩樣都好味。差d唔記得講d調味汁，其實d肉咁好味，真係無乜佢地既事la。

雖然打了八號風球，但星期日的新城市廣場還是人頭湧湧。午飯時段已很多人，最後我們選了日式鐵板燒餐廳。12 時已八成滿座，太驚人了。週未的午市套餐也掋食，難怪那麼多人 。套餐還包括味噌湯，沙律和飯。如要餐飲便要另外加錢。枱上還有幾款醬汁給你，但我覺得不用點醬汁已很夠味。沙律是一大盤給一枱人 Share 的，生菜新鮮爽口，還有粟米和蕃茄粒，十分開胃。味噌湯的海帶很豐富唷～我點了鐵板自選雙拼午市定食 ($98)，我選了挪威三文魚和日本宮崎雞。挪威三文魚十分鮮甜，啖啖肉確實美味，可惜魚皮不是香脆。而雞扒肉質也嫩滑，但同一問題雞皮燒得不脆口，所以我只吃了雞肉。我選了香菇飯，菇只有數片，頗特别但有點油膩。朋友點了假期比目魚雙拼套餐 ($108)，除了比目魚還有美國安格斯牛柳。牛柳粒燒得十分稔，牛肉味很重很好吃。而朋友想吃得清淡點所以點了白飯。還加了 $8 要了咖啡。

其實都唔係第一次嚟食lu 偶爾想搵個地方同朋友吹吹水食個快飯 又唔想待薄自己 又咁啱唔駛等位就㨂呢間！叫咗靖魚 雞 同medium安格斯。半生熟鐵板上 牛肉質感燒得剛剛好 唔會有血水出但入口依然嫩滑；魚雞就冇咩特別 唔會失望亦唔會有驚喜 係保險選擇。試咗蘑菇飯 ummm 可能本身d肉都好油 再加上有汁的飯 感覺有d溜。真係太飽....捧住個肚踏出門口 又一餐。

新城市廣場總是人來人往，食肆人流不斷，之前路經多次都未曾試過此鐵板燒，今日突然想起它，就去試一試，好彩等位時間不太耐我地叫咗鯖魚及牛柳鐵板午巿套餐，首先來一個前菜沙律，賣相不錯，味道一般。主菜到，鯖魚肉質可以，配上海鮮汁，味道尚可；牛柳肉質夠嫩及夠肉味，個人認為配上海鮮汁，味道更佳香菇飯麻油味過重，感覺都係白飯好啲環境擠迫，枱貼枱，而且剛巧坐近鐵板燒爐廚房位置，感覺相當焗熱，夏日炎炎，風都唔風吓，食到身水身汗，不太好受

份量小味道差，图片严重误导，一家日式铁板烧餐厅，连配的白饭也可以如此难食，又硬又干，难以下咽，还不如大家乐白饭，真是佩服之至，而牛肉一点牛肉味也没有，差得没说话好讲，如果没有酱汁可以沾，简直吃不下去，收如此价格，真是非常的不值，非常差的饮食体验，绝对不会再帮衬，绝对！，非常差，非常差，非常差，非常差，非常差，非常差，非常差，非常差，非常差，而openrice要写200字评价才能评分，也真是非常的不合理

今日中午1240左右惠顧，太太入座先，我遲5分鐘到，全場爆滿，二人各自點選了午市套餐，1/黑豚肉生薑燒（$82），2/比目魚拼牛肋條（$88），另包兩位沙律及湯，需另收加一服務費評語1/上菜時間耐，柯打混亂：我地兩份餐由柯至上菜需時接近30分鐘，隔鄰比我們遲入座及落柯打，竟然比我們早上菜，而套餐款色與我們係一模一樣👎🏻👎🏻2/職員態度惡劣：比目魚套餐內的牛肋條粒有部分有血腥味，有部分似橡膠難以咀嚼，向門口接待處女主任反映及要求更換，但竟回應我牛肋係粒係咁，叫我照食，我真比佢嚇壞，我強烈要求更換，佢再找來一位男經理過來，再爭論一番先願意替我更換一塊雞扒，兩位職員態度奇差，我比他們更有禮貌3/食物份量太小比目魚大約3cm*2cm，牛肋粒有5粒（如可食用），黑豚得5塊，飯只有半碗總結1/職員態度奇差，食物質素太差分量太少2/永久列入黑名單3/價錢服務不成正比4/網頁及臉書無提供聯絡方法總寫字樓反映問題

今日同好友行沙田新城市廣場，接近 lunch 時間開始肚餓，是時候要尋找美食，在廣場最底層見到這店有好多人等位，相信應該會不錯，而且我們又想吃日式鐵板燒，所以取票等位，都等了大約15分鐘先有位，看到附近其他店都不用等位，唯獨是依間，所以一定要入去品嚐。現場還可看到師傅即時製作食物，充滿著熱鬧的氣氛，午市有多種不同套餐選擇，款式很多。我們都很想吃挪威比目魚扒魚和牛肉風味燒，所以點了這個套餐，主食+沙律+面鼓湯，有白飯和香菇飯選擇，叫了香菇飯，飯裡面有很多雜菇，吃白飯較寡，加入不同菇菌，碗飯有醬汁之餘又有口感，美味可口。大大碗什錦沙律菜，新鮮爽口，加入千島沙律汁，特別開胃，很不錯。煎得香脆挪威比目魚扒，鮮甜美味，牛肉風味燒配洋葱，濃濃牛肉香味很嫩滑，這間店的鐡板燒真的很好吃！

今日有事做要去沙田，做完嘢之後大概1:30。本身諗住離開沙田先再揾嘢食，不過有朋友話不如喺呢度食埋先走啦，所以隨便揾間，其實不嬲沙田都係冇乜好嘢食，可能因為租太貴星期日周圍都好多人，揾吓揾到呢間食鐵板燒，門口算少人，而且即刻有位添！入到去，帶位姐姐同我地講，一個鐘頭後，要交枱，咁都ok嘅，食個晏遮一張枱一大碗，無咩料，都ok雖然啲牛肉望落去仲生生地，但係其實係好鞋、好鞋！少D牙力都要吐出嚟鮑魚係有鮑魚味嘅，size好似半個檸檬咁上下牛嘅肉質同上，魚好淋，唔新鮮，太耐的雪藏貨無菇味肉質淋，少牛味可能因為得一個鐘，所以啲侍應不停執枱的碗、筷子、醬油碟，朋友未食完，都俾佢收晒

沙拉的确有很多蔬菜，种类丰富，数量可观，可喜可贺。点餐时——“我要牛肉。”“小姐，牛肉可能有些肉筋。”“那我要羊肉好了，七成熟谢谢。”进餐时——“闺女这羊肉好多筋啊我咬不动”orz           

星期日夜晚 7點半鐘到餐廳 因為其他食店都排長龍 佢剛剛有張二人台 費事再等所以入咗去 坐低睇餐牌 食物種類選擇算少 主要係食套餐 咁就叫咗個$498二人套餐 食物份量少 食物質素也是一般 味道也是一半 食完個二人套餐 兩個人都好似冇咩落肚 跟住要叫多三樣追加食物 叫埋2支啤酒 緊緊飽肚 兩個人落樓價＄750 一定唔會再去試 呢個價錢 個商場有好多其他選擇 室內冷氣不足 油煙也多 環境麻麻 坐得不太舒服 不會再幫襯這間食店

星期日同呀媽睇戲，睇之前食個lunch，諗住試下哩間鐵板餐啦，一個午餐lunch大約百零蚊，套餐包咗面豉湯、沙律同一碗飯，有得揀冬菇飯或者白飯，咁我叫咗份安格斯牛柳$102 嚟到大概有十零粒，一食落去又「鞋」又無牛味，都唔知係咩牛，雖然叫五成真係算俾到嘢嚟，但本身肉質唔好，煎得幾好都無用。同枱我娘親叫咗份比目魚配牛柳，大家都係五成，佢個份就熟透，睇嚟啲師傅都係求求其其煎完就出，我個份五成只係幸運......

小妹份人好懶，食評從來都係只睇，唔寫。今日食完呢餐，嬲到不得不上黎open rice分享食家心得。點左個$138牛柳條晚飯套餐，點知係牛柳粒咁個樣，算。第一舊咬落去，出埋食奶ge力都咬唔開，以為呢舊熟得濟姐。之後幾舊牛粒出少少血汁，應該半成熟啦，都係咬唔__開。。練牙力咩！硬到好__似擦膠咁，已經唔係韌咁簡單！食完胃痛，真係折墜咯！埋單個陣好心提個經理d牛太硬，佢竟然話"係咁硬架啦"。。。完全冇尊重d食客！唔怪得周圍食肆大排長龍，呢間八點唔洗等即刻有位！

9個字：態度差，份量少，食物劣。d牛硬到狗都食5到。d沙津又5好食，最嬲就係d待應差到，同佢講話d牛太硬佢話係咁架la 真係火到來。以後都5會食明白點解係繁忙時間都5使等位。

Iki in Shatin is a place I go every other weekend with my wife and son. If you like high quality teppan (Wagyu, AUS, chicken or seafood), this place is for you!Every time we go, the food quality and excellent service delights us and make us want to go back more and more over and over again.The senior managers (dressing all in black) are highly attentive and really know how to make customers happy.Service aside, the freshness, taste and quality of the food itself is out of this world. All of this