i kitchen (已結業)

之前食過K2 Kitchan已經畀廚師煮的食物味道吸引了，今日嚟到呢度， 侍應生非常之有禮貌 原來兩間是同一個老闆， 佈置都是以黑色為主 ，不過呢間就光猛啲 ，背景也有啲書和公仔襯托 ，唔知呢間廚師煮嘅食物又點呢？ 我叫咗一份鵝肝伴牛柳，我剛初嚐鵝肝，鵝肝是很貴的，而且都好大嚿鵝肝， 琳琳地， 再點啫芥辣醬，這個配搭一絕，芥辣醬pics咗少少鵝肝騷味，所以非常之夾， 兩嚿牛柳我叫咗七成熟，好嫩滑， 肉質超靚，似酒店式廚師煮，真係有一手， 100分 ！朋友叫咗韓式慢煮羊㗎 ！見個賣相已經吸引，羊架沒有騷味， 我都嘗試咗一塊 ，再配埋薯雜菜就點絕了，啱啱好，最後加埋甜品配奶茶 完美 好滿足嘅一個 午餐韓式慢煮牛肋肉$108因為無牛肋肉所以改羊架鵝肝伴牛柳$188鵝肝好大嚿 加芥末醬味道好夾牛柳兩塊七成熟 軟淋淋一啲硬嘅感覺都沒有手多多 印了多一個心 變成三心兩意 哈哈

今日去到觀塘工廈食西餐，餐廳都好細下，全場20張枱都唔知有冇，佢仲有2張圓枱，圓枱感覺好似中餐食飯咁，其它都是bar枱同方枱~柚子醋三文魚有機蕃茄沙律Fresh Salmon & Organic Tomato Salad in Citron Vinegar裏面有沙律菜，鮮蕃茄同三文魚，d蕃茄好新鮮，好juice,好食 底下有柚子醋，香香既柚子味，甜甜地，好開胃~黑松露野菌茸湯Black Truffle Soup Wild Mushroom 呢個湯加入左黑松露，有d酸酸地，我還是喜歡正正常常的野菌湯蜜糖芥末燒豬手Roasted Pork Knuckle w/Honey Mustard Sauce這個豬手甜甜地，芥末不辣，都幾開胃，但豬手有點肥北海道珍寶帶子海膽醬意大利飯Sea Urchin Paste Risotto w/Seared Hokkaido Scallop帶子好大粒，帶子肉好軟身，食落去個種口感好正，軟軟的😋，加埋d海膽醬去整意大利飯，正呀，賣相都好靚呀，佢d飯係分開左2份架，這個大推，好好吃菠蘿梳打水杯野就唔見有菠蘿肉，而味道就好似雜果賓治咁，都幾好飲~服務員態度有善

咁啱過觀塘訂造西裝，去之前享受一個悠閒嘅下午，去咗食個西式嘅午餐。可能已經一點幾，餐廳唔多人，同家人坐係窗邊，有少少陽光透入來，好舒服。前菜有個巴馬火腿包半條脆麵包，都幾開胃。之後就有個甜薯湯，個湯有濃郁嘅番薯味，都幾特別。主菜叫咗個酥皮焗羊柳伴蔬菜，個賣相好吸引，食落口個羊好香，唯一不足就係個酥皮個底因為個羊好多油搞到好淋好濕，好似冇咗個底咁，同偏油左，食食下有點膩最後差點叫咗個鮮奶熱朱古力，啲打左嘅奶配埋朱古力好滑個甜品係一件小嘅芝士餅，個伴碟畫得好靚，配埋悠閒嘅環境，令人覺得心情特別好，食物質素配不貴的價錢，性價比高

忙了一整天陪客戶，送他們坐上皇崗直通車後，終於有時間坐下來一個人安靜地吃個晚飯了，i-kitchen就在APM商場附近，過來這邊醫肚很方便。叫了個套餐慢慢享受一下一個人的時光，首先是三文魚番茄沙拉：三文魚厚而大塊，可想而知這條三文魚應該很大，而且十分新鮮，大口大口地吃下去，令嘴巴很有飽滿感。餐湯：選了甘筍薑汁湯，沒想到這個搭配很暖胃。甘紅色的湯底配上白汁，有如一位美女在運動場上跳著絲帶舞。主菜：慢煮美國厚切肉眼牛排，外面燒得干身鎖住裡面的肉汁，全部都是瘦的，但吃起來一點也不粗糙，而配菜是那麼的細緻，可見用心製作。最後是甜品，看著都覺得很養眼，也讓人心花怒放的，藍莓芝士蛋糕卻是入口即化。

來得呢區有兩個原因shopping 同去食嘢係咁簡單，又其係呢區工廈內特別多美食，簡直係一種享受，是日行完例牌又去左開飯，講真工廈美食食至不盡，起碼食物同服務都有咁上下水準，先至有咁前來多人幫襯，今次就去左呢間食晚飯，咪睇普普通通分分鐘食落有驚喜，而且仲係食完一道菜才出第二道菜，唔駛食落有壓迫感夠細心，先來有是日推介小食雞肉辣腸菠蘿千島醬pizza，熱辣辣pizza 食落夠晒脆口，滿口啖啖香滑芝士加上配料十足，食得特別惹味眨眼就食完pizza 食完開始品嚐晚餐，因為係散叫所以升級變咗套餐，已包埋前菜沙律，是日餐湯同飲品超值優惠，先有三文魚沙律份量足，三文魚肉質嫩滑肥美，番茄爽甜清新其後有是日餐湯有兩款口味，點了廚師餐湯飲到濃郁香滑菠菜味食完美味小食同前菜連餐湯，到主菜有帶子黑松露意大利飯，已聞到黑松香味四溢，賣相亦不錯帶子好大粒，帶子肉質彈牙夠晒鮮味，再食啖軟綿綿嘅意大利飯真滿足飲埋杯特別飲品陣陣透心涼另外甜品點了脆皮朱古力心太軟，又可以寫埋字係碟上慶祝生日仲有公仔圖案服務夠細心又食到濃郁心太軟，簡直物超所值食到一餐美味晚餐。

這裡又係另一個開飯好地方，全因位置多之餘同座位舒適食物有質素！最緊要係就腳，在商場內搵食又貴又要等，而這裡就不用，座下當然要望吓有什麼啱食，芝士煙肉蛋黃醬意粉$108，加多$58升級為套餐，有沙律、湯、甜品、餐飲沙律三文魚蕃茄沙律，用厚切三文魚就絕對係正確描述，一啲都唔會係將價就貨，肥美軟滑嘅三文魚，入口啖啖肉正！是日廚師餐湯選了波菜忌廉湯，波菜有益加埋最愛嘅忌廉湯入口，配埋條脆脆包飲，一流！而個主菜芝士煙肉蛋黃醬意粉，就有個好濃郁嘅蛋黃醬混埋啲意粉一齊入口，真係食到個嘴邊都係蛋黃醬，意粉亦有分煙韌彈牙，食到最後記住要抺乾淨個嘴！最後餐飲亦可以再升級，補回個差價($20內不用補錢)，我點了朱古力凍啡(補多$6)，奶夠及有香濃朱古力同咖啡味道，完全一次兩種享受！跟住上埋個自家製跟餐甜品，真係夠晒滿足！

最鐘意去工廈度搵食, 呢間工廈裡嘅西餐廳雖然地方唔算超大, 但勝在店內設計特別, 情調十足, 環境舒適寧靜, 好適合情侶或三五知己嘅聚餐。餐牌食物由頭盤、小食、餐湯、Pasta & Risotto、主菜、一人 Set Dinner、二人 Set Dinner、甜品至飲品, 應有盡有, 款式眾多。如果 Set Dinner 款式唔啱口味, 仲可以喺 Pasta & Risotto 同主菜類中揀, 然後加 $58 轉套餐。柚子醋. 三文魚. 有機蕃茄沙律三文魚係厚切, 而且超級肥美, 肉質細嫩, 魚油豐富。蕃茄同沙律菜都非常新鮮, 伴埋柚子醋一齊食, 酸甜得黎帶點柚子香, 清新開胃。羅勒鹽燒溫室大傘菌溫室大傘菌肉地非常厚身, 而且菇味特濃, 用上簡單嘅鹽燒煮法, 令味道更加昇華。野菌茸湯以大量野菌打碎後煮湯, 無論味道同口感, 滿口都充滿住濃濃嘅菇味, 飲湯嘅同時又可以食到野菌碎。雜菜牛肉湯用料豐富, 有蕃茄、薯仔、甘筍、洋蔥、西芹 … 再加上牛肉熬成, 天然濃郁嘅酸甜味, 令人食慾大增。澳洲穀飼 M6 和牛肉眼. 獨子黑蒜. 喜瑪拉雅山礦物鹽M6 和牛肉眼, 油脂分量適中, 分佈得非常平

星期日中午大班人找個地方吃飯都不容易... 呢度10個人都可以book到位。本來book咗1:15 ，早左半個鐘頭去，很好可以早入座。呢度嘅員工很友善，很有禮貌。令人感覺好舒服。自己揀咗呢個牛扒，七成熟。不過好似熟左啲啲，個汁較得好好！令到整塊扒都好食左。其他食物只能夠分享照片，因為我冇試味。咖喱雞意大利飯鹿兒島豬豬漢堡意粉甜品（今次甜左DD，不過好欣賞佢哋少少蛋糕都整裝飾）前菜以呢個價錢，簡簡單單食個舒服午餐，覺得合理。其實仲有湯或者沙律，不過沒有拍照。

唔覺唔覺都有段時間冇來呢度，之前都有來過食佢呢度晚餐，而且食物質素都有水準，係呢區工廈來講算係中上級，質素點都唔會差過出面嘅餐廳，又可以品嚐到每款美食，是日又來左呢度開飯識食一定會點佢地精選晚餐有多款口味提供，仲係已包括晒所有一定食得滿足，又有升級優惠又可以食到精選美食一舉兩得我就比較鐘情食肉多D，所以點了BBQ 醬燒美國豬肋骨，點完心水晚餐就準備開始品嚐美食，先有前菜係柚子醋.三文魚.有機蕃茄沙律，三文魚厚切又肥美食落口感滑溜，蕃茄入囗爽甜又多汁，再食啖柚子醋沙律酸甜開胃再來係是日餐湯，野菌茸湯入口香滑味濃厚，輪到主菜豬肋骨賣相份量十足已聞到陣陣BBQ醬香味唔知食落有冇驚喜，一切開已見肉質細嫩香滑就知燒得出色，入口啖啖肉之餘又食到脂肪香甜食得相當滋味，包你滿足到食慾再飲杯即磨凍咖啡提神一下，一輪美食最後梗係食埋甜品芝士蛋糕，咁樣先至係一個完美嘅晚餐

去工廠大廈食飯，雖然唔似得大商場咁五光十色，但工廠大廈相對租平，用較平價錢食到好嘢的機會相對較大。今晚呢間西餐就係一個好例子。澳洲 M6 和牛肉眼晚餐 $406頭盤: 柚子醋三文魚有機番茄沙律三文魚厚切、肥美。與 “酸 MayMay” 柚子醋及番茄同食，非常開胃。湯: 牛肉雜菜湯大量蕃茄、甘筍、洋蔥、西芹、薯仔淆製。非常濃郁。主菜: 澳洲 M6 和牛肉眼高質素牛扒，無需要任何醬汁，亦無需要任何調味，只需要配上一點點岩鹽就足夠。Medium 做到剛剛好。肉味、油香皆充足，相對西冷牛扒比較軟諗。如果用 Chargrill 代替 Panfry, 肯定更加出色。甜品: 脆皮朱古力心太軟點解要強調脆皮?? 因為朱心太軟要即叫即焗先會有脆皮效果。同坊間一般西餐廳番熱生產商製成品 不可相提並論。珍寶帶子海膽醬意大利飯晚餐 $246頭盤: 鹽燒大傘菇肉厚，菇味濃。簡單鹽燒係最好的煮法。湯: 野菌茸湯雜菌無被完全打碎，保留了口感。主菜: 珍寶帶子海膽醬意大利飯帶子生熟度剛剛好。表面微焦，裏面保持嫩滑。意大利飯質感比較偏向香港人口味，偏向較腍。甜品: 黑芝麻豆腐慕絲特強芝麻味Overall 非常出色。酒店

今日放工約左朋友係觀塘食飯，係公司附近又交通方便的西餐廳，睇了一下餐牌就叫個二人餐啦！來個頭盤海鮮凍盤，翡翠螺、鮑魚、海蝦、青口、松葉蟹鉗，每一樣都很鮮味啊！好食！白酒牛油煮紐西蘭托托蜆，蜆肉大隻又甜仲好好味喎！兩種不同的松露野菌茸湯、廚師餐湯紫薯濃湯，兩個湯都好飲各有特色！主菜來喇BBQ醬燒美國豬仔肋骨，燒得很好又入味，一口咬落去骨頭就掉出來了！北海道輕煎刺身帶子配墨魚汁意大利飯，輕煎了的帶子不用怕會乾身，食落仲好鮮味，墨魚汁意大利飯煮得好有口感好配合到帶子的甜味！雖然很飽但又點會唔食埋個甜品先呢！焦糖蘋果伴雲呢拿雪糕！這裡的每個食品上到枱除咗味道得之外，真係可以係食之前欣賞一下碟上的擺碟好有心機，整得幾靚架！

上個月同朋友來過，食物質素高，甜品賣相又靚又好食，亦一直念念不忘呢度既歐洲新鮮果汁製果酒，今晚book到位又可以再品嚐了。坐低即點我掛念的Pear Cider果味有汽酒，清香梨味易入口，深得女仕喜愛！也有士多啤梨味道，另外亦有幾款手工啤酒。選擇了二人套餐，先來海鮮凍盤，我覺得最好食係翡翠螺、鮑魚同海蝦，冰凍鮮味有咬口，加點檸檬汁更突出其鮮味前菜白酒牛油煮紐西蘭托托蜆夠晒鮮甜，真係想連d汁都飲埋廚師餐湯遇著我至愛既紫薯濃湯，一上枱就聞到紫薯既香味，入口甜甜的，好美味！主菜BBQ醬燒美國豬仔肋骨肉質嫩滑唔會韌，唔使點醬料都夠晒入味，非常好食！北海道帶子墨魚汁意大利飯，每粒飯都沾滿墨魚汁，食落唔膩，口感唔錯。焦糖蘋果伴雲呢拿雪糕，最期待既甜品出場，今次竟畫了多啦A夢，好得意。熱辣辣蘋果批加雪糕，真係好好味！

週未喺官塘outlet 行完想揾個舒適地方食 late lunch , 我推薦工厦既 I kitchen. 地方大又就腳，服務好好，而且有好多套餐選擇。以法式為基礎既I kitchen , lunch menu 細心地由沙律、意粉、糙米、三文魚、羊、肉、雞、豬都包括曬。。。只有選擇困難，想吃什麼都有！套裝有南瓜湯或沙律、主菜、餐飲、甜點。慢煮紐西蘭肉眼 118元五成熟既肉眼好吸引。好滿意佢地認真地煮到五成熟，無over cook. 法國菜重擺設，相機當然食先。呢個五成熟既煮法，完美地保留牛肉既肉汁，肉質有啲生，好刺激。配糙米飯，剛好將醬汁派上用場，撈飯一流！烤西班牙豬肉眼158元最貴既一款， I kitchen 俾足份量，可以話價錢同質量成正比。慢煮本來就花時間，慢煮熟稔後再香煎，口感更香脆，第一口，就有驚喜！我選擇左配抄雜菜，非常健康。雜菜有木耳、秋葵、小紅羅白、西蘭花、脆玉瓜等等。好豐富，各種顏色都有，注重健康之餘，又清新，非常欣賞！飯後甜點，開心滿分。餐飲還包括特飲。今日既特飲係芒果蘇打，爽！

這裡晚餐都幾多選擇。有意大利飯,意粉,牛扒,羊扒,豬鞍等等,價錢由$128至$348。可以散叫,也可以加$58轉套餐。套餐有頭盤,湯,甜品,咖啡或茶。真的不錯。 是晚我揀了SET DINNER。 頭盤:三文魚蕃茄沙律 三文魚刺身有兩大塊,厚切。一望落去已覺得新鮮。食落都是新鮮的。蕃茄酸甜, 幾開胃。 今日的廚師餐湯是南瓜湯 南瓜湯幼滑如絲, 南瓜味幾重, 好飲。 我加了$38要了輕煎刺身帶子 刺身帶子輕煎過來,帶一份香氣,爽口彈牙。 Main course要了慢煮美國頂級厚切肉眼 肉眼扒要了7成熟,慢煮。剛剛好, 肉眼扒不覺血淋淋又不會太熟。而且肉質嫩滑, 加上芥辣, 份外美味! 這個扒我會再encore。 跟set,最後奉上朱古力蛋糕

晚上朋友帶路到巧明街工廈用餐。從APM那邊通道走出去，過馬路，走不到3分鐘就到。裝修雅致，地方大，安排寬敞。有套餐（一人或二人）也可以單叫主食加HK$58轉為套餐，包括沙律、湯、甜品、飲品。沙律點了鹽燒大傘菌，菇味濃郁的大傘菇配上清爽的沙律，口應有層次，也更加加強了菇的味道。湯品是野菌茸湯，菌菇的另一種煮法，打成菌蓉，加上忌廉和各種配料，味道香濃，又有一點點碎菌的咬感。主菜是帶子黑松露意大利飯，米飯時間掌握得很好，不會過軟或未透心，而且每位飯粒都能夠吸收到忌廉和黑松露。黑松露的幽香，加上輕煎香嫩的北海道帶子，更加豐富美味。最後以甜品作總結，滿足！