HUNTER (已結業)

主廚由經驗豐富珠圓玉潤皮薄餡靚白裡透紅入廚幾十年既半血泰婆煮理 half blood Thai chef，食物質素有保證﹗Hunter 獵人餐廳感覺會有好多肉啖啖都係肉、飛禽走獸、奇珍野味、叢林植物野菌野菜香草、特色食材、罕見料理及烹調方法﹗諗下都非常過癮。半血泰婆秘製泰式酸辣汁，撈乜都掂﹗沙律、刺身、海鮮、白肉紅肉、粉麵飯、等等，同樣出色一流﹗家傳秘方絕對不是那些唔識泰菜扮識泰菜既混水摸魚之徒﹗善有善報、惡有惡報，若然未報、時辰未到﹗泰式柚子沙律，多謝老闆為我精心炮製的前菜﹗清甜爆汁滴水撈埋香口蔥酥蝦皮連新鮮沙律菜，滿星美味差點連碟都吞埋！炸紐紋粗薯條，外脆內軟啖啖肉，薯肉綿綿滾滿茄汁最開心﹗明太子軟殼蟹漢堡⭐️⭐️⭐️⭐️⭐️等了又等，終於苦盡甘來食得到，果然名不虛傳﹗熱辣辣軟塾香噴噴的麵包非常好楂手，手感一流愛不釋手﹗酥脆的軟殼蟹啖啖肉夾雜甘甜蟹膏格外滋味，仲有香辣明太子及酸甜沙律醬助攻，加上火箭菜、生菜、番茄的鮮甜爽嫩﹗百味交錯、錯綜複雜，味道交替融合昇華，無話可說﹗獵人炸髀⭐️⭐️⭐️⭐️⭐️三多炸髀始創廚師進化版，始祖巨人炸髀﹗會使人食上癮的精製醃料無人能及﹗狠狠地一咬一扯雞汁飛射，薄脆雞皮鳳

之前經過都想試，今次經過見有位，就入嚟試吓餐牌見菜式都有幾多選擇，burger嘅種類都多，平時見到嘅都有，其他小食就樣樣都有啲。因為今次只係食個快飯，所以就淨係叫咗個burger小試牛刀。叫左呢個熱浪風情漢堡，$88有驚喜，本身塊牛肉漢堡已經夠厚好juicy, 而入面塊菠蘿夠甜，又多汁，夾埋一齊好夾，平衡咗漢堡既油膩感，推薦👍跟餐有薯條，夠脆好食，份量都多，唔驚唔夠飽👍整體嚟講，今次用餐經驗幾好，推薦呢間餐廳，下次黎會試多啲唔同嘅食物，睇吓啲小食表現好唔好

星期五晚上6點左右嚟到，小店座位唔多，不過當晚到我離場都唔滿，客人唔多。獵人鹿肉卷 $68我自己無食過鹿肉，所以唔知係咪真野，唯一可以講食落口感似豬肉🤔，味道就只食到茄汁嘅酸味同埋頗重嘅香料味。肉嘅份量唔多，另有配料洋蔥絲、芝士、車厘茄，整體無咩特別，性價比亦唔高😅。明太子醬$10+煙肉碎薯條$25千島醬加入少少明太子，食落唔會過鹹，有淡淡嘅明太子味，而且帶點酸，唔會好滯嘅一個醬。煙肉碎唔多，如果比多少少就更好。榛子西多士 $25呢個唔係即炸出嚟，因為裡裡外外都係凍...😑同埋，無咩特別狂牛漢堡 $88跟半份薯條呢個份量同肉卷比感覺抵好多😅起碼跟左半份薯條，個包都大份D🙈漢堡扒好厚，而且好有牛味，仲有好多肉汁添😯我口唔算細，但一啖咬哂咁多層都有D難度。麵包鬆軟，不過凍嘅，扣分。餐廳當晚機仔壞左，所以只收現金。另外，餐廳星期一休息，大家唔好摸門釘。整體食物味道OK，但某D食材上枱果陣已經凍哂，有待改善；另外，抽風系統亦需要加強，喺客人唔多嘅情況下，全店充斥住油煙味，我用餐果半個鐘，真係好辛苦。其次冷氣唔夠，越食越熱，行出餐廳果刻深感外面比店內涼快、呼吸更舒暢。

今次係週末既Tea Time (大約4:00) 黎到，嗌左4樣野，脆香魚柳漢堡 ($68)，跟餐加配香橙椰果梳打 (+$12)，榛子西多士 ($25)，自家製香蔥陳皮鯪魚肉炸燒賣 ($15)，埋單$120，唔洗收加一。距離上次黎到都有一個月既時間，今次門口多左道趟門，變左坐最出面張枱都唔會太嘈 (始終鋪頭位置係喺巴士站附近)。另外除左本身有既射燈仔，亦多左8支小吊燈，令店面整體光猛番d，音樂亦都比之前細聲左唔少，相信店家應該有睇呢道d食評，抵讚。一如既往都係嘢飲先上，其他嘢食陸續上枱。當時計埋我有兩枱客人，等侯時間都係大約10分鐘，唯獨是西多要耐少少，大約15分鐘。先講香橙椰果梳打，大大杯，Size比一般支裝汽水多，單論份量計個人覺得抵飲過支裝汽水 (跟餐加$8)。芬達底，加椰果粒，加冰。比3星既原因係味道偏淡，其實過往兩次幫襯既支裝芬達/忌廉都有類似問題，唔排除支裝個味係冇平時既罐裝咁甜。之後講下脆香魚柳漢堡 ($68)，跟餐有半份原味薯條。薯條以往都講過，唔再重覆講喇。魚柳包既配菜有番茄、紫洋蔥、西生菜、芝士片，沙律醬。比3粒星係因為魚柳撲既炸粉漿份量略多，特別係最外圍既部份，令到

我很愛食Burger, 所以是shake shack的常客。呢間都好有水準,自製雞軟骨扒,好味又低食。由一對夫婦用心經營的小店,不設加一服務費。一個價錢$68,漢堡包連沙律或可選薯條。上次試左薯條很香脆,所以今次試沙律,D菜好新鮮。最後要講主角漢堡包是會另人回味的,真心好味。獻上我的第一個openrice食評,祝福小店。由於我是真食客都要講下唯一的缺點是由於用心製作所以等待需時,希望有待改善。但是我是個為食的客人,等一個好味的漢堡包,我是十分願意的,極力推介給大埔街坊!下次再見~

今次幫襯距離上次都有一個月既時間喇，閒日既收工時間 (大約18:30) 黎到，單號繼續係9，今次得我一枱客，未免冷清左啲，希望店家再夜啲既宵夜時段會好生意啲啦。嗌左兩樣野食，原味既粒粒雞軟骨 ($48)，美國牛堡炒三色拉麵 ($88)，支裝忌廉跟餐加$8，埋單$144，唔收加一。前後等左10分鐘，黎齊兩樣野食+野飲，等候時間合理。先講「粒粒雞軟骨」，今次嗌炸物又係唔記得剔口味，所以又係黎左原味，呢樣係自己衰，唔怪得人。雖然係原味，但雞軟骨本身都有滲上一啲調味粉，加埋本身跟左一杯仔既芥末醬，味道唔差。炸漿唔會過厚，食落熱辣辣+香口。最後講「美國牛堡炒三色拉麵」，本身想食「狂牛漢堡」，但喺佢地FB睇到漢堡賣晒，咁冇計啦唯有下次先食。拉麵彈牙爽口，有紅椒、青椒、洋蔥、紫洋蔥、椰菜、番茄仔做配料，汁係黑椒汁，食落非常惹味，不過略嫌油左少少。另外既牛堡超厚超大塊，肉汁多，牛味重，呢間野d排係做得非常唔錯。簡單總結，推介美國牛堡炒三色拉麵，牛堡大大塊，Juicy，牛味重，拉麵用黑椒汁做調味，再加少少菜做點綴，賣相非常好。粒粒雞軟骨反而冇上次既雙層雞軟骨漢堡咁驚艷，可能係今次嗌左原味，又或者係上次既

🍔和牛漢堡夠juice，厚身和牛味道比較濃，但夾埋包一齊食味道變等岩岩好。🥜🍫西多有得揀花生醬或榛子醬或邪惡雙醬比較特別，個人感覺雙醬都唔怕太甜。面包方面同傳統西多唔同，唔係炸而係煎，感覺上無咁熱氣。🥟雞皮餃子唔係度度都有可以一試。🍟煙肉薯條我選擇咗加芝士同黑松露醬，芝士嘅量係多到足夠每條薯條都有芝士，唔怕得面頭幾條有芝士，鍾意食黑松露味嘅人絕對要加黑松露醬，因為黑松露嘅嘢鍾意就真係會好鍾意😂

本身留意到呢間小店，係因為收到佢地寄過黎既宣傳單張，但係地址寫錯左做「大埔路」，應該係「大埔汀角路」先啱，未知之後有冇修改翻呢個筆誤。幫襯佢地既係禮拜六黃昏左右既時段，鋪頭位置唔算大，擺左3張四人枱，加1張Bar枱。可能未係食飯時間既關係，唔洗排隊直接入得，落單係用白板筆寫喺一張過左膠既餐牌度。今次嗌左兩樣野，雙層雞軟骨漢堡 + 支裝既芬達橙汁 ($68+8)，同埋炸魚薯條 ($58)。落單冇耐就先送黎支裝既芬達，然後上炸魚薯條，最後就係雙層雞軟骨漢堡。前後等左大約10-15分鐘，話晒都即叫即整，等侯時間都算合理既，而且喺等既過程入面，都聞到陣陣既肉香味，非常吸引。先講炸魚薯條，唔似坊間一般成條魚既賣相，上枱時已經切好一啖一粒。好處係食起黎比較方便，用竹籤或者用手食就ok，壞處係影相打卡就冇咁靚喇。炸魚味道不過不失，肉質實淨唔會鬆散，脆漿亦唔會皮肉分離。薯條話係原味海鹽煙肉碎既口味，都食到少少煙肉味既。本身跟有兩個細杯裝既茄汁同他他醬，份量足夠，唔會話未食完d小食，就已經食晒d醬既情況出現。之後講雙層雞軟骨漢堡，入面有配菜 (生菜、紫洋蔥、番茄)，同埋兩塊超厚既漢堡排。個人覺得其實一塊