Hungry Korean (已結業)

是日5月4日 星期三，與友人辨完正經事已經晚上10：40 喜見此間韓國餐廳尚未關門坐下二話不說叫左鐵板甜雞肉 柚子炸雞等候期間 看見廚房火光洪洪居然廚師自己出菜 鐵板甜雞肉雞肉炒得微焦 醬汁濃厚非常 甜甜地 菜絲炒得爽口 最重要係滋滋聲的鐵板 聽到教人喜歡柚子炸雞 好似圖文不符 係缺貨原因所致？ 並吾係一般炸雞件 係類似雞柳 雞肉紮實 柚子醬冇特別 係冰凍的 一熱一凍好有趣不過略嫌白飯有d硬同凍 可能接近收舖掛 唯一缺點係未食完樓面已經開始擺凳上枱 食得比較趕 結論係此頙雞肉大餐宵夜非常美味 荃灣宏宏小店 此間韓國小店我記著了！

我一直是尖沙咀店Hungry Korean的粉絲，往往宵夜時段就會去Hungry Korean醫肚。今晚在荃灣吃宵夜，我看到路德圍有Hungry Korean就立刻與友人衝入去吃。怎料，中伏了😫😫今晚的食物簡直是劣質，一碗韓國湯拉麵（辛辣醬）只有碗湯底是OK的，韓國麵未完全熟透，一餅接一餅，魚皮就浸了很久，沒有在尖沙咀吃過的咀嚼感。另外，那個香葱雞翼的炸粉，就是沒有落過，「林」的，浸在芥茉醬中就變得不知所謂。一隻雞中翼食到有碎骨，更代表火候失準。芥末醬也不知所謂，酸到不能入口。我也吃過旺角店及銅鑼灣店，這間的劣質食物簡直是極品。

第一次食稻草人係尖沙咀 事隔多年 終於重遇終於進駐荃灣啦👍🏼👍🏼立馬幫襯一下先😌雖說是快餐形式 但都有前菜的 😁 石鍋牛肉飯 吱吱喳喳的 相機食完即刻拌蛋牛肉真係無得輸 入口牛味濃而且有咬口韓式拌飯好好食 有蘿白絲紫菜碎等 十分香口👍🏼 豆腐湯 韓式豆腐比較硬身 豆香味較濃 拌飯一流👍🏼魷魚紫菜卷 我還是比較喜歡日本紫菜 比較脆⋯除了紫菜唔夠脆之外 其實中間嘅材料都好香 補分😂 好hea嘅兩杯飲品 輸在外觀⋯

平時都係食開尖沙咀個間分店，但一向都多人等位。突然就想去荃灣分店個間食，貪佢無咁爆場。一黎都係叫一個平時食開既鐵板甜雞肉飯 ！ 熱辣辣上台，一定要小心熱，唔好辣親個咀呀！平時唔鐘意食茶既我，黎到呢到都會將所有菜食曬。因為個醬好味之餘，仲好爽口。雞肉既味都岩岩好，但係隔左一陣後，已經開始會燶！另外叫左一個韓國豬肉壽司 入面有好多材料，我仲同女朋友研究入面有咩材料自己包。同埋佢地包得好實，咬落去特別好味而且佢地會查一d調好味既油係上面，特別惹味！整體黎講算係平靚正，唯一係坐位無咁舒適，都可以話係快餐店既特色吧！

行街前先食韓國菜醫肚牛肉紫菜包飯 好好食十分充料 牛肉仲好juicy 加埋其他脆卜卜既疏菜一齊食 正 牛肉漢堡 個樣唔似韓國菜 不過好好食 入面有牛肉塊 大小剛好 唔會食食下跌哂出黎牛肉塊同個洋蔥汁好夾麵包亦都烤得剛剛好 外脆內軟好好食 牛奶綠茶 唔算好好飲味道較淡 好飲包裝個種 冇咩驚喜

星期日獨家村，經過見荃灣開左新分店，之前係尖沙咀食過 記憶味道都吾錯 係性價比好高既韓食星期日吾需要等 直接有空位 點左個鐵板甜雞肉 之前係尖沙咀食過 冇雞皮 雞柳粒黎 好好味 今次決定再食 等左十分鐘 鐵板好熱 炸炸聲 好有feel 不過呢.....大部份雞肉燶左 味道係接近尖沙咀 不過燶晒基本食吾到而且飯都係凍凍地呢間分店可以望到廚房 見到廚師冇野做玩電話 希望吾係掛著玩電話煮我個雞啦

有日下午送貨, 本身想去路德圍間粥店下午茶, 點知見到隔離開左間韓國野, 有牛肉鐵板份量都唔少,四十蚊, 所以入左去.由於係下午茶唔係好多人, 所以上菜很快. 我見到廚房入面係用明火炒野食. 牛肉同飯都熱辣辣, 牛肉軟身多汁, 碗飯係珍珠米有飯香.雖然比較多菜, 但係肉份量都唔少, 以我既食量都夠食. 仲聽到隔離有兩個女仔話食到好飽. 係店裡坐了一陣, 見到店員都滿臉笑容, 食客都食得滿意. 而我也很喜愛這小店.

約左朋友去路德圍食飯, 點知行行下落大雨, 一出力新廣場就見到大大個綠色公仔頭, 原來係食傳統韓國菜, 門口有個笑容滿臉既女仔介紹中, 佢地既食物有辣有唔辣, 而且冇添加, 所以我地就試下啦.入到去既裝修以淺綠色同原木色為主, 感覺幾清新, 員工亦有叫歡迎光臨同帶位, 經員工推介下, 我地就叫了泡菜香腸湯同埋鐵板辣豬肉.首先講辣豬肉, 未上菜已經聞到鐵板豬既香氣, 食了更感受到甜甜地同辣辣地, 同係韓國食既真係差唔多.至於泡菜香腸湯就超多料, 重點係裡面有一個韓國即食麵, 吸收了湯既精華, 真係食到停唔到口.其實見到呢間食店係繁忙時間非常多人, 但係員工都能夠盡快回應客人既要求, 睇到佢地都好有心服務顧客, 以快餐店嚟講已經很好了.

今日下午同同事食韓國菜, 見石頭飯有跟餐送汽水, 所以就試下.石頭飯有麻油香, 外觀看來配料好豐富, 例如有茄子, 菠菜, 蘿蔔等等.仲可以選一款肉類, 我選左牛肉.個飯係跟一支甜辣, 我試左少少, 都覺得唔錯, 用嚟撈飯剛剛好, 食到飯底仲有飯蕉, 但係唔燶喎, 唔使十五分鐘食完了. 食完仲有少少回味, 以後lunch又有一個好選擇.

還可以 10月1號夜晚經過荃灣 見到價錢都公道 就入左去食 入到去店鋪都容納到4至7枱人 有一排系面向窗 岩晒一個人去食 都系一般韓國菜 泥得比預期快 5至7分鐘就到👍🏻叫左個牛肉石碢飯$44 同豬肉壽司卷$34 有杯唔知咩茶$9 個飯一般 唔會太辣 唔系伏嘢 個壽司卷食唔到有豬肉咁 不過好食 俾錢埋單個陣(應該系老闆娘)態度冷淡 冇多謝個啲 找翻錢我個陣系dum 啲錢落個碟度 咁既價錢唔系貴 但系最少既下次光臨或者多謝都冇

今晚收工1人晚飯, 所以是但搵間餐廳食個快飯, 受老婆影響而家多左食韓國野, 見呢間唔太多人, 一於就試下.要左"甜雞肉鐵板燒"$50, 有碗白飯.鐵板上好夠熱, 甜雞肉真係幾甜味, 好易入口, 肉都幾嫩不過好細舊好少, 椰菜就正正常常. D汁甜甜地用黎撈飯反而仲好味.份量真係比較少, 如果白飯可以添加就更好.

今日放lunch想食石頭飯,就第一時間諗起hungry korea,去到好彩人唔算太多,坐底左望一望個menu就叫野食~因為唔太多人既關係侍應好快就過黎幫我落單,野食好快都到~牛肉石頭飯$34:上到枱渣渣聲,襯熱拿拿林撈暈,呢到將蛋黃放面蛋白放底,令蛋黃可以主要用來撈d肉同菜咁就更香,而蛋白放底可以隔一隔避免d飯受熱過度,到上到枱撈個時温度剛剛好飯焦都好食d,牛肉同d配菜都有醃過所以配飯食好開胃,而且石頭鍋有好處就係可以keep住d飯熱,到最尾仲有d脆卜卜既飯焦食,成個飯好豐富好快就食哂lu~+$7玄米荼:竟然係酸酸甜甜既味道,而唔係平時飲荼既澀,好似飲果汁咁,又清甜又解渇total$41,好滿足既lunch,充足電可以又再奮鬥啦~

來試食這間新開的店，係好多選擇的荃灣區我都想試下濃味的午餐，見店員主動及都有少少想食韓國野，於是入去試試。感覺種類太少選擇，原本想點泡菜豆腐湯，但問店員有肉嗎，店員回答：「有肉碎」，我「... ...」最後點了「雞肉石頭碢飯」，雞很入味，中間有隻生雞蛋，拌勻後，醬料自己加的，當我調好伴好準備食時，有一個電話打來，好像計算好，當我吃了第一口，味道是偏甜，就聽了電話，大半小時後飯仍然是熱的，哈哈！繼續吃，其實味邊還好，但我心中仍念念不忘「泡菜豆腐湯」，如果有得加雞肉，就好了！新店，裝潢企理啦，收費44元送飲品，但飯類可以多點套合就更好。

難得多了一日公眾假期, 去了我的至愛路得圍食飯, 經過見到開了一間 Hungry Korean, 我記得經過尖沙咀, 呢間野好多人排隊, 荃灣呢都唔例外, 都有唔少人係門口等位. 好啦, 就係到等位啦, 估唔到又幾快喎! 入到去既時候, 見到坐得都幾迫, 不過唔緊要啦, 韓式快餐都係快食快走.開頭以為冇menu, 原來放係抽屜, 入面仲有餐具同牙籤, 都幾整齊呀. 睇左menu就決定食泡菜豬肉豆腐, 我朋友就食牛肉湯, 另外點左餃子同辣年糕, 等左大概十分鐘, 食物就黎啦, 泡菜炒豬肉炒得好香味道好夾, 豆腐好滑, 有小小麻油香, 兩樣一齊拌飯食一流! 牛肉湯入面有粉絲, 勁多牛肉, 有小小甜, 牛肉味濃, 好食! 至於餃子炸到金黃脹卜卜咁, 有個辣汁跟, 甜甜辣辣!   最後係辣年糕, 真係好辣, 好似話可以少辣, 年糕應該用上湯浸過, 好入味. 至於鋪頭都算整潔, 總結黎講, 雖然食得急同坐得迫, 不過我會再黎.

之前已經知呢間韓式食肆響荃灣開左分店, 上次食過尖沙咀幾好, 今晚得自己食飯, 所以收工就過黎試下.門口好易搵, 全日免加一.行到過黎都係6點, 所以無人. 呢間鋪唔算好大, 坐滿得20-30人左右. 再睇下有咩食先, menu餐具等響櫃桶自取. 如果晚餐set唔夠, 仲可以加其他小吃, 壽司.得1個人, 所以最後祗叫左1樣"泡菜豬肉豆腐"$50, 豬肉份量比較少, 無咩味道, 主要靠泡菜味, 泡菜唔算好辣, 無咩特別. 豆腐就咁一舊舊放響旁邊, 好淡下, 豆腐唔鞋, 算係咁. 白飯夠大碗, 食晒成碗先夠飽.整體 如果簡單一餐快飯OK既, 唔好祈望太高.