Honbo (已結業)

阿林：在Honbo吃牛肉漢堡，最重要的問題是：選4oz還是2oz？要多少層？4oz肉厚多汁，2oz焦香味濃，要選哪種全看個人口味。我較喜歡2oz的Honbo ($88)，兩層已夠滿足。嫌兩層太少可加碼至Honbo 1.5 ($128) 或2.0 ($148)，即三或四層漢堡。不過2.0真的超重口味，初頭痛快，最後膩到不行。配菜獨愛Mozzarella Sticks，炸得香脆均勻，又有滿滿芝士。以前+$35便可包含於套餐，還附上飲品，現在好像只能單點，要價$38，但我下次還是會點喇。

今日與狗狗去了南豐紗廠行街，行行吓有啲攰，不如就食個晚飯呢間漢堡餐廳之前都係灣仔食過，那是覺得相當好吃，而今次這間餐廳在3樓，對面就是一個一望無際的小公園，食完飯可以同狗狗去散步我哋叫咗以下食物Classic burger $78經典漢堡，牛肉煎得啱啱好，簡簡單單最好味Honbo $88比經典漢堡多咗芝士，更有口感，配上鬆脆麵包吃，好正啊！其中一個餐加咗$25變成set,薯條炸得啱啱好，配上茄汁吃一流！呢度仲有狗狗食嘅burger，可以帶小可愛一齊食啊呢間餐廳有質素得來價錢合理，相當推介呀！

之前都聽講過honbo係有入選全球最佳漢堡，咁當然要搵機會試。間嘢就喺南豐紗廠裡面，所以食完都可以嘆冷氣周圍行吓。店鋪裝修完全係走美國復古風，都幾特別，好啱影相打卡，我哋點咗classic burger同double cheese burger ，睇落好似最普通咁，但食落真係幾有驚喜，裡面塊肉係煎得好香，唔會太韌太乾。麵包外皮係好香脆。冇得同出面一般快餐店比較。如果唔鍾意太heavy 太多醬，可以點classic burger。薯條都炸得好新鮮香脆。下次要試埋其他漢堡。

Honbo 荃灣同女朋友行行下再次來到哩間好出名的漢堡店，佢主打的漢堡都系好多人推介的，去到店舖，藍白色的格局，餐廳小小, 座位唔多, 但格局坐得算舒適最後決定點選經典及芝士漢堡各一跟套餐芝士漢堡漢堡的牛味頗重，還帶點粉紅色的肉，吃起來特別柔軟漢堡整體有咬口，芝士溶化岩岩好細薯條 好大兜粗身的薯條，加埋茄汁真的好好食果然高質素，新鮮炸係好食嘅下次會再同朋友約黎食

今次同荃灣之友一齊來到南豐紗廠潮聖一下， 點知比我發現原來呢到有間 Honbo ，我問朋友你知唔知呢間漢堡包好出名架， 佢話唔知，我即同佢講，呢間Honbo是唯一一間代表香港入選“全球最佳漢堡2020”的店， 佢一聽到咁威水即拖我入去買。我地叫左兩個漢堡， 炸薯條，同兩樣飲品。分別係 經典漢堡和招牌漢堡，兩款最大分別係多左片芝士。 佢地的牛肉漢堡肉質夠哂 juice 個包又焗得剛剛好， 配菜和醬汁都好夾，唔怪得咁多人排隊買啦！呢到d薯條係用粗薯條，所以炸出來特別好食。經典漢堡 係用4oz 牛肉漢堡，而招牌漢堡就用 雙層 2oz 牛肉漢堡， 其實分別唔太大， 我最喜歡漢堡一下咬哂咁多材料，而牛肉漢堡仲要爆汁， 唔怪得咁多人來買外賣啦！真係好味。

荃灣的南豐開左咁耐，仍然係一個打卡聖地，之前已經在灣仔原店食過honbo，當知道係到開，就專登過黎食同朝聖，一向都是美式風格的打卡裝潢，去到南豐多了一絲文青感覺，不過因為還未開放夜晚堂食，所以買外賣在出面露台食classic / honbo +薯條仍然是多麽出色的漢堡，自家制的麵包、醬汁相當美味，即是配的洋蔥都覺得甜一點，還不用說手打的牛肉漢堡，超級鬆軟但又有口感，牛味濃郁每一啖都有十分juicy 的肉汁，超正，當然最後的薯條份量都好多，新鮮炸起的薯條，白脆內軟無得輸

上星期同朋友去南豐紗廠影相飲咖啡，正想搵地方吃個早晚餐，睇睇水牌見到呢間曾在youtube多次被推介；比連奪數年米芝蓮推介連鎖店優勝的漢堡小店，揀都唔洗揀即刻決定光顧佢。小店細細都滲透了其美式西方小店的特色: pop font type, simplicity，不花巧卻帶型格的感覺。睇黎佢都知名度幾高，人都相當多，本來都想趁6點前係鋪頭食，不過見出面3樓平台空曠，又有graffiti式的畫又有空位，影相不錯，結果就叫左個classic cheese burger + fries + drinks外賣就係出面食。cheese burger, 有4安士牛肉漢堡扒、生菜、芝士、酸瓜、洋蔥，基本材料卻真心好食。牛肉煎得夠香有肉汁有肉味，芝士及肉扒的濃郁又被酸瓜中和，同埋夾埋爽脆生菜同酸酸甜甜的mayo好得。最緊要burger bun好鬆軟又唔削，又唔會夾唔哂材料，好味又唔會令人食得狼狽。薯條炸得乾身，外脆內有粉粉的薯末，有薯香加茄汁已經沒得輸。係咁靚的環境食，食外賣也風流。

老實講😥冇出街咁耐...的確有少少抗疫疲勞... 所以今次就去到南豐紗廠放縱下自己~相信大家都知南豐紗廠有好多打卡位😍同埋手作小店💕 喺影相同行街之後就覺得有啲肚餓啦~所以就開始留意啲餐廳☺️☺️最吸引到我嘅就係呢間裝修簡約、外國度假風嘅漢堡包店啦～ 而且唔食牛嘅我都仲有雞肉漢堡素漢堡同埋炸蠔漢堡選擇☺️☺️☺️雞肉漢堡同埋素漢堡都食得多🙌所以今次就揀咗炸蠔漢堡試試佢先~日式炸蠔係熱辣辣，啱啱新鮮炸出嚟嘅...而蠔既size中等~有3粒!食落去唔會覺得油膩而且炸粉亦都唔厚☺️☺️ 配合埋椰絲食落去就多重口感😍入面仲有明太子他他醬，味道同炸蠔配合得好好☺️☺️至於炸薯條係用粗身嘅薯條新鮮炸起，而且大大份，完全唔使驚食唔飽~而套餐係包埋汽水㗎☺️加埋漢堡包同薯條，配合埋裝修真係以為自己去咗個小旅行呀～

一直都好想試呢間HONBO, 不過之前好少過海所以無試過, 今次去到南豐砂廠見到原來有分店, 所以就買左2個BURGER 扮野餐MENU好簡單, 其實都係清一色既BEEF BURGER, 同埋有炸蠔BURGER, 不過同男朋友都唔食蠔, 所以我地叫左一個SIGNATURE HONBO同埋1個CHEESE BURGER~薯條係粗薯條!! 新鮮炸起好好食! HONBO同CHEESE BURGER其實差唔多, 不過想講既係, 個包好鬆軟又脆, 配埋牛肉好JUICY, 醬汁唔會太多, 所以唔會好漏, 更加特顯到牛肉味, 真係幾好食!

Honbo🍔貴為「全球最佳漢堡2020」42間嘅其中一間，亦係唯一一間香港🇭🇰代表，當然實力有返咁上下，如果閣下食過，你應該會同我一樣，一想食🍔就會諗起Honbo！喺灣仔食過後，真係令我朝思暮想😗今日嚟到文青必去嘅The Mills，喺眾多芸芸選擇中我都係要揀Honbo🍔💯裝修依舊用上iconic嘅藍x白工業風🔵⚪️🔵⚪️飲品如下，灣仔分店仲有Homemade lemonade🍋 ，都係推介嚟㗎！最signature嘅Honbo，用上兩塊2oz牛肉漢堡，肉味濃郁☑️因為lunch食得比較飽，強烈建議食肉獸必揀Honbo 2.0因為有「四塊」2oz嘅牛肉漢堡，更juicy之外口感層次亦更豐富😋Fried Oyster Burger 只有The Mills先有，嚟開嘅朋友都不妨試吓，最怕炸蠔炸得過熟縮哂水，呢個不單無呢個情況，而且炸得半熟所以鮮味十足，嫩滑又juicy😋💯亦估唔到配搭burger幾Match幾好食！

荃灣紗廠經活化後，已經成為荃葵靑區文青根據地。文青除咗可以去格調咖啡店閒坐，肚餓仲可以去依間主打美式手工漢堡店醫肚。店名Honbo 已經明確道出這小店只做漢堡包的決心。牛肉漢堡包分經典及Honbo 兩類，經典是4oz 厚牛肉漢堡，比較多汁這個是加了芝士的版本。而店家主打Honbo，便是2oz 一片，有分2/3/4片版本，吃起來比較香口。另外更加可以加錢，配餐跟薯條及罐裝汽水，薯條炸得金黃，可見用新鮮油去製作

看到食評同網上的評論，原來這間漢堡包是8間必食漢堡包店之一！店子在南豐紗廠，地方不大，是半開放式的，Bar枱設計的，幾特別，自助形式，先看餐牌，後去俾錢落單，然後自己出去取。叫左Honbo，+25元有薯條及汽水。漢堡個包烘過，外脆內軟，入面有2塊2安士漢堡，酸瓜，洋葱，芝士，醬汁，感覺好豐富，漢堡兩塊係不同牛肉做的，肉質很好，夠juicy又唔會過淋，加埋其它配料就好正，唔會搶左牛肉的味道，好正呀。薯條份量也不少，都好香脆，係粗薯條來的。

今日去咗南豐紗廠探索一下，順便黎試試有間人氣度頗高的美式漢堡店「Honbo」。店內裝修簡約舒適，菜單上有多款不同口味的牛肉漢堡、炸雞及炸蠔漢堡，$100左右就有交易芝士漢堡麵包烘至微微香脆，內裏就好鬆軟！漢堡餡料有4oz牛肉漢堡、芝士、生菜、洋蔥、酸瓜及自家醬汁～漢堡扒肉汁大爆發，牛肉味都幾香濃，配上芝士格外滋味🧀洋蔥、生菜及酸瓜減低左漢堡包嘅油膩感👍🏻炸薯條及汽水加$25可以升級套餐配炸薯條及飲品🥤薯條當然係金黃香脆，滿載薯肉，美味可口

在家抗疫嘅日子實在苦悶，忍咗幾個星期，我同先生實在係坐唔住，趁住假日嚟南豐紗廠朝聖一下，紗廠除咗有唔少文青小店，仲有好多特色餐廳。每間餐廳都各有千秋，花多眼亂，最後我哋揀咗對住天台花園嘅Honbo，久仰大名但一直未有機會食，難得荃灣亦有分店，當然唔能夠放過。餐牌設計簡約，漢堡嘅選擇唔少，除咗有招牌嘅手打牛肉漢堡之外，仲有素肉漢堡、炸雞漢堡同備受好評嘅炸蠔漢堡。由於限聚令嘅關係，我哋買咗外賣去對出嘅天台花園用餐，店員喺每個紙盒上面標籤好食物內容，非常細心。炸蠔漢堡相當有驚喜，難怪呼聲咁高，炸得酥脆嘅鮮蠔放喺厚厚嘅椰菜絲上面，配上明太子他他醬，和風味濃！日式炸蠔尺寸中等，即叫即炸，入口蠔味鮮濃，而且毫無油膩感，加上椰菜絲切得超幼細，口感清爽，成個組合配搭得宜，先生食完亦讚不絕口！招牌漢堡有兩層牛肉漢堡、芝士、酸瓜同洋蔥，係最經典嘅漢堡組合，不得不試。牛肉漢堡係自家手打，入口肉汁香濃，加上酸瓜同洋蔥增加口感，係最完美嘅經典滋味。薯條同樣即炸，略為粗身而且炸得非常香脆，份量亦算多。飲品方面有幾款比較常見嘅罐裝汽水，值得一讚嘅係店員用廚房紙包好保冷，非常貼心。餐廳食物非常有水準，特別係炸蠔漢堡，

今晚要做外賣妹送晚餐俾工作中嘅老公想食有水準嘅fast food又唔想過海先有得食所以就行多兩步嚟到南豐紗廠成個商場環境真係好文青入到嚟心情都好啲3樓就係Honbo啦成間餐廳嘅裝修都好美式速食店風令人懷念🙈望住個餐牌每款都好吸引咁諗咗好一陣先揀到😂最後揀咗個芝士漢堡同炸蠔漢堡同埋加咗薯條等咗大約10分鐘就踏上deliver之旅了😂值得一讚嘅係全部包都無壓扁！有某啲嚟自美國嘅連鎖快餐店係要死㩒實個包😂完全唔能夠理解🤷🏾‍♀️試咗個芝士漢堡先！一咬落去個包勁軟熟同嘉頓麵包好唔同🤣塊肉好香🤤同埋成個包醬汁量剛好唔會淹沒咗個包或者多汁到漏晒出嚟之後再試呢個好新奇嘅炸蠔漢堡每一隻蠔都炸得非常脆口！咬開入面非常juicy 配埋沙律醬同生菜絲完全無油膩感兩款漢堡嘅醬汁都係以沙律醬為主個人嚟講就幾喜歡呢個調調最後試埋個薯條夠晒厚切鹽味夠薯條控表示滿意🥰-新界區都食到高質漢堡唔洗過海好開心😂