Holiday Cafe (已結業)

📍 Holiday Cafe (上水)上水新祥街21號地舖北區比較難搵到休閒cafe 近排見到上水開左間新cafe就去試下😍✔️Holiday精選全日早餐 $98Cafe食物越黎越多種類 但會用心做好基本ADB嘅真係好少 呢度嘅ADB好豐富 而且每樣嘢都好食 扒番茄、薯餅、炒菇都好香口 套餐仲包左餐湯薏米蕃茄湯 飲落都感受到用心配搭👍🏻✔️抹茶咖啡 $42抹茶咖啡顏色好靚 味道都幾得意☕️整體而言 食物同環境都好正 難得係北區搵到正cafe 聽講夜晚仲有live band😍下次夜晚再黎試下先！好味指數👅：8/10性價比💸：7/10打卡呃like指數📸：8/10 罪惡感🐷：7/10回頭率👀：7/10

Live band幾有質素既餐廳，成晚淨係聽歌都唔會悶🥰🔸Daily soup跟餐有餐湯同餐包～ 餐包幾脆，點一點湯食一流😆🔸Cheese Stick芝士條超拉絲，咬開包住好多芝士，足料！🔸Chicken Wings 水牛城雞翼，幾辣，辣得幾惹味😛🔸Burger 麵包好鬆軟，漢堡煎到半生熟，整體口感不錯～🔸Lobster Linguine 有2粒幾大粒既煎帶子🤓 龍蝦汁不到好濃，但勝在夠多汁，食到最尾都仲有汁撈🙈🔸Matcha Chocolate 第一次見呢個配搭，又幾夾🔸Waffle 整緊既時候已經聞到好香，擺枱都幾靚，熱辣辣好食🤤🔸Set Dessert 今餐仲會送埋甜品，抵食～

Live show西餐cafe✨ 餐廳係cafe 主打多國菜西餐 價錢大眾化 座位舒適 逢星期五六嘅夜晚更有歌手同結他手live show! ====Lunch set包括沙律或餐湯 同埋咖啡或茶 如果飲其他飲品例如花茶、latte等就以原價嘅半價加配====᪥ Holiday All Day Breakfast $98好豐富亦好精緻嘅全日早餐🤫 包括香菜腸、煙肉、黑松露炒野菌、扒蕃茄、薯餅、茄汁焗豆、法式奶油吐司 仲有煎蛋或者炒蛋選擇᪥ 炭烤澳洲草飼肉眼伴燒汁 $128可以選擇搭配脆炸薯條或者飯 肉眼肉質具彈性 亦帶牛肉香 而薯條又熱又脆 呢個餐性價比高！

係上水估唔到都有一間環境舒服嘅Café，啱哂星期六日約朋友一齊出黎Chill下傾計。星期日去有Brunch Set，選擇多有沙律、飯麵、扒，仲有素食選擇，啱哂唔同口味需要，套餐仲包左沙牛律/餐湯，另外加一杯飲品。煙三文魚班尼迪蛋配田園沙律 $88★★★★☆班尼迪蛋三樣最重要嘅野包括英式鬆餅、 切開流心嘅水波蛋同埋濃郁荷蘭醬，呢間完全做到呢三樣野。水波蛋煮得剛好做到流心，外加濃稠少少芥末味嘅荷蘭醬，一刀切落去，蛋汁流哂出黎，加上英式口感鬆軟鬆嘅餅吸埋啲醬汁，再外加咸香煙三文魚，一絕。最有驚喜係佢中間仲有大量帶酸甜嘅紫椰菜絲，開胃之餘食落唔會太過油膩！慢煮雞胸牛油果墨西哥夾餅配酥脆薯條 $98★★★★☆墨西哥夾餅有兩大塊，口感豐富，食落味道偏向印度香料味道帶微辣。入面有芝士加牛油果，雖然用左雞胸，但一啲都唔鞋口，所有食材加埋食落好清新，一啲油膩感都冇。呢幾樣食材仲要高蛋白質，即使減緊肥都絕對啱食。玫瑰花蜜脆炸雞翼 $28★★★★☆雞翼有三隻，即叫即炸上枱仲係超級熱辣辣，做到外脆內嫩有肉汁，玫瑰花蜜係另外碟上，可以自己點多點少，點完雞翼外層有蜜糖嘅甜味，再滲少少玫瑰嘅清香，中和番雞翼嘅肥膩感

今次放工想順手拎左淘寶先，於是就搵集運點附近嘅野食，發現到依間氣氛同環境都唔錯嘅Holiday cafe🌞前菜及小食👉🏻甘荀忌廉湯配 蒜蓉麵包條👉🏻炸拉絲芝士條配他他醬👉🏻香脆魷魚仔配自家製蒜香蛋黃醬(另叫）🌞🌞🌞一個不小心就叫左好多香口野，濃湯配非常香脆嘅麵包條，芝士條都非常脆，可以拉出非常厚的芝士！最好食係個魷魚仔，食得出鮮炸嘅外脆內嫩🫶🏻👉🏻炭烤澳洲草飼西冷牛扒配時令蔬菜及燒汁🌞🌞🌞今次識do 叫左5成熟牛扒🫶🏻火候幾好，炭燒嘅脆面已經有咸香嘅醃料，唔駛燒汁都好夠味，外脆內嫩，唔會韌🫶🏻配菜嘅蒜同番薯都好fresh👍🏻👉🏻黑森林蛋糕連餐茶非常之好，因為食完主菜已經好飽足，甜點係食得落嘅份量🫶🏻個魷魚仔都西冷牛扒都好impressive, 值得再食🫶🏻🫶🏻🫶🏻

Holiday, I Miss You～～北區人嘅福音 🥹 係人流如鯽地上水搵到一間避世有情調而性價比又甚高嘅餐廳同大家分享十分推薦佢嘅set dinner! $200有找就有齊：是日精選餐湯配香脆蒜普多士、小食、主食（除咗牛扒）、是日甜品同飲品 😵 當然睇唔啱main menu 入邊仲有好多其他選擇，我就同男朋友叫咗2個 set dinner 餐湯有薏米雜菜湯配香脆蒜普多士，湯香濃、足料、健康， 希望啲薏米可以幫我去吓水😏 多士香脆、可口👅 炸拉絲芝士條配他他醬熱辣辣好香脆，好足料，可以鬥長拉絲🤣👅 墨西哥脆片配自家製肉醬肉醬酸酸甜甜好開胃，亦都唔會死喊👅 炭烤澳洲草飼西冷牛扒配時令蔬菜及燒汁 （$238）五成熟is a must 🙌🏻 牛扒大大塊，一切開就見到啲肉好粉嫩，煎得啱啱好🫶🏻 仲有好多肉汁，肉味仲好重！👅 香煎帶子龍蝦忌廉汁扁意大利粉($178)擺盤靚，份量又足，兩粒大帶子都好鮮甜，肉質彈牙🤤 意粉掛哂啲龍蝦忌廉汁，想霸哂黎食 👍🏻👅 桂圓紅棗茶（+$16）養生嘅我揀咗熱嘅桂圓紅棗茶，建議浸耐少少，味道更特出，但後尾先知原來一杯普通嘅水原來一啲都唔普通 😂 俾錢個陣係ba

Holiday Cafe☕️精選餐湯兩客配香脆蒜蓉多士🥣🥖我哋當日嘅餐湯係粟米湯，係用上新鮮粟米打成嘅粟米湯，非常香濃🌽蒜蓉多士就係比較硬身脆口一啲嘅，同坊間嘅有啲唔一樣，都幾特別！💓時蘿白酒忌廉汁煮藍青口🐚想食到好食嘅忌廉汁煮藍青口唔容易，坊間食到嘅青口，通常肉質都比較韌同埋唔新鮮，呢度就啱啱相反，藍青口嘅肉質彈牙，配埋濃郁嘅忌廉汁，更加去帶出藍青口嘅鮮味💓💓香煎帶子龍蝦忌廉汁意大利飯🦞意大利飯偏向硬身一啲，比較有口感！帶子亦都係刺身級別既，非常鮮甜✅💓炭烤澳洲草飼西冷牛扒🥩配時令薯菜及燒汁（+$25）呢個西冷牛扒嘅份量一啲都唔細，都幾有肉味！薯菜方面有薯角同埋燒蒜蓉粒，蒜蓉粒出乎意料之外嘅好食🧄😍😍總括嚟講都算係一個唔錯嘅main course！✅是日精選甜品兩客🍰我哋當日嘅精選甜品係美式朱古力蛋糕🍫，朱古力味道都算香濃，係偏甜一啲嘅朱古力蛋糕😆😆兩客餐茶🍹兩個飲品我哋都叫咗凍檸茶，呢度嘅檸茶茶底唔錯喎，睇嚟都有用心做！💯總括嚟講，無論係唔同嘅節日慶祝，又或者係普通嘅朋友傾吓計食餐飯，呢個地方都幾適合，而且價錢又唔貴！🤑

《Holiday Cafe - 上水》上水嘅藥房藥妝店林立，平時如果唔係去買嘢都好少過去嗰邊，但係除咗購物之外，其實呢邊嘅餐廳同埋特色小店都比較多，就好似今次發掘到嘅呢一間Cafe咁，佢嘅裝修佈置同旁邊嘅舖頭睇落十分唔同，一睇就知比較時尚同埋行精緻路線😉應該係區內算係比較講究咖啡嘅一間Cafe😍正值午餐時段，我同屋企人行完街就入咗去食個lunch啦，餐廳有提供lunch set選擇，價錢有$68起，包餐湯或沙律同埋餐飲，算係幾抵食💁🏻‍♀️煙三文魚露荀忌廉汁扁意粉 $88媽咪揀咗白汁意粉，餐廳擺碟精緻，賣相已經加分😉食落口味都唔會過重，而且扁意粉十分掛汁，每一條意粉都充滿着白汁濃滑既味道，因為本身煙三文魚已經自帶鹹鮮味，食落鹹香味十足，而且蘆筍有提鮮作用，整體味道balance💁🏻‍♀️Holiday精選全日早餐 $98我就揀左All Day Breakfast 🍳 ，唔知點解突然之間好想食薯餅😂呢一個就係最適合嘅選擇😋佢嘅配料其實同傳統嘅全日早餐無異，不過想特別講吓佢個黑松露炒雜菌炒得幾香同埋好重黑松露味道👍🏻另外佢塊煙肉都超級脆，配埋炒蛋食口感好特別，同埋佢個蕃茄經過煎香之後提升咗個甜

🌸《Holiday Cafe · Cafe ·上水》️小編十年都唔去一次上水，今次去上水探親順便搵左間cafe食lunch🥳 點左兩個brunch set，估唔到有驚喜，又平又好味啊❗️餐廳裝修幾有格調，見到有音響器材，相信呢度定期會有live show表演，有機會黎聽下先🤩-𝐅𝐨𝐨𝐝 𝐑𝐞𝐯𝐢𝐞𝐰 食評 🍔 芝士安格斯牛肉漢堡 $98安格斯牛肉似手打，拎起手個時滴緊汁，正❗️勁左一半見到佢好粉嫩粉嫩，調味岩岩好👍🏻 漢堡包好鬆軟但係外皮係微脆，好有口感，推薦❗️-🥪慢煮雞胸牛油果沙律墨西哥夾餅 $98慢煮雞胸一啲都唔韌唔柴，似食緊雞髀肉，好好味🙆🏻‍♀️加埋牛油果，呢份墨西哥夾餅真係健康之選🥳-🍗 水牛城雞翼 （lunch set加配小食）一共有三隻雞翼，水牛城汁好濃郁，入曬味係隻雞翼度🤩👍🏻-🧅炸洋蔥圈（lunch set加配小食）炸皮薄，加埋蜜糖芥末醬，好好食🥳-📍 Holiday Cafe @hkholidaycafe 上水新祥街21號地舖-環境：🌸🌸🌸🌸味道：🌸🌸🌸🌸🌸服務：🌸🌸🌸🌸衛生：🌸🌸🌸🌸性價比：🌸🌸🌸🌸Revisit:💖-#hkfoodie #foodbitxh #foodb

有一日出左啲意外，所以黎到上水食野😂😂and嗰日風雨交加😨😨Holiday Cafe 唔洗加一😳味道評分:☄️(highest_surprise)/☀️/🌤(pass)/⛅️/💨(lowest)Holiday brunch set包括(i)餐湯/柚子沙律 (ii)咖啡、茶/汽水🌤慢煮雞胸牛油果墨西哥夾餅配脆炸薯條 $98最深刻既位係有辣椒係入面🌝辣死我雞胸都ok唔鞋，牛油果比舊辣椒污染左😨薯條唔夠脆，同埋冇落調味，唯有點多啲茄汁😭🌤香煎大蝦馬賽魚忌廉汁意大利飯 $98有4隻大蝦😇足料！至於個馬賽魚汁食落會有啲似海鮮味，都唔錯☺️個飯偏硬~明明淋啲會好食啲🥹☀️炸洋蔥圈配蜜糖芥末醬(6件) set+$23炸得都幾脆，幾好🥳☀️+脆炸雞翼(3隻) - 水牛城汁 set+$28我個人真心推薦水牛城醬汁😆我大愛❤️以鹹味為主，亦有少少辣味既刺激，配雞翼好好食🥹🥹❤️‍🔥尼個價位黎講，份量都幾多😆仲唔洗加一😳❤️‍🔥❤️‍🔥❤️‍🔥既然你睇到尼度，不妨比個like & comment & follow me~話比我知你有睇，比啲動力我 ❤️‍🔥最後既最後，口味尼家野因人而異啦~

週末經過上水😮估唔到係繁忙嘅街道中，有一間白色小店😍環境好簡潔休閒，啱晒週末嘅心情🤩所以就入嚟食個branchMenu 選擇都幾多🤩除左Holiday brunch set 之外，主menu仲有好多pasta 意大利飯等等嘅選擇👍🏻芝士安格斯牛肉漢堡：漢堡肉好厚身，夠juicy，麵包皮仲係烘脆左嘅👍🏻有心機又細心嘅做法👍🏻抵讚慢煮雞胸牛油果墨西哥夾餅：呢個強烈推介❤️雞胸肉慢煮處理，所以唔會「鞋」，同軟身嘅牛油果味道好夾👍🏻餡料仲加咗酸青瓜同腰豆，配搭得好健康👍🏻👍🏻好特別嘅味道，好好味😋好似食緊pizza咁！炸拉絲芝士條：即炸香脆外殼🤩加上軟滑拉絲既芝士😍邪惡嘅炸物，令人欲罷不能😂呢間小店逢星期五六日夜晩仲有live band添🤩一定勁好氣氛🤩下次再約fd 過嚟摸下酒杯底傾下計❤️

Happy Friday！呢日黎到上水「Holiday Cafe」，預先感受一下放假嘅氣氛😆餐廳環境昏暗，非常有情調，星期五六日仲會有live Band，真係令人好舒適🥰我哋叫咗一份二人Dinner set ，配有餐湯及蒜蓉多士。忌廉湯好入味，質地綿滑👍🏻蒜蓉包加上湯一齊食味道好夾👍🏻前菜我哋選擇咗脆炸雞翼（玫瑰花蜜），以及水牛芝士波波蕃茄沙律。雞翼上枱時已經感受到熱辣辣，外層炸得好脆，一咬開入面出晒煙，肉質鮮嫩，配上玫瑰花蜜，味道更上一層樓😍而蕃茄沙律亦好新鮮，加上水牛芝士令人好開胃🥰香煎帶子龍蝦忌廉汁意大利飯，顏色好吸引，龍蝦汁沾上左每一粒飯，味道濃郁，每一啖都食到龍蝦汁嘅味道，飯粒軟硬適中，而帶子亦都大大粒，肉質彈牙😋炭烤澳洲草飼西冷牛扒配時令薯菜及燒汁，我哋叫咗五成熟，牛扒煮得好靚，一切開就見到粉嫩嘅粉紅色，肉質軟腍，唔乾柴🙌🏻最後仲有甜品奉上，每人一份芝士蛋糕，香甜味道清新，作為甜品，實在最適合🥰

好N年無踏足過上水，行完山之後周圍行下搵下嘢食，見到呢間餐廳好有假日感覺，見到 餐牌有Brunch Set於是入去試下😙裝修簡潔舒適，入口位置有個🥁live band show🎸嘅地方，有show睇嘅時候一定好好氣氛🥳叫咗兩個Brunch Set， 包餐湯🥣/沙律🥗、主食🍝及飲品☕️，仲可以優惠價加配小食🍽Holiday芝士安格斯牛肉漢堡🍔配脆炸薯條🍟 $98麵包外脆內軟，漢堡扒大概七成熟，牛肉味香濃，輕輕有碳燒味，配上車打芝士、蕃茄及生菜，無用太多嘅醬汁，原汁原味唔覺膩；粗身又有皮嘅薯條非常有口感，而且炸得熱辣香脆🍽香煎大蝦馬賽魚忌廉汁燴飯 $98上檯已經聞到香噴噴馬賽魚忌廉汁嘅鹹鮮香味，醬汁味濃而不鹹，意大利飯煮得煙韌有口感；爽彈鮮甜嘅鮮蝦灑上黑胡椒非常香口，而且仲有好多磨菇添😋🥣椰菜花忌廉湯 - 椰菜蓉幼滑，清香椰菜花味🥗田園沙律 – 沙律菜新鮮☕️熱檸茶 - 普通茶啡以外，其他飲品可以以半價加配以優惠價加配小食👇🍴脆炸雞翼(3隻)配玫瑰花蜜🍯 $28雞翼炸得熱辣辣，外脆且肉質嫩滑，花蜜非常香甜而且帶著濃濃嘅玫瑰味

〰️Dinner set for two （$398）再度回訪呢間有live brand嘅餐廳，聽住音樂邊享受美食。首先有餐湯同埋餐包，前菜揀咗玫瑰花蜜雞翼，味道出奇地夾。而水牛芝士波波蕃茄沙律好新鮮。意粉揀咗香檳汁忌廉蟹肉扁意粉，扁意粉掛起哂汁嘅味道。蟹肉幾乎啖啖都有，仲好香野菌味道。主菜揀咗香煎石斑魚柳配荷蘭汁伴時令蔬菜及蘆筍。擺盤賣相幾好，石斑魚外皮香脆，而荷蘭汁蛋香味濃口感絲滑。最後甜品仲有兩件carrot cake。一啲草青味都無！細細件啱啱好啊！〰️〰️📍 Holiday Cafe (上水)上水新祥街21號地舖

上水嘅holiday cafe 每逢星期五六日夜晚都有live band 2人 dinner set $398有頭盤+餐湯+主菜+甜品+餐飲😍呢個價錢嚟講真係好抵食😆.是日餐湯係南瓜湯配咗兩塊蒜蓉多士😋前菜揀左白酒忌廉青口煲🔥忌廉汁非常creamy 青口份量都唔少 絕對夠食😂.揀咗香檳汁忌廉蟹肉意大利粉🍝食落去真係好creamy😆😋每條意粉都索滿醬汁🤤🤤個人覺得真係幾好食🤭.主菜揀左炭烤澳洲草飼西冷牛扒🥩（另外加$25）五成熟嘅西冷牛扒沒有過熟🤤🤤肉質非常鮮嫩🤭😋唔使點醬汁都好夠味🤭.甜品係朱古力brownie 蛋糕朱古力味超級濃郁豐富朱古力控一定超級鍾意食🤤🤤😋.另外仲加咗前菜沙律 $78水牛芝士波波慢煮蕃茄沙律🥗水牛芝士波波細細粒好過癮🤣😆配埋加咗香醋嘅沙律菜，酸酸甜甜夠晒Fresh🥳.香脆魷魚仔配自家製蒜香蛋黃醬 $78魷魚仔真係炸得好香脆脆漿都唔係厚 不過略嫌味道鹹咗少少蒜香蛋黃醬好香😇😇.主菜另外加左 紐西蘭羊膝$168超大隻羊膝啖啖肉不過都要返啲力量先至可以輕鬆切開🤣🤣味道調味都好足夠 而且都冇乜蘇味👍🏻👍🏻🤤.Mocktail 揀左粉色沙灘🏖️ $58鮮榨檸檬汁 梳打水 石