HIM (已搬遷) 新店位置

十足滿足我既午餐體驗，喺這家餐廳試咗幾樣菜，真係食到心都暖笠笠。首先，個All day breakfast，食到我心花怒放🌺。特別係果英式早餐，個炒蛋滑溜溜，食落去就好似食緊絲綢咁滑，賣相靚仔又足料。薯餅邊到金黃鬆脆，一咬落去即刻爆香，啖啖滿足感！煙肉咬落有嚼勁，又唔會過鹹，簡直就係環球美食既精髓！而且佢哋個茄汁豆，甜中帶點酸味，食完之後個嘴邊仲停留住個香味。食埋個日式咖哩豬扒飯😋，嗰塊豬扒煎得均勻得嚟，又香又彈牙，與微甜嘅咖哩醬混合，直接挑戰我嘅味蕾。而且佢嘅配飯，飯粒分明得黎又夠熱勁，每一啖都伴隨住咖喱嘅溫潤，暖笠笠咁入心肺。最後，個白桃果醋提子氣泡飲🍑，酸酸甜甜，喺飽餐一頓後提提神，完美收尾！食完之後唔單止胃口滿足，連心情都跟住好起嚟，下次仲要黎試試其他美食！

是日午餐跟同事覓食，佢話食過有一間好好食，我就跟去睇下有咩fu-fit！我叫左日式咖哩豬扒飯，有驚喜！豬扒好大塊，炸粉亦都係薄薄一層，夠晒脆！豬扒淋身又好入味，抵讚咖哩汁係日式甜咖哩，食唔到辣既朋友都一定可以食到！同事就叫左厚切豬扒拼車打芝士配飯，又係勁大塊！大份到同事分一大舊比我食，點解可以做到咁厚身但一啲都唔嚡？！豬扒又係好入味好淋，真心好高質！（呢個質素正過好多扒房囉）lunch都食到好西真係好開心，呢度啲人都好好人呀，雖然佢地lunchtime非常忙，要求齊人先入得，但我地臨走都吹左兩咀，原來佢地月尾就會搬鋪喇！希望佢地繼續保持水準！到時一定再幫襯

今日約左朋友食Lunch, 諗住早10分鐘去到攞位等佢啦~ 點知去到呢間野, 我地得兩個人食, 佢都好堅持一定要人齊先可以入坐, 但重點係佢keep住都有吉位架wor =_= 佢寧願比D位繼續吉落去都唔比拎住公事包既我坐住先...結果我就白白企左係到10分鐘, 等我個朋友落到黎先有得坐= = 同埋其實佢d位好逼, d食客都望住我企係到, 好似好奇怪咁...有位都無得坐><  真係好唔識變通wor.....佢lunch menu都算多款簡、有湯/沙律 再有野飲我叫左B餐, 和風牛柳粒飯~首先牛柳粒都算正常、唔會好韌、但就無咩牛味, 食到既都係醬汁既味道.......佢底下有茄子、索左D味都幾好送飯、同埋佢好在有得加飯, 呢個抵贊。但成個飯似係普通快餐店既飯、醬汁味過濃、引致食材本身既鮮味被掩蓋....要黎送飯食飽就ok既.....但唔expect係一間有質素cafe應有既水準再加上佢呢到真係好細好逼.....似係一個員工飯堂既感覺, 想同朋友傾下計都難.......所以無下次!

身為失業大軍嘅我，近排專注嘅唔係搵工，而係四圍搵朋友周街吃喝玩樂，無計啦，以前太專注返工，家下覺得要爭取返時間去玩，哈哈。今日就約左朋友去食觀塘嘅HIM，事關佢要係呢頭返工。我地叫左個野菜雞肉炒烏冬拼燒汁八爪魚串($64) 同埋 香蒜辣味大蝦立貝炒意粉($70)兩個人齊齊分，每個餐可以跟沙律或者餐湯，另外再有一杯餐飲跟。我地2個都叫左沙律，無計啦，天時暑熱嘛，沙律夠哂凍，沙律入面有蟹柳、生菜等，口感都幾豐富，再撤左D蟹籽係上面，食落卜滋卜滋，好食！本身望到個意粉以為會無咩味，事關唔似平時食開果D有D蒜油係上面。呢個意粉炒得黎無泛油光的黎，佢係有好重嘅蒜香味！但我唔覺佢有辣，唔夠出。大蝦都幾爽口彈牙，貝都算大粒，又有D黃椒、紅椒、西蘭花同紅蘿蔔伴下碟，係道幾健康好食嘅菜。呢個野菜雞肉炒烏冬拼燒汁八爪魚串同樣都係好充料，調味都幾好，咸甜剛好，仲俾左串八爪魚做餸，唔洗$70就落得場。性價比好高，抵玩抵去。

今日行到黎工廠區揾到間好似幾好既餐廳決定試試, 午餐選擇都算多，價錢唔算平但都唔算貴，ok~揀好餐就會問你要沙律定要湯沙律有豆腐我鐘意，湯就係普通粟米湯，幾好飲主餐叫左喇沙鳥冬，味道普通，但好多料咖哩芝士漢堡扒飯，咖哩汁偏咸，漢堡扒味道不錯，飯唔夠仲可以加

好耐之前見過發哥去過呢到食, 不過之後就轉咗場去咗隔幾條街既CAFE食, 今日去呢間餐廳試下,  平時經開都見到有侍應企門口大叫入嚟試下, 見到餐牌價錢都唔算太貴, 今日分別叫左三個餐, 但食完發現三個餐既汁都係同一個味道南瓜湯 / 鴨胸沙律  - 鴨胸沙律都好新鮮, 南瓜湯比較稀凍咖啡 - 口感麻麻凍檸茶 - 茶底濃, 檸檬新鮮, 不錯醬油烤雞肉丼飯配流心玉子 - 賣相係太多汁了, 雞肉都嫩口, 但個汁就同日式燒汁有咩分別?照燒雞扒拼德國腸配薯菜 - 講起個薯菜, 啲西蘭花好硬好生下, 真係配菜嚟, 只睇不吃, 薯餅一件, 炸粉唔算太厚, 雞肉好滑低溫慢煮法式橡果豬鞍配薯菜 - 其實感覺唔到佢係慢煮, 口感同平時食既豬冇分別總結 : 一般既午餐, 冇特別唔會再去試

又到一個星期最期待的一天…星期五yoyo 約左人係公司附近快吃一頓午餐。呢間HIM都食過幾次，感覺都唔錯。今日星期五，已經好多人排隊了。都等左成15分鐘先有位入去Menu 都算多選擇每次黎到都好中意望住呢塊牆壁啲字G. 厚切豬扒拼車打芝士腸配薯菜（日式燒汁）$78塊豬扒都好大塊，薯餅係咖哩薯餅，不過不失啦，但啲配菜真心唔好味F. 蟹籽蘑菇雞肉炒意粉$70份量適中，雞肉味道偏淡，總括意粉味道還可以，呢碟配菜好食過豬扒果碟天氣咁熱最好飲返杯凍飲啦

驚喜發現，見呢間在Openrice 的「ok」多過「哈哈臉」，食物味道很不錯，只是份量不大。阿姐點了蟹籽磨菇雞肉炒意粉$70（set,跟沙律/湯及餐飲），她喜歡這意粉夠彈牙，所以又希望自己化身成1只喵，潛入廚房看看意粉是買哪個牌子的😂。。。🕊🕊🕊我就很滿意焗和風胡椒石斑飯的石斑$69，配以茄子片一起焗，很滋味。雖然飯是微波爐加以叮熱，但很有屋企飯的飯香，似乎採用的食材都不錯。Btw, 在Openrice 見這店是跟一間叫生命樹健康飲食有限公司是同一地址，再看此店名字叫Him, 似乎該是和基督教有關（聖經中多時是以Him 稱呼天父），見店員彬彬有禮，是這樣跟基督教有關也不出奇，也有可能因為這原因，所以食材都用上好的。也想不到這店如此受歡迎，就算是雨天，1點鐘還未到，人龍亦多得排到出店外。。。所以這又是另一憑證證明這店好吃才這麽多捧場客。另外見其早餐menu 亦算化算, 下午茶也有不少選擇，所以可以有不少ocassion 可以幫襯這名不經傳的好吃店子。而且也有coupon 售賣，10張劵賣$530，雖只限使用來買其外賣，但卻可以用來買lunch set A至F（堂食價一定高過每張$53這價

都係行過見到門口個餐牌先知呢度有間餐廳。膽粗粗試吓。一入來無耐就有侍應招呼。周圍環境有d 設計，唔錯，幾有心思。侍應話焗飯無，無問題，我唔食焗飯。叫咗個豬手。同蘋果醋。黑椒豬其實係好味，不過d筋有d un. 薯角幾好，食落幾新鮮，亦夠大塊，好食。西蘭花6得幾靚，好食。杯蘋果醋都幾好飲，唔會好酸亦唔會好甜。牆上寫：the best and the most beautiful thing in the world cannot be seen or even touched. They must be felt with the hearts. 飲品又多選擇。我鍾意，支持！

今日介紹間幾隱秘既小店，係觀塘同牛頭角中間，比較唔起眼同難搵。-佢每樣食物都會擺到好靚，味道都唔錯，lee個海鮮炒飯配辣味雞翼擺得好靚，見到都好開胃🤣個炒飯味道都ok，淡味左小小，雞翼好嫩滑。飲品有果醋選擇，加上環境好優雅，好加分。

冬天遇上下雨天，又凍又濕，整個人都懶洋洋的。午飯時段不想走太遠，就在附近的餐廳用膳。這間餐廳的面積不大，但裝修得很雅致。午市套餐的選擇不算多，而價錢也不算太便宜。不過勝在果醋也不用額外加錢，是其他餐廳少見的。我點了一客金菇豚肉炒拉面拼日式餃子和一杯白桃果醋。熱騰騰的餐湯很快送上桌，是日的餐湯是金黃色的南瓜湯。喝了這碗又濃又香又甜的南瓜湯，整個身體都漸漸暖起來。而炒拉面也在這時送上來。食物的份量不算太多，而金菇和伴菜佔的比率頗大，可以吃得健康些。日式餃子的味道普普通通，沒有甚麼特別。而薄切的豚肉則炒得很香，一點也沒有韌的感覺，口感很好。拉面也炒得剛剛好，不會太腍也不會太硬，而味道也不錯。ㄧ個女孩吃完，份量剛剛好。甜甜酸酸的白桃果醋，還加了桂花。喝上ㄧ口，整個口腔充滿淡淡的桂花香味，完全去除油膩旳感覺。飽餐一頓後，又有精力接着下午的工作了。

係觀塘發掘下新餐廳先，呢間him餐廳走文青路級，木色裝潢加埋綠色草草，充滿坐fresh的感覺！嗌左個大蝦橄欖油意粉，大約60$，都幾惹味！加埋杯特選蘋果醋，配搭得唔錯！可以一試，不過觀塘食好少少嘅lunch價錢有少少偏貴呢，要發掘下有冇d又平又好食嘅地方先！

由於附近的食店已去得差不多，今日同事便推介一間新店。一進門口，感覺很舒服，雖然位置不多，但整體設計讓人置身田園之中。是次同事點了三份E餐和一份C餐。而本人亦點了一份E，有雞和玉子蛋。味道整體不錯，蛋的中間流心很棒。唯美中不足是醬油有點咸！飲品點了果醋，味道不錯，不像外面的餐廳加很多添加劑，令味道變得奇怪。最後同事都感覺不錯，還會再去吃～

觀塘區餐廳很多 但偏偏OL朋友們都話揾食難好食少少的一頓午餐至少過百 仲要排隊等位咧在朋友推薦下 挑選了這間給人清新感覺的HIM聞說12點半午飯時間一定會排長龍 討厭等位嘅我只好12點到來位置：觀塘鐵路站步行10分鐘 在創記之城一期後一條街 算方便餐廳環境：大熱天時 一入到店內立即給你清爽舒服感覺 裝潢以簡單綠化設計 大大的綠色植物牆 空間感大 ；座位大約可坐20多人左右，剛到才2枱客 ，但一踏正12點半左右就坐滿了食物質素：嚟之前我睇過啲食評，有批評佢地嘅食物質素唔高、如餐湯好不知所謂、豬排乾又硬又鞋、牛排又無味等等⋯心中打咗個底, 而結果又唔太差喎驚喜係個餐湯- 當日係玉米湯，湯裡滿滿玉米粒清甜口感甚是好味而all day breakfast - 就普通咗啲，先講下欣賞部分：新鮮沙律配上醋汁開胃可口；煙三文魚經過調味都算新鮮好味；至於炒蛋就普通味淡一般；薯餅無萬年油益味，香脆可口；煙肉唔太乾身口感甚好；奶凍甜度適中；但所謂特色腸我食唔出特色之處 只係普通雞肉腸同豬肉腸；最敗筆係個牛角麵包，乾硬而實的口感如隔夜麵包咬一口已唔想再食第二淡餐飲咖啡更是咖啡味淡如水且奶味重，如此稀薄的口感

星期五來個happy lunch👏慶祝明日短週不用上班🎉🎉HIM 在工廠大廈 G樓， 外邊只是放著餐牌 stand ,不太顯眼.餐廳內設計簡約, 每枱都比較近, 感覺仍可接受的沙律份量較少， 味道一般。醬油蝦仁粟米炒飯拼烤雞肉串 - 炒飯份量算多， 味道尚算ok, 若果蔬菜份量多一點會更好。我較欣賞這杯桃味果醋，比起只提供咖啡或茶感覺健康些。餐廳的午餐餐牌，選擇算多，午餐仍有all day breakfast, 正呀!! 價錢比茶餐廳貴少少， 仍在我接受的價錢內