HeSheEat (白布街) (已結業)

食過銅鑼灣分店一次，感覺唔錯， 甜品同鹹點都唔錯，知道佢哋出咗一款新嘅疏乎厘甜品，今次就去旺角分店試一試。📍“Happy Together” Brunch ($188)總覺得ADB喺有一股魅力，明明知道只係將所有嘢煎好晒放返埋一齊，喺屋企都做到👨🏻‍🍳，不過大堆頭就總喺覺得好吸引😍。擺出嚟嘅賣相的確好豐富，款式算喺多，不過薯餅同牛角包🥐都比較硬，炒蛋冇調味🥚。整體味道只係一般，冇驚喜。對比起餐廳其他餐點嘅價格，佢算係冇咁抵食，試一次就夠晒👉🏻👈🏻。📍紐西蘭一級肉眼牛扒220g配沙律及薯條（$138）Grill New Zealand Premier Rib Eye Steak 220g with Mesclun Mix and French Fries牛扒望落好薄，點知食落有驚喜🥰，點左3成熟，唔會太生，中間仲見到嫰紅嘅顏色🥩。食落都算柔軟，而且調味足夠。旁邊仲配上炸薯條🍟，整體唔錯。.📍宇治抹茶黑芝麻梳乎厘班戟（$108）Uji Matcha Black Sesame Soufflé Pancake梳乎厘班戟上淋上抹茶醬，再加上黑芝麻雪糕🍨，旁邊配有紅豆、白玉同厥餅，配搭得好完美👍🏻

澳洲和牛竹炭漢堡包配蕃茄 烤大啡菇芝士及薯條($168)充滿油香的澳洲和牛肉漢堡扒，厚厚的漢堡濃味得黎鮮嫩多汁，食落啖啖肉，讓人滿足。配上新鮮蕃茄同埋巨型烤大啡菇等配料來減低漢堡的油膩感。帶微脆，加埋芝士之後咸香十足。燒鰻魚滑蛋蓋意式紅飯($98)蓋飯姐係滿滿的菜蓋住整碗飯，叫得蓋飯，呢個飯的鰻魚同蛋的份量都真係有返甘上下。鰻魚柔軟冇腥味，頗為嫩滑，有油香。淋上微甜醬汁分外香口。重點要講呢個奶皇流心心太軟! 奶皇味超突出，比起一般的朱古力心太軟多左一份咸香，唔太鍾意食朱古力又好鍾意心太軟個種質感既朋友就一定要試，比起市面上的流心月餅又或者流心奶皇包，呢個心太軟的奶皇味更加出眾! 最後叫埋杯朱古力咖啡沙冰($38)，朱古力同咖啡的比例都平均，不錯!!

放工男朋友來了接我想起這一間位於白布街的 — HeSheEat一直都想試試 於是今晚做過來吃晚餐餐廳裝修可愛有特色牛油果蟹肉沙律新鮮牛油果配上蟹肉 味道十分搭配上凱薩沙律醬 不錯牛油香草燒春雞配日式薯仔沙律質素和味道都是意料之外雞髀烤得恰度好處肉汁滿滿的鎖在燒脆的雞皮內雞皮又不會太燶 雞肉鮮嫩軟綿點上蒜蓉燒汁吃 好味道 很出色的燒春雞朱古力Oreo日本牛乳刨冰粉雪質感的刨冰 底部是雪糕淋上朱古力醬 甜甜的西柚錫蘭紅茶少甜的西柚紅茶清新解渴 酸酸的 開胃又好喝

今次呢間餐廳係朋友揀既，佢話之前黎過覺得唔錯，話貪呢度d野好食、坐得舒服岩傾計同價錢又唔貴呢！而我呢個大鄉里就第一次黎呢度。入到去第一印象唔錯，裝修好有心思，chill得黎又不失少女味！首先黎左兩杯餐飲，飲下野傾下計講下八卦野先！本身對呢一類型「賣樣」既餐廳既食物期望唔高，估唔到佢地d野食水準都唔差喎，好驚喜！首先黎既係精選晚餐既「扒紐西蘭一級肉眼牛扒220g配沙律及薯條」牛扒既肉質唔錯，食落好juicy，水準唔錯食落唔似廉價既牛扒。而伴碟既薯條同埋沙律亦同樣高質！薯條炸到外脆內軟，而沙律菜則幾新鮮，而且醬汁酸酸地幾清新，大大減低左肉類帶黎既油膩感！之後係同樣係精選晚餐既「香煎盲鰽魚柳伴意大利茄醬燴菜及薯仔沙律」賣相唔錯，擺盤好有心機，真係唔相機食先都唔得啦！魚柳食落冇腥味同雪味，配埋燴菜同薯仔沙律好味又健康。另外我地仲加左個小食：「單骨蜜糖芥末雞翼」幾款食物入面我最鍾意既就係呢款！單骨雞翼食既時候好方便，唔會話食到冇晒儀態。雞翼炸得好香好脆而內裡既雞肉又能夠保持嫩滑，配埋美味既蜜糖芥末醬真係好食到停唔到口！美好既一餐又點可以冇左甜品作結！我地叫左個「日式梳乎厘班戟」share食！總共

啲fd都話呢間唔錯，幾好食😂今日終於嚟食，一入餐廳就覺得個氛圍幾好，裝修好靚好可愛。叫咗意粉、雞翼同大蝦，每樣都好食，兩個女仔share岩岩好！下次會再嚟～～

第一次黎呢間hesheeat餐廳食西餐，一直聽過呢個名今次都係第一次食，入面吾係好大 有兩層，我叫左份意大利雲吞蕃茄汁，蕃茄汁太酸麻麻地雲吞就好食，雲吞同蕃茄汁吾太夾，朋友叫左海膽炒飯，點知海膽太腥朋友完全食吾到，最後都硬食。反而甜品好d，班戟比較好有兩種醬，焦糖同士多啤梨，建議去到食甜品比較好

真係冇服務冇態度，因為冇人理你！三個男仔各有各忙住機不離手，一次過冇下次好普通嘅漢堡但麵包唔夠熱薯條就夠晒熱海膽燉飯我真係唔識欣賞個人喜好嘅只係唔係我口味咖啡就係普通咖啡

喺旺角搵咗呢間cafe撐枱腳～見佢甜品都幾吸引所以揀咗呢間🙈Dinner Menu都幾抵食～呢到A餐同B餐仲有得免費送個甜品😻我地嗌咗兩個扒餐～紐西蘭一級肉眼牛扒220g配沙律及薯條 $138 嗌咗五成熟～肉眼扒肉質軟諗 調味比較重 性價比都高👍🏻300g美國安格斯西冷 $238大大塊西冷～ 都係嗌五成熟 重牛味 帶點焦香味 肉質有口感😋 薯條即炸嘅 好脆～再加啲鹽同黑椒～好食😋呢個餐仲跟埋沙律、餐湯同凍檸茶餐湯係黑松露野菌忌廉湯 好香黑松露～宇治金時心太軟配豆腐雪糕 (Free)好抵！上面嘅A餐送呢款原價$62嘅甜品雖然係送 但質素絕對唔差！店員同我地講心太軟即整嘅所以大概要等15分鐘心太軟抺茶味好香！一切開即刻流心🥰 外脆內軟～ 好好食

好耐以前來過一次，有個燒牛肉好好食😋，今日來開旺角想再試，但個menu已經唔同左😅入座要排隊，門口有2人等緊，沒有指示條隊點排，如果人多可能會混亂⋯⋯等左10mins職員話可以入座，完全冇指示坐邊度，我唯有搵張吉枱自己坐低，再叫野食😅撇除服務態度，食物質素係ok 既，擺盤都幾靚❤️菠菜芝士意大利雲吞芝士香濃，配以蕃茄醬令人開胃，底層鋪左菠菜加添fresh的口感。碟邊伴以紅菜頭汁，令成道菜生色不少🌟沒有燒牛肉，不如試下份牛扒表面灑滿香料，幾香口，味道偏濃，似係想用香料蓋住雪藏味。百幾蚊一份牛扒CP值唔高但可接受抹茶鮮奶咖啡好濃的抹茶，又唔會蓋過咖啡的香味，呢杯飲品好正呀😍💕💗💖食物質素唔錯，裝修有心思，不過已經有點殘舊，如果職員服務再改善一下會更好～

旺角食店易手又易手，一家多年來屹立不倒的Cafe，令人不自覺望多幾眼。終於係機會入去一試了。小店環境好靚，係比較girlish的style。餐牌上食物選擇好多，飲品同甜品份外吸引。價錢相宜，部分更加係好「抵食」。小食份量足，一份雞翼接近有十件，賣相也不錯。味道係標準的芝士加辣醬加香口脆脆，都幾好食。主菜來講，比較欣賞呢款茄汁焗海鮮。甜甜地，幾惹味。至於飲品，非常出色！灰色大理石紋的Cookie and cream，味道一流，而且沙冰打得好細滑，口感都好好。飲品上的cream唧得好靚，睇得又食得，絕對值回票價。

近排最多的活動，就係在家研究新菜式。偶爾都會想念出邊的食物。今次就係機會，同朋友仔一齊去靚靚Cafe食個lunch，享受下別人的服務。餐牌花多眼亂，而且唔少都有特惠的價錢，樣樣都令人好想試。先來一杯特色飲品，淨係賣相都令人好開心好興奮。厚厚的cream，好邪惡啊！主菜的蜆肉意粉，份量好多，意粉炒香過，都幾好味。小食賣相好靚，甜甜的玉子，口口的芝士，好完美的組合。食飽飽就完？梗係唔係啦！食甜品就係時候開進我哋另一個胃啦！超厚pancake，又滑又軟熟，配蜜糖又得，果醬又得，雪糕都得😋

旺角白布街原來都多嘢食，今次來吃西餐鮮魷魚火辣墨魚汁意粉，黑漆漆的意粉煙刃，入口包住墨魚汁味有黑色有鮮魷魚黑色嘅墨魚汁包住，好有鮮味魷魚有鮮味，咸咸的味道配合意大利粉一流美國安格斯西冷牛扒，有成三百克，好大件好抵食入口剛好，五成熟，粉紅色肉色，保持到肉汁之餘，也保持到牛的鮮味薯仔炸得十分好，好鮮味，外皮炸得脆口，內裏保持薯仔嘅香味，配牛扒食一流南瓜海鮮湯，味道一流，好香海鮮味，十分鮮甜沙律新開胃一流，材料新鮮冰茶入口涼快，解渴一流紫薯鮮奶，外表好like, 粉紫色的飲品好治愈，入口紫薯味十足，正抹茶心太軟，打開流心，配雪糕食係夏天既至愛

最近都因為疫情關係 減少了外出與好友用餐不過困得太耐了 有點按捺不住 於是相約好友快閃聚一聚 聊一聊近況 相約旺角用餐 選中呢間文青風重 打咭一流既HeSheEat地點不難找 而且位置算是方便易到本來是甜品店的HeSheEat 近年都開始推出主食 食物水準不錯 重點是價錢相宜合理初開時大排長龍 不過早起的鳥兒有蟲吃 早點吃就不用排 舖面算是寬敞 一共兩層 文青感滿滿 望望餐牌 選擇不多也不少  Pasta, Risotto, Burger都有 單望餐牌都挺吸引 扒虎蝦芝士汁鮮蛋意大利麵 虎蝦份量不算少 而且新鮮味好 蝦肉爽彈結實 外脆內軟 雖然不如如期的大隻 不過亦算中上水平 麵條富有淡淡蛋香 略嫌不夠柔軟不過食落有韌度有咬口 芝士醬汁質地並不如一般的杰身濃稠可是味道同樣濃郁豐富 芝士味香 食落都不會感覺膩及滯

之前去食過HeSheEat，今次經開旺角再去多次。記得佢哋有好多款式同埋套餐，上次都未試哂。今次就order個雜扒套餐，入面有春雞半隻、豬扒、煙肉、德國腸仔、同埋煎蛋。春雞肉質好幼嫰同埋個皮燒得好脆，啲醃料上面嘅香草啱曬我口味。豬扒就好冧同埋係厚身，所以咬落去口感一流同埋juicy。煙肉就煎得好脆，啱曬鍾意食鹹味道嘅我。德國腸一向都係我至愛，所以呢個又係冇得輸。煎蛋係太陽蛋，上面加咗少少香草又係另一番風味。跟餐會有一個沙律同埋餐湯送，餐湯係忌廉湯，都係一貫高水準。特別係個沙律入面嘅車厘茄我最鍾意食。另外我哋點咗什菌蘑菇溫泉蛋芝士汁鮮蛋義大利麵，個芝士汁真係冇得輸，超正、溝得超好味，意大利麵又係好香好有蛋味同埋唔太晏又唔太冧啱啱好，呢個值得推介。最後上嘅係抹茶心太軟，呢個甜品對於鍾意食心太軟嘅朋友一定要叫，因為啲留心襯埋啲雪糕食口感絕對一流。飲品就另叫咗一杯芒果沙冰，沙冰好幼細同埋芒果味好重，鍾意芒果嘅朋友記得黎飲啦！

今日同同事去左旺角做野，做完野都成7點，肚又有小小餓，咁就諗住睇下旺角有乜好食啦，有啲貪心，想食到晚餐又順便食埋糖水，天氣熱嘛，唔想周圍走。就諗起有間HeSheEat可以滿足到我呢個要求。去到就有位，唔駛等，非常好。職員好快就安排左我地上樓上坐，效率又快，又好禮貌。我地先叫左個單骨水牛城雞翼做頭盤，本身已經開左邊，方便易食，味道都唔錯，之後到個He She Eat Brunch，我地揀左要牛角包，呢個Brunch真係有好多野食，入面仲有我最鍾意食野Parma Ham。野飲我朋友就叫左杯燕麥乳酪奶昔，而我就叫左杯紫薯鮮奶，真係好香紫薯味，好好飲。到甜品時間，個白桃乳酪日本牛乳刨冰好正，食落去透心涼，又唔太甜。最後到好靚既朱古力三重奏，好味，有得食有得飲，鍾意朱古力既朋友一定要諗。