Hea Ha Hea Ha 居酒屋 (已結業)

尖沙咀新開業嘅Hea Ha Hea Ha 居酒屋，主打日式串燒！食物即叫即製，保證新鮮熱辣，製作需時！蟹肉牛油果沙律 $108菜菜新鮮爽脆！加埋軟綿嘅牛油果同埋鮮味嘅蟹肉，夠晒fresh！招牌炸雞軟骨 $48脆卜卜，送酒一流！燒茄子 $68原條燒，勁juicy，蒜味香濃！燒牛橫隔肉 $58/串牛味濃郁嘅封門柳！西班牙豬肋骨肉 $38/串肉質軟腍可口！免治雞肉串 $38/串配濃郁嘅蛋醬，無得彈！串燒雞皮 $28/串香口又夠脆！串燒雞軟骨 $28/串Hea Ha Hea Ha嘅雞軟骨真係唔錯！自家製甲羅燒伴法包 $118甲羅燒燒製好先撈鵪鶉蛋，口感會變得更滑溜，感覺好得意！

今晚去咗尖沙咀諾士佛臺嗰度飲酒，咁飲完酒就同朋友係尖沙咀呢頭度醫下個肚，咁其實飲完酒飽飽地，所以想食下串燒。 咁朋友就介紹咗呢一間日本居酒屋嘅餐廳都食串燒，咁其實佢食串燒嘅都有其他嘢食，咁大家睇下我食咗啲乜嘢，順帶一提其實呢度啲裝修都幾日式下，感覺好似返咗日本咁樣。唐揚炸白鱔: 白鱔整到好似唐揚炸雞咁樣，但係個白鱔炸得幾好而且最緊要就係佢個肉都幾嫩口，我感覺上好似有啲避風塘風味。熊本豬腩肉串: 呢個燒腩肉串我自己覺得係主角，因為佢啲肉同埋啲肥膏每個分佈得非常之平均，咬落去啲油脂係個口度浪下浪下感覺非常過癮，而且佢個肉汁調D味道都幾好食，所以我覺得呢一個一定要試。西班牙豬肋骨肉: 豬肋骨肉就幾有彈力就好入味， 同埋做肉質唔係太硬掘掘， 真係易入口。串燒雞腎: 我覺得燒到啱啱好，而且最令我震驚嘅就係佢個肉質都幾淋同彈牙。 因為自己覺得雞腎都比較難燒。串燒雞頸肉: 口感十足， 食落去又唔係太似雞頸肉， 因為啲雞頸肉肉質都幾厚肉同爽口。串燒雞翼：就係燒到恰到好處，一定要食佢啲雞皮，千祈唔好唔食，因為佢哋D雞皮先係精髓所在，而且皮軟硬適中， 非常之香脆， 同埋入面啲肉 ， 雖然雞翼係好普通但要燒

今日阿妹生日, 佢又好鬼鍾意食日本野, 所以就book左呢間居酒屋食生日飯。一入到去就見到暗暗地既燈光, 加埋張吧台, 就諗到平時收工都可以同班同事黎摸摸杯底放鬆下, 一定好chill, 整間都好有日式居酒屋既格調同氛圍, 有種令人放鬆、想約埋一班朋友把酒談歡既感覺!🥢日式清涼前菜拼盤(涼拌秋葵、薯仔沙律、鰹魚昆布)非常開胃, 停吾到口, 差啲食埋阿妹果碟🤣!🥢大蔥雞肉串 - 醬燒過既大蔥不單止吾會有辛辣，而且甜甜地超好食; 雞肉都燒得岩岩好, 好嫩好滑，但大蔥個人覺得更有驚喜！🥢唐揚富山白蝦 - 細細隻既富山白蝦炸得好酥脆香口, 配埋杯生啤, 做下酒菜真係一流, 不過食既時候就要小心蝦鬚拮嘴, 要慢慢食😝🌟極度推介牛根大根味噌煮, 啲牛根腩煮得入味到不得了, 牛味濃郁, 蘿蔔同牛腩真係絕配,蘿蔔都煮得好軟腍，吸收哂牛肉既味道之餘, 亦解左牛根既肥膩, 呢道真係必點🥰!🥢鹽燒大白鱔 - 白膳只需要簡簡單單鹽燒已經足夠, 因為主要係食佢魚既鮮味, 呢串食得出食材都好新鮮🥢熊本豬腩肉串 - 一上枱已經睇到流哂口水, 淨係睇隻色都好吸引, 熊本豬腩肉出名無肉腥臭味、肥瘦分明, 肉質柔軟又耐烤

Hea Ha Hea Ha 居酒屋 (尖沙咀) @尖沙咀新開嘅一間居酒屋，餐廳主打串燒同日式主食。裝修簡樸，座位比較寬闊亦都設有吧枱，坐得幾舒服，最啱同朋友食下野傾吓偈。食物方面嘅選擇都幾多，除咗平時食到嘅串燒，佢哋呢度仲有內臟可以叫。。🌟前菜 $56沙律、秋葵、蘿蔔絲。🌟炸池魚仔 $48魚仔炸得好香脆，食到有少少骨，不過都冇乜影響，幾啱送啤酒食。。🌟昆布柚子椰菜沙律 $48椰菜食落爽脆，用咗鹹昆布同柚子汁調味，酸酸地幾開胃。。🌟雞髀菇 $28、🌟熊本豬腩肉串 $38🌟燒鶴鶉蛋 $28、🌟串燒雞腎 $32🌟串燒雞皮 $28、🌟串燒雞頸肉 $30🌟串燒牛利心 $58試咗幾款串燒嘅味道都唔錯，調味適中，仲試到平時比較少食到嘅雞頸肉同牛脷心。串燒係即叫即燒，所以可以慢慢食同傾偈。。🌟鹽燒油甘魚鮫 $98外皮燒得有少少硬。不過入面嘅肉都仲係幾滑，配左個醬汁可以點，不過就咁食都夠味，同幾大件。。🌟牛肉鳥冬 $68烏冬要趁熱食，如果唔係會浸到林晒。個湯有少少甜，有好多嘅椰菜同洋蔥，幾鍾意烏冬嘅質地。。📍尖沙咀寶勒巷10號9樓

上樓居酒屋，裝修簡約，今晚好熱鬧似係有人慶祝食飯，居酒屋嘅名叫Hea Ha Hea Ha，可能想營造一種放鬆嘅感覺，有日式居酒屋嘅氣氛!! 🔘昆布椰菜沙律鹽昆布配上柚子醬汁加新鮮椰菜，好爽口清新!! 🔘唐掦炸白鱔望落似炸魷魚鬚🤩，白鱔好肥美，炸粉唔厚，食落夠熱好香脆!! 🔘串燒雞翼/雞心/雞皮大愛雞皮串燒，燒到乾身油脂燒走晒(我希望係咁😆)，雞心雞翼亦發揮正常!! 店員話唔係入貨現成嘅串燒，係自己人手將食材串起嚟嘅!! 🔘熊本豬腩肉串似係炆煮過嘅豬腩肉，然後再加啲醬汁拎去燒，所以好入味好軟腍!! 🔘忌廉芝士牛油果重口味嘅忌廉芝士同淡味嘅牛油果幾夾喎，焗完之後再加上木魚絲同香蔥，令口感更豐富!! 🔘牛筋大根味增煮牛筋大根都好入味，今次大根竟然好食過牛筋，稍嫌切得太細粒，味增個汁嘅味道好濃郁!! 🔘綠茶蕨餅有紅豆蓉作陪襯，綠茶粉都幾多!! 朋友近來愛上食蕨餅，個menu有嘅話佢都要order😂，我已經食到有啲麻木，覺得款款都差唔多味!! 😆

冇得去旅行 唯有得閒去吓居酒屋 尋回去旅行嘅感覺😿 今晚去咗尖沙咀一間新開嘅居酒屋 叫hea 下hea下 感覺幾自在😆 餐廳有四人枱亦有吧台 啱晒同朋友一齊食下串燒飲下酒🏮坐低後店員會先送上前菜 每人有3款 有蒜頭漬 醃苦瓜 薯仔沙律等等 全部都好開胃好食😋 另外我哋今晚就食咗以下咁多款小食同串燒：1. 蟹肉牛油瓜沙律 必食推介 新鮮嘅沙律菜配上香醋酸酸甜甜好開胃😋 沙律菜上面仲放咗一個小山丘咁高嘅蟹肉 加上牛油果真係超鮮甜好食😍2. 唐揚炸白鱔 好特別 平時都係食串燒白鱔😆 今次唐揚又係另一番風味 外皮炸到超香脆 咬落白鱔新鮮爽口 送酒一流🤤3. 忌廉芝士牛油果 牛油果上面放咗一球Cream cheese 超邪惡 加咗大量木魚令整體更和風👍🏻4. 雞髀菇 仲好多汁好食🤩5. 西班牙豬肋骨肉 超香濃豬肉味 推薦👅6. 燒牛橫隔肉 平時比較少食到嘅部位 好腍有牛味 調味不錯☺️7. 串燒雞頸肉 有一特別部位 估唔到雞頸都有咁多肉 食落爽口😋8. 串燒雞腎 雞腎爽口 送酒必點😎9. 串燒雞皮 好香脆 our favourite 😍10. 牛肉烏冬 牛肉汁超濃味好食 烏冬彈牙 作為結尾飲番啖湯

呢間居酒屋個名好得意—Hea Ha Hea Ha😌星期五晚就約左朋友嚟hea住食串燒，餐廳細細，但坐落都舒服唔侷促。坐吧台仲可以望住啲姐姐整串燒，一燒完就擺上台，新鮮滾熱辣😋侍應介紹呢度出名食雞內臟😳好難得朋友都中意，叫左啲好特別嘅串燒。雞頸肉—啖啖肉好正呀！本身我都中意食雞頸，燒過嘅雞頸肉特別爽彈，有一種油香，鹽味最夾佢。雞腎—係球狀嘅雞腎，呢個切法令雞腎脹卜卜咁，好多肉汁。雞心—平時好少食到，一串有7粒，有雞內臟獨有嘅香味。另外燒雞翼、牛脷心、廣島蠔都好出色，食完想encore果隻😋唐揚炸白鱔—呢個超正呀，白鱔炸得外脆內軟，依然食到魚油香，伴碟嘅辣味沙律醬成功令佢更好食！食完一堆串燒都半飽，用熱熱嘅照燒雞扒飯結尾。又有驚喜—雞扒好軟好嫩，仲有小小煙燻香味。

朋友知我好鍾意食串燒，今晚特登帶我黎呢間新開既日式串燒試下，我最鍾意食既雞內臟同牛內臟都有。前菜前菜都係漬物，不過其中一款好特別，酸梅味既茄子，完全食唔出有茄子既味道。生蠔赤崎生蠔，好鮮甜，海水味濃。慢煮博多雞胸伴牛油果沙律慢煮雞胸果然係唔同，肉質軟熟，肉汁豐富，牛油果沙律亦好新鮮。唐揚炸白鱔白鱔炸到脆卜卜，好香口。日本蜜糖蕃薯蜜糖蕃薯真係好甜，而且燒到好香。熊本豬腩肉串對豬腩肉真係又愛又恨，肥膏部份真係好食，但又唔能夠食太多，只可以淺嘗。串燒雞腎雞既內臟我都好鍾意食，雞腎燒完口感煙韌，好惹味。串燒雞心雞心都唔係成日有得食，呢度燒到外脆內軟，好香口。青椒仔第一次食咁細粒既青椒，鍾意食青椒既人會鍾意青椒既清甜味。燒飯糰飯糰燒到變左飯焦，脆卜卜。

週末放假去咗尖沙咀寶勒巷「Hea Ha Hea Ha居酒屋」品嚐日本和風晚餐🇯🇵店內裝修以木系為主，感覺乾淨舒適，收工或放假同朋友嚟chill一下就最好不過日式前菜店員先送上日式三色前菜，分別有醃青瓜、牛油炒雜菌、沙律醬雞胸肉昆布柚子椰菜沙律椰菜沙律新鮮碧綠，口感爽脆，加咗鹹昆布同和風柚子汁，酸甜開胃串燒雞腎、雞心、雞皮雞腎口感爽脆，鹹香滋味。雞心好新鮮，一啲都唔腥，味道獨特，略帶嚼勁。雞皮燒到脆卜卜，佐酒一流熊本豬腩肉串採用日本熊本豬腩肉，厚切的，肥膏同瘦肉層層相間，口感香軟，豬肉味好濃郁燒雞髀菇雞髀菇加咗醬油一齊燒，好Juicy花語一夜干魚皮燒至微微香脆，魚肉保留嫩滑口感，充滿魚鮮味，好好食

Hea hea ha ha食串燒🍡🍢位於寶勒巷嘅Hea ha hea ha居酒屋🏮，裝修簡樸乾淨，牆上高處以一排不同清酒作裝飾牆，別具特色；一入門口有張大約坐3-4人bar枱，放工約埋三五知已落黎happy hour，邊飲邊食一樂也😃；而且店員殷勸嘅招待亦值得一讚👍🏻。🥗蟹肉牛油果沙律嗌前菜先打開個胃口👍🏻，面層滿滿蟹肉捧，中層有半拌溶嘅牛油果🥑，底部墊左好多新鮮沙律菜，所有材料撈拌均勻，口感一流，沙律菜相當青脆，淡淡柚子醋味道非常清新，相當醒胃前菜。🐟炸池魚仔池魚炸得非常乾身，一啲油膩感都冇，食落嘅香口又卜卜脆😋。🍡串燒雞心第一次食雞心，原來係咁好味嘅，口感略帶靭度，但出奇地越𡁻越有肉香🍡串燒雞腎呢個係每次食串燒必點，更驚喜係雞腎好厚身，咬口有爽脆度，越𡁻越香，一丁點腥味都冇。🍡免治雞肉串雞肉入邊應該加左雞軟骨，免治雞肉鬆軟，雞軟骨卜脆，兩者併埋口感多左層次，蘸點埋未熟蛋黃一齊食，令整齊口感更順滑，而且仲增加蛋香，呢個非常推介👍🏻🍢燒廣島蠔🦪雖然細小，但脹卜卜入口creamy，鮮味出眾，蠔鮮爆發力強勁。🍡燒雞翼我自細鍾意食🎼🎼🤣，必嗌串燒，雞皮燒至乾身脆口，但肉質仍保持juicy 。

尖沙咀最近有間新嘅居酒屋，今次就來試下。雖然餐廳面積唔算好大，但幾有氣氛。生蠔，飽滿新鮮～唐揚炸白鱔，白鱔爽脆夠香口，好好嘅下酒菜招牌沙律，沙律面頭放上炸脆條，再加上少量醬汁，健康得來又唔會太單調。串燒雞翼，雞翼皮燒得好脆，面頭灑上少少鹽已經夠晒惹味，入面仲好juicy～串燒牛脷心，雖然一件唔係好大，但就好厚身，食落唔會黐牙。免治雞肉串，食落唔會太單調，隱約咬到軟骨嘅質感，撈埋生雞蛋一齊食仲加分！牛根大根味噌煮，炆得好入味，又夠腍，牛筋有咬口，蘿蔔清甜～牛腸，好邪惡！好少地方有呢道菜式，食落好香油脂味～照燒雞扒飯，雞扒juicy仲有2杯特飲，藍莓特飲一啲都唔求其，會食到啖啖藍莓果肉。梅子青檸梳打，味道清新，唔會太甜。

朋友鍾情日本食物，今日就帶咗我去寶勒巷”Hea Ha Hea Ha 居酒屋”，居酒居位於尖沙咀寶勒巷10號9樓居酒屋🏮以簡潔和風裝修，吧枱位於入門位置，吧枱左面有一間獨立房間，右邊就放置幾張和式餐枱，面積唔大，但環境同服務，令人感覺都好舒服🥢前菜，清爽開胃，有酸酸甜甜又脆口蓮藕漬、清甜南瓜沙律、爽脆苦瓜🥢昆布柚子椰菜沙律，爽脆椰菜，加入乾身帶咸昆布，令椰菜甜度提升，再加上黑醋酸甜調和，令整盤沙律更清新🥢唐揚富山白蝦，白蝦炒至香脆，入口脆口，好好送酒小食跟著，就一定點幾款，係我最鍾意，又係居酒屋最人氣既串燒，🥢鹽燒大白鱔，帶有淡淡炭燒香味，白鱔肉質軟滑味鮮甜 🥢熊本豬腩肉串，腩肉色澤通透，肥瘦均勻，脂肪部份肥而不膩，口感軟化，非常推介🥢免治雞肉串，免治雞肉帶有少許軟骨，入口軟滑得嚟，又有點咬口，混合金黃蛋黃，更加美味🥢串燒雞尾，冇騷味，唔油膩，入口勁嫩滑🥢串燒雞臀，有咬口，🥢串燒雞肝，軟滑，兩款都係串燒人氣必點🥢冬菇 🥢燒厚油揚，「油揚」日本油炸豆腐皮，以燒的方法煮炸豆腐皮，有豆香，帶乾口感脆🥢燒飯糰，表面燒至金黃香脆，散發陣陣焦香，內裡珍珠米飯仍軟糯，加上調味提鮮，令整體味道更提升

舊同事最鐘意食串燒同去居酒屋，佢話帶我去尖沙咀試間新嘢，餐廳地點喺寶勒巷10號9樓，裝潢以簡約日本風，座位濶落舒適。Menu主打串燒！當然有平時食開嘅雞肉呀、牛排，但更特別係呢度竟然有傳統日本串燒必有嘅雞內臟！！！雞皮、雞心，雞頸肉、雞腎、雞尾都有！幾驚喜！而且前菜三款味道出色！令我點菜信心大增！🦀自家製甲羅燒伴法包 $118甲羅燒入口時隨即感到濃濃嘅蟹膏味，咀嚼時會食到蟹嘅甜咪同淡淡嘅蟹肉，份量非常足料，配埋焗到脆卜卜嘅法包黎食真係超～級～好～味！個人推介必點！🐷熊本豬腩肉串$38：燒至蕉香嘅豬腩肥瘦分明、肉質鬆化軟嫩，配埋醬汁一齊食更惹味🐔雞心 $28: 對上一之係喺日本食過，呢度都好有水準，雞心彈牙煙韌，口感唔錯🐔雞皮 $28: 雞皮燒得香脆可口！輕易食哂而且唔覺油膩🐔雞頸肉 $30 :平常應該食唔倒雞頸肉嘅，串燒食法係第一次！切成條狀嘅雞肉出奇地軟嫩有肉汁！值得一試！🐟鹽燒大白鱔 $58 ： 薄薄嘅外皮十分脆口，肉裡嘅魚肉非常嫩滑！輕輕調味就引出鱔嘅鮮味！推介！🐔炸雞軟骨 $48: 炸到酥脆嘅雞軟骨口感豐富，外酥内脆配上沙律醬更滋味！最後店員推介 🍆燒茄子$68: 巨型嘅一整條

誰不想在工作後輕輕鬆鬆hea一下？日本人的下班後最愛，就是居酒屋這家居酒屋開在樓上，赫德道10號九樓的位置，大隱隱於市服務水平也不俗，令人滿意前菜3種$28醋漬茄子 薯仔沙律 蘿蔔牛腩分別 非常開胃，非常creamy以及非常濃牛肉香，味蕾打開赤崎蠔$68清新而大隻，簡單加入檸檬辟腥，口感滿不錯西班牙豬肋骨肉$38帶薄薄的肋膜，口感爽脆，帶微微油香，豬肉香濃不帶羶澳洲M6和牛肩柳肉$58半熟的澳洲和牛口感煙韌，肉香味濃，而且沒有多餘油脂，不錯串燒雞腎$32特別推介！雞腎粒厚實juicy不韌，每啖都香而不羶，滿滿的爽彈，出色！燒厚油揚$38脆炸豆腐豆味香濃口感煙韌，別有一番風味北海道元貝$58這顆元貝大隻厚肉，加入碎蒜味道很濃烈！燒雞翼$38牛肉烏冬$68採用非常煙韌的稻庭烏冬加上美國肥牛，飽肚之選