HANA Korean Restaurant (已結業)

朋友聚餐下被介紹到此店，網上食評一面倒屬中高水平， 價錢定位相宜，因此頗有期待。進入餐廳發現環境相對狹小，當有其他客人出入時需要讓位才能通過，如果要坐得舒服傾計，需要讓位將就一下，舒適度相對低。店員禮貌尚可，畢竟一人做足落單、傳菜、收銀 （同埋出品？），同對上一次在馬鞍山食韓國餐一樣，都係要用‘’英文‘’落單（絕非韓文），難道是此菜種餐廳的招募趨勢？食物方面令人感到相對失望，即使定價不高，都過唔到自己一關 ---$108 釜山魚糕烏冬 - 湯底味道正常地濃淡適中，輕輕的鹹味帶著熱湯，魚糕質感煙韌 / 偏硬 版本兼備，配上有質素的烏冬麵底，屬今餐比較正常的一款菜式，略貴。$78 韓式傳統煎餃子 ＆ $82韓牛餃子 - 歸納在一起評價的原因是餃皮很硬！韓式傳統煎餃子內裏的是粉絲碎，微量肉及其他菜，感覺很不實在； 韓牛餃子的肉量正常，但肉的調味偏甜，感受不到韓牛與別不同的地方，肉質偏實。$108 南瓜粥 - 甜得過份! 濃稠程度比糊狀還要高， 食完之後已經完全霸佔我們在尋找甜品的空間配額。近一個月內第二次幫襯韓餐小店，同樣得來不是正常水準或以上的體驗，下次選擇時會更加小心。

個餐廳都光光猛猛諗住都OK呀，完全冇諗過之後嘅事情會發生。食咗兩樣野，同朋友傾計坐坐吓呢，我就感覺到有樣嘢係上邊跌咗落我膊頭同啲頭髮度啦。咁我都feel到有嘢搲住我啲頭髮啦。我都覺得唔係好嘢啦，即刻彈起身跳跳跳啊，我啲朋友都嚇到飛起啦。之後我就見到一隻勁大嘅曱甴喺度爬吓爬吓啦，我就知道頭先喺天花板從天而降落我左右膊頭嘅就係呢隻曱甴。但個男侍應冇即刻處理曱甴，亦冇主動提供咩賠償。最終要隔籬枱客人去踩死隻曱甴。後來我先發現有另外一個留言都有相同嘅遭遇。我第一次喺依度留言就打依篇文係希望餐廳改善衛生，唔想其他人再有我嘅遭遇啦。

上年去完釜山之後，有時都會念念不忘想再去🥲然後比我發現，原來尖沙咀韓國街一帶有間係主打釜山傳統粥品🍚仲要係由韓國人主理的小店，而粉紅色門面則顯得格外吸睛-釜山鮮鮑魚粥🇰🇷釜山食鮑魚粥好出名，估唔到香港都可以食到！韓國粥品與港式粥的綿滑不同，以 粒粒分明的釜山米熬煮，質地濃稠近似意大利燉飯。搭配紅蘿蔔等蔬菜粒，麻油同紫菜提鮮，仲有一片片嘅彈牙鮑魚，口感豐富！-釜山魚糕烏冬🍢「掛筷子」造型十分吸睛，稻庭烏冬口感煙韌彈牙。而且仲配咗份量都幾多嘅魚糕，整體清甜而不油膩-煎韓牛餃子🥟外皮煎到金黃酥脆～第一次食入邊係韓牛嘅餃子，咬下時仲有爆汁感！搭配微甜的韓式醬油更添層次

平時都係唔舒服冇胃口先會想食粥，但試完韓國粥令我超有驚喜！加上店家好友善，整體而言感覺良好！釜山鮮鮑魚粥 $138傳統韓式做法，韓粥水份較少所以粥底會比較綿滑有咬口。而且有芝麻油提香好易入口！冇係其他香港地方食過類似嘅粥，真係又特別又又好食💖💖💖💖釜山魚糕烏冬 $108烏冬彈牙，整體好食！材料都好多，而且湯底好飲！！！！！🫡🫡🫡煎韓牛餃子 $82煎餃熱辣辣, 皮好脆而且有肉汁☺️值得一試！！

🐷釜山鮮鮑魚粥粥底好棉密好香，入面有大大粒鮮鮑魚切片，加埋啲芝麻油嘅香味同埋紫菜，鮮味十足，食完暖胃又滿足。💓🐷蒸餃子🥟蒸餃子細細粒可以一啖一粒，係傳統韓式餃子嘅味道，🌶️點埋辣辣地嘅豉油一齊食嘅香口。🐷釜山魚糕烏冬🥰賣相夠晒吸引，🍲湯底清清地，魚糕串有勁多唔同款嘅魚糕，🍜烏冬都幾有咬口點，冬天整返碗真係好正。🤟🏻📍HANA Korean Restaurant尖沙咀金巴利街1E號地舖

自從由濟洲去完旅行番嚟✈️ 一直都念念不忘韓國粥 最近發現原來尖沙咀哩間粉紅色小店少有有賣韓國粥 決定去尋找濟洲嘅味道👅🔸泡菜章魚粥 $128泡菜粥 雖然睇落紅卜卜 但食落甜而不辣 唔會太鹹味道啱啱好👍🏻✨ 除咗切粒章魚🐙同泡菜 仲有大量嘅配料 有薯仔 🥔 紅蘿蔔🥕洋蔥🧅 面頭仲有啲黑芝麻 食落非常豐富😋🔸釜山魚糕烏冬 $108 🍲賣相別具特色 筷子掛住上烏冬 似「烏冬瀑布」 🌊 仲有一大串各式各樣嘅魚糕 🍥🍢豆卜絲唔係而且吸滿湯底 雖然海帶湯底少許偏咸 烏冬滑捋捋幾煙靭👍🏻 不過要快啲食 如果唔係有機會會浸腍😝🔸蒸泡菜餃子 $78 🥟餡料除咗豬肉同泡菜 而且仲有少少粉絲 食落都幾辣🔥唔食得辣要三思🤣餃子皮煙靭 建議盡快食 放耐左有機會變硬本身諗住試吓佢哋嘅鮑魚餃子 個人未食過 幾有特色 但當日咁啱賣晒🥟 佢哋韓國粥味道唔錯 有機會會試吓佢哋嘅鮑魚粥😝

平時想食韓國嘢，但係唔想食得咁Heavy，就可以試吓尖沙咀韓國街有間係釜山人主理嘅韓國粥品餐廳，店舖位置唔多，建議可以訂位先😉🔸 泡菜章魚粥(HK$128)粥嘅口味選擇都多，如果鍾意口味濃啲嘅就可以是泡菜呢款，泡菜味好濃但係唔會辣，份量好多，入面有切咗細粒嘅章魚🐙🔸 泡菜五花腩烏冬(HK$118)主食仲有得揀烏冬，烏冬都幾清淡，呢款有配埋泡菜五花腩，分開食定撈埋都可以😎🔸 煎韓牛餃子(HK$85)外皮煎得脆卜卜，入面嘅餡料都幾大啖肉🥟

食韓國菜經常都係諗起炸雞同部隊鍋，但係呢間餐廳特別啲，可以食到韓式粥！🥰🥰🥰.✨泡菜章魚粥韓國粥比戲平時食開嘅粥更加似湯飯，泡菜味道好濃郁，少少辣好開胃，仲有一粒粒嘅章魚🐙✨釜山魚糕烏冬賣相好靚，打卡一流，有多款唔同嘅魚膏好好食，普通吸收咗湯汁味道濃郁😋😋😋✨煎韓牛餃子餃子皮薄餡多，煎得幾好🫶🏻🫶🏻.📍 HANA Korean Restaurant (尖沙咀)尖沙咀金巴利街1E號地舖

呢幾日天氣突然又轉凍，寒冷天氣下最啱食啲熱辣辣嘅野🥶終於有機會試吓之前bookmark嘅韓國粥專門店😙🐙泡菜章魚粥 ($128)鮮紅色嘅粥一嚟已經好香泡菜味😌粥底係韓藉廚師用自己喺釜山稻田種植嘅水稻米🌾所以口感比一般米粒更大更分明更有口感😁食落除咗有泡菜香，仲有麻油香😋章魚粒好多，另外再加咗唔少蔬菜粒，洋蔥，香菇粒🍄‍🟫口感豐富，唔會好單一，好食👍🏻🥟韓式傳統煎餃子 ($78)今次試咗煎餃同蒸餃🥟餡料都幾飽滿😙餃子皮方面，煎會顯得更煙靭，而且有香脆口感，個人鍾意煎餃多啲😋🌶蒸泡菜餃子 ($78)蒸餃形狀會唔同，圓轆轆幾得意😆餡料同傳統相似，但就多咗泡菜😋好惹味，但都幾辣😂😂🍏Green Apple Soda ($27)🍑Peach Soda ($27)

釜山鮮鮑魚粥 ($138)呢碗粥係用新鮮鮑魚煮成，粥底滑腻，鮑魚肉質鮮嫩，味道非常鮮美。每一口都有海鮮味，配合香滑嘅粥底。🌟 評分: 7/10泡菜五花腩烏冬 ($118)五花腩煮得恰到好處，肥瘦相間，口感豐富。泡菜嘅酸辣味道同五花腩嘅油脂相互融合，令整碗麵更加開胃。烏冬麵條彈牙，吸收咗湯汁嘅鮮味。🌟 評分: 7/10🎖️整體評分🎖️❤️ 味道: 7/10🧡 環境: 7.5/10💛 服務: 7.5/10💙 性價比: 7.5/10 📍 HANA Korean Restaurant (尖沙咀)尖沙咀金巴利街1E號地舖

同老公今晚去尖沙咀行街，行經過尖沙咀金巴利街果條街成條都係食韓國野，同埋都好多韓式餐廳選擇。咁岩見到呢間門口粉紅色咁少女心，所以揀左食佢。我叫左個釜山魚糕鳥冬🩷🩷🩷🩷🩷一出場已經覺得好靚整得，有成串魚糕同埋韓式啲腸仔串埋一齊，好多塊唔同形狀，而且個鳥冬裏面都有魚糕，真係好正！又好食同埋好煙韌。個鳥冬配埋啲腐皮好索汁。另外仲叫左個韓式牛肉烏冬🩷🩷🩷🩷🩷佢啲鳥冬都好彈牙，而且個牛肉另上份量真係好多，甜甜地既牛肉，再加埋咁多蔬菜配搭一齊食，完全好夾，好解滯。仲叫左個煎韓牛餃子🩷🩷🩷🩷咬落去卜卜脆，同埋有啲黑椒味，牛味都好濃。附送個配菜都好開胃，揀左罐可樂同埋韓式桃汁都有果肉係裏面，好特別又好食🩷好滿足既一日😍

晚上跟朋友到訪這間，由韓國人主理- 韓國釜山風味的粥品、湯麵及餃子的小店，味道獨特可口。釜山鮮鮑魚粥, 鮑魚份量多又足料，補身養氣的粥品味道香濃，入口清甜軟綿有咬口，加入紫菜令粥更有香氣，若想食味道濃些可可入前菜。泡菜五花腩烏冬，泡菜五花腩調味適中，撈入烏冬湯內，條條都有食到-泡菜的醬汁好惹味，入口彈牙爽滑的，簡單又好味。蒸原味餃子 🥟， 餡料豐富蒸得熱辣辣好食啊！餐廳主打健康食物，份量足價錢又親民，好捧啊！

同阿妹喺尖沙咀行街 行到嚟韓國街睇吓有咩好食 嚟咗呢間韓式粥品主要都喺以韓國食材人參、鮑魚、韓牛等作茶式 菜式唔多 以粥、烏冬、餃子為主凍凍地都想食返碗熱辣辣嘅嘢🔆釜山魚糕烏冬魚糕一大串 串咗唔同款式嘅魚糕 飲第一啖湯 偏海鮮鹹味多嘅湯 烏冬煙煙韌韌都幾好食 仲有海帶豆腐皮等配料🔆釜山鮮鮑魚粥 鮑魚切成薄片 粥底比起平時食嘅廣東粥會少啲水 潔身啲 但粥底有好多配料 紅蘿蔔、翠玉瓜等 加埋麻油同紫菜撈埋 好香好暖胃🔆韓牛餃子🥟外皮超香脆嘅餃 咬落有少少湯汁 而且有豐富牛肉餡料😆下次行開尖沙咀 凍凍地可以再嚟食佢個粥同餃子😜

天氣又涷咗，要食返d暖笠笠嘅美食暖身🔥，琴晚去咗一間釜山大廚主理嘅韓國餐廳 Hana Korean ，主打韓國粥品🥣 ＆ 烏冬🍜，滋補和養生得來，食品嘅賣相仲幾靚，啱晒打卡📸🐥人蔘雞粥用咗新鮮的嘅人蔘仔和嫩滑嘅雞絲，搭配蘿蔔、洋蔥和薯仔等配料，充滿營養，粥底綿滑濃稠，保留了飯粒的口感，卻散發著麻油香氣，啱晒寒冷的天氣，同時好養身。🐟釜山魚糕烏冬有一大串煙韌嘅雜錦魚糕，湯底清甜，烏冬彈牙滑溜，幾好食！🥟煎韓牛餃子外皮香脆，而內餡則是用新鮮韓牛製作而成🐄，肉質飽滿且香口。

自費 自己比錢呢間位於尖沙咀嘅韓國餐廳佢唔可以話好多款式，但係佢有餃子佢啲餃子大大嚿嘅同中餐嗰啲餃子完全唔同好有口感嘅煙煙韌韌韌佢嘅皮質真係好好食㗎仲有我哋仲嗌咗佢個麵食去烏冬真係好好食㗎同埋佢都有飯嘅，佢有好多唔同嘅效果傳統菜式，我都覺得好唔錯嘅價錢適中同朋友去食嘅話都覺得好正嘅特別適合鍾意韓國嘅朋友好有韓國嘅風味環境細細但係好好人啦佢哋嘅服務質素好好唔使等好耐，我覺得都係咁嘅，仲要係近九龍區嘅朋友一定要嚟試吓