HANA Korean Restaurant (已結業)

上年去完釜山之後，有時都會念念不忘想再去🥲然後比我發現，原來尖沙咀韓國街一帶有間係主打釜山傳統粥品🍚仲要係由韓國人主理的小店，而粉紅色門面則顯得格外吸睛-釜山鮮鮑魚粥🇰🇷釜山食鮑魚粥好出名，估唔到香港都可以食到！韓國粥品與港式粥的綿滑不同，以 粒粒分明的釜山米熬煮，質地濃稠近似意大利燉飯。搭配紅蘿蔔等蔬菜粒，麻油同紫菜提鮮，仲有一片片嘅彈牙鮑魚，口感豐富！-釜山魚糕烏冬🍢「掛筷子」造型十分吸睛，稻庭烏冬口感煙韌彈牙。而且仲配咗份量都幾多嘅魚糕，整體清甜而不油膩-煎韓牛餃子🥟外皮煎到金黃酥脆～第一次食入邊係韓牛嘅餃子，咬下時仲有爆汁感！搭配微甜的韓式醬油更添層次