HANA Korean Restaurant

營業中

休息中

呢幾日天氣跌到十幾度, 個胃就最想食到啲熱騰騰嘅食物之前睇過社交平台介紹過尖沙咀有間主打韓式粥品嘅小店, 仲要係由真.韓國人(釜山)主理一直都想試, 今日咁啱嚟到尖沙咀, 緊係要試試, 近年都愛上養生門口大大個聖誕老人公仔, 好可愛, 又可以打卡內裡裝修風格更用上少女粉紅, 食粥都唔係老人家的事餐廳主要供應粥品和烏冬兩大款食品食材以韓國特色食為主, 泡菜, 人蔘, 鮑魚等等我地點了人蔘雞粥 $138 韓式牛肉烏冬 $118  煎韓牛餃子 $82粥底是韓藉廚師在自己釜山稻田種植嘅水稻米, 米粒特別軟綿卻留有咬口韓國粥與港式粥品是有大分別的, 韓國粥味道會濃一點, 而且一定會加芝麻油, 令粥更有香氣人蔘雞粥真的有原條人蔘, 有人蔘的香味但沒有澀味, 呢個天氣食感覺很滋補另外韓國粥嘅水份比港式少, 有一點點似食緊潮式粥, 會見到米飯粒, 唔似港式咁煲到很綿密原來咁嘅做法, 反而有利於腸胃消化, 保護腸胃, 唔會有額外嘅負擔粥入面仲放咗好多雞肉絲, 薯仔粒, 紅蘿蔔粒, 洋蔥, 香菇等, 勁豐富, 所以食完成晚都好飽肚和暖和而用嚟盛著粥的器皿都好保溫, 食到底D粥都仲有溫度, 唔會變得凍冰冰烏

好少嘗試韓式粥品，今次呢間韓餐主打粥料理，我地嗌左釜山鮑魚粥，韓式傳統煎餃同泡菜豬腩肉烏冬。鮑魚粥粥底唔似中式粥底將全部米煮碎，保留了米粒口感，另外韓國米不是精米，相對硬質小小，似泡飯多D。粥入面load左海苔碎，芝麻碎，配上新鮮鮑魚，超香！韓式煎餃餡料係豬肉粉條，有濃濃白胡椒風味，咬落去餃皮好酥脆，好味🤤泡菜豬腩肉同烏冬分開上，烏冬湯底清甜，泡菜豬腩肉調味岩岩好，配烏冬食好夾！餐廳唔算大但裝修精緻，整體乾淨整潔。

同朋友係金馬倫道行完街發覺金巴利街好多韓國小店呢間粉色餐廳少女心十足主打韓國粥和湯烏冬🍜❣️釜山鮮鮑魚粥韓國粥第一次吃，比起平時吃的稍微濃稠，材料有鮑片、紅蘿蔔粒、洋蔥、瓜粒和芝麻海苔鋪面，非常豐富！吃落陣陣麻油香味，令整個粥品有層次感，味蕾享受😋❣️鮮蜆烏冬打卡一流的湯烏冬，清淡魚湯底好有鮮味，烏冬口感好滑溜軟硬適中～加入蜆和昆布令湯底昇華鮮味十足，值得一試❣️蒸韓牛餃子今次揀左蒸餃，餃子入面係滿滿的牛肉，咬落好juicy～牛香味十足，搭配埋店鋪特製醬汁，酸酸地好開胃❣️Peach Juice桃味好香，有粒粒果肉唔會太甜👍

諗住去尖沙咀韓國街碰下運氣、速戰速決食個韓餐先就俾呢間餐廳嘅粉紅色裝修吸引咗入去■ Fish Cake Udon釜山魚糕烏冬> 賣相幾啱打卡聞落魚糕確係幾香，一上桌即刻開動。較喜歡烏冬口感，彈牙Q彈熱焫焫滑捋捋、雪雪聲咁食。魚糕可能炸得太透咬落實淨，反而浸咗湯果幾片軟腍入味■Steam Hanwoo Mandu (蒸)韓牛餃子> 覺得呢個較好食，皮唔太厚感覺牛肉餡滿滿，點醬汁食充滿麻油香，三扒兩撥俾我哋KO晒■Terra Beer> 食韓國嘢配韓啤確係一流，Terra啤酒飲落幾清爽啱晒我哋口味

環境非常惡劣，有好多小飛飛通區飛⋯⋯職員一臉花生樣望住，冇諗過幫忙叫3樣嘢，1樣漏單，張單離奇出現咗另一樣冇叫過冇食過嘅item叫咗樣泡菜鍋，因為俾部冷氣直吹住，完全滾唔起。呀職員見到我地咁，全程都係食花生mode望住，唔理我地。直到我地問職員拎鍋蓋，佢話冇，之後offer 閂冷氣（全場得1部冷氣😀)總共食咗個泡菜鍋+一份5粒嘅餃子，盛惠$297，多謝哂🙂同場加映，呀店員收錢時，唔知係部機收唔到網絡定點，佢自己行走咗，過一陣時間先搵返個人幫手印單

食肆環境有飛蟲，會飛進食物或碗裡面，同店員講換碗，佢竟然拎入廚房抹兩下就遞返俾客😂大癲嘅情況係佢哋部冷氣直吹住個Gas爐（一人邊爐），吹到個邊爐滾唔起，而店員見住人有問題，佢完全食花生唔幫手⋯叫佢拎個煲蓋，間鋪話冇煲蓋，只可以閂冷氣等我哋個邊爐滾起（大熱天間鋪唔開冷氣？）到左埋單⋯張單又收多我錢⋯叫佢扣返我，仲黑我面⋯終於碌卡⋯部卡機又冇網絡⋯店員衝左出鋪搵幫手⋯收到收唔到？真心呆曬😂😂大癲完全唔推薦

呢間餐廳環境好pink，入面有一d韓文字既裝飾。我地叫左一碗人蔘雞粥，呢度主要食韓國傳統既粥，煮法同平時食既有d唔同，而且份量都幾大煲，制作需時要等耐少少，粥入面有人蔘條，紅棗，杞子，雞肉切絲等養顏食材，都幾養生。我地仲叫左一碗魚糕烏冬，韓國既魚糕好軟熟，烏冬好彈牙，食落魚糕軟綿綿既口感同烏冬既彈牙好夾入面仲有豆腐卜同菜，而且湯底清清地唔係好濃味。小食叫左一份牛肉煎餃，煎到香脆咬落脆口入面涵料超多好抵食。

Hana 韓式餐廳👍👍🇰🇷🇰🇷🇰🇷最近去咗位於尖沙咀嘅Hana韓式餐廳試咗幾款招牌菜式，整體嚟講真係好有水準，值得推薦！ 1. 釜山鮮鮑魚粥 🥣🐚 - 粥底幼滑細膩，唔會太稀亦唔會過稠 - 鮑魚片新鮮彈牙，帶有自然嘅海洋香氣 - 整體味道濃郁鮮甜，暖胃又滿足 2. 泡菜五花腩烏冬 🍜🥓 - 泡菜酸辣惹味，唔會過頭 - 湯底平衡咗五花腩嘅油香，濃郁又唔膩 - 烏冬麵條煙韌彈牙，吸滿湯汁精華 - 五花腩肥瘦均勻，入口即化 3. 蒸韓牛餃子 🥟🐄 - 餃子皮薄餡靚，蒸熟後口感柔軟 - 牛肉餡料juicy，夾雜少量蔬菜，層次豐富 - 配埋韓式醬油更加提味，一啖一隻，停唔到口 整體嚟講，Hana韓式餐廳無論係食材新鮮度，定係味道同賣相都好出色，絕對係一個值得再訪嘅地方!🎯#HANA #KoreanRestaurant（#尖沙咀）📍尖沙咀#金巴利街 1E號地舖#foodie #food #foodpic #foodphoto #yum #yummy#delicious #tasty #相機食先 ＃手機食先 #hkfood #hkig#ighk #香港美食 ＃美食#尖沙咀美食Han

今日同屋企人一齊嚟試吓呢間韓國餐廳HANA，整體既體驗幾特別。餐廳嘅環境亦幾舒服，裝修有韓國風味，坐低傾偈都幾放鬆。服務員態度友善，上菜速度都算快，值得一讚。食物方面試咗鮑魚粥、泡菜章魚粥同餃子。鮑魚粥嘅味道比較清淡，粥底綿滑，加咗紫菜之後多咗一層口感，適合鍾意簡單口味嘅朋友。泡菜章魚粥就幾有創意，泡菜湯底濃郁，章魚嘅口感幾彈牙，整體感覺似將飯同湯結合，幾特別。至於餃子，外皮幾紮實，餡料飽滿，食落幾飽肚，味道都算OKG整體嚟講，餐廳嘅菜式有自己嘅風格，都值得一試🤗🤗

韓國人民族意識好強，就算去到其他地方都會想食返家鄉既味道！仲會想將家鄉既味道向其他同鄉分享！呢間鋪頭專注於提供正宗的韓國粥，係香港少見既選擇！鮮蜆烏冬這道鮮蜆烏冬令人印象深刻。麵條彈牙，湯底清淡卻鮮美，充分展現了海鮮的鮮味。蜆的鮮甜與烏冬的口感完美結合。釜山鮮鮑魚粥粥用上韓國米製作，即叫即製！質地綿滑，同時米粒粒分明，因為韓國米不是精製白米，所以每粒飯也保持煙靭的口感。祝裏面，加了蘿蔔、翠玉瓜等等蔬菜，也加了麻油和芝麻和紫菜！而且要配上泡菜絲一齊食。一片片的鮑魚，也為這碗粥提鮮！ 煎韓牛餃子煎韓牛餃子是另一道不可錯過的美味。餃子的皮薄而韌，內餡的韓牛肉鮮嫩多汁，煎至金黃的外皮酥脆，還搭配特製的醬汁。

經過金巴利街，真是有好多韓式料理店，這家店有多款韓式烏冬，正好朋友想吃###韓牛餃子選用新鮮的韓牛肉作為餡料，包裹在薄薄的餃子皮中，好飽滿，經過煎製後，咬下去一層香脆的外皮，內餡鮮嫩多汁，加上調味料讓牛肉的鮮味更加突出！### 韓式牛肉烏冬柔韌的烏冬好滑順，彈牙的口感，湯底清澈而鮮美，搭配上海帶和細豆卜，更加清爽怡人。另外一碟牛肉炒白菜，用的是韓式醬料，味道特別，令人滿足！### 鮮蜆烏冬烏冬中加入了鮮蜆，蜆肉鮮嫩，湯底清新而充滿海味的美食，清淡卻又有層次風味！

朋友聚餐下被介紹到此店，網上食評一面倒屬中高水平， 價錢定位相宜，因此頗有期待。進入餐廳發現環境相對狹小，當有其他客人出入時需要讓位才能通過，如果要坐得舒服傾計，需要讓位將就一下，舒適度相對低。店員禮貌尚可，畢竟一人做足落單、傳菜、收銀 （同埋出品？），同對上一次在馬鞍山食韓國餐一樣，都係要用‘’英文‘’落單（絕非韓文），難道是此菜種餐廳的招募趨勢？食物方面令人感到相對失望，即使定價不高，都過唔到自己一關 ---$108 釜山魚糕烏冬 - 湯底味道正常地濃淡適中，輕輕的鹹味帶著熱湯，魚糕質感煙韌 / 偏硬 版本兼備，配上有質素的烏冬麵底，屬今餐比較正常的一款菜式，略貴。$78 韓式傳統煎餃子 ＆ $82韓牛餃子 - 歸納在一起評價的原因是餃皮很硬！韓式傳統煎餃子內裏的是粉絲碎，微量肉及其他菜，感覺很不實在； 韓牛餃子的肉量正常，但肉的調味偏甜，感受不到韓牛與別不同的地方，肉質偏實。$108 南瓜粥 - 甜得過份! 濃稠程度比糊狀還要高， 食完之後已經完全霸佔我們在尋找甜品的空間配額。近一個月內第二次幫襯韓餐小店，同樣得來不是正常水準或以上的體驗，下次選擇時會更加小心。

個餐廳都光光猛猛諗住都OK呀，完全冇諗過之後嘅事情會發生。食咗兩樣野，同朋友傾計坐坐吓呢，我就感覺到有樣嘢係上邊跌咗落我膊頭同啲頭髮度啦。咁我都feel到有嘢搲住我啲頭髮啦。我都覺得唔係好嘢啦，即刻彈起身跳跳跳啊，我啲朋友都嚇到飛起啦。之後我就見到一隻勁大嘅曱甴喺度爬吓爬吓啦，我就知道頭先喺天花板從天而降落我左右膊頭嘅就係呢隻曱甴。但個男侍應冇即刻處理曱甴，亦冇主動提供咩賠償。最終要隔籬枱客人去踩死隻曱甴。後來我先發現有另外一個留言都有相同嘅遭遇。我第一次喺依度留言就打依篇文係希望餐廳改善衛生，唔想其他人再有我嘅遭遇啦。

上年去完釜山之後，有時都會念念不忘想再去🥲然後比我發現，原來尖沙咀韓國街一帶有間係主打釜山傳統粥品🍚仲要係由韓國人主理的小店，而粉紅色門面則顯得格外吸睛-釜山鮮鮑魚粥🇰🇷釜山食鮑魚粥好出名，估唔到香港都可以食到！韓國粥品與港式粥的綿滑不同，以 粒粒分明的釜山米熬煮，質地濃稠近似意大利燉飯。搭配紅蘿蔔等蔬菜粒，麻油同紫菜提鮮，仲有一片片嘅彈牙鮑魚，口感豐富！-釜山魚糕烏冬🍢「掛筷子」造型十分吸睛，稻庭烏冬口感煙韌彈牙。而且仲配咗份量都幾多嘅魚糕，整體清甜而不油膩-煎韓牛餃子🥟外皮煎到金黃酥脆～第一次食入邊係韓牛嘅餃子，咬下時仲有爆汁感！搭配微甜的韓式醬油更添層次

平時都係唔舒服冇胃口先會想食粥，但試完韓國粥令我超有驚喜！加上店家好友善，整體而言感覺良好！釜山鮮鮑魚粥 $138傳統韓式做法，韓粥水份較少所以粥底會比較綿滑有咬口。而且有芝麻油提香好易入口！冇係其他香港地方食過類似嘅粥，真係又特別又又好食💖💖💖💖釜山魚糕烏冬 $108烏冬彈牙，整體好食！材料都好多，而且湯底好飲！！！！！🫡🫡🫡煎韓牛餃子 $82煎餃熱辣辣, 皮好脆而且有肉汁☺️值得一試！！