Grill n More (已結業)

很少東西，衛生不好，服務不好，也不好吃。。真的真的超失望，還那麼貴。甜點唯一還可以接受的就是燉蛋，其他一般般，雪糕沒了又不續，肉又鹹，壽司裡沙拉少，沒什麼涼菜熟菜，看上去很亂，蠔仔粥勉強可以接受，但就隨便擺在個電飯煲裡，裡面又沒有蠔，就像鍋鹹菜粥。。

星期六訂了晚上6:00-7:30食韓式燒烤，熟食的種類都有很多選擇，有炸雞翼、咖喱角、春卷、炒飯、人蔘雞湯……，熟食都算可以。壽司及刺身都很好，三文魚刺身夠新鮮。燒烤食品都有很多選擇，可惜時間只得個半，因為燒烤需時，時間比較少得啲，生果種類不多，甜品尚可。

  好耐之前係附近食英式下午茶見到有間無煙韓燒覺得幾得意，打算有機會嚟試下。而今日終於試咗，感覺不過不失。  一入餐廳，覺得裝修幾有格調，以暗色調為主，墻上有一啲pop art風格嘅畫做裝飾。位置編排都幾好，唔會話太逼，坐得幾舒服。收銀臺附近有個大screen，一直播住流行kpop。入到餐廳會先見到一列熟食同甜品，行入小小先會見到燒嘅肉、飲品同壽司沙律。坐到埋位，見到呢間餐廳係用網燒嘅，有高中低三段。醬料有黑醋，檸檬醋（好似係）同埋有一個用瓷杯裝住嘅唔知叫咩名嘅調味料，好似係由鹽、油同埋小小黑胡椒混合而成。仲有，飲品附近有罐豆瓣醬，唔辣嘅。  雖然燒嘅肉種類唔算多，有五花腩、護心肉、牛柳粒、牛仔骨、豬肋條、雞扒、鱈魚等。肉本身質素唔算話好好，不過不失。醃料正正常常，冇咩特別，反而雞扒同魷魚鬚就醃得麻麻地，雞扒佢落左香草醃，醃到個味道好奇怪，而且肌肉本身好似唔係太新鮮；而魷魚鬚就醃得好鬼咸。肉類上面仲有幾款蔬菜，例如：雞腿菇、洋蔥、粟米。  比起燒嘅食物，熟食款式多好多。甜品最近入口，有朱古力噴泉、豆腐花、慕斯等，其中朱古力噴泉最伏，好大陣香精味，睇顏色似係想模仿提子味，但係食落去係膠拖

番工經過油塘見到開左間新的韓燒店, 之後就諗住訂枱食, 本身想BOOK 6點半,但店員話6點半食7點半要交枱 -0- (一個鐘夠食D咩?),所以焗住BOOK 7點半。因為早左到的關係所以要係門口等叫名, 門口已經聚集左好多人…有幾班人想walk in,但店員推曬,睇黎真係好爆場…到7點半入得去啦, D座位有少少迫,因為我地5個人只比左張4人枱我地, 不過好在係卡位唔洗比人經過個陣撞到。座位只提供了一個燒野食夾,我覺得有D唔夠, 因為我地5個都會搶住夾同搶住反野食,如果可以加多1-2個夾會比較好。醬料店舖提供左3種, 而且都有提供海鹽比你燒個陣落, 我最鐘意係佢地GE柚子鹽, 咸咸酸酸咁好正!野飲有4種選擇-麥茶,豆漿,酸梅湯同提子沙冰, 如果想任飲汽水可以全枱一齊加錢,如果單叫一杯都係$8左右,價錢都合理,不過我地都唔洗飲汽水,所以冇加到錢=D 我飲左提子沙冰,飲落有好重提子味, 酸酸甜甜,又有D冰咬下咁, 幾開胃~!燒烤材料都算豐富, 除了有常見的肉,例: 牛扒豬頸肉外,有一D比較少見的例如:一口牛粒, 護心肉等,而且都有一D菇類,瓜菜類可供選擇。一口牛粒入口好軟滑,食得出唔係比D平

見到有這間新餐廳既團購，於是就同朋友買了一齊黎呢度試下。呢度既裝修好時尚，食物算多花款，有壽司，熟食，甜品，飲品，燒烤食物等，通通有齊。以為佢地叫無煙燒烤真係“無煙”？非也，都好多煙，自問唔太喜歡韓燒既我，真係有啲受不了。燒烤既食物如魚柳，豬頸肉等略為偏咸；燒菠蘿好juicy，值得一試。另外有意想不想既蠔仔肉碎粥，豬脚姜，羅宋湯，桂花糕，紅豆糕等，味道偏淡。呢間餐廳服務都可以，不過團購價錢同直接去餐廳食既價錢差唔多，所以團購唔太抵買。

之前book左位，團購食7:30果轉，當日準時去到，見到我前面入場果對夫婦火火地咁同個帶位對話，都有少少心理準備，果然要等一等先安排到位置.坐低拎野食，說好的護心肉呢?? 無.一口牛呢?? 無.牛胸腹呢?? 無.其他都係同一般任食韓燒差不多，有刺身壽司、難食既熟食、唔知加左色素定咩既朱古力噴泉、生果、兩款蛋糕、啫喱同雪糕.因為本人最鐘意食韓燒牛舌，而任食牛舌只係得漢x苑有，所以係漢xx常客.而哩間GRILL n MORE同漢陽苑都係任食韓燒既餐廳，所以不期然會用漢xx同佢比.烤肉類：食物醃得比漢xx既好，種類多d，有生菜 (但唔敢用黎包燒肉)，不過最鐘意食既牛舌就比漢xx差，唔知係因為切得太厚定個爐問題，燒出黎好乾.刺身壽司：三文魚比漢xx靚，有專人比你，亦refill得快，但唔係團購menu所講既咁多，只有兩款刺身，加洲卷同三文魚卷....... 被騙!!沙律：有熟蝦，見到人地拎好多，不過我無食，只係夾左少少沙律菜. 漢xx無.冷盤：三款泡菜 - 普通泡菜、蘿蔔泡菜 & 芽菜，普通泡菜ok，比漢xx好食.湯：因為我唔飲，所以無為意.熱盤 & 小食：食左紅酒燴牛尾， ok；炒粉絲，有色

Lunch見到油塘開左一間新餐廳，當然要去試一試。我決定豪一次食個燒肉放題，90分鐘任食任飲，有熟食和供燒烤的生肉，各樣都有好多款式。由於有d肚餓，一黎就拎左d可以即食既野，分別有藍莓芝士蛋糕，芒果啫喱同鮑汁炒飯，三者味道都幾足，絕對不馬虎。之後拎左唔少，主要係豬、牛、雞同魷魚，其實仲有多春魚同各種蔬菜，但本人係唔食魚既食肉獸，所以無理會到。前前後後加埋有三、四十種燒烤食材走唔甩。所有肉類都非常之咁新鮮，唔似有雪藏過既痕跡，每款我都試過小小，最值得推介既就係牛仔粒，我總共拎左三次，每次份量都唔少，好似食極都唔夠咁。首先肉質鮮嫩，脂肪較少，燒熟左之後食落口好彈牙，牛肉味好重，而且細細粒，燒的時間比較短，會不停燒不停食。另外，今次佢送左一隻好大既虎蝦，雖然未至於會跳，但都幾新鮮，要燒比較耐，但燒熟之後都會覺得好值得，肉質好爽口，味道好鮮甜。最後係甜品，佢有一個紫色既噴泉，可以用黎點綿花糖，不過唔好點太多，因為兩者加埋一齊會有點過甜。旁邊仲有個雪櫃，里面有不同味道的Dreyer's雪糕任食，雪糕保存得幾好，唔會硬到石頭咁。