Grill n More (已結業)

生蠔肥美，但攞蠔就一肚子氣。嗰個 刺身師傅超冇禮貌， 他說要自己攞點夠架喎， 跟住又話我攞多咗點要我擺返好。 我畀啲好嘅coupon佢， 佢又話要我擺番喺佢指定嘅碟裏面， 俾錢食嘢仲要受人氣

有食過呢間嘢放題幾抵食，但平日晏晝冇，有點可惜。今次同朋友晏晝經過，見到有燒肉套餐，睇落幾吸引，就入去試下。叫咗個豚肉海鮮二人燒肉餐，材料都幾豐富，海鮮有生蠔、大蝦、八爪魚、鯖魚等，肉類就有五花腩、一字骨等等，仲有生菜可以夾肉食。生蠔同其他生嘢係分開上的，生蠔可以就咁食或者燒嚟食，但我生蠔食得多，自己燒反而少，所以毫不猶豫就先燒咗兩隻先燒蠔比生蠔味道更香，而且汁都保留在殻內，風味十足。另外我仲叫咗杯oreo沙冰，飲住沙冰食熱辣辣韓燒認真享受~晚上送一人一隻蠔，搵次夜晚再嚟。

落雨唔想出街，就同朋友到大本型食韓燒。之前都有嚟過，呢間店啲食物唔錯，又有自助餐可以任食，所以間中都會同家人朋友去。 今次見佢地出咗個韓式鐵板，有爐邊蛋同埋拉絲芝士，成檯加$20唔貴，就叫咗個試下。原來啲姐姐要換走個燒烤網再加個爐加個鐵板都幾大陣象XD 爐邊係泡菜蛋漿 粟米芝士，芝士自己加。 仲有黑椒汁、咖哩汁、蕃茄汁俾我地點泡菜蛋好快就熟了，有啲過熟，火候好難控制啊>< 我真係唔係煮飯的料子，都係交俾第二個整... 煎完肉可以點芝士或其他醬汁，我地最後係大兜亂一次點幾款，混醬都幾好味食完鐵板叫阿姐幫我地換返燒烤網，網燒又係另一種風味。除咗燒烤，自助餐仲有熟食、甜品，好味又扺食，喺呢一區難得有得食呢啲，所以一直都有支持，希望以後再有多啲新嘢啦。

繼上次食完set dinner今次食佢地既90分鐘放題今次亦無令我失望d肉依然好新鮮服務態度亦令我好滿意放題多左好多嘢食有熱薰同壽司刺身但我太專注燒嘢食牛脷同牛肉（呢兩樣必食）另外燒豬大腸亦相當唔錯外脆內軟刺身有三文魚同劍魚腩好肥美但唯一一樣真係入唔到口既就係佢地既卷物，壽司千其唔好食伏黎架可能佢地個雪櫃太凍凍到d米飯冰晒入到口都唔知食緊d咩只係呢樣美中不足今晚仲有個唔錯既驚喜就係每人送1隻生蠔d生蠔仲好肥美超正可惜我食左先記得影相以上只係我個人個晚食到既嘢佢地仲有好多嘢食可惜我真係食唔落下次我1定會再黎

好耐無食過韓燒所以想試下😋我地叫左dinner set A & C share食（下圖有餐牌）！以每人大概$70蚊既價錢黎講其實都幾抵食！有人蔘湯、有蕎麥冷麵有飲品、有碟肉比你燒👍🏻人蔘湯入面的確有人蔘片，但就比較鹹，反而唔太有人蔘味😑冷麵就正常。肉方面都幾多筋，唔太好食，都係比較鹹，我估個醃料落重手左😌以依個價錢黎講有咁既分量其實都算ok!

同朋友行過見到呢間之前1直俾人負評心諗伏黎架喎，但又實在太想食燒肉，就膽粗粗試下個set dinner啦心諗幾十蚊又唔係貴大家樂都要啦我地6點45分左右入到去開始點餐喇只係叫左兩份牛肉餐份量ok...味道都ok...又唔係真係咁伏咋喎份量係真係偏少的但對於女仔黎講我又覺得好夠喇喎因為佢個餐有肉。。。仲有d配菜同冷面或者炒飯(但當日我地去到話無炒飯只能改白飯)仲有嘢飲添(如果覺得唔夠仲可以加錢追加肉類)同埋個度d服務質素都唔錯侍應都好有禮貌同耐心解釋我地既問題1定會再去試埋佢個放題期待下1次

店鋪外觀裝修很好，較新。但清潔和衛生很差，甫一坐下卡位，已感覺到沙發坐位很油。可烤的肉類款式小，熟食尚可接受刺身已經是全店我認為最能接受的食物味道可接受，不錯但看見刺身師傅帶著黑色清潔手套去處理熟蝦，生菜和車厘茄，感覺很不尊業及不衛生🤦🏼‍♂️我21:00入座，21:30燒完第一轉烤爐上沒有食物，店內職員二話不說，在沒有詢問過我的情況下過來拆走我的爐，初到貴景的我起初還很天真地以為店內職員很有效率地替我換爐，直至21:45我才如夢初醒的知道是收走我的爐90分鐘燒肉放題，30分鐘被收爐這樣做實在是太過份和沒禮貌已經完全被破壞了興致，便去埋尾取甜品和雪糕甜品種類很小，照片中的已經是我今天光顧的所有甜品款式🤦🏼‍♂️甜品是室溫，入口即融雪糕是Dreyer's，尚有保證。總括而言，體驗很差，不會再光顧。

小弟喺油塘返工，間唔中都會去下大本型食Lunch。呢間韓燒店以前放工夜晚都有食過放題，質素唔錯。而之前午市都有燒烤自助餐，但試問一個鐘Lunch又點食到呢？但最近經過發現佢地有Set Lunch，有飯、意粉等等，所以都搵日去試咗一試。我地兩個人去食，叫咗個芝士焗肉醬意粉同埋牛肉石頭鍋飯。芝士焗肉醬意粉：肉醬香濃，芝士都幾多；而且因為鐵板夠熱，芝士處於半溶狀態。而意粉又唔會太林，質素唔錯。牛肉石頭鍋飯：材料很多，有牛肉、泡菜、芽菜、木耳絲等；石鍋亦很夠熱，而且份量很大，一定夠飽。總括嚟講午餐不俗。P.S. 見佢有雪糕櫃，天氣咁熱如果有得食雪糕就好了！哈哈！

只係定食，但佢地服務態度係好既， 已經換走左份焗肉醬意粉，但來既雞肉石鍋飯，塊雞肉，睇得出係炸左好耐，翻炸左好幾次，帶D黃色，點解？本來可能係for咖哩 用既，;個拉面，所謂濃湯，只係好咸既監水！肉醬意粉，甜既，連茄膏都無，忘了拍照。大家小心…

以前夜晚都有食過1次大本型呢間任食燒烤，味道唔錯，環境又好。晏晝同朋友A唔知食咩好，見到呢間舗有做Lunch Set，就入去試下。午餐選擇好多，有拉麵、咖哩、意粉等等，好似咩都有啲咁，特別少少嘅就有石鍋飯、鐵板炒烏冬/炒飯之類。我地就叫咗鐵板泡菜牛肉炒飯 和 芝士焗蕃茄肉醬意粉。鐵板炒飯熱辣辣，入面有泡菜同肥牛肉，非常足料，每啖都食到有餸，而泡菜唔係好辣，所以都易入口。而朋友A嘅意粉都係放喺鐵板上焗，睇落都幾多芝士。兩碟嘢份量頗大，最後我地食到好飽。臨尾侍應換下午茶餐牌，早知遲半個鐘先食啦！哈！P.S.塊鐵板都幾重，上菜呀姐竟然單手攞@o@。

晏晝食自己，口痕想食肉，落到樓下見到呢間燒肉放題都有午餐，呢間嘢之前嚟過一次食放題，喺油塘唔駛出去都有得任食都幾方便。今次就試下佢個燒肉定食：一碟拼盤有牛舌、牛肋骨、五花腩等肉類，睇落細細碟，但其實密質質，一個人夠哂。另外配人蔘雞湯、飯、飲品，飯係炒飯，有冬菇、蘿蔔、肉粒、蝦米等材料，啱唔啱食見仁見智，不過如果有我prefer白飯，肉汁送白飯最好，希望之後有得揀。估唔到一丁友都可以食燒肉，價錢又唔貴，可以Encore。

好耐之前同朋友去左將軍澳分店食過，d 肉類好好食，唔同出面“漢xx”之類咁差好遠。而且呢間日韓放題仲有刺身壽司任食，雪糕甜品及熟食亦有好多款。將軍澳分店仲有朱古力噴泉添，油塘呢就無。

屋村附近都有烤肉放題食，有冷盤，主食烤肉，熟食，炸物，甜品雪糕都有齊，雖然每種類唔會好多，我覺得都夠，而且熟食食物水準不差.店鋪幾乾淨，員工服務態度好，店內裝修好靚，呢個大眾化價錢來說，性價比高，讚一讚啦

食物、環境幾好！就服務員質素差太遠！我7點多Ｄ落到去，當時大量吉枱，加埋飲品放題320一個成人（5大2細），飲品要落柯打，不能自取。限時2個鐘，如果服務態度好ＤＤ，都會幾高評價！埋單13ｘｘ

媽媽節，5點9攞飛，6點2有得入座。係特別既日子，唔需要book位，真係好難得是日198任飲任食90分鐘燒烤種類都算多，刺身同熟食甜品就簡簡單單，但都有驚喜，就係有豬腳薑媽媽最愛1）豬腳薑: 豬腳好淋，反而雞蛋唔係好入味，不過都明自助餐，一人拎一隻蛋，佢都要係咁fill, 係難d擺得耐既2） 三文魚+北寄貝：老實講，黎呢度真係食下燒烤既野，魚生唔需要有好大期望～魚生選擇唔多，而我地都只點了一份三文魚同一份北寄背～總結係：鮮味唔夠，3文魚食落有點腥味3）而燒烤既野有好多，五花腩同菠蘿係必食肉類都好入味五花腩好好食，豬頸肉都係，好彈牙，呢兩款都要encore~ 4）燒菠蘿都必試，燒完特別甜整體黎講，都唔差，雖然食物種類唔太多，但始終餐廳係食grill 既野～ grill既野種類好多～而且收200蚊一個人，性價比