12
13
5
餐廳: Grill n More
優惠: 食飯都有得賺里數? 仲唔即刻訂枱?
星期一: HKD1 = 1里數,星期二至日: HKD2 = 1里數 (埋單前記住講聲「我要賺里數」!) 優惠受有關條款約束。
條款及細則:
  • 會員惠顧滿認可消費額(最低300港元,最高10,000港元)可賺取「亞洲萬里通」里數。
  • 會員在星期二至日 (星期一除外),每消費HKD2可賺1里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後7個工作天內存入會員賬戶。
須受其他「亞洲萬里通」條款及細則約束
港鐵油塘站 A 出口, 步行約1分鐘 繼續閱讀
所有分店 (1)
電話號碼
21490828
營業時間
今日營業
12:00 - 16:00
18:00 - 23:00
星期一至日
12:00 - 16:00
18:00 - 23:00
付款方式
Visa Master 現金
其他資料
網上訂座
優惠
餐廳: Grill n More
優惠: 星期一: HKD1 = 1里數,星期二至日: HKD2 = 1里數 (埋單前記住講聲「我要賺里數」!) 優惠受有關條款約束。
條款及細則:
  • 會員惠顧滿認可消費額(最低300港元,最高10,000港元)可賺取「亞洲萬里通」里數。
  • 會員在星期二至日 (星期一除外),每消費HKD2可賺1里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後7個工作天內存入會員賬戶。
須受其他「亞洲萬里通」條款及細則約束
食評 (50)
等級1 2020-11-17
1203 瀏覽
呢間韓燒嘅交通都幾方便,一出地鐵站就見到商場嘅電梯;如果唔想搭電梯或者行動唔太方便嘅話,可以緣住右邊嗰條木板地行去搭𨋢,直接由MTR層搭上G層;上到G層轉左,再搭一條小電梯落去就見到咖la~我去嗰日就係星期日,人流都幾多下,我早咗去到(11:45到),就見到好多人係到排隊(所以我都走咗去排隊),不過我就一早已經book咗位,所以排到我嘅時候,同佢講有book位,佢就會即刻安排你入座,我見有啲人要拎飛喺出面等 (佢哋係排係我前面),我估佢哋都係冇book位嘅。當佢哋安排晒有book位嗰啲入座之後先會處理出面拎飛嗰啲(我都見有幾多人有book位),所以我都係建議大家預早book位先~去到食物質素方面,我覺得CP值都幾高,一般韓燒有嘅野佢都有。由入門口見到嘅野食開始講:0️⃣雪糕,雪條>1️⃣水果,甜品>2️⃣炸物,湯,糖水>3️⃣熟食,炒麵/飯>4️⃣小菜,醬料>5️⃣少量飲品,酒>6️⃣燒菜類,肉類>7️⃣沙律吧,壽司吧>8️⃣雪櫃(罐裝,瓶裝飲品)。0️⃣有韓國牌子嘅雪條,雀巢杯裝雪糕,冇乜特別 1️⃣水果有橙,火龍果,西瓜;甜品有啫喱杯,桂花糕,芝士蛋糕同埋一啲慕絲蛋糕。水果同甜品都冇食過,可能太好食?,所以長期都得返好少,再唔係就冇曬... 2️⃣有驚喜!第一轉出去嘅時候,啲炸物有春卷,咖喱角,麥樂雞,炸薯條,春卷一般(個人覺得),咖喱角好大隻,入面啲咖喱都幾好食,麥樂雞冇麥特別,炸薯條都幾脆,有時入面仲係腍嘅,都幾好味;第二轉出去佢加咗個炸雞翼,覺得幾特別,夾咗嚟試,超級好食,隻雞翼外層好脆,入面仲有汁添❤️🙈。因為佢啲炸物長期有熱燈照住,所以拎嚟食嘅時候都仲係熱嘅👍我記得佢得雪耳xx糖水(唔記得叫咩名)同人參雞湯;冇試糖水,嗰湯都幾好飲(我飲咗三碗😂),入面有少量雞絲,雞腳同人參。3️⃣都幾多選擇下,有菜,西蘭花,有似有豬腳薑,鮑汁雞腳,生炒骨,炆牛尾,咖喱牛腩,家鄉炒米粉,炒飯;凈係試咗少量熟食,生炒骨幾好食,陣味同咕嚕肉一樣,鮑汁雞腳味道都ok嘅,不過冇乜味,家鄉炒米粉係用粉絲炒,味道一般,冇乜特別,啲牛尾同牛腩都冇乜特別。4️⃣醬料種類好少,但勝在有麻醬。小菜方面,整體都好好食,有醃青瓜蘿蔔,麻油菠菜超級重麻油味,極香👍,小魚仔,泰式無骨鳳爪(唔辣)👍個人好鍾意食雞腳,而且佢仲要係冇骨嘅超級方便🤭🥴,泡菜(朋友話都有啲辣,味道似係自家製,幾正宗)。5️⃣清酒,梅酒都有,仲有竹蔗茅根水同韓國麥茶,冇試啲酒,我試咗竹蔗茅根水,幾好,唔會太甜,我朋友飲咗麥茶,佢話幾好飲,個人覺得幾適合配韓燒飲。6️⃣一般韓燒有嘅野佢都有,仲有少量海鮮。但個人覺得啲海鮮麻麻地,尤其是係多春魚...,燒完之後都已經冇得食(散晒)🙄,但啲魚柳幾好食,有一種用叉燒醬醃嘅肉都幾好食,有豬大腸燒❤️,普遍肉類質素都幾高👍👍🙈 啲菜都冇乜特別,不過有得燒新鮮菠蘿🍍 7️⃣都係普通生菜同沙律菜,番茄仔,鷹嘴豆,粟米,雜果沙律,仲有麻醬同凱撒沙律醬,整體冇乜特別。嗰日壽司都係得好少嘅選擇,得加州卷,青瓜壽司同蟹柳壽司,味道普普通通 8️⃣好似有少量啤酒嘅選擇,普通飲品選擇,不過都係好少選擇,不過有忌廉溝鮮奶揀👍;個人覺得有一個涼粉嘅嘢飲幾好飲❤️價錢嚟講都算幾平,$128,加一後$141。3小時,又唔會食得好倉卒。環境都幾好,服務員嘅態度都唔差,座位幾闊落。唔會催你走,可以慢慢嚟❤️👍👍👍👍個人觀點:CP值真係超級高,同漢和差唔多價錢,但整體質素好過漢和好多🤭🤭 繼續閱讀
(以上食評乃用戶個人意見 , 並不代表OpenRice之觀點。)
等級3 2020-10-04
2819 瀏覽
油塘平價韓燒 - Grill n More• 喺OpenRice買咗coupon,平均每人$128• 肉類選擇超級豐富,有鴨胸、牛肉粒、豬扒、雞翼,超級多選擇• 海鮮食材都唔錯,有青口、八爪魚• 熟食方面款式多元化,有韓式炒粉絲(微辣、有驚喜)、泰式酸辣鳳爪、多春魚、咕嚕肉、炸雞翼、豬腳、壽司卷等等• 甜品方面都唔錯,有韓國雪條(試咗椰子同士多啤梨味)、大腳板雪條、啫喱同西餅咁親民嘅價錢就試到咁多嘢,同埋質素都唔錯真係好超值! 繼續閱讀
(以上食評乃用戶個人意見 , 並不代表OpenRice之觀點。)
等級1 2019-12-31
4748 瀏覽
對上一次食午餐放題是沒有刺身,今次午餐都有,有驚喜。更驚喜是有鰻魚,大大舊的。可惜刺身比較細,但款式都可以。熱葷就少啲選擇。有啤酒,汽水,果汁等。甜品有雪糕,韓式雪條,啫喱。 繼續閱讀
(以上食評乃用戶個人意見 , 並不代表OpenRice之觀點。)
自助燒烤食物質素我唔多講喇,收你二百蚊一位,比d咁嘅質素嘅食物你,佢先可以賺到盡。重點係依間嘢嘅員工同服務。我地係訂位嘅,宵夜時段,一行八人一早到咗等入坐,準備開心食一餐。點知侍應話執埋張檯先,要等等,20分鐘後先入得去。因為宵夜,時間只得60分鐘,我地計都唔傾多幾句,馬上燒烤食物,唔想食唔切啦。諗住遲少少入坐,點都比番補時啦。早15分鐘就提你就快夠鐘,真係搭正就同我講收爐。我地真係未食飽,當然同番佢講因為遲入坐,想食埋依一轉。點知佢話夠鐘要收爐,我梗係火滾啦,大家講道理啫,我話你遲比我入坐,補番時好合理,尤其係燒烤放題,時間唔夠梗食唔切啦........點知佢一於少理,要我地走.............依間嘢我就唔會再幫襯喇,如果大家想食d一般至差嘅食物,仲想一肚氣咁比錢埋單嘅話,歡迎挑戰。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-06-06
5341 瀏覽
考完試諗住開開心心同小朋友食飯換黎一肚氣打去訂左位宵夜時段去準時去到坐低無幾耐已經聽到班員工係度講其他客人是非話人幾點黎到 夠鐘都未走之後無啦啦問我 幾點入黎我話8:45 佢好似唔信咁周圍問其他員工係咪最後無人認佢問究竟係邊個帶我入座我無望過佢地所以唔知咩樣 唔認得只係一入黎 個貌似男經理既阿叔點左兩個女人帶我入座佢唔係以為我早左入座呃左佢果少少時間嘛?食物質素係差到無譜我都唔識形容 仔女都食唔落連小朋友都開聲話唔好再黎限時兩個鐘我地食左一個鐘就黎收錢無問題丫 可能想埋數收工姐我1大2細我一早問左點先計小朋友佢話140cm以下計小童ok咁我2大1小收錢佢收3大 我話我2大1小佢指住我個女話佢高丫嘛我心諗坐係度都知佢高過140咁好野我話佢只係138個男經理話我個女要計大人我問係咪有得度高呀?出去度度完之後 證明我無講大話阿女真係唔夠140cm原本$521 佢話咁改單囉轉頭埋黎 話:咁收你510啦我話小童幾錢?佢話148(成人158)我問邊度寫小童148 佢話無寫架喎好啦我諗住簽卡佢又:下?你要簽卡?我話係跟住佢又行開左唔理其實我地只係食左一小時佢一路咁既態度我已經好谷氣野又難食 服務又咁差 餐具又唔乾淨最後我一刻都唔想留低野都唔再食掉低510現金就走佢開業到而家 一次比一次差我唔知呢間咩食店或者咩人做管理可以咁倒米黎食餐飯姐我比錢 好似欠你咁我比錢 好似黎呃你d野食咁有無離譜d?我衷心希望佢早日執笠唔好擺住個鋪位😡 繼續閱讀
(以上食評乃用戶個人意見 , 並不代表OpenRice之觀點。)