Greyhound Café (MOKO新世紀廣場) (已結業)

愛午茶，除了愛閒外，食物的搭配也是眾人愛它的關鍵。正餐不愛吃，蛋糕、甜品、茶品卻從不嫌多，女孩或許是糖造的晚上六時多了，買了漂亮的花，靜待晚上與老公用膳。經過greyhound cafe，懷念那美味的Thai tea。晚上自是沒有午茶menu吧，唯有自己搭配了。greyhound主力新派泰式fusion菜，菜式自是美味，飲品也甚出色。那甜品如何呢? 甜品menu花多眼亂，最吸引一定是雪白的coconut crepe cake了。精緻的賣相，充滿簡約感，只用糖漬櫻桃和薄荷葉點綴層層的crepe中滿是清香椰青肉和忌廉，椰青肉一絲絲的很有口感，真材實料，貴但值得。配上濃濃茶香的Thai tea，冰也是用茶造成的，喝到最後茶依然濃香，完美的配搭。飯前的放縱雖然邪惡，可是實在十分美味，不排除未來會繼續放肆

今次係第二次到訪，原因係食物味道真系好好，但係等候既時間真系耐左D，等左成個鐘：（，今次主要試左個粉皮，真系好特別，D生菜好新鮮，個肉碎唔會太咸，D辣汁係分開放，arm晒我呢D唔食辣既人：）我同媽咪都超中意食啊！我見好多人都會叫！！另外就係呢到既cake,相信都好出名啦，今次我試左另一隻味，就係berries:蛋糕依舊係有特別既texture,唔會太甜，加左berries仲fresh d tim!

「Greyhound Café 」是去曼谷自由行必會安排到訪的餐廳。還記得旅行的那些快樂時光, 雖然香港已經可以回味, 但香港的定價貴一倍以上, 香港的物價比泰國高, 所以不夠在泰國吃得暢快。Greyhound 是泰國本土的時裝設計品牌, 服裝主張時尚設計, 深受當地年輕人的喜愛, 所開設的餐廳亦是走時尚格調的風格。其餐廳被引入香港, 全港第一間 Greyhound Café 於2011 年在 ifc 開業, 到現在香港已經有五家分店了。旺角新世紀廣場的「Greyhound Café 」位置最方便我們, 餐廳每家分店也以黑白色為主體底色, 牆上繪上創意塗鴉, 面積寬敞, 給人一個舒適的用餐環境。最愛這裡的椰子雪葩 (sherbet)=D冬蔭公湯配意大利雲吞 Light tom yum soup $98..... 將泰國傳統的冬蔭公加入了新元素, 加入意大利雲吞(Ravioli)。冬蔭公的酸度辣度也是偏輕的, 用上了一隻泰國蝦 River Prawn , 但欠缺點鮮味。意大利雲吞皮薄薄的, 不太像意大利雲吞, 內裡有兩隻小蝦仁, 因為皮太薄而內餡小, 雲吞沒有口感, 整體麻麻地。薄切三文

友人說想吃泰國菜，突然想起這間最近蠻受歡迎的餐廳，於是去一試。由於光顧餐廳的人很多，所以建議先訂座會比較好，另外餐廳有時間限制1.5小時，要注意哦。環境方面: 餐廳的佈置蠻漂亮，給人一種很舒服的感覺，而且餐枱之間的距離適中，和朋友聊天時也不怕被打擾。那天剛好坐在窗邊位置，感覺非常良好，很有情調。服務方面: 整體都OK。食物方面: 大部份菜式都好吃呢!!份量亦適中，賣相吸引，實在抵讚。推介的是雞肉沙嗲串燒青木瓜沙律 ($78)炸粟米蟹肉餅 ($88)，這個吃下去不會"成口油"。冬陰公湯 ($98)，和其他餐廳的差不多，也不算辣。辣薯條 ($28)，配蒜味醬。我比較喜歡用蕃茄醬。雞肉沙嗲串燒 ($88)，好好吃，雞肉很嫩，沙嗲醬很香，甜甜的，用麵包粒配來吃很滋味哦。西貢小姐($88)，這是一款撈米粉，材料很豐富，有魚旦，燒牛肉，蝦等等，味道不錯，覺得是個挺特別的菜式，可以一試。價錢方面: 相比其他泰國菜，Greyhound的價錢算是中上，但值得一試。另外，餐廳有cocktail，賣相亦不錯。(可惜當日沒有點呢...)餐牌上還有很多菜式想試呢，會和朋友再去哦!

第2次食Greyhound Cafe,今次大概9:00先到餐廳~避過要排隊既時間~兩個女仔瘋狂地叫了好多食物~每樣都好吸引~~士多啤梨鵝肝~味道好普通~士多啤梨及鵝肝亦不太夾而且第一次送到時, 內裡是沒有鵝肝的~店員反問了多次是否每一塊也沒有鵝肝..好像覺得是我們食了塊鵝肝似的不過最後都有幫我們換過碟不過鵝肝份量細小不值這個價錢~帶子墨汁意粉~第1次食時已經覺得好好好好好好味~本來今次想試其他意粉,但上次食完實在太掛住呢個意粉所以再叫~~意粉軟硬岩岩好~每條都充滿泰式香料我下次再黎都一定會再叫呢個意粉~~泰式春卷~普通春卷不值得試~冬陰公意大利雲吞~冬陰公好味但雲吞味道普通~Mixed berries crepe cake~上次食椰子味..今次雜莓味依然十分好味~<3~香蕉拖肥杯~略甜但味道十分夾~幾好食~~Passion Fashion~價錢略貴但味道滿分~最後兩人埋單700幾~有點略貴但味道超值~~會再黎食的~~~~~~

這旺角店是我第一次試，但亦是最差的greygound 經驗. 食品制作賣相不及正店，令人失望……相比曼谷店，尖沙咀和中環店都要差。重有就係枱細侍瘦就應該多啲收碟，等到我食完先來幫我換碟，係咪反應太慢呢？？等我充滿期待的去食，超失望而回……此店永不錄用1. 柚子沙律……只有柚子和几片菜2. 椰子雞湯……太酸，好難自己飲哂成碗3. 牛柳粒青瓜……牛柳粒太生肉質又不霖，血水重渗緊出黎，落了太多油，感覺油膩。重有侍應送來的時候牛肉粒已東倒西倒，賣相已走哂樣……同正店的用心態度和細緻賣相相差什遠！4.招牌雞翼……過咸

I was walking around New Century Plaza and I saw this restaurant. The queue wasn’t long that night and it only took me about 5-10 minutes before I got my table. I thought I had to wait longer than that. The ambiance was very special inside the restaurant. It was cozy and classy. Looking through their menu, I found out that they serve fusion food, a mixture of western and thai food, which is quite extraordinary. I ended up ordering their Phad Thai with Fresh Prawn and Fried Tiger Prawns with Thai

太嬲，嬲到係間餐廳度即係開個account寫食評!話說9點半去食，係門口已經無人serve,好彩有個醒目啲見到我地，搵個人黎招呼~我仲以為已close,但阿侍應哥哥話收11點~咁就入去啦～好喇，由於都有啲肚餓，咁就快快手嗌野食，叫左個柚子沙律，米紙卷同大蝦炒金邊粉~之後越等越唔對路，等左大半個鐘都無野黎，眼見有2個遲來過我地的都已經有野食，咁問下個侍應啦～點知個侍應問個疑似經理，我叫阿經理耍下隻手，我估係無落到單~果然不出所料，個經理黎話無落單，而家即刻落喎~真係咁到得?!間野已經唔多人(侍應多個客)，忙都唔忙下!竟然咁都無落單？百思不解!!!講番啲野食，一啲都唔好味!!!米紙卷完全唔熱，個米紙淋哂，雞肉唔係好見到~大蝦炒金邊粉少得可憐，同埋好油~柚子沙律叫最好味，但這個只要是材料新鮮，應該好難唔好食~最後仲好趕咁叫我地埋單!只係食左半個鐘!!!張單都有寫，22:02落單，22:30就已經叫我地埋單!總結:以後都唔會再食!

今日約左一邊食個下午茶，一邊傾公事，由於時間大概下午四點，不需要太多時間，我們馬上被安排位置。very good.我叫左一個tea set　加熱咖啡，朋友甲點左個牛丸粉加黑咖啡，朋友乙點左個 Carbonara加凍咖啡。我既tea set 我選左個Banana crepe cake Set Price $68. 抵。　單點一個意粉都要成$90 蚊, 我個人覺得有點貴。 個CAKE 好食，但咖啡真係一般般，好淡，好似M 記杯即磨都好過去多多聲，仲聲稱自己叫thai Coffee...意粉賣相唔錯，個白汁有忌廉味，唔係＂杰撻撻＂果Ｄ朋友甲個泰式河就好細份，男仔食真係太少了我覺得食肆既飲品都好緊要，食完嘢食杯咖啡，可以令果餐生色不少，如果你話飲咖啡不如去咖啡店啦，係，不過咁大間嘢個咖啡差成咁，有點完那個，因為朋友點果杯係正價凍咖啡，一樣都係無咖啡味好淡，泰國咖啡我實地都有飲過，又唔係咁喎。。。

記得第一次食greyhound係一個特別既"約會", 同時係因為coconut crepe cake而令我將佢放入wishlist! 之後都唔記得係食過幾多次greyhound, 連去bangkok都食過一次, 而greyhound係香港都愈開愈多分店! 今日做完運動同朋友黎到新世紀食個late lunch, 出完汗搵個舒服既地方嘆下先~   侍應帶我地去到最入既梳化位, 有D愛上呢度個裝修, 咁岩坐窗邊, 陽光令到成間餐廳好光猛, 有種令人開心既感覺, 食野都開胃D呀! Phad Thai係泰國經典菜式, 都係我去泰國餐廳通常會叫既... 今次叫左個Prawn Phad Thai, 一上菜已經有陣香味, 令飢腸轆轆既我地食指大動!  即係將旁邊既花生, 芽菜, 蝦同粉撈均就可以開動喇! 河粉炒得非常適中, 仲有種淡淡既甜味, 配合香口既花生碎及爽口既芽菜, 口感不錯, 蝦亦煮得岩岩好, 非常爽脆~另外仲叫左個軟殼蟹墨汁麵, 本以為係墨汁煮既麵, 黎到先知係個麵本身已經黑色, 有少許失望啦~ 不過隻蟹先係重點, 好少見咁大隻蟹就咁扒係麵上面, 賣相夠晒吸引! 墨汁麵煮得好彈牙, 蟹

食物水準一般, 服務個別服務員差未到晚上七時, 一行十多人有老有嫩, 由兩張長檯夾埋一同坐, 我接受.  坐下十多分鐘沒有要求就沒有給水我們, 吩咐老人家要暖水, 但來的全是熱水, 接受放涼一陣可以飲.但同個女侍應講多左一杯熱水, 叫佢放係隔離先對, 佢竟然話我計人頭, 就算點計都金錯啦, 我張長椅坐四個人, 你俾亞五杯水我做咩呀! 我唔介意暑假工招呼, 每人都有做新人的時候, 但唔該禮貌少少. 蜆肉意粉,  蜆肉雪味, 意粉竟然無味     

對於走過澳洲大地的旅人來說，Greyhound這名字對他們一定不會陌生。不過有別於澳洲巴士公司，這家Greyhound Cafe起源於1997年的泰國曼谷，主打Fashion Casual Dining Experience，而由Gaia Group帶來香港後，名聞遐邇，人流如鯽，不論甜品或主菜都有一定水準而價格還算平民，最少不是財爺所言的中產才會吃得縱任自在的地步。因為Z小姐的熱情邀約，三個互不相識的路人在台東旅行的機遇上把各自的人生交接，他們有心相約慶祝我的生日，Z小姐還要絞盡腦汁的安排，心旌流動間只有無言感激。這位一向貫徹浪漫主義的Z小姐，認識至今都已三個年頭，思想還是如此天真傻氣，一對虎牙和兩抹淡淡的梨窩成了她不老不滅的標記。面皮厚到生日飯在哪裹吃提倡要本人想，最後我們來到Greyhound Cafe在旺角新世紀的其中一家分店裹。一出電梯映入眼底的，是Greyhound Cafe的招牌，螢光藍作底把它的招牌烘托得更為雅緻，字體下放上各色各樣的甜品以供外帶，整間餐廳用上粗糙線條的壁畫裝潢，卻沒有多餘的一筆。分開黑與白兩邊的格局。黑那邊給人感覺浪漫瀟湘，些許詼諧，些許緼胐，是一種不

今日拎左Annual leave有d私人事要handle。本來係約左好姊妹食semi-lunch buffet，不過最終d時間唔o岩，我地就黎左新世紀呢邊食過late lunch。因為係late lunch o既關係，唔洗等位。平時黎Greyhound多數都係食tea or dinner多，貪佢夠多choice，而且甜品都好吸引，不過lunch都係第一次。原來佢地係有lunch menu ga。我點左泰式豬肉湯河粉，有fried過豬油渣，好香口，個湯又唔膩。最like個signature iced lemon tea，係用左茶冰，唔怕d冰溶左令個lemon tea變淡。

已經是第三次來Greyhound Cafe了，上兩次是誘騙不吃泰菜的朋友來，結果誘騙成功！因為這裏無論裝潢和菜式都不像傳統泰國菜館，有很多新款菜式呢！至於今次，就是跟大伙兒來，可以點多幾個菜了！嘻！^^「薄切三文魚配泰式辣汁」 ～ 這道菜的精髓在於醬汁！三文魚沾上泰式香草醬汁，再配蒜片一同享用，酸中帶微辣的醬汁帶出三文魚的鮮味，醬汁的味道令人感受到泰式的風味，是十分成功的一道fusion菜！「秘製辣肉醬手包粉卷」～ 將生菜、粉皮、香草醬汁、免治肉醬等材料包裹同吃，生菜的清新加上粉皮的煙韌，夾雜豐富惹味的肉碎和醬汁，清新之中帶香辣！不過要自己動手包粉卷，對於懶人來說的確有點complicated!!^^"「脆炸粟米蟹肉餅配甜酸醬」～ 中間夾雜着蟹肉和粟米，鮮甜的蟹肉豐富了味道和口感，不像一般泰式蝦餅般實，伴着甜酸醬吃，是開胃又香口的小食。「特色椒鹽蝦」～ 幾道菜當中這一款較為普通，可能香港海鮮店吃到的椒鹽蝦太惹味了，所以這款有點給比下去了！「泰式炒螺絲粉」～ 充滿了泰式風味的一道菜，換上了西式的螺絲粉，再加入蝦、豆腐乾、蛋絲、花生碎去炒，配料和味道都緊扣着每粒螺絲粉，入口酸甜開胃又惹味！

♥ 美食 ♥ 特色泰菜 Greyhound ~ 美味之選最近常常和一班志同道合的朋友仔聚在一起~好自然就會找個可以坐得舒服, 食物有水準的地方友人介紹去位於旺角新世紀的 Greyhound聽名字看環境還以為是西餐, 原來是泰國菜~哈哈~~先上桌的是前菜薄切三文魚片配泰式辣汁甜美的三文魚配埋旁邊的泰式辣汁再夾著蔥蒜來吃, 超醒胃啊~想不到三文魚可以這樣配搭啊~很不錯~推介~友人愛辣, 所以點了客秘製辣肉醬手包粉卷一上桌就要動手包囉, 因為粉皮硬了很難咬的啊~爽甜的生菜上加一塊又軟又有咬感的粉皮, 再配上熱辣辣的辣肉醬,再加少少酸酸辣辣的泰式醬, 一口咬下口感十足唯一小心的是前面咬, 後面會漏汁出來, 吃時要小心點~夏沫特別喜歡吃粉皮, 所以吃完一個又一個~嘻嘻~食泰國菜當然要吃香口的啊~所以大家都同時決定點了脆炸粟米蟹肉餅配甜酸醬咬下去啖啖蟹肉之餘滲出香甜粟米味中和一下油膩感鬆脆香口, 值得推介鮮蝦牛油果沙律的夏沫要求點的~牛油果好有營養的啊~看賣相以為沒什麼特別吃一口感覺非常清新, 濃濃的牛油果味超正加埋鮮蝦更爽口, 好正~好鍾意呢款沙律啊~驚前菜不夠, 所以點了泰式河蝦冬蔭功湯河粉帶