Greyhound Café (PopCorn) (已結業)

依間野已經唔係第一次食嫁啦，因為佢除左個門面裝修靚，重有坐得好舒服，所以一約朋友食飯就諗起佢。樣樣野都係細細份 一個人只係食一份一定會唔夠飽所以我地都叫多左 先至岩岩好-燒豬頸肉糯米飯 碟上面配左一個醬汁，辣辣地好香好好味-招牌脆炸單骨雞翼仲話係招牌 其實普普通通啦 無咩特別 -帶子闊條麵$138依個一定要試 次次黎都會叫佢款款Pasta都好吸引 亦都好好味-脆炸豬手配糯米飯$188千祈唔好叫呢一個完全唔值$188第一份量少 第二無乜味 最後要叫返兩個甜品食先至夠飽-芒果糯米飯-芒果蛋糕甜品都好好食 好正宗 食得返泰國嘅味道👍🏻麵類較好 飯類不推薦🥵

之前次次經過都已經好想試，因為聽朋友講係唔錯，竟然係屋企附近開左，於是就滿心期待去試。一入去已經感覺麻麻，因為呢間舖有一半位係開放式，咁啱我同朋友被安排去開放式座位，重點係個位係電梯下面，完全唔夠光，好暗同埋係個角，就算係想叫野食都幾難見到。不過我地覺得野食先係重點，所以都冇特別要調位。到叫野食，叫左幾樣都話已經冇晒，但我地果陣只不過係7點，所以只可以係有限選擇入面叫，本來想食嘅都冇。。最後就叫左大蝦/帶子墨魚麵、軟殼蟹沙律配蜜糖芥末醬，同一款春卷（因為最後落漏左單，冇黎到，已經唔記得叫左咩）。沙律完全係勁鹹，唔明點解蜜糖芥末醬可以咁鹹，同我想像完全唔同；意粉都係好鹹。除左鹹已經唔記得其他味，鹹帶要即刻叫野飲。本來都冇咩期望，反而野飲唔錯，我地叫左泰式奶茶，又幾香，唔會太甜。被野飲應該係全餐最出色

餐廳環境衛生，不過唔好嘅地方就係要限住個半鐘要食完，但其實都冇乜所謂，最緊要係食得開心。侍應好有禮貌，識得講中文，食嘢都好好食，環境衛生乾淨，氣氛一流。買咗個雞翼食，雞翼好好食，加上薯條都係推介，另外魷魚筒都係好好食的。強烈推介如果大家對食物質素有要求值得去的。餐牌其實都有好多唔同類型的食品可以揀，有漢堡包，西餐，泰國餐都有，總括來講係更多元化嘅餐廳，如果你想要一個氣氛好嘅地方，值得去呢個地方去試的。

香港的曼谷過江龍餐廳除了「Mango Tree」之外，叧一間就一定會想到「GreyHound」。可能「GreyHound」的定位較為親民，在香港明顯做得更為成功，到了今天，已開了八至九間分店。隨著將軍澳區的新屋苑陸續入伙，「GreyHound」也在將軍澳的商場插旗，今日就去試吓這間分店的質素如何。舖位剛好位於電動扶梯旁邊，商場業主當然不會放過任何可以出租的面積，索性將電動扶梯底的空間租予餐廳，擺放在這裏的座位空間就變得豁然寬敞了。裝修風格完全沒有泰式風味，更接近一間走型格路線的西餐廳，牆壁上的圖案充滿玩味。餐具設計簡約中同樣討人歡喜。招牌脆炸單骨雞翼（$68）絕對是「GreyHound」招牌菜中的招牌菜。想當年第一次在曼谷食這一道小食的時候，深深感受到餐廳的創意及小心思，雖然非常簡單，但進食起來卻非常方便。印象中，當年香港的大小餐廳，竟然沒有一間想得出這種方法炮製炸雞翼。今日再試，一來已經不再是什麼特色，很多餐廳也懂得採用這個方法；另一方面，雖然確實炸得非常香脆可口，但味道不見得特別突出，不夠香濃惹味。整體來說，一般而已。馬沙文甜咖喱配泰式薄餅（$98）共有兩款不同質感的泰式薄餅。其中

一家四口去食生日飯，難得個個都食得滿意👍🏻 平日6點幾去到，唔洗等位，直接入去，侍應好快安排我地坐低。本來見到依間野好多負評，但因為幾鐘意餐廳環境，所以都試下。點知有驚喜，待應服務冇負評講得咁差，上菜好快，每道菜都好好，屋企人都讚。坐到凍凍地，問侍應拎幾杯熱水，好快送到👍🏻

今日來試呢間新野，點知一塌糊塗，青口唔新鮮一陣怪味，叫咗個魷魚煎蛋飯，飯同雞蛋都係凍嘅。再嚟一個墨魚麵水汪汪，跟住係芝士焗長通粉，可以勉強食，最後連甜品都唔敢叫啦！好差的一間餐廳。從未試過食完一間餐廳要即刻想話俾人聽唔好來吃😨

Popcorn 踢走某間連鎖日式壽司店後，引入了此著名泰國飲食集團分店。 位置正正對著另一同類似西式餐館。 嚴格來說，此店是泰菜西餐俱有，但又不算是 fusion。很多年前在曼谷試了一次，那次體驗很棒，已希望他們會在香港拓展。 及至數年前在某商場終於開第一間分店，我已衝衝地去一試，但結果有點失望，原因是和泰國的店差距很大。至現在，他們已在港開了十二間分店，最近還在住宅區的將軍澳開，我們不妨再試試比較。我們叫了炒金邊粉、燒牛肉配糯米飯、泰式烤南瓜豆腐沙律。甜品選了 Classic Chocolate Cake。泰式金邊粉炒得有過濕，燒牛肉配糯米飯配搭很特別，牛肉燒得很嫩，只嫌飯的份量太小。 泰式烤南瓜豆腐沙律的沙律醬很有泰式風味，很佩服東南亞菜，日韓菜都可以將沙律融入他們的菜式，好像中式沒有這回事。甜品是我喜歡的朱古力蛋榚，不負所望，朱古力味濃郁，又是只歎份量太少。整體來說，價錢於我來說偏貴了一點。 水準和泰國的店是有點差距，但獨立來看也不賴，他們的餐單還有很多選擇，下次再來試試其他菜式再評一番。 

夜晚行Popcorn，諗緊食呢間定食對面simply life，見好耐無食過呢間既蛋糕就入去試下啦！叫咗4樣食物：軟殻蟹墨魚麵、炸魷魚圈、蟹肉春卷、朱古力香蕉蛋糕。食物除了夠熱外，其他一律唔好食。軟殻蟹墨魚麵（$148）：賣相只有幾粒青椒做伴碟，完全無誠意。味道同普通意粉無分別炸魷魚圈（$88）：賣相好似食剩放埋一齊，而且唔脆+無味蟹肉春卷（$88）：唔脆+食唔到蟹肉朱古力香蕉蛋糕（$58）：賣相還好，但味道比以前差了總括：唔會有下一次！但員工態度值得嘉許，有禮貌又主動加水。見我地食蛋糕又主動換碟但食物真係有待改善！！

上次午市嚟食果陣有一個好後生的侍應勁好禮貌,我地叫咗個金邊粉但勁耐都未到。有一個外表15歳度男侍應親自帮我地落單親自帮我地跟張單,跟著好快d野就嚟咗。又會過嚟帮我地倒水。這種侍應已經好難搵到,希望下次嚟都見到佢。上次系太古果家都見過佢幾次,份人都幾nice睇佢同d同事相處又好又會主動去帮同事手我覺得佢好似做大嘅但又唔似吖。見到打tie嘅都冇佢咁好禮貌,到我地走果陣佢又主動帮我地碌卡。真系好好人。我地都好感謝這位男侍應。

呢日午餐黎左呢間新開既餐廳見到裝修唔錯而且野食都選擇多價錢都接受到我地冇揀到set lunch 反而揀左佢餐牌入面既野食選擇多好多我地揀左好耐最後揀左一個軟殻蟹墨魚汁麵同埋啖啖蟹肉炒飯先講軟殻蟹墨魚汁麵食完個嘴唔會黑蚊蚊味道都唔錯軟殻蟹夠大隻不過麵既份量如果可以再多d就好啦感覺麵好少唔夠喉啖啖蟹肉炒飯真係啖啖都食到蟹肉好好食真係好好食蟹肉好鮮味份量又多仲有個湯送不過當日我地2個人坐4人枱一個應該係女經理係咁問人係幾多位一唔係4位就拉開兩張枱我附近幾張枱既客人都係咁其實間餐廳咁多空位有必要咁樣係咁問人地幾多位之後拆開張4人枱呢搞到d位好逼一係一開始就唔好安排客人坐四人枱啦

平時係旺角食開呢間，見到將軍澳自己地頭終於開左非常期待！今天晚上終於去試，鋪頭既裝修一如既往都幾舒服，但門口既職員同入面既經理態度就麻麻啦，咁都算都係食野，叫左幾樣野食，有款碎肉飯就過咸，好似食緊鹽咁，意粉d味都太濃，金邊粉又太甜，飲品都太酸，同平時其他分店既食物質素可以差咁遠，係覺得難食，只係得蛋糕係一樣味道，短期內我唔會再去。最需要改善：食物既味道，一係過咸一係過甜，人手不足，服務不夠貼心，價格貴但無質素，實在影響這品牌其他分店

閏蜜黎緊去德國working holiday，所以食番餐戰行飯，見lee間新開，又靚靚仔仔咁，就揀左佢，原本諗住佢好似對面simply life咁，食西野，點知竟然食泰式再cross over西式越式咁，幾特別，我地叫左個炒金邊粉，和牛漢煲同埋牛油果蝦沙律，全部都好高汁，不過掛住傾傾傾，淨係影左第一碟金邊粉，但我一定會同男友再去

本來打好了一篇，無奈丟失了。就不多話了，重點就是：1）服務態度極差銷售蛋糕和切蛋糕是同一個女的，態度極差！完全無理的差，好不想做生意的感覺2）完全差劣的切蛋糕和包裝她一刀切完，下一刀不抹一下，直接切下一刀，好好的蛋糕表面被弄得很髒。我覺得一個專門做蛋糕外賣的部分，不可能這樣不專業吧。在外面好好放著的蛋糕就很漂亮，但給客人的就是在裡面從新隨便切的蛋糕，太無言了。3）完全失望的包裝專門做蛋糕外賣，連一個底托都冇！！我只是拿回家五分鐘路程，整個蛋糕盒是軟的！底部是濕到沉下去了，好像快要爛了。我在路上忍不住就打開看，裡面融到好樣衰！完全不是一個蛋糕該有的狀態！點可能一個底托都冇？美心都有個托啊，你58一件蛋糕，竟然連塊透明膠紙都冇！直接把蛋糕放在指紙盒裡面，紙盒是多髒的！我媽看了直接就說不會吃！也不想吃了！4）很難吃我們覺得太失望了！這樣的服務態度、加上這樣的蛋糕包裝和品質，真的不值58！！連18都不值！

琴晚外賣左一個泰式千層蛋糕。。當時serve我個位staff冇咩禮貌（態度有點差）。。但因為突然好想食所以都照買！Order既時候就覺得奇怪點解個staff唔拎display個啲cake比我。。要係後面唔知邊到拎。。不過當時冇諗太多野！買完就馬上返家開黎食啦。。食第一啖就已經覺得舊蛋糕有種放左好耐既味道。。但係比左成$58唔食有點浪費。。所以都照食。。我之前有係餐廳order過呢個cake所以知道個味唔應該係咁。。食左一大半先發現有一pat pat黑色野。。原來發霉！不知所謂！！

之前食過九龍塘果間，食物同服務質素都唔錯。見將軍澳新開左一間，咁啱朋友又請食飯，就決定試新野。但因為兩個人食，叫得唔多野食。過左食LUNCH時間，又未到下午茶，所以等位就有得食。原本坐係靠近商場啲二人圓枱，但因為啲櫈太矮坐得唔舒服，所以轉左去坐靠牆果啲的方枱。個侍應似係ABC，聽得明廣東話，但就全程用英文同我地講野，都算有禮貌。不過，就好似落錯左單，後尾上左件我地無叫嘅蛋糕，同佢講返，佢都有禮貌咁拎返走。唔知係咪因為唔多客，所以佢一次過上晒前菜、湯、主食同野飲，搞到張枱好FULL。雖然兩個人叫得唔多野食，叫左一碗粉、一碟飯同兩個前菜，兩杯野，但張枱已經唔夠位放。好彩侍應都好好咁幫我地將兩張枱拍埋一齊，但人多的話，就會麻煩啲。個是跟餐蝦湯味道都唔錯，但柚子沙律就真係得柚子加少少泰式調味，好唔抵食。豬肉丸湯河唔錯，啲豬肉剛剛好，唔會太熟，夠嫩滑。(唔記得影相)好彩杯泰式咖啡都幾好飲，夠香濃，友人覺得甜左啲，我就覺得剛剛好。(但我掛住飲，唔記得影相)