Greyhound Café (PopCorn) (已結業)

本身對呢間野都冇咩興趣，過嗰日咁岩買完牛角包之後見到對面呢間餐廳原來環境都唔錯，所以即管俾個機會佢試吓。 開始我先叫咗一個冬陰公意大利雲吞，本身我都好鍾意飲冬陰公嘅，依家嘅冬陰公都唔錯不過呢個湯唔夠熱， 如果再熱就正喇。主菜方面就叫咗個黃咖喱蟹肉飯， 呢個飯好好食呀，首先黃咖喱煮得啱啱好唔會太甜亦都唔辣，就算老人家都好適合。最值得一讚嘅係佢哋嘅蟹肉非常之多，簡直係鍾意食蟹嘅人之選。另外甜品方面我哋叫咗個紅寶石，其實我完全唔知咩係紅寶石，原來係一啲類似椰汁冰咁樣上面有啲白色嘅椰醬然之後有粒紅色嘅嘢。感覺有少少似真多冰都幾正。

通常去將軍澳最鍾意就係Popcorn搵嘢食，貪佢環境好又夠方便地鐵站一出就係啦，今日嚟到呢間泰國菜試吓。 入到去黑黑地咁樣都幾有情調，錢財方面我哋叫咗個冬陰公意大利雲吞，冬陰公味道都幾足，佩文意大利雲吞估唔到係一個幾好嘅配搭。值得一讚嘅係冬陰公入邊嘅蝦非常之新鮮仲好大隻主菜方面我哋就叫咗一個淡淡蟹肉咖喱飯，咖喱係黃咖喱嚟嘅甜甜地又唔辣，另外最驚喜嘅係佢哋嘅蟹肉真係好多， 果然係一啖一啖嘅蟹肉咖喱飯。我哋都叫咗個帶子鮮蝦墨魚汁麵，墨魚汁麵嘅口感幾特別下又彈彈下，又硬硬地，帶子都幾新鮮甜品方面好想食芒果糯米飯不過琴日賣晒嬲豬，叫咗個朱古力香蕉千層蛋糕，估唔到呢個朱古力香蕉千層蛋糕都幾高質不過略嫌佢哋嘅奶油多左少少。嘢飲方面我就叫咗一杯話梅溝蘋果，不過呢個唔係個個人都接受嘅口味哈哈。

呢間泰國餐廳一直是我的至愛，間唔中心血來潮想食泰國嘢，呢一間永遠都係我嘅首選。泰式部隊鍋麵估唔到泰國菜都有部隊鍋，而呢款部隊鍋同韓國嘅唔同，佢嘅湯底係甜甜酸酸的，而且份量十足，超多海鮮係入面， 10分推介！招牌椰子千層蛋糕食過唔少牌子嘅千層蛋糕，都係呢一間嘅椰子千層蛋糕最好食，淡淡都係椰子肉， 10分清新。越式鮮蝦雞肉米紙卷咬落淡淡雞肉加鮮蝦係入面，係一款不錯的前菜👍🏻最後配上一杯冰凍的檸檬茶，人生一大享受。

在將軍澳放工後，約了朋友去食一間泰國fusion 菜。餐廳以黑白色為調，而且座位十分之多。還有一個bar枱。點了一個越式蝦雞肉紙米卷$98。一個冬陰公配意大利雲吞$128。鮮蝦帶子墨魚汁麵$148，鮮蝦炒金邊粉$138，泰式咖啡千層蛋糕$78，綠茶千層蛋糕$78。而飲品就叫了passion yoghurt$62。 同fruity shaky yoghurt $62。越式蝦雞肉紙米卷$98紙米卷外層很薄，而內層很飽滿。有很多雞肉同一隻大蝦。蝦仁🍤爽脆，沾水泰式醬汁更為可口。冬陰公配意大利雲吞$128冬陰公酸辣，辣味十分。很重香料的味道。不過真係太辣所以飲了很少。這是偏辣的冬陰公，而雲吞吸收了冬陰公湯變得十分野味。鮮蝦炒金邊粉$138金邊粉份量很多，除了甜味外，辣味更為突出。鍾意食辣的人會越食越開胃，因為辣辣的香料湧上了味蕾。配菜蝦仁🍤都很爽脆。鮮蝦帶子墨魚汁麵$158意大利麵較為硬身，而帶子鮮甜可口。滿滿的蝦子配意大利麵，增加了咬口。不過麵汁偏辣，還用了辣的香料，麵汁同麵條不太夾。綠茶千層蛋糕$78超濃綠茶味。而且千層糕每層皮厚度都是一樣的薄，而內層cream 絕對不膩。在cream中間

今日同朋友來到將軍澳POPCORN 商場睇戲，就順便食個晚飯。見到呢到有Greyhound Cafe, 主打泰國菜，款式新穎，便決定一嚐。餐廳係用黑色主題，型格簡約，座位寬落舒適，門口仲有一個賣蛋糕的櫃台，可以外賣帶走。招牌脆炸單⻣雞翼，即炸熱辣辣，係將雞翼拆成單⻣後再生炸，皮特別香脆惹味，肉質鮮甜嫩滑，帶有淡淡的香葉味，味道清新。脆炸豬手糯米飯，糯米飯擺在一個小竹盒內，溫熱軟熟，煙韌可口，伴有椰汁香味。炸豬手份量好大隻，炸得乾身香脆，咬落卜卜脆。肉質煙韌有咬口，鮮甜美味，不帶油膩感，點上特制的辣醬等味道好夾。招牌椰子蛋糕，賣相很美，面有兩塊呈鹿角形狀的餅乾，中間夾有豐富的白滑忌廉同多層薄餅皮，椰子肉在中間多到满瀉，香甜多汁，椰子味好香濃，咬落軟綿可口。Fruity Shaky Yogurt, 新鮮即整，有鮮甜的草莓味，同乳酪味道好夾。

Greyhound Cafe是新式的泰國菜餐廳，環境寬敞舒適又型格！泰式凍奶茶 $40既香滑又甜美，就是正宗的泰式奶茶！泰式凍檸茶 $38濃郁甜美的茶底，加上清新的青檸，就像甜品般！最特別的是檸茶的冰也是用茶底來製成的，不會愈飲愈淡，正！泰式海鮮沙律 $158沙律份量十足又高質！有大量鮮甜蟹肉絲、爽口大蝦、嫩滑帶子、香口炸魚塊、魷魚圈和新鮮爽甜沙律菜，配上酸甜開胃又帶少許辣的泰式醬汁，真的很美味！十分推介！冬蔭功配意大利雲吞 $128這冬蔭功又香又帶酸辣，加上大隻彈牙爽口的大蝦，好滋味！意大利雲吞皮又薄又滑，饀料就是一顆蝦肉，再加上冬蔭功湯底，不錯的配搭！啖啖蟹肉黃咖喱飯 $198非常多的蟹肉，充滿在整個濃厚的咖喱醬當中，每一口也能吃下滿滿鮮甜的蟹肉，絕對是一流的享受！再加上咖喱醬內有蛋花、洋蔥絲、紅椒絲和西芹絲，香甜又惹味，送飯一流，超讚喔！這是必點的菜式！海鮮菠蘿炒飯 $148有別於一般菠蘿炒飯，餐廳將菠蘿串燒放在炒飯之上！菠蘿燒至微微焦香，又香甜又多汁，不錯！椰子雪葩 $38一入口有透心涼的感覺，雪葩在口腔中溶化後，就像正喝著椰青一樣，清新甜美的椰子味，雪葩中帶少許椰子肉，太正了

入座時的態度巳很差，拒绝了佢想帶妳去的位就悔氣地說所有抬巳訂位。唯有接受安排的四人狹窄位置。點了五個菜式只來了三個，追單後廿分鐘才多來一個，再等廿分鐘仍沒有送出漏單的一個菜。最终唯有叫埋單。賬單卻顯示剛才有送出的共四個菜。詢問自稱經理為何會這樣並指出負責落單之侍應及追單嘅侍應。理論後自稱經理才話員工可能漏單。事件過程感覺侍應樓面明顯整蠱客人。不知所為嘅一間食肆及職員汚滅了一個出名嘅品牌餐廳。可惜。希望能改善服務態度。

成日周圍都見唔到〈Greyhound Cafe〉，但總係冇一次入去幫襯。今日約咗朋友食飯，佢話好想食所以就陪佢來冇認真睇仲以為係西餐Cafe,但原來賣的是泰國和西餐的fusion菜🇹🇭🇹🇭🇹🇭入邊裝修好似一般Cafe,但仔細望真啲就會見到場上嘅都係有泰國元素嘅壁畫。〈冬陰功湯配意大利雲吞〉食泰國菜當然要飲冬陰功湯，但係配意大利雲吞真係第一次嘗試。😅😅😅意大利雲吞皮很Q彈，煙煙韌韌的好好咬口，連埋酸酸辣辣嘅冬陰功湯一齊食，惹味又開胃湯入面仲有只超大只嘅大蝦，雪白嘅肉質爽口彈牙，仲滿滿蝦肉的甘甜味，爽。〈鮮蝦帶子墨魚汁麵〉還以為是非常富西方色彩的餸菜，但原來配上酸酸辣辣的泰式蒜蓉醬汁卻是另一番風味。墨魚汁意粉順滑得來口感彈牙，每一條都掛滿充滿蒜粒嘅泰式蒜味醬汁，辣辣地非常開胃。仲配埋大大粒嘅鮮甜帶子，彈牙海蝦同美味墨魚圈，鮮甜好吃〈泰式咖啡千層蛋糕〉雖然已經好飽，但好友極力推介必定要試他們的千層蛋糕，所以點了個較特色的泰式咖啡口味。☕☕☕起初還怕泰式咖啡會很甜，但原來餐廳已經稍為調節以更接近香港人口味，所以各款菜式已經冇咁重口味（酸，辣，鹹同甜）。講返個千層蛋糕先，層層分明中間仲有滿滿嘅泰

好耐都冇黎將軍澳行街，咁啱今日朋友放假就同佢過嚟呢度行吓，呢間泰國餐廳之前係第二間分店都食過，一試難忘。老實講佢呢間分店嘅裝修比其他好似更加吸引。由於我哋六點幾就入去坐，所以暫時都唔算太多人，不過7點打後已經全場滿座招牌脆炸單骨雞翼小食方面帶咗個炸雞翼，啱啱新鮮炸起身，好脆。而且佢係單骨，所以食落都好方便👍🏻蟹肉黃咖喱飯呢個不得了，淡淡都係蟹肉，配埋白飯，超級好味道，但佢味道小小偏甜，相對咖喱味就冇咁重，如果咖喱味可以再重啲就好了🤤但總括呢碟都好有驚喜..芒果糯米飯食泰國菜，唔少得就係芒果糯米飯，啲芒果每一舊都好大件，而且咬落香甜，椰奶味香濃又甜滋滋，甜品必選！

老實講，你話我個嘴越食越刁嘅話，我一定唔否認。今日試到一間無論前菜，主菜，甜品定飲品得好正嘅cafe真係好難得，所以一定要介紹畀大家！！Greyhound~其實周圍都好多分店，見就見得多，但今次先係第一次嘗試。將軍澳分店最特別係有個半露天嘅位置，比較光猛，而且d聲唔會焗住曬喺室內，即使怕嘈怕侷促嘅朋友都唔怕。炎炎夏日梗係要整返杯凍飲先舒暢~想清新Refresh一下，所以就揀咗fruity shaky yoghurt。由橙，香蕉，菠蘿，蘋果和乳酪新鮮打成。蘋果味非常突出，清新得來又好香甜。依個〈秘制辣肉醬手包粉卷〉絕對係必須，一定要食的推介！！秘製辣肉醬唔會話好辣好搶，但係就非常惹味，本身淨係試呢個醬已經停唔到口。但Q彈幼滑嘅粉皮先係整個手包粉卷既靈魂嘅所在！！加埋超新鮮爽脆，味道清甜嘅生菜同埋秘製嘅芫荽醬一起吃，絕對不止五星的評分。呢個〈啖啖蟹肉黃咖喱飯〉絕對冇改錯名，因為真係啖啖蟹肉，絕無誇張。除咗大家見到面頭嗰幾大梳白色的蟹肉外，其實整個黃咖喱醬入面都混有超足料的鮮甜蟹肉。而且整個飯分量超多，索價$198絕不過分。每口飽滿的白飯都伴隨滿滿的黃咖喱蟹肉，你能忍這種誘惑嗎？？還有泰國特

今次去食我最愛既泰國菜！如果平時你都係行路匆匆忙忙，又或者唔係點八卦望下野，相信你會誤會間餐廳係食西餐！餐廳嘅設計真係好西餐Feel，完全呃到人。入面既環境坐得好舒服，好闊落，好啱傾計。1.越式鮮蝦雞肉米紙卷米紙卷係頭盤。以一個人份量、前菜嚟計，佢味道真心好味，份量又多。雖然冇個種泰國Feel，但都睇得出係環境、裝飾、餐具上化左好多心思。愈睇愈想買番套類似嘅餐具放係屋企用。2.啖啖蟹肉黃咖哩飯一見佢個賣相就知一定好味，當然事實都係。咖哩飯入面有蟹肉，蟹肉份量好多。一路食一路想加白飯，咖哩醬唔單止好多，仲要好惹味，有種食唔厭既感覺。3.泰式紅寶石甜品揀咗「泰式紅寶石」，個名改得非常特別，唔試真係唔知係咩。「泰式紅寶石」係一碗刨冰，上面加咗椰漿同椰肉，再加紅色既馬蹄，夏天食夠晒冰涼。4.Fruity shaky yoghurt食飯點可以唔叫野飲！野食叫咗杯「Fruity shaky yoghurt」，味道好似雜莓奶昔，少少沙冰感。我好鍾意佢個杯，藍色拼粉紅，好靚，好少女。最後，走嘅時候，服務員會用泰文同我地講多謝。佢地真係服務得太好喇，好值得再黎食！

Their Tum Yum Gong soup is just tomato soup with a little bit chili oil, and the pomelo salad tastes bitter. The only ok edible thing is the beef rice noodle. can’t believe that I needa pay 400 something for this meal. 🙄 Won’t visit here again so disappointed.

今日去咗將軍澳搵朋友，發現間間商場都係食啲大型連鎖餐廳，有時都發覺幾悶下，而今次嚟到popcorn先見到呢間裝修幾有格調嘅餐廳，竟然係食泰國菜！我同朋友睇完咗個餐牌見到樣樣都想食喎，所以就決定試下先！前菜首先揀左脆炸單骨雞翼，單骨揸住咬好正，新鮮炸出黎，上面好香香茅味又好脆，外脆內軟。主菜揀左大蝦炒金邊粉，金邊粉再連同大蝦一齊炒，好多花生碎、香茅，同埋多款香料，食落幾有驚喜，份量好多，朋友搶住食。大蝦蝦肉都爽厚多汁。甜品揀咗抹茶千層蛋糕，配抹茶醬，造型好吸引，睇見都流口水，口感豐富，抹茶味濃郁，影相打卡一流😉❤

Greyhound Cafe是新派的泰菜餐廳，喺入去之前，一直以為佢係西餐廳！到入門口聽到Sawadeeka，先驚覺呢一間係泰菜館！店內也是走西式的風格，很有藝術的感覺！泰式凍奶茶 $40更香更滑和更甜，就是泰式奶茶的特點，這一杯完全付合了要求！泰式凍檸茶 $38用上青檸，茶底比港式的更甜，最特別是檸茶的冰也是用茶底來製成的，唔會愈飲愈淡，正！泰式海鮮沙律 $158份量誇張的沙律，仲要堆到成個漢堡咁高！除咗有好香口又甜美嘅帶子之外，仲有兩款炸魚、魷魚圈、同埋大量蟹肉，根本就係海鮮拼盤黎！而且海鮮都頗為高質，真正大件夾抵吃！冬蔭功配意大利雲吞 $128泰意Fusion菜，泰國代表冬蔭功香而不辣，隻蝦勁大隻！意大利雲吞啲皮好薄好滑，饀料就是直接的一顆蝦肉，夾返個冬蔭功湯底，很Match很不錯！啖啖蟹肉黃咖喱飯 $198真係超級勁多蟹肉，直頭多過啲咖喱汁，超誇張！蟹肉咖喱鮮甜惹味，送飯一流！海鮮菠蘿炒飯 $148有別於一般泰式餐廳，呢個炒飯係冇落菠蘿架！菠蘿係直接串燒，又香甜又Juicy，不錯！椰子雪葩 $38每一啖都好似飲緊椰青咁，勁濃椰子味，仲要咬到少少嘅椰子肉，鐘意椰子嘅一定要嗌呢一個

好朋友生日，於是相約一班朋友一起吃個生日飯，我們到了將軍澳 Popcorn 的 Greyhound, 因為我一向都喜歡吃尖沙咀的 Greyhound. Salmon Carpaccio 這個三文魚配上蒜頭，橄欖油，香草汁，酸酸的，很開胃 Chicken Wings 雞翅是單骨的，方便吃之餘亦很脆口Fresh Spring Rolls 很喜歡這個春卷，米紙卷配上生菜，餡料十足。出外吃飯，一定要點些蔬菜類食物，這個大推！Chargrilled Squid 這個魷魚有點燒得不夠香，好像剛剛燒熟...... Penne Pomodoro 芝士茄汁焗長通粉，這個一點都不推介，因為揭起芝士面，就是水汪汪 Spaghetti Cha Cha Cha 大蝦帶子墨汁意粉就中規中矩。帶子是全碟比較好食的Beef Noodle Soup 牛肉麵湯是朋友點的，我不吃牛喔！Tom Yum Super Bowl 這個冬陰公，一點都不辣亦不酸...... 最得意是內含公仔麵...... 一點也不像冬陰公呢？！Stir-fried Morning Glory 炒通菜，沒有什麼特別，就是炒得普普通通總括來說將軍澳分店真