Greyhound Café (又一城)

營業中

休息中

係又一城行到攰攰地，就黎左呢間泰國Gaia集團開過黎香港既café餐廳，食少少野醫下個肚先。今次點選了「咖喱薄餅$98」、「海鮮冬蔭公炒縲絲粉$138」、「朱古力香蕉千層蛋糕$58」、「椰子千層蛋糕$68」。「咖喱薄餅」咖喱少少辣，好香濃。薄既好味啲，軟身好口感。厚既就普通，正常質感，同平時坊間食到既泰菜一樣。「海鮮冬蔭公炒縲絲粉」好惹味既冬蔭公味，醋辣咁樣，有一隻大蝦，仲有細小青檸助味。「朱古力香蕉千層蛋糕」好香濃既香蕉味，中間夾住香蕉肉，再有朱古力粉同醬，食落好滿足，味道好夾。「椰子千層蛋糕」中間夾雜住好多椰子肉同椰漿，好有口感，仲好creamy。

今天是家中小朋友的上學日，我們兩公婆送完小朋友番學後去又一城食中午，我們都喜歡食泰國嘢！所以再次到訪，這餐廳！今天我們柯打左兩個set同一個春卷！特別推薦：凍0茶-冰是預先用茶制的冰，送到枱上再倒0茶，感覺上新鮮點！味道調得不錯，佢個奶茶都是類似的，都幾好飲！洋蔥湯- 一般一般，比較咸沙律-不夠新鮮義大利麵- 做得不錯，辣椒乾加番茄加蒜加生胡椒炒在一起，麵條口感偏硬！湯河- 幾好，多配料，湯味適中春卷- 除了菜不夠新鮮外，整體好好，配汁好🈴️味，炸得剛剛好，餡料十足！

對於這間餐廳的標題，我反覆想了又想。說是很難吃？好像又不是全部都那種程度。說是好吃？好像又跟好吃沒有太大關係！我想不通怎能一針見血地把心情表達出來，終於想到應該稱為僅此一次的餐廳。這次與久違的友人相聚，想找適合小聚的餐廳進餐，便在附近選擇了這次的餐廳一試。餐廳以黑色裝潢作主題，亦以西泰菜式為主，剛好合我和友人的口味，環境亦看似適合小聚進餐。餐單上菜色的照片非常吸引，有不少經典菜色本想一試，但一翻衝動過後，還是決定先叫三道菜試試水温吧！於是我們選擇了意大利肉腸芝士餡餅、鮮草莓鵝肝多士和經典的紙米卷。先說三款中最出色的意大利肉腸芝士餡餅，相信是即叫即製，餡餅夾着濃郁的芝士，微辣為餡餅生息，加上做到外脆內軟，算是不俗！這款是草莓鵝肝多士，裝飾得很精緻，可惜味道沒有想像中的有層次，當一件小鵝肝要分為四分，可以形容為吃不出有鵝肝，味道被草莓和沙律菜輕易地蓋過了，除了味道一般外，口感方面，除了菜爽口，鵝肝份量太少，吃不出鵝肝的口感，多士口感也很硬，這道菜的性價比很低，因為質素實是太不足。而最後一道紙米卷，相信也相當經典了。雖然紙米卷用的菜很爽口，但肉質則是非常乾和柴！單是這點已令這道菜大打折扣！令

成日都聽人講話哩間嘢好食，今日適逢嚟到又一城同朋友聚舊，好多食肆都要排隊，係唔想food court了事嘅情況下,揀間條隊冇咁長又有好評架啦～等咗15分鐘可以入座。好多好多相嘅餐牌，令人更加懶得睇字先嚟嘅係飲品，凍奶茶茶味清新都不錯龍眼汁的龍眼味濃郁，夏天行完街攰攰地整返杯一流牛油蒜蓉雜菌，菇控一定鍾意，調味都偏重，同包一齊食就啱啱好，只可惜。。。唔知佢有包跟，見到有鵝肝醬多士又叫埋。。。too much包鵝肝醬味道很淡，好明顯，哩味有點叫錯了。春卷係食越南嘢必選，新鮮炸好香脆，由於本人唔喜歡香草味，所以只會就咁食。軟殼蟹墨汁意粉，軟殼蟹帶濕，但意粉偏亁所以都只屬一般。本人意見覺得佢名氣帶過實際，係大型商場，裝修當然靚，燈光暗令人沉醉氣氛多於食物，對於吃貨嘅我嚟講，嘢食唔好就勢係假，希望下次唔覺意嚟到時會揀啱食物

今天我和女兒下午1:30到，不用排隊，入座後沒有人會理你，好辛苦落了單，點了帶子寬條麵，雜箘炒金邊粉，凍咖啡，mixed fruit punch.我的寬條麵先來，吃完，金邊粉還未來，追了一次，侍應沒有表情的行開，不發一言，過了十分鐘，再追，另一個侍應好一點，說看看，但沒有覆，再等了十分鐘終於來，前後四十分鐘才上菜，凍咖啡是沒有味的啡色水。我是住又一城附近，經常帶小朋友去食lunch , Greyhound 是 全又一城第二差服務！其實食物是不太差的，只要你知邊幾款是好味。我最失敗是點凍咖啡。

星期五同朋友喺九龍塘睇完Me Before You一心諗住去Simply Life食件蛋糕仔。但四點鐘時間唔上唔落，Simply Life又完咗下午茶時段，想食蛋糕嘅我就毫不猶豫改道去Greyhound Cafe，畢竟我對Coconut Crepe Cake也算是情有獨鐘哈哈！Tea Set真係抵食之選，兩個人叫咗兩個Tea Set但就衰在口痕叫多兩個蛋糕，所以埋單都二百幾。下次去會抑制自己嘅大食細胞，因為一個Tea Set真係可以輕鬆塞滿我個大胃啦～

呢間泰式fusion 餐廳其實想食好耐，今日終於有時間黎啦！喺下午茶前15分鐘入席，幸好趕到入黎食中午。鮮蝦金針菇白汁寬麵意粉口感彈牙，有驚喜！醬汁配合得很好，好味且不膩雜菌炒金邊粉食前撈碟旁既辣椒粉同花生碎唔食得辣既朋友記得唔好撈咁多辣椒粉，真係會辣到噴火！整體上食左去除左辣辣地仲會食到甜甜地同酸酸地，味道層次十足！黎呢度當然唔小得叫呢個招牌單骨雞翼啦~食落去偏乾身，唔油，但係味道普通，並沒有非食不可的必要呀。飲品方面叫左泰式檸茶同奶茶檸茶係用青檸而冰係用茶冰，所以放耐左都茶味香濃，個人十分喜歡呢杯檸茶！消暑，解渴，又多特別！奶茶係用煉奶沖，口感厚身，味道令人飲到唔想停！原來呢間野飲都做得咁出色。原本想食cake ,但食完野已太飽，食唔落，唯有下次空肚食。

又一城有不少用餐的好選擇，而我和友人最愛到Greyhound, 因為用料新鮮，份量充足，而且食物惹味而又不會太辣，比較大眾化。今次我們點了五款食物，其中令我們大讚的必定是軟殼蟹沙律，蟹如手掌般大，而且竟然有蟹膏金邊粉和羊肉串也一如以往般好吃！餐單上的甜品種類逾三十多款，我們選了朱古力香蕉蛋糕及椰子雪芭加芒果糯米飯。如果喜歡cream 的朋友，應該十分喜歡此蛋糕，但我和友人都是怕肥一族，不太好此甜品，只是淺嚐了幾口。值得推介的是椰子雪芭，很清新，而且有粒粒椰肉，不會太甜，很讚。

今晚第一次光顧，但一入門口已感覺服務員服務態度要改善，我們站立在門口等位，兩個職員剛經過望著我們，沒有一人理會我們，只直行直過，也沒有示意叫負責職員處理，難道不是其職責就可以視而不見?我們要在門口示意多次，才有職員處理。坐下落order後，送上食物的職員不發一言，不會說唔該或謝謝，我們留意著其他職員態度也如此，只見有個別職員服務態度友善。至於食物質素一般，但價錢偏貴。今晚光顧後相信沒有下次。

平時走過greyhound cafe門口，總是有一條長龍等候，真不明白為何又一城的餐廳總愛讓客人在門前默默靜候，而不是派籌號 周五晚上六時半，看到店內仍有空座，二話不說立即入座。餐廳職員亦友善提醒，由於不少客人已預先訂座，故用餐時間只限1小時30分鐘，我們當然樂意配合 泰式奶茶顏色偏向橙色，大大的一杯，奶味較重; 泰國龍眼冰的龍眼肉很多，但是味道較甜較人工，冰塊亦跟泰國一樣，滿滿的一杯，十分涼快。前菜點了炸魷魚圈，炸魷魚圈的份量比想像中多，小小的finger food，是不錯的佐酒小吃。炸粉方面亦夠薄，不會與魷魚圈本體分離。配上他他沙律醬有點怪，私心建議配上泰式辣汁，更添美味 辣牛肉漢堡用上木板上場，更添美態！辣汁、生菜、洋蔥、蕃茄另外附上，一目了然，亦方便客人按個人口味加減 牛肉漢堡排的肉汁亦保持得到，外面煎得香脆有焦味，是我偏好的類型 辣汁讓整個漢堡充滿泰國風情，辣味來得有層次，像浪濤般浪，一浪一浪的湧上喉嚨，刺激非常 薯條香脆，預先配上shake shake粉，正！辣椒膏大蝦炒飯亦急不及待上場了！整個擺盤跟餐牌上一模一樣 炒飯旁放了蝦米乾、豬油渣粒、咸蛋，令每一口炒

星期六下來到, 排了半小時,點了軟殻蟹沙律,炸薯角軟殻蟹炸至香脆,配上沙律無咁熱氣炸薯角沒有油益味,點茄汁或沙律醬也好味越式鮮蝦雞肉米紙卷晶瑩剔透而口感略帶煙韌的米紙卷,入面有鮮蝦雞肉,口感豐富,包生菜吃很清新河蝦冬陰公湯河蝦很大, 冬陰公湯有酸也有少少辣,連河粉一起吃特別好味招牌單骨雞翼就是平時食的雞翼切開了一半,吃的時候比較方便,外層香脆,有肉汁金邊粉甜甜地的金邊粉,炒得乾身有鑊氣Mango crepe cake甜甜的芒果配上幼滑的cream,cream不膩,可以把整個吃完

呢間咁暗咁黑咁有情調嘅餐廳係咩嚟呢？就係又一城嘅Greyhound café，因為坐不到外面位置，所以被安排坐到餐廳內我哋嚟到又一城先直上扶手電梯去到最頂層就嚟到Greyhound café，以前McDonald的位置因為Walkin所以都要等一陣不過唔係好耐，差唔多10-15分鐘，哥哥喺門口見到D甜品已經流哂口水坐低之後拎起本Menu睇吓有咩食先! 就咁睇價錢每樣都係$100咁上下貴嘅$200幾蚊碟都有! 貴雖然係一個問題^.^ 但最緊要好味Fettuccini with Shrimps and Champignon Cream Sauce比起一般食開要焗嗰隻闊條麵冇咁重芝士味, 唔駛俾芝士味蓋過所有嘢, 食得番整體嘅味道!忌廉汁令到麵身好爽滑! 蝦同菇都好FreshSpicy Penne Bolognese with Ham and Tomato Sauce蕃茄味唔腥, 感覺好甜好鮮, 芝士焗肉醬恰到好處, 又唔會焗到D長通粉好"un"好硬咁!Mini Gourmet Burgers裡面除咗塊漢堡之外都夾住唔同嘅餡料, 一個係茄子, 一個係士多啤梨, 仲有一個係煙肉!唔知係咪時時唔

係九龍塘行街，到lunch時間，想食午餐又想食甜品。佢有Lunch Set全部都係＄98，有前菜同一個主菜；要咖啡或茶要加$20，甜品要加$30。我前菜同男朋友都叫左田園雜菜湯，佢完全冇用蕃茄醬沖出黎既果種感覺；而係好文青好清淡既感覺，好味 而我主菜就叫左和牛芝士漢堡，哩個漢堡真係另我喜出望外！佢既面包想覺有去烘左，中間一塊大大塊的和牛(經絞碎)加上芝士同埋煙肉，仲有少少蕃茄粒，岩晒食肉獸。和牛同煙肉都好香口，芝士都好香，整體食落去真係好正  仲有薯條，佢係粗薯條，炸得岩岩好，唔會太過火都唔會炸得唔夠，咬落去外表脆，但入面又食到未炸到既藉仔。最喜歡既係佢既蕃茄醬，食落去唔係出面果d一支支蕃茄醬倒出來既蕃茄醬。佢既味道未到話係自己做既蕃茄醬，但食落去既味道唔會好實，而係有小小清新既蕃茄味道。男朋友既主菜係泰式銀鱈魚柳意大利面，一上台既時候男朋友仲以為佢上錯左，因為完全冇魚柳既身影。問左餐廳的waiter佢話魚柳已經絞碎左係醬入面。男朋友即刻down左 而且男朋友話冇魚味，好似肉醬意粉 我地加多左杯lemongrass tea，不過不失，就是lemongrass tea既味道。最後

成個禮拜都好忙...到左weekend 好想揾間舒舒服服既餐廳休息一下。唔想過海去太遠又唔想等位等咁耐，最尾就去左又一城既Greyhound。首先叫左個鷄肉串，非常中意佢個沙嗲醬，甜甜地而帶一點微辣既醬配上肉質鮮嫩既鷄肉，非常好食  而旁邊既新鮮青瓜同辣椒可以中和一下串燒既油膩。去泰國餐廳點少得pad thai泰式炒金邊粉呢！呢個pad thai非常足料，最特別既係上面撒滿左好多非常酥脆既蝦乾，佢比平時個d炸得更鬆脆，令到整個口感都非常好 之後仲叫左個carbonara，個人覺得個白汁比較稀，味道普通唔係特別出色，而且上面既煙肉好鹹。不過我就覺得呢個thai milk tea 唔錯，係香港好難揾到一杯恰到好處既泰式奶茶，我覺得佢甜度適中，亦都好重奶味，好正 整體黎講雖然食物味道ok，不過我覺得價錢偏貴，同等價錢既泰菜仲有好多其他選擇。

今天的工作實在太辛苦了！一定要自我保償一点！今天就選了這陽光充沛又開揚的咖啡店。:這個是和牛煙肉漢堡！口感層次豐富，麵包鬆軟，和牛很好味，肉嫩，肉汁满溢。另配上粗薯條，热辣辣的，非常美味。再加上鮮甜番茄和爽脆的生菜，更加完美！這杯泰式咖啡，是用煉奶冲成，又濃又滑，甜中帶少許苦味，就像人生吧！