影片
更多
2016-03-29
1924 瀏覽
係九龍塘行街，到lunch時間，想食午餐又想食甜品。佢有Lunch Set全部都係＄98，有前菜同一個主菜；要咖啡或茶要加$20，甜品要加$30。我前菜同男朋友都叫左田園雜菜湯，佢完全冇用蕃茄醬沖出黎既果種感覺；而係好文青好清淡既感覺，好味 而我主菜就叫左和牛芝士漢堡，哩個漢堡真係另我喜出望外！佢既面包想覺有去烘左，中間一塊大大塊的和牛(經絞碎)加上芝士同埋煙肉，仲有少少蕃茄粒，岩晒食肉獸。和牛同煙肉都好香口，芝士都好香，整體食落去真係好正 仲有薯條，佢係粗薯條，炸得岩岩好，唔會太過火都唔會炸得唔夠，咬落去外表脆，但入面又食到未炸到既藉仔。最喜歡既係佢既蕃茄醬，食落去唔係出面果d一支支蕃茄醬倒出來既蕃茄醬。佢既味道未到話係自己做既蕃茄醬，但食落去既味道唔會好實，而係有小小清新既蕃茄味道。男朋友既主菜係泰式銀鱈魚柳意大利面，一上台既時候男朋友仲以為佢上錯左，因為完全冇魚柳既身影。問左餐廳的waiter佢話魚柳已經絞碎左係醬入面。男朋友即刻down左 而且男朋友話冇魚味，好似肉醬意粉 我地加多左杯lemongrass tea，不過不失，就是lemongrass tea既味道。最後
佢有Lunch Set全部都係＄98，有前菜同一個主菜；要咖啡或茶要加$20，甜品要加$30。
我前菜同男朋友都叫左田園雜菜湯，佢完全冇用蕃茄醬沖出黎既果種感覺；而係好文青好清淡既感覺，好味
而我主菜就叫左和牛芝士漢堡，哩個漢堡真係另我喜出望外！佢既面包想覺有去烘左，中間一塊大大塊的和牛(經絞碎)加上芝士同埋煙肉，仲有少少蕃茄粒，岩晒食肉獸。和牛同煙肉都好香口，芝士都好香，整體食落去真係好正 仲有薯條，佢係粗薯條，炸得岩岩好，唔會太過火都唔會炸得唔夠，咬落去外表脆，但入面又食到未炸到既藉仔。最喜歡既係佢既蕃茄醬，食落去唔係出面果d一支支蕃茄醬倒出來既蕃茄醬。佢既味道未到話係自己做既蕃茄醬，但食落去既味道唔會好實，而係有小小清新既蕃茄味道。
男朋友既主菜係泰式銀鱈魚柳意大利面，一上台既時候男朋友仲以為佢上錯左，因為完全冇魚柳既身影。問左餐廳的waiter佢話魚柳已經絞碎左係醬入面。男朋友即刻down左 而且男朋友話冇魚味，好似肉醬意粉
我地加多左杯lemongrass tea，不過不失，就是lemongrass tea既味道。
最後仲食埋個mixed berry crepe cake。哩個cake又係令我眼前一亮，點的時候以為佢係偏甜既cake，因為通常mixed berry都係甜既。但係估唔到佢既mixed berry係酸架，仲要係好酸果隻，對於我哩類中意食酸既人黎講簡直係正正正。而且蛋糕整體上都唔會太甜，食左成件都唔會感覺好漏，要注意既係蛋糕都幾重奶味。對於唔中意食酸既人黎講，哩個蛋糕就未必岩食，因為男朋友食入面既berry既時候係面容扭曲左
張貼
