Green Orange

推介紅蝦意粉，濃濃的紅蝦汁，加上彈牙又掛汁的意粉，會令你食唔停！美中不足係紅蝦唔自夠大隻！牛扒本身質素一般，但煮法遮蓋到食材的不足，整體都係好食。餐廳環境舒適，不過有一點點異味

餐廳鄰近上環地鐵站🚉A2出口，非常方便！餐廳安排左靠窗🏙既位置俾我地，可以眺望到街景，燈光幽暗, 配合微微燭光🕯, 滿有浪漫柔和既氣氛🤭.打開餐牌，屬中上價位💸！點完餐之後，好快就送上兩款口味既餐包🍞，客人可以沾橄欖油同意大利黑醋食！個包熱辣辣、幾軟熟！.📌忌廉白酒煮青口$128忌廉汁調味剛剛好，唔會太稠太鹹，但欠缺酒味！青口無沙石係入面👍🏾 如果可以配個法包🥖沾忌廉白酒汁食就更完美🤤🤤🤤.📌帶子蘆荀米蘭燉意大利飯$188Risotto 生熟程度做得剛剛好（al dente），好怕有d餐廳為左迎合香港人口味而煮得過熟！呢度既risotto整到好creamy，味道好濃，但係唔會好膩，可能份量真係偏細🤪 帶子都煎到好金香，帶出帶子的鮮味！.📌 脆焗豬手伴蜜糖芥末汁 $238配菜有薯仔🥔, 露荀, 蕃茄🍅仔等！豬手外層烤焗得相當香脆，個皮焗到脆卜卜，脂肪層唔會太厚，有肉味，食落唔會好膩！細心位在於上枱既時候，豬手已經切好一舊舊，好方便食！但醃得幾重味，偏咸！而且佢無俾到蜜糖芥末汁😅😅😅 加翻個汁，味道應該會中和啲！.總結來說，價錢還算合理，食物質素都唔錯，但份量偏少，要食飽應該要$400-5

即使在疫情期間，也需要點娛樂，趁着今天的空閒假期，我便一個人提著相機，到中上環的古舊建築參觀順道拍攝街景，恰巧留意到這間西式餐廳，剛好亦正值午膳時間，便決定入內用膳。餐廳以吃西式菜單為主，入內裝潢富有情調，餐桌以木材為主元素，牆壁上掛滿畫像，再配搭黃光吊燈，整體感覺溫馨舒適。蒜蓉包把法包配搭蒜蓉、牛油、香草，再焗製至色澤金黃即可，其外層香酥脆口，內裏鬆軟濃厚，味道香濃惹味，蒜香十足，配搭忌廉湯進食甚是相配。椰菜忌廉湯忌廉湯色澤呈現奶白色，入口黏度甚高，口感濃稠香滑，忌廉的濃郁獨特配上味甘鮮美的椰菜花，味道相配清新，飲用時絲毫沒有膩滯感，而且更含有豐富維生素，整道湯富有營養價值。香煎三文魚柳半金巴利汁菜式中使用的是挪威三文魚，外形結實肥美，魚皮煎得鹹香脆口，肉質嫩滑甘香，魚油豐盈，味道濃郁鮮美，口感絲毫不油膩，配搭鹹甜清新的金巴利汁進食，三文魚更鮮味可口。旁邊伴碟放置有西蘭花、甘筍，口感爽脆清甜，鮮嫩清香。總結而言，餐廳環境整潔舒適，整體裝潢富有情調，食材味道高質出色，賣相精美吸引，價錢合理，不管情侶約會，或與家人朋友聚餐亦很是適合。

每道菜都很用心，口感都不錯，特別推薦其中兩樣，第一是餐湯（南瓜湯），第二是“西班牙紅蝦海鮮濃汁闊條麵”，它們的味道濃郁又不膩口。除了套餐的甜點外，我們另外點了“雲呢拿雪糕酥盒配士多啤梨黑醋醬”，味道也很特別，值得嘗試原本要點“火焰香蕉雪糕”，但可惜沒了，只能之後再試了。最後，值得提的是這間餐廳服務生態度很好，很細心留意到我太太穿外套，就主動把冷氣關小、環境舒服、食物很高質。加88元就有套餐（麵包、雜菜沙拉、餐湯、甜點和餐飲），CP值高。

今晚約了5位好友放工後聚會食晚餐。談談近半年來趣聞和吐吐苦水。地點由我來揀選，一定要夠清靜，網上搜索最後我選擇了上環永樂街樓上餐廳Green Orange ，交通方便鄰近地鐵站出口。餐廳裝潢簡潔優雅帶懷舊古典歐陸風格，地方寬敞，靠窗位置可以眺望街景色，燈光幽暗滿有浪漫柔和氣氛，令人感覺舒適心情放鬆。打開餐牌價錢屬於中等，好多食物我都好想食。最後點了5款菜，點完餐服務員好快送上餐包，熱辣辣的餐包有兩種口味，客人可沾橄榄油和意大利黑醋吃，味道真的很不错。忌廉白酒煮青口HKD1285道菜之中最不好食，忌廉汁弄得太稠令人感到膩，青口急凍的沒有味道。香煎黑毛豬扒拌士多啤梨黑醋汁HKD128黑毛豬肉質滑嫩，黑醋汁配上沙律菜再加埋士多啤梨，味道酸酸的甜甜的清甜可口，我們好快整碟掃光。巴馬火腿配65度溫泉蛋黑松露忌廉汁意大利飯HKD178巴馬火腿肉質柔軟甘香，黑松露忌廉汁清淡但惹味非常之配合意大利飯。西班牙紅蝦海鮮濃汁闊條麵HKD248蝦頭入面的蝦膏香濃甘甜，煮出來的汁真的好惹味，配搭口感煙韌有彈性的闊條麵，食落頗鮮味又香又有口感。燒美國頂級安格斯西冷扒HKD318肉質細嫩脂肪比例平均口感Juicy，

今日同左公司的三位同事行了5分鐘去這間餐廳食中午飯其實這間餐廳一般都是要提早兩三天才卜到。覺得他的青口意大利粉10分好吃賣相也很不錯，蕃茄味及芝士味道很濃郁加上飯感覺不生不熟的很有意大利飯的特色。牛扒我朋友說不過不失但是170幾蚊的西冷都性價比高。入到去一般都全場滿座環境也是中上環比較好的一間餐廳。這本格局一個人約$150左右有湯有嘢飲，除非你叫牛扒就貴小小。整體感覺是物有所值。但緊記要提前訂位。

約朋友在中上環食晚飯，想坐得舒服又唔想太貴，選擇其實真係唔太多，最後就揀咗好耐無幫襯過嘅呢一間西餐廳。今晚我地兩個人點了配有鵝肝的意大利飯與及卡邦尼意粉，我記得以前黎通常食lunch，佢嘅Risotto係好好食嘅，今次久別重逢都無令我失望，個Risotto好濃芝士味，配埋個鵝肝，真係好rich好豐富嘅感覺，大滿足。至於個卡邦尼意粉都好食，個溫泉蛋夠香，呢碟嘅芝士唔太多，唔會有太heavy嘅感覺(比Risotto輕手)，加$88變set，有湯、沙律、甜品同飲品，都唔錯。

聖誕節同朋友仔食聖誕大餐, 朋友仔就話Green Orange 環境相當唔錯, 我哋就一於去試下啦 我哋每人都嗌咗個set:-<餐包>嗌完嘢食之後, 侍應就好快送上餐包, 餐包 熱辣辣都幾軟熟<63.5度蟹子溫泉蛋配香煎鵝肝多士>鵝肝非常肥美, 配上脆多士同黑醋, 食落好match最後食埋個青瓜溫泉蛋, 感覺好清爽<海鮮濃湯>海鮮湯都幾唔錯, 裏面嘅海鮮料都幾多<白松露雜菌湯>但係大食妹都係比較鍾意白松露雜菌湯, 雜菌湯嘅濃郁度比海鮮湯更上一層樓, 面頭再加咗幾滴松露油, 香氣四溢<燒美國安格斯西冷拌辣根燒汁>至於主食, 大食妹就嗌咗個五成熟嘅西冷, 牛扒偏瘦, 食落唔夠肥美, 但係配菜好新鮮<焗芝士蒜茸大虎蝦拼北海道帶子伴檸檬小茴香忌廉魚汁>虎蝦同帶子都好新鮮, 配上檸檬小茴香忌廉魚汁, 食落都幾match, 但係可能會唔夠飽<朱古力布朗尼配雲呢拿泡芙伴焦糖香蕉>朱古力布朗尼味道唔係好濃郁, 但係雲呢拿泡芙同焦糖香蕉都做得好出色雲呢拿泡芙食落好冰凍, 而焦糖香蕉就做到熱辣辣

見到食評好似唔錯，又諗住可以坐耐啲，舒服啲，同朋友傾下計，所以就揀咗依間。價錢不是很貴，一個lunch 一百蚊度，有沙律或湯同餐飲。因今天個set lunch 無咩好選擇，我同朋友兩個都叫咗個蟹肉意大利飯，唔食由自可，一食咸到咩咁，係上環咁多間舖頭食lunch，佢一定係最最最，最重手嗰間，咸到我同我朋友都頂唔順，食淨一半，我從來都唔鍾意做大嘥鬼，但真係怕食完有腎病！

首先要同各位讀者講一幅圖都冇唔好意思，食物賣相好一般但味道OK，詳細可以睇埋落去，但今次重點想批評佢服務。是咁的...昨晚9月27日(星期5)同幾位大學同學N年冇見約出黎食飯，諗住可以搵個環境幽靜的地方吹下水食個飯，8點入座，食到9點幾就近被迫比人趕走。食物素質佢OK，但個menu選擇極少，份量同價錢比亦都好誇張CP值超低。環境我滿意~正正常常比幾舊水出黎食飯，佢出面又一個客都冇，又唔係有人等位，佢夠膽死9點半(8點入座)都未夠就自動拎張單埋黎，仲有未拎張單出黎之前(9點左右)已經企係度望實我同3位朋友，仲態度好似眼超超咁。 我都明你想早D收工，但做生意唔係咁做lor。最後見伙計瘋狂眼超超好似想迫人走咁，都傾到冇乜mood，決定埋單走人永遠blacklist呢間野。佢食物素質都OK 的，不過你叫pasta eg.魚柳意粉 ，你唔洗指意你可以見到舊魚。份量係極細的，大食少少一定要叫多幾樣野先食得飽，呢樣都唔緊要，因為呢個反正都係出街食飯的前設，有心理準備。其實食物素質最多同出面 什麼意粉屋個D差不多，但佢收得貴過人地30%左右，不過佢環境係OK的個情調格局男女朋友如果在上環放左工食個飯都

燒北海道帶子藜麥沙律柚子橙香醋汁整體口味十分清甜，材料十分新鮮。沙律菜選擇上，選用了不同口感的沙律菜，加上藜麥的口感十分有層次。燒帶子十分出色，熟的程度剛剛好，帶出帶子的鮮味。忌廉白酒煮青口個人十分喜歡吃這道菜，因為調味剛剛好，不會太鹹，也不會很濃酒精味。而且，青口十分新鮮，一點沙石都沒有。忌廉白酒湯還可以沾麵包吃。蟹肉南瓜濃湯濃湯確實很濃，很適合沾麵包吃。濃湯中帶蝦肉，口感很好。味道適中，容易入口，喜歡南瓜的你一定試。香煎鵝肝伴白松露烤菇意大利飯這道菜無論是鵝肝或意飯都做得很好。鵝肝分量很大份，煎得剛剛好，能吃出鵝肝的鮮味。白松露令意飯十分香口，每一口意飯都很順口和飽滿。海鮮慕斯烤釀大虎蝦比比我的手，虎蝦超大隻！配搭慕斯的口感和味道都很特別。配菜也很出色，能夠中和慕斯的甜味。

有時候都會經過這間餐廳，剛好想不到吃什麼，便決定和朋友前來一試😋第一道菜色，燒北海道帶子藜麥沙律柚子香醋汁。燒香後的帶子配酸甜柚子汁，出奇地好味。小編平常也很愛吃藜麥，因為健康又飽肚。忌廉白酒煮青口也烹調得不錯。全部青口都清洗得十分乾淨，沒有沙石。白酒味道剛剛好，不會有過濃酒精味。蟹肉南瓜濃湯，蟹肉分量充足，南瓜香味令人回味。主菜是香煎鵝肝伴松露烤菇意大利飯，鵝肝煎得很香，肥而不膩。松露的香味配合意大利飯，令人十分開胃。海鮮慕斯烤釀大虎蝦，大蝦比想像中的尺寸大，兩個人分也足夠。

朋友升職請食飯，我梗係搵間好少少嘅食啦，大家都中環返工，最好就係搵返附近。上OpenRice見到呢間個名都幾特別，睇個名原本以為係素食餐廳，但睇真啲其實係食西餐。朋友話之前都見過電視有介紹過呢間，咁我地就決定去試下。今日叫咗蟹肉南瓜濃湯，南瓜湯香濃又夠滑，仲有真材實料嘅蟹肉，南瓜味重，加埋芝士蒜蓉多士，真係食下食下差D食埋朋友嗰份，因為太香口，有蕃茄醬，所以幾開胃。另外見餐牌有好多黑毛豬的餸，估呢度應該係重點菜，所以叫左個燒西班牙黑毛豬架，初初以為燶左少少，但D肉幾淋，反而覺得煎得幾香。間餐廳吾係好大，不過都坐滿，好多人幫襯，有時好食嘅野真係貴少少都吾緊要。

We went there for lunch at 12pm. The whole restaurant was empty, but the waiters gave us a corner table where a counter top sticks out into the table and you have to sit sideways to avoid hitting it with your head. We asked whether we can change to a different table. The owner of the restaurant said they don’t have another table and if we don’t want the table just come next time. So we left.

四圍去，去到永樂街， 大廈林立食肆多，好易搵走到呢間清幽地方，上咗去坐喺窗口望見街景，一路嘆一路享受晚餐，非常enjoy!坐低冇耐，叫咗兩個餐，一個鵝肝醬烤闊條麵， 一個酥脆香草碎果仁焗羊架8成熟， 重有加88可以轉個套餐，就有是日餐湯，雜菜沙律甜品&咖啡，麵包軟淋淋，熱辣辣，重係餐廳自己做嘅 ，可以唔點任何嘢，都一樣咁好味。鵝肝醬烤闊條麵呢個特別之處寬條麵係烤熟，唔同一般用汁醬煮，呢個鵝肝嘅油潤加埋啲醬汁，非常之豐富口感，享受也。酥脆香草碎果仁焗羊架8成熟最享受就係呢個焗羊架，時間啱啱好，味道啱啱好，配料亦都足夠，份量恰到好處，值得一試。重有加88可以轉個套餐是日餐湯 係南瓜湯呢個湯係我至愛嘅，嗰種味道同埋佢嘅營養豐富，不用多講，就係正一句。雜菜沙律雜菜沙律加埋黑醋汁絕配嘅配搭，食落有啲唔夠喉啫。甜品呢個芝士餅，監淨係睇過裝飾，雖然簡單，但係加埋啲朱古力味醬，就好合拍啦!咖啡咖啡一杯 不過不失 都可以飲返 半個鐘