Gram Cafe & Pancakes

營業中

休息中

記得佢岩岩開嚟香港嘅時候要大排長龍，不過依家人流就少返啲。一直都未試過，所以去開尖沙咀又想食甜點就去試下🤣🤣.🍓🥞雜果朱古力班戟 $108雜果佈滿個班戟，好色彩繽紛🤣班戟有三塊，係屬於實在型，唔係個啲梳乎厘班戟，班戟幾重牛油香，特別係佢啲cream好重牛奶味，又唔太甜，唔會好heavy 🤩🤩🍌🥞焦糖香蕉班戟 $98有脆脆嘅焦糖係香蕉面，班戟都係同一個質感。特別嘅係依款跟咗個糖漿，好香蜜糖味🍯加埋落個班戟到重好食😋 兩款班戟食曬都唔會好膩，食完晚飯都食得落😎🤣

食晏時間一個人喺The ONE，想試吓新嘢，行個圈，見到呢間專門食 Pancake🥞嘅餐廳，品牌嚟自日本🇯🇵，咁我就發揮冒險精神，決定試吓😆Gram 喺日本🇯🇵全國大約有20間分店，關東地區有7間，關西地區有5間，其他就分散於全國🇯🇵各地😋；香港就有呢一間。叫咗 $98嘅「焦糖香蕉班戟 Caramelized Banana Pancake🥞」。好快 Caramelized Banana Pancake 就嚟到，有大量忌廉，忌廉非常滑，午餐食甜嘅 Pancake，感覺幾有趣😆

與家人在尖沙嘴吃晚飯後，還意猶未盡的想吃點甜品🍮，便去了The One的 Gram吃pancake 😋.果然好吃的餐廳都多人排隊，所以我們果斷買外賣回家吃🏠。有點驚喜就是沒想過這家的pancake外賣🥡做到這麼高保護度，有個別的高身外賣盒包著，餐具🍴也在盒子裡面，完全不用擔心破壞整個pancake。🍰.石板街pancake $118，Gram的pancake不是souffle的空氣感pancake，而是很實在又柔軟的口感，有點像認識芝士蛋糕🎂。這個口味巧克力🍫味濃，芝士味跟濃，看起來小小的，但吃起來好飽。.烤蘋果🍎配紅茶☕️忌廉pancake $118，三層高，pancake有濃烈茶香，味道挺特別的，蘋果酸酸的為整個甜品解膩，這甜品🍮吃起來還是挺新穎的🤪🧁.下一次再去的話，我會花點時間排隊堂食，希望看一下有沒有不同的口感😝🍧.⭐️性價比：4/5星💰人均：$120港元

平日午飯時間，朋友想食班戟，我們剛剛好經過，決定食這間，我選了個午餐朋友選了個班戟，叫了premium smile pancake $138，一次過試晒佢三個味，但上到枱我們先知道原來係迷你版😂，食得有啲到喉唔到肺，上層係水果，中間係朱古力，最底係蛋，就這三層味道而言，蛋最有驚喜，流心蛋，少少䶢味，蛋黃鮮色，成件事幾夾，午餐叫的卡邦尼意粉幾好味，唔會過分creamy，個餐仲要包餐湯、飲品及甜品$58加一服務費，都真係幾抵，味道仲要不錯.

💛紫薯流漿班戟 Purple Potato Pancake 一抽起個保護膠，啲紫薯即刻好似瀑布咁流曬落黎🤩🤩pancake中間夾住粒粒紫薯，Mix埋啲紫薯醬真喺好正😭😭不過唔好嚐試挑戰就咁食隔離啲苺，唔點醬食認真酸到喊💩就咁睇啲汁好似好多咁，不過食到後尾啲醬要慳住食😭😭熱愛食汁人士😭😭😭好想可以瘋狂加汁就咁飲😭😭😭💛日本和牛漢堡班戟 Japanese Wagyu Burger 和牛有啲普通🥩不過Pancake 喺唔錯🥰🥰平時食開甜Pancake🥞而家變左加肉醬又真喺幾夾喎🤩🤩呢到嘅Pancake有陣特別嘅味道🤔有種上癮的感覺🥰🥰💛抹茶沙冰 Matcha Smoothie 好飲🥰抹茶點會難飲🥰🥰🥰其實唔記得左隻味🤣🤣平時飲開都喺呢隻抹茶味🍵加左cream只喺比平時嘅甜多少少🤪🤪同肥多少少💩💛特濃朱古力沙冰 Dark Chocolate Smoothie 試左一啖🤣🤣好重朱古力味🍫廢comment 系列😂😂📜Cream+朱古力醬+朱古力沙冰📜標準配置黎🔆咁當然就唔好expect好似Godiva 飲嘅朱古力沙冰咁滑🤪🤪

無得去旅行 成日心掛掛日本既甜品同pancake尋晚終於去咗The One食一直想食好耐 傳說中既Gram pancake，專登揀左早d既時間去 不過都等咗一陣位今次叫咗兩個pancake，分別係焦糖香蕉班戟同雜果朱古力班㦸🥞條焦糖香蕉超級好味，脆脆地好似食緊薯片咁，個班戟同出面都有啲唔同 咸咸地幾特別，加埋個醬都幾香口另外叫咗一個雜果朱古力班㦸，上面鋪滿生果，有我最愛嘅藍苺/士多啤梨/橙/奇異果，全部生果都好新鮮，想打卡必叫，個班㦸就同之前嗰個差唔多

餐廳：Gram cafe & pancakes 地區：尖沙咀地址：尖沙咀彌敦道100號The ONE 4樓L408舖日期：23/9/2021時間：20:30人數：2人 等位：0 mins 價錢： ＄238食完晚飯後去左The one行下見到當年同舊同事排隊食班戟嘅甜品鋪☺️，見唔算多人就坐低再回味下😋之前食過超人氣招牌梳乎厘班戟超好食好值得排隊，由於錯過咗梳乎厘班戟出爐時間😢，所以就嗌左其他甜品試下🙈我哋一人嗌左一個甜品，分別係焦糖香蕉班戟（$98）同意大利芝士蛋糕班戟（$118），加一後總共$238。焦糖香蕉班戟🍌$98 🥞班戟有三舊，班戟類似熱香餅的質感，外觀相像，但吃起比較腍和鬆散，配上濃郁奶香嘅忌廉同埋香蕉，香蕉表面加上一層甜脆可口嘅焦糖，脆脆地，yummy！🤤再配上香氣四溢嘅糖漿🍯 糖漿同班戟好夾，而糖漿食落帶有花香味😍 意大利芝士蛋糕班戟（$118）班戟外層灑滿了咖啡粉，底部亦有不少煉奶和巧克力碎🍫賣相超邪惡！軟綿綿的班戟帶有香濃的意大利軟乳酪芝士香味，加上濃濃的咖啡味，而味道不會太甜，仍然可以嚐到陣陣蛋香❣️中間夾層的忌廉幼滑而不膩🌟

同朋友係the one食完飯走個陣聞到陣陣香味，原來係pancake嘅味道，諗都唔諗就打包2個番屋企嘆。番到屋企打開包裝原來好貼心，pancake固定左唔會東歪西倒。烤蘋果配紅茶忌廉班戟 $118烤蘋果清甜，紅茶都幾香濃，加上滑嫩嘅cream，好多層面，班戟鬆軟無比。上面有隻心形嘅東西，開頭以為佢係朱古力，但口感似奶凍咁，幾好味。意大利芝士蛋糕班㦸 $118濃郁嘅朱古力味，中間一層係忌廉芝士，一層係吉士醬，面頭好多朱古力碎，唔太甜好好食。

📍Gram Cafe & Pancake📍💡尖沙咀🐥提拉米蘇pancake 賣相好靚，表面鋪滿可可粉同咖啡粉，中間有一層厚既忌廉吉士醬，忌廉軟滑， pancake都厚，食落有口感。咖啡既苦同吉士既甜係好夾😋🐥招牌疏乎厘pancake 呢個梳乎厘係限時發售，每日得三個時間出爐，個日5點幾經過等到6點即刻叫返個黎試下。一黎到係咁影相，震下震下好cuteee, 上枱已經聞到震震蛋香，口感鬆軟，加埋牛油同蜂蜜都幾邪惡😆🐥蜜瓜雪花冰蜜瓜入面滿滿雪花冰，忌廉，表面滿滿蜜瓜球，好好味🐥紫薯沙冰 好水冇乜紫薯味，唔得

公司樓下曾經開過一間Gram，我都去過幾次仲好鍾意個三層pancake，不過唔知幾時執左之後好耐無食了，自己又整唔到，今日去The One，見到有Gram，梗係要pancake一下！時間關係無得坐定定慢慢食，唯有買外賣，佢個外賣盒都應該係tailor made,所以尺寸剛剛好！今日食既係石板街pancake同烤蘋果配紅茶忌廉（$118/個），pancake已經叫厚，嗰層cream和吉士醬仲厚😂。石板街由三層pancake而成，中間嗰啡色應該是咖啡味？有點淡淡的香氣。面頭加左朱古力碎，仲加左士多啤梨和藍苺，也插入一小塊朱古力片。pancake本身不是甜味，所以襯上甜甜的吉士醬就剛好！另一個蘋果紅茶，最頂嗰層有好多烤過既蘋果粒粒，仲有兩粒藍苺和一個粉紅色心型彈彈布甸！pancake味道跟石板街那個相近，可能我拎到返屋企已經一段時間，所以質重相對濕和重一點，不過連埋cream食都可以的。底層既cream混合紅茶所以啡色，食既時候都聞到茶香。

早排開學日, 特登早啲收工, 諗住準備個小驚喜俾小朋友, 好好鼓勵下佢於是喺公司附近嘅商場行下, 見到Gram 可以外賣pancake, 即刻二話不說就入去落order。因為我同小朋友都鍾意朱古力, 而且小朋友鍾意食棉花糖, 所以就揀咗石板街Rocky Road 由The One返到屋企都有差唔多30分鐘車程, 都好驚個班戟會變型, 立即放入雪櫃, 等食完晚飯至享受呢份甜品。點知打開個盒, 發覺非常安全, 班戟仍然企得好靚仔, 要讚包裝做得好好, 下次都可以好放心咁買返屋企嘆三層高嘅班戟, 面層有吉士、朱古力碎、大大粒士多啤梨、合桃, 其餘兩層夾了滿滿嘅cream cheese 同吉士, 好甜美, 班戟嘅質感都實在, 配上吉士好夾。我同屋企人每人食一層, 非常滿足最近喺Sogo 地庫B2 都見到 Gram 有推出外賣一層嘅班戟, 一件$30幾, 都幾抵

🍽🍽🍽🍽🍽🍽🍽🍽🍽🍽🍽焦糖香蕉班戟 $108雜果朱古力班戟 $108🍽🍽🍽🍽🍽🍽🍽🍽🍽🍽🍽入到坐底上openrice 望下有咩好食，見到多人推介焦糖香蕉班戟同雜果朱古力班戟，我同朋友都叫嚟試下🔼 香蕉班戟有兩條新鮮香蕉鋪面，蕉上係一層香甜脆口焦糖，碟旁有楓糖漿，可以因應口味，淋上自己鐘意嘅甜度係班戟上面，班戟入口鬆軟，捲上香蕉一齊食不錯🔼 雜果朱古力班戟係朱古力控人士最愛，面頭淋滿咗朱古力漿，配上藍莓、橙、奇異果等有少少酸味嘅雜果同班戟一齊食，酸甜交融唔膩口🔼環境裝飾日系路線，簡約但放滿好多可愛小擺設，我食野張枱前面有棵樹，排滿咗班戟飾物同貓頭鷹擺設

早排清假，同男朋友夾咗放平日去尖沙咀行吓😌 lunch time去左the one，偶然發現有超平午餐食🙂Set lunch有3款選擇，男朋友就揀咗：1️⃣ 意式卡邦尼意粉配日本溫泉蛋 （$58）呢個價錢仲包埋餐湯、甜品、熱飲，會唔會太平🙀 卡邦尼意粉嘅質素同其他餐廳賣$100以上嘅質素無分別，甚至因為呢個價錢…我覺得呢度煮得更好👍🏻 男朋友超識嘆，熱飲加咗$20轉要玫瑰茉莉花茶🌹 2️⃣ 石板街班戟（$118）初頭侍應上枱嘅時候，我仲覺得點解個pancake可以咁細，擔心自己淨係食呢一個會唔會唔夠飽🤐 但點知最後我都係食唔晒lol 味道係唔錯嘅，可惜夾埋啲cream一齊食實在太濟💩

同同事聚舊搵地方坐下傾下計，揀左食pancake😋之前係日本食過最經典款，今次就試下新野啦。🔸焦糖香蕉班戟🍌🥞呢到既班戟唔係疏乎厘個種，無個種空氣感食完好似無食既感覺，比較厚實啲，都幾有蛋香味。配上焦糖香蕉，層焦糖好脆，甜甜地配班戟食好夾，仲有啲蜜糖可以淋上面。🔸雜果朱古力班戟🥝🍓🍊🫐🥞呢個賣相好吸引，色彩繽紛咁有多款生果，配上朱古力醬同好香滑嘅忌廉，水果酸酸甜甜，有清新開胃嘅感覺！

今日同友人去咗尖沙咀行街見到Gram cafe & pancakes，友人話想食甜品，於是就入咗去食個下午茶。見到個meun有好多款選擇，花多眼亂。我就叫咗雜果朱古力班戟（$108），黎到一共有三塊，上面就鋪滿左生果同淋上咗小量朱古力醬，旁邊仲有忌廉，賣相十分吸引，但個人覺得生果配朱古力唔多夾，因為生果就咁食就已經很不錯。友人叫咗焦糖香蕉班戟（$98），香蕉上面有焦糖燒過，食落脆口，而且充滿焦糖味，呢款班戟仲配咗忌廉同蜜糖，可以自己控制甜度，唔太鍾意食甜嘅朋友可以落少啲糖漿。