Gram Cafe & Pancakes

營業中

休息中

一試過江龍本人不太好pancake特別係fluffy pancake，但友人話想去食就去試一試，大阪名店gram到港已有3年，今日先第一次去試，唔需要等位lunch time直入便可。雜果朱古力班戟 - 雜果份量適中，比我想像中多，而且都焦新鮮生果kiwi berries 橙，連cream都係好好食 (fatfat)焦糖香蕉班戟 - 香蕉整條切半再有一層薄薄焦糖係面，令口感層次豐富至於班戟，如果喜歡厚實既，你應該會喜歡。—————————————————Gram cafe & pancakes (尖沙咀)尖沙咀彌敦道100號The ONE 4樓L408舖—————————————————⠀⠀⠀⠀⠀⠀⠀⠀⠀#hkfoodie #hkfood #hkfoo感dporn #hkfoodblogger #hkfoodpic #hkfoodies #yum #hkfoodstagram #foodie #foodporn #foodphotography #foodgasm #lunch #dinner #foodstagram #picoftheday #hkig #hkiger #食好西 #

上星期同阿囡去藝術館，行完攰攰地去食返個pancake下午茶❤️暑假好去處！見到呢間都好多人食，仲有未D特別款的pancake，今次同阿囡叫左香蕉🍌pancake同什果pancake，pancake有香蛋味，配上有焦糖面的香蕉特別好味，我通常都係一啖cream+pancake+生果，感覺好豐富！平時唔多好食野嘅阿囡都讚不絕口👍🏻另外一款我叫嘅什果pancake不同款式水果舖落pancake上非常精美，見到都吾捨得食 😃食飽飽再叫一杯特濃朱古力沙冰，做一個完美的總結。

同朋友去咗尖咀the one 食晚飯，時間尚早就去食埋個甜品啦，順便傾多陣計，呢間餐廳開咗咁耐，我都係第一次食🤪 聽講係日本過江龍，餐牌除咗甜班戟仲有咸食，唔愛甜食都可以試咸食👍焦糖香蕉班戟 $98呢款班戟入口好實在，唔係空氣炮嘅口感，用上一整條香蕉對切，再加上有咬口嘅合桃，班戟可以配糖漿食用，並且淋咗焦糖係香蕉面頭，如果食得甜嘅朋友，呢款應該啱你地，甜甜的食完會好滿足 雜果朱古力班戟$108呢款班戟同上面個款大致相同，只係配料換咗做切粒雜果，有士多啤梨、奇異果、橙、藍莓等，而呢款就唔係配糖漿食用，而係跟伴碟嘅朱古力醬食，又有另一返風味，我覺得呢款無上面個款咁甜，生果帶少少酸，中和返朱古力醬嘅甜度，入口唔會覺得太膩，我自己就比較鍾意呢款啦仲有款係限量班戟，下次試埋先，今次賣晒😂

我最鍾意食甜嘢獎勵自己行過 The One 見到 Gram cafe & pancakes醒起好耐冇食等我K.O.一個先.焦糖香蕉班戟 $98經典組合好多時都懶得試新嘢都係叫返食開嘅最穩陣最放心pancake係薄嘅 大約一隻手指嘅厚度 唔係超鬆軟梳夫厘嗰款 比較實心唔知係咪因為暑假嘅關係見到好多枱都係啲阿媽湊住啲細路差唔多 full house所以個 pancake 質量冇之前咁好有啲散 口感爭少少好彩仲好香蛋味cream唔會太甜 啱啱好.

想試呢間好耐啦，終於比我見到唔洗排隊🤪🤪🤪因為一大早，所以無試到梳乎厘，但試左佢地個招牌pancakes焦糖香蕉🍌：一大條分左2半嘅香蕉，面頭燒左一層脆脆焦糖，唔會過火變苦，而係夠脆夠甜又靚色。同時配左一小杯蜜糖，一碟2款味😋😋😋😋雜莓pancake: 雜莓夠甜唔會好酸，配合朱古力漿，更令生果更可口。pancake中有少少海鹽香味，變得唔會死甜。就好似煮餸加少許鹽提鮮一樣。最值得一提是，佢地個cream係cream cheese黎架，所以食晒都唔會濟架😋😋😋

好多年前喺日本食過呢間叫gram嘅pancake店，對於佢個梳乎厘pancake一直念念不忘，亦都造就左我成為一個梳乎厘pancake迷😛 雖然知道gram過咗嚟香港開店已經有一段時間，但係一直遲遲未去幫襯。直至上星期，咁啱行the one經過見到原來佢就開咗喺呢度，於是我即刻拉埋男友入去食返個tea🙆🏻‍♀️今次嚟到想試吓原味梳乎厘pancake以外嘅口味，我嗌咗雜果朱古力味，估唔到佢嘅水果都幾多，鋪到滿晒😝 仲要咩顏色都有，好啱打卡！而佢呢個係比較似熱香餅嘅pancake，雖然無咁厚身，但夾埋啲水果同埋cream一齊食又真係幾唔錯！唯一美中不足就係啲士多啤梨有少少太酸🤔而嗜甜嘅男友就嗌咗呢個焦糖香蕉班戟，今次除咗焦糖香蕉之外，仲有啲核桃粒，即刻將成個口感昇華咗😛 如果仲嫌唔夠甜嘅，仲可以再落啲蜜糖，甜到男友食得好開心🤣 而我就嫌落埋蜜糖有啲太甜啦～總括而言，雖然佢嘅招牌菜係疏乎厘pancake，但係就咁普通pancake都好唔錯，配料好多，特別鍾意食佢啲cream，怕肥都清哂😆

Gram呢間記得好耐係日本特登排成個鐘頭隊食，次次經過見到排晒隊，小編真係唔鍾意等位😐今次見佢唔洗等位，一坐低諗住食招牌點知原來有限定出爐時間😦（唔排得唔洗排隊）上網見推薦左班戟就試下🤔印象中好似日本無雜果朱古力班戟見好似個個都叫🤔有不同的水果，士多啤梨，橙，奇異果，加朱古力醬。班戟質感比係日本梳乎厘口感勁加實唔係軟身質感。味道唔知點解小編食到咸咸地🤔蕉糖香蕉班戟呢個小編推薦值得一試，重點係香蕉👍🏻面上另外燒左焦糖，少少甜配埋班戟岩岩好焦糖脆脆配香蕉👍🏻，重點自家製忌廉真係唔錯。如果經過唔洗等靜靜地試下都唔錯。

日本個間我就食過，當時仲排好長龍😌。佢係香港開左一段時間，我都無食過。環境唔錯，好多位唔駛等，裏面嘅裝修好特別😌。雜果朱古力班戟 $108因為已經食左正餐，依份Pancake只係下午茶。我諗住食雜果Pancake清新啲，唔會好滯🤔。所有水果都唔錯，望落新鮮食落都新鮮。味道清甜，絕對唔係浸糖水，因為浸糖水會甜好多😂。個pancake有少少鹹，我本身諗，係唔係整pancake時落個啲鹽撈得唔平均，所以我食個啖咸咸地呢，原來唔係，成份都咸咸地😂。可能係我食唔慣啦，加埋啲忌廉一齊食就中和返，好食左🤟🏻。焦糖香蕉班戟 $98香蕉上既焦糖化做得幾好，厚度正常，個人鍾意厚啲😙。除左有好滑既忌廉伴碟之外，仲有楓糖漿，淋啲楓糖漿落去一齊食，就好似平時早餐食既pancake咁，好好食😍。幾抵食幾飽，如果鬆軟啲就更好，始終食過日本嘅pancake就會期望係一樣咁鬆軟😣。埋單$227（包加一）

疫情開始漸趨穩定，終於唔使再split office 可以見番哂d 同事，即刻急不及待call齊同事們happy hour , dinner , 甜品直落。點知晚餐時間傾得太起勁，走個陣都9點幾，平身想係The One 搵間甜品店坐多陣，係Gram 門口考慮緊個陣，店員就話俾我地知可以考慮外賣pancake 😮😮 我地二話不說就叫咗2款再去其中一個住附近嘅同事屋企慢慢嘆😎😎我地揀咗以下2款，因為pancake 係即叫即製，所以都要等一陣子，門口都有d位子可以坐住等😆意大利芝士蛋糕班戟三層嘅班戟蛋糕🍰份量都唔少，上下兩層班戟蛋味香濃，蛋糕體實身偏濕潤，中層為咖啡味班戟，再配埋滑順嘅cream cheese 層，真係好似食緊tiramisu 咁Mixed fruit Pancake原味招牌班戟都係水準之上，軟綿綿蛋味香濃，果然係班戟專門店，中層夾心係較輕身嘅cream ，好似罪惡感無咁大，而且更突顯班戟嘅蛋香，上層鋪滿時令水果🍓🥝🫐，可以中和甜膩感覺

今日行到嚟The One商場但係又唔係好肚餓見到呢間過江龍就想念喺日本食pancake嘅味道就行咗入去叫咗一個焦糖香蕉Pancake（$98）試吓一嚟到真係好吸引眼球 兩條熟曬嘅香蕉 🍌對切一半 將焦糖燒到啱啱好 唔會好燶 唔會好甜搭配嘅奶油 好香嘅牛奶味 另外附上嘅糖漿 有浸蜂蜜嘅味道 個人覺得比較甜 但係嗰種蜂蜜味係好食過糖漿嘅味 最鍾意係佢Pancake上面有合桃 脆卜卜 有少少鹹味嘅食物可以中和返甜嘅味道 Pancake比較實在 但係作為輕食來講我覺得算唔錯 可以一試

今日去完海港城打卡，就嘆返個下午茶。作為日本過江龍梳乎厘班戟店，長期吸引到唔少日本迷。🥞 Premium Smile Pancake $138每日限量供應 。班戟有濃郁嘅蛋味，亦有鹹味，唔係滿滿空氣感嗰種。雖然細細件，但三層咁高，每層有唔同味道，最高層係有雜果，士多啤梨、香橙切粒，中間嗰層夾住少許朱古力，估唔到食到最底層蛋黃汁會流出嚟。🍹蜜桃沙冰 $45超級冰凍😂 即使放咗一陣先飲，都會有啲細冰融入心嘅感覺。淡淡蜜桃香，勝在唔會過甜。

☟非專業最真實食評☟𝙂𝙧𝙖𝙙𝙚 𝘽: 食落好有質感👀唔係一啖咬完好似食左陣風嘅感覺～加糖漿同牛油食好食，份量唔大但食完真係會飽👀不過個人唔鐘意尼隻pancake👀平時都一般pancake😂

因為有朋友黎屋企但又想食Gram pancake, 發現有外賣打以拎走真系太好, 包裝設計真系做得好好, 搭巴士返屋企都完整無問題,  買左二兩份系石板街同雜果忌廉pancake. 雜果忌廉pancake上面有唔同款生果好吸引，見到已經好想食，pancake加埋忌廉同上面嘅雜果, 仲有綿花糖精簡直絕配. 石板街奶油嘅香濃奶油加上朱古力蛋糕好有層次, 仲有士多啤梨同綿花糖外型包裝都非常吸引，生果新鮮蛋糕pancake🥞唔會好甜只係$68杯真心抵，返到屋企依然無走樣，分享食自私食都非常岩食🎉

係日本傳黎香港既呢一間Gram Cafe, 一直都未有機會去試，成日都會排哂隊🧐 餐廳主打招牌梳乎厘班，一日分三次限定發售。時段為11am、3pm及6pm，每節限量20份今日就買外賣番屋企嘆🤤🤤🤤Tiramisu 意大利芝士蛋糕班戟$118班戟有成4cm厚🤩口感鬆軟，用咖啡做既Pack cake ，有淡淡的咖啡香再配埋朱古力同吉士，味道濃郁Mixed fruit & chocolate 雜果朱古力班戟$108Pancake口感一樣鬆軟，配上雜果嘅朱古力pancake，味道更為點清新

大阪 pancake 名店 Gram cafe & pancakes 黎咗香港咁耐，我淨係去過銅鑼灣店，今日終於去尖沙咀總店食 😂因為以前食過 Gram 每日限量發售嘅梳乎里 pancake，今日就唔特登就時間排隊食喇，留肚試其他款式 😬焦糖香蕉pancake ($98) 嘅焦糖香蕉燒得好靚，外層金黃發亮，入口酥香焦脆😍 香蕉同pancake香甜軟綿，配搭糖漿、忌廉都好好味 😋 Pancake 嘅麵粉香、雞蛋香突出，仲有濃郁牛油味，好食 😙