Goobne Chicken (天晉匯2)

營業中

休息中

雞和啤酒，近年因為來自星星的你這套韓劇，一度掀起熱潮，韓國的炸雞/烤雞店在香港火速崛起，但熱潮過後，有幾多間仍能站穩陣腳呢？Goobne Chicken 可算是當中的表表姐，分店愈開愈多，愈來愈多人認識這個品牌。最近，Goobne 竟然在將軍澳開分店，住附近的我當然不能錯過。將軍澳的分店，位於popcorn，地鐵站出來再步行五分鐘左右。老遠已經看到Goobne 醒目的霓虹招牌，裝潢以黑白對比色為主，店內燈光明亮，給人一種醒神既感覺。我們到達的時間尚早，店內客人不多，店員著我們隨便坐。我們選擇座位後，馬上急不及待翻閱餐牌，Goobne 的主打烤雞款色良多，亦有其他小食提供，令人心大心細。良久，我們終於作好選擇。招牌凱撒沙律吃肉前，當然要吃多少菜墊一墊，減低罪惡感。凱撒沙律，一道極為簡單，普遍既前菜，卻能看出餐廳的誠意。Goobne 的沙律絕不馬虎，蔬菜新鮮而且多款，多香種沙律菜再加青瓜，小蕃茄和麵包粒，最後在表面撒上芝士粉，配上凱撒沙律的靈魂沙律醬，清新可口。特製雞蛋卷自己很喜歡韓國紫菜包飯，但雞蛋卷就比較少吃，今天看見了，當然要試一試。雞蛋卷內包著紫菜，黃瓜，餐肉，紅蘿蔔，韓國魚糕等，

周圍走到終於嚟到將軍澳區啦o(^▽^)o，諗左好耐唔知食乜，友人提議不如食goobne，佢係其他分店食過都話好味。間鋪有啲僻，都搵左一陣，係pop corn都行得到嘅，行到去天晉𣿬，入去商場就見到。門口企理，夠哂光。雖然係星期一，不過都有4成，算係幾好啦！相信餐牌選擇應該同其他分店差唔多，有飯麵，有小食，當然仲有好多款雞揀，連酒都好多揀。先上嘅係炒粉絲雞蛋卷，每層蛋簿簿的，好多料。佢有個沙律醬可以點，係幾好味。重點雞來了，我地叫咗bbq醬煙燻烤雞（無骨），唔係講笑，真心超讚！啲雞係嫩到你會驚暵連連，佢嘅汁係配合到嘅勁match，goobne嘅雞無令我地失望！再叫咗壺西柚米酒，的確係唔平，要150元，但真係好想飲，可以倒8杯。佢西柚味都重，酸酸地，打上佢打得滑，好爽，睇我完全唔記得影相就知啦( ´▽｀)仲有好多嘢想食，但胃太細，食唔到好多。

好耐之前已聽朋友講Goobne 韓式餐廳好好味道，但工作繁忙，唔係咁想跨區去試，但最近屋企人話我知將軍澳天晉匯2呢個新商場開左分店，唔試都對唔住自己喇，Gogogo 餐廳位於將軍澳站商場毗鄰，出左地鐵站扶手電梯上一層沿popcorn 商場過條天橋好快就到呢條又光猛又闊落嘅天橋就係直通天晉匯2商場見到呢個寫住多間食肆招牌，沿扶手梯落一層不消幾分鐘就到了餐牌有齊各樣韓式食品，部隊鍋，沙律，韓式年糕都有韓式酒類及飲品，很多選擇當然唔少得各樣炸雞好快送上西柚韓式米酒，餐牌上寫明用新鮮西柚混和米酒同埋冰塊打成，入口有超香西柚味道，㗳真d有淡淡米酒味道，真係非常好飲，而且份量足夠每人有兩杯，必試推介BBQ醬燒豬肋骨，醬汁微辣很惹味，下邊有大量芝士墊底，不得不讚是肉質鮮嫰，完住離晒骨，水準之作。韓式雞旦卷，旦卷層次分明，旦味足又夠軟身，而且是即叫即整，上桌時仍保持溫度，廚師功架十足。重頭戲當然係烤雞，我地點左蜜糖咖哩烤雞，餐廳標榜是烤製，烤雞表皮超級香脆，有中式炸子雞嘅效果，雞肉用咖哩醃製過，惹味之餘，仲非常Juicy, 雞皮有蜜糖脆香，韓式烤雞果然名不虛傳，更要一提是份量十足，數過有十餘件，真真係

朋友介紹將軍澳食雞原來都係goobne chicken，哈哈，安全之選。試試新野，果味蒜香烤雞，清新而香濃的蘋果檸檬醬汁配上陣陣蒜香 ，甘甜又醒胃。 味道出色地夾， 炸雞外脆，內裡肉汁豐富， 熱辣辣新鮮上枱。再黎健康之選，招牌凱撒沙律，清新蔬菜配搭經典凱撒沙律醬，味道清新可口。 沙律菜洗得夠曬乾淨，又夠新鮮， 最重要大大份又夠抵食。最後bbq醬燒豬肋骨，入口即溶的豬肋骨配香辣燒烤醬， bbq醬香濃好味配合埋豬肋骨夠晒香口。咁安全，有機會都會再食。

之前聽過朋友講話天晉匯呢頭開咗好多新嘅餐廳，一直都未試過，朋友屋企係呢頭附近，今日上完佢屋企玩，玩完之後就揀咗呢間goobne chicken食雞。其實之前都食咗其他分店，大概都知有啲咩食，今日我哋揀咗一個蜜糖咖喱烤雞，一個砂鍋魚糕湯，一份BBQ醬燒豬肋骨食。☝️呢份蜜糖咖哩烤雞係今日最好味之選！一咬落去個皮係脆嘅！我呢啲唔鍾意食雞皮嘅人都食晒！雞肉好嫩滑，(其實真係唔知唔解烤雞會可以做到呢個效果)啲雞肉一啲都唔老。最值得欣賞嘅係，蜜糖同咖喱之間估唔到係咁夾！而且仲冇搶晒對方嘅味道㖭☝️砂鍋魚煲湯比較上就失色不少，味道好一般， 冇乜驚喜。☝️BBQ燒烤醬燒豬肋骨都幾好食，少少辣好惹味，啲豬肋骨嘅肉好林，一d都唔痴牙，不過份量就比較少啦，得五條。

goobne喺將軍澳開分店喇！！！因為工作關係，間唔中都要去將軍澳，以後食goobne就唔使一定要出尖沙咀，旺角喇…分店開喺天晉匯2期, 由地鐵站行過去，都係5-10分鐘。我喺商場入面行，有指示，所以唔算難搵。今次點咗蜜糖咖喱烤雞！！！外皮烤到好香，沾滿蜜糖，好好味點埋個咖喱醬，咖喱味更濃！！芝士炒年糕都係必點之一。好鍾意呢度嘅幼身年糕，雖然細細條，但好煙韌，而且食多兩條都唔怕滯。撈勻拉麵同芝士辣醬又係好味到不得了食烤雞，唔一定要飲啤酒嘅，其實配沙冰都唔錯㗎！！！呢款柚子沙冰夠冰凍又酸酸地，解辣一流！

認識塔塔子嘅你地可能都知本人係一名「偽韓妹」～但係塔塔子竟然而家先第一次食呢間過江龍韓式烤雞Goobne...皆因出面旺區嘅分店長期都太多人 塔塔子誤打誤撞今日去到將軍澳站好近嘅天晉，去朋友屋企探bb，呢度竟然有Goobne新開冇耐呢!! 大大件雞蛋卷，入面有芝士，餐肉，黃瓜，籮白，紫菜，一層層嘅雞蛋加上豐富嘅配料，口感特別！塔塔子最鐘意入面清新嘅黃瓜，中和返芝士同餐肉嘅香濃，完美配搭食韓國野點少得炒年糕？仲有配上韓式即食麵，魚片，芝士等等...一上檯熱辣辣仲有拉絲嘅效果！呢款菜式有3隻辣椒，絕對唔野少～好似塔塔子咁食得辣先好叫呀主角出場啦！鐘意食特別野嘅塔塔子叫左「黑椒烤雞」外表真係黑媽媽好似烏雞咁配有蔥花同芝士粉～因爲Goobne嘅雞係烤雞而唔係炸，外層嘅雞皮一d都唔會油淋淋，反而好薄脆！一咬開香脆嘅黑椒外皮就咇左d熱辣辣嘅肉汁，雞肉好嫰滑好好味呀食完辣野嘆返啖香桃韓式米酒！粉嫰嘅顏色一望就已經心曠神怡飲落仲有好新鮮嘅香桃味，反而好少酒味～因爲佢得0.7%酒精，好易入口，解辣一流～～店鋪闊落，播住k pop真係仿佛置身首爾同oppa一齊食雞雞食完呢餐真係想即刻飛轉韓國呀！值得一提，

住新界西的我已經好多年無去過將軍澳，但知道將軍澳popcorn開左namco忍唔住去朝聖下。去完search 下附近有咩食，見到天晉滙開左goobne chicken , 之前想試好耐，今日見時間尚早唔使等就決定一試。環境好新淨，入面仲播住k-pop MV，好有氣氛。有膠手套同垃圾桶準備食雞用病左都陪我食炸雞，抵讚我之前食過其他地方炸雞只有兩三款揀，但呢度有好多款，心大心細的我揀左好耐。飲品都有好多選擇。芝士炒年糕，仲有泡菜，面同魚片，夾住一起食好邪惡。芝士拉絲到我最期待的炸雞，有成14-15件，成隻雞份量呀有檸檬同酸蘿蔔解油膩。呢款果味炸雞甜甜地好好味，係其中一款招牌炸雞。個雞皮好香脆，但雞肉一d都唔乾仲好juicy ，用手套抓住食更加有風味。嗌左個somersby apple rita，好大杯，兩個人飲都夠果味啤酒再加沙冰。男友叫左杯蜜糖濟州柑橘茶，他話好飲，飲完喉嚨舒服d。買單連加一$486，食到勁飽

朋友將軍澳新居入伙，咁啱樓下又有呢間炸雞，就食你啦，信心首選，哈哈餐廳8月先開，環境乾淨企理咖哩蜜糖烤雞， 入面有雞鎚，雞翼，雞胸，雞頸。 就咁肉眼睇都有成十幾嚿。 雞外皮炸到鬆脆， 一啲油膩感都冇。 如果覺得唔夠味，可以點埋咖哩醬食， 咖哩醬香而不辣，口感特別。韓式雞蛋卷，蛋卷係一層層薄既蛋卷卷埋而成，入面包住午餐肉，黃蘿蔔，青瓜同埋蟹柳。配埋芝士醬，茄汁，芥末醬。有醬料夾埋一起食，好惹味砂鍋魚糕湯， 入面唔不同種類既魚蛋，雞蛋，白蘿蔔，洋蔥，菜，份量充夠。最鐘意入面舊豆卜，入面釀左韓式粉絲，好特別。個湯甜甜地，唔錯

Goobne 終於黎到將軍澳！身為街坊嘅我，點可以唔去試下哩開新開張嘅烤雞店位於popwalk 2商場中，如果唔想曬親或者淋雨可以經商場過，將軍澳站exit C再經天橋過popwalk 2 ！係popwalk 2 !（朋友仔就係唔係好熟路而行錯左去popwalk，好容易行錯 )或者exit B 經地面過條馬路就到甜辣烤雞微辣口味，甜甜辣辣咁好開胃烤雞係一貫嘅水準好嫩砂鍋魚糕湯好足料，5個人都夠食韓式雞蛋卷之前試過粉絲雞蛋卷，今次就試下傳統款先都唔錯，加埋大量嘅醬，岩哂我哩個醬怪

我兩年前和朋友吃過一次Goobne chicken，一直念念不忘。奈何我是怕麻煩之人，要排隊的話，我通常打退堂鼓。沒有記錯，當時由韓國男團代言，那天我足足站在餐廳門外等候了至少50分鐘，眼見不少少女拉著韓星人樣紙板排隊自拍、尖叫與談笑，顯得與她們格格不入，我懷疑自己來錯地方了，最後一嚐烤雞，什麼也值了，烤雞非常驚艷，一直在盼望什麼時候能再見上那些韓星紙板。機會來了！今次烤雞進駐將軍澳，相信假以時日，區區有烤雞，若然熱潮為倒退的話。就在家附近，沒有不光顧的理由地鐵站一出，上商場2樓直往pop walk2，大約10分鐘路程，商場連接商場，下大雨也不怕淋雨。接近12點，店內只有兩台客，我選擇外賣，點了蜜糖咖喱烤雞，即叫即整，等待20分鐘，在附近逛一逛再去取外賣。那陣甜絲絲的咖喱香雞味，一邊提著外賣袋，一邊散發出來，引得我心癢癢的。今次換了代言人，不再是男團了，未知會否影響營業額呢？哈哈哈外賣盒設計大方得體，盒子是薄瓦通紙皮，非常穩固，附送一對膠手套、2包濕紙巾和2對筷子，用筷子吃烤雞？頗有新意打開後還有一層紙皮，掀開之後才見烤雞，烤雞的香味絕不是一般的炸雞能媲美的，味道特別香甜。附送了一小盒

同事們個個都好喜歡韓國，去旅行首選韓國，食物也選韓國食品為先，因為之前他們食過Goobne Chicken 的銅鑼灣和中環分店的烤雞，讚口不絕，說和韓國的一樣好味。今天有住在將軍澳天晉滙二期的同事，說他住所商場又新開了Goobne Chicken分店，剛好今天是星期六，週末沒事做，就約埋一齊往同事家打麻雀，順道往新分店試試美味的烤雞。餐廳地方寬敞，座位舒適！蜜糖咖哩烤雞：雞是用秘製咖哩醬料醃過，之後烤至金黃色，外脆內嫩，加上蜜糖蓋滿雞件，甜甜的味道，十分惹味！金黃酥脆烤雞：這款烤雞名符其實真的金黃酥脆，雞外層酥脆，雞肉入味又嫩滑，味道帶點咖喱味，有跟2款醬料，點些可以提升味道！韓式炒粉絲雞蛋卷：外層是滑滑的蛋包住紫菜、炒粉絲、青瓜、韓國午餐肉和特製醬汁等。切件後再加上茄汁和芥末。賣相很美麗，味道也很美味！

八號風球，係屋企無聊了一日，夜晚出來食飯。Goobne chicken之前去過佢銅鑼灣分店，蜜糖咖喱烤雞好好味。今次來將軍澳店，決定試一試其他烤雞，最終選擇三重芝士烤雞，唔知係唔係因為打風，人手不夠，等了20分鐘先有烤雞食，烤雞皮脆脆，唔會覺得油，芝士好多，都收貨，但我更鍾意蜜糖咖喱。粉絲蛋卷，好味，都有可能係因為等好耐，肚餓了的關係，我覺得好味過另一款蛋卷。甜辣雞年糕，叫這個係因為烤芝士雞肉串and另一款都冇貨，所以選擇尼個，我覺得一般般，冇咩特別。想要一個雪花冰做ending，點知將軍澳店竟然冇甜品

韓式炸雞熱沒有減退跡象今晚又偕兩老到訪先點了兩杯SIGNATURE DRINK柚子沙冰是西柚口味酸酸甜甜味道很濃郁有絲絲果蓉藍色的shark blood是檸檬口味特別是杯中伴有一膠鯊魚裝飾主角當然是韓式烤雞啦愛辣之人當然點選了黑椒口味炸雞表面還灑上芝士粉增加味道黑椒雞味道很濃郁點點香甜中帶微辣肉質細嫩非常多汁燒豬肋骨以燒烤醬烤製有拉絲芝士作伴效果大增配有薯件及雜菜味道微甜帶有焦香肉質亦相當軟腍一口肉一口芝士邪惡又滿足但以價錢來說份量似乎少了㸃

一早約左朋友星期六去試新嘢，我哋都知多人食，所以我同朋友一行9人，滿心期待的大約6點3已經到左餐廳攞位，個侍應話張大枱剛剛俾人坐左，所以要等等，一等就個半鐘，眼見其他遲黎嘅客人食完走埋都未到我哋，我哋問的侍應重要等到幾時，個肥妹話唔知，我哋話我哋唔介意分開坐，跟住佢就話，可以，但限時90分鐘咋喎！張大枱班人都唔止90分鐘，但好似乜都未食，侍應之前完成無提過，而且完成無諗過點安排D客，我哋成班當堂好不滿，即刻拉隊走人😡😡😡😡😡😡😡😡甘嘅服務，幾好食都唔想再幫襯