Goobne Chicken (天晉匯2)

營業中

休息中

將軍澳一向都冇咩好味既韓國野食，但自從知道天晉匯開左Goobne Chicken，特登同朋友去個邊睇戲兼食飯，回味一下，因為之前係韓國食係超好味😋😋，結果無令我失望，絕對有韓國食既水準👍🏻當日2個人點咗4樣野，有：鐵板軟芝士甜辣烤雞一份既份量好足夠2個人食，熱辣辣，超正，辣味好夠，最鐘意佢無骨，容易入口，配埋隨碟送既醃蘿白，正！韓式雞蛋卷好靚，有幾層蛋卷包住，好啱食再配埋野飲Somersby Apple Rita + 鯊魚之淚最初好擔心鯊魚杯野係藍色會中伏，但飲完一啖之後，即刻覺得自己傻豬黎既，想太多。杯鯊魚好適合打卡影相，有條鯊魚玩具裝飾，再加酸酸地既沙冰，同烤雞，絕配!!!! 總結：Goobne絕對可以encore，好有韓國既味道，啲雞食落去唔肥，食多咗唔會太有罪惡感🤣🤣。值得再食😋😋😋😋😋

雞全部都係雞，但係係非油炸嘅雞，Goobne經常強調呢一點，好多人都唔會佢哋係炸雞，其實係烤雞。所以佢哋啲嘢食一啲都唔熱氣，而且雞嘅款式亦有好多唔同嘅味道，配菜亦有好多選擇。餐廳環境闊落，又方便朋友擺BB車，小朋友坐嘅位置空間足夠。蛋卷外層的蛋好滑，內的餡料十分豐富，口感相當豐富，而且份量相當多有10件。呢度嘅烤雞份量非常之多，如果兩個人嚟食下一碟雞一定要打包走。對於我呢個芝士迷黎講，"Deep Cheese"係無得走雞嘅必點項目之一，重點Goobne嘅雞肉好滑，外層嘅皮雞皮好香嫩。芝士嘅味道均勻地遍布雞件，每一啖入口都有濃郁嘅芝士味。蔬菜非常新鮮，而且份量有時相當充足，沙律醬汁唔會過多，蔬菜味道鮮甜。 西柚沙冰，食雞唔一定要配啤酒，陪沙冰都幾好，西柚味都好重，但並唔係嗰啲糖漿嘅味道，味道青青甜甜好Flash。

之前都沒有註冊，這次忍不住要吐槽一下！兩個人點了一個蜜糖咖哩烤雞，一個香辣炒年糕。總共347蚊！味道極度一般，價格極度不合理。進店也完全沒有人理，店里兩個服務員服務為零，還要收加一，what？！接下來最重要的是：在烤雞裡面吃出了個鐵絲！！！吃出了鐵絲！！！吃出了鐵絲！！！重要的事情說三遍！！！完全沒有合適的解釋和賠償！服務員面無表情地哦了一聲就走開了，說好的服務呢？？店裡總共也就五六桌人，你有那麼忙嗎？在將軍澳吃過最差的餐廳！沒有之一，絕不再回來。

呢日放假去開將軍澳探朋友，咁就同佢喺呢區食下飯啦。朋友鍾意食烤雞，話要嚟食goobne，我等食肉獸當然讚好！ 天氣太熱，又勁口渴，我地即刻坐低叫返個香桃韓式米酒$150，有好濃郁的香桃同米酒味，好正👍👍家下諗返都好回味！韓式雜菜牛肉拌粉絲$128，幾多料，幾多雜菜同牛肉。啲粉絲好彈牙，牛肉好入味！咖哩蜜糖烤雞$195，好大份雞，都幾好食。雞肉好重啲蜜糖汁，咖哩幾入味囉！雞肉仲好鮮嫩！人蔘雞湯$128，人蔘味道幾重下，冇乜鹽唔太鹹，同埋個湯好鮮甜，無味精。隻雞唔知係咪新鮮，但係食唔到雪味，絕對唔會係出面街買一包預製的人蔘雞湯包。2個人食左$650蚊，傾計傾足幾粒鐘，飽到捧住個肚走！

差唔多間間分台都食過哂，每間都有好同唔好既地方，今次入將軍澳食，一行4大1小，晚上8點多去到，唔算好多人，好快就有位啦⋯⋯我地叫左一份原咪一份辣咪烤雞，雞肉多汁嫩滑，上到黎仲好辣手，食個時都係等一陣先食啦韓式蛋卷就大人小朋友都好岩食！不過今次個蛋就有點老啦！再叫多杯無酒精既沙魚飲品，小朋友就最開心佢既韓式飯真係好多芝士好正，唔太辣，好岩口味！叫左窄柚子酒，唔太甜酒精味濃了點整體餐廳清潔好服務，靜靜地最岩聚會食飯傾下計啦。

炸雞時間🎼🎼🎼同兩位閨蜜約食飯，想搵個靜靜地既地方食飯吹下水。。成日都聽日人講呢間炸雞好好食，甘就一於去試下啦。。呢間鋪係天晉，可能係平日啦，地方又較遠較入，所以吾洗等位又無乜人去。我地7點去到，店面眼見得10枱客左右。不過座位睇落就真係吾太舒服，好多2人枱好迫，所以2個人食飯都坐得吾舒服囉😶我地3個人就坐左係半梳化位。甘睇下餐牌先，其實選擇就吾算多既，炸雞🍗，沙律，粉絲，部隊鍋，飲品甘我地叫左個果蜜炸雞🍗，應該都有一隻雞，算好大份，店舖表明吾係炸，係焗既！所以要等耐少少，而雞又真係吾油，個皮脆脆同啲雞肉算滑，有小小肉汁。起碼吾鞋口先！除左原隻炸雞仲有炸雞件添，不過今次就無試啦。。韓式粉絲：睇落粉量吾多，但食落好飽肚！排得好靚靚甘，都係普通既材料無乜特別。粉絲q彈，拌一拌好食魚糕湯:入面有魚糕，丸類，洋蔥，小唐菜，個魚糕湯甜甜地，幾好飲既。不過飲完好口渴鯊魚飲品：港女打卡飲品🐋似係檸檬🍋飲品，酸酸地既冰沙，分有酒精同無酒精。真係打卡必備不過食物份量都算好大碟，所以多啲人就可以點多啲食物，少人一兩碟就食飽啦。食餐飯，吹下水，甘就過一個開心晚上🌃

係油塘放工諗到去將軍澳靜靜地食個晚飯 點知遇到一間服務勁差既Goobne Chicken😠之前試過旺角果個間 其實同將軍澳呢間差不多 一樣都係食辣味雞同年糕意粉 份炸雞都香脆同夠辣 而年糕意粉都好有韓式風味 只衰在太多洋蔥👍但講到服務 呢間餐廳絕對係差中之差 首先落單既時候 個侍應行左過黎知道我地落單就叫我地等一等 之後竟然係走到水吧同其他同事傾計 搞到成個鋪面都無晒人😡之後要叫多2次先有人黎落單 之後我地叫左杯柚子沙冰 侍應不單只拎住佢走遍成間鋪 上枱既時候仲要插隻手指入沙冰 相當嘔心😰

自從幾年前在尖沙咀食過一次Goobne 之黎就念念不忘，一直都無機會再食=)咁arm今日中學同學食飯，將軍澳又有一間Goobne, 就梗係要去試食!!第一樣食物 ： 果味蒜香烤雞+甜辣烤雞@hkd218一碟有2款唔同口味既烤雞，岩哂樣樣都想試既我地! 講返隻雞， 無論係果味定甜辣味都好入味， 唔油膩，甜甜地幾開胃，做頭盆岩哂，但係“果味蒜香” 都有少少辣，不過只係少少，都可以接受，係好食既! 5個人食剛剛好=)第二樣食物：韓式炒粉絲雞蛋卷@hkd148呢個係穩陣之選，去親食韓國餐廳必食， 個醬汁好有驚喜，係酸酸甜甜既沙律醬，呢個強烈推介一定要點醬食，好味指數會連升多幾級=)第三樣食物：砂鍋魚糕湯@hkd150呢個唔好睇佢細細煲，入面魚腐，魚旦， 韓式春卷， 樣樣都好足料! 五個人分完都仲有得再分! 不得不讚個魚湯，好入味好好飲， 我真係好少會飲湯，但我真係都忍唔住成碗飲哂!第四樣食物：鐵板芝士韓式烤肉炒飯配醬燒豬肋骨@143芝士控既我， 覺得最正就係呢個!芝士配醬燒汁真係絕配，特別之處係食完都唔覺太膩，豬肋骨好軟好入味， 好值得推介!另外我地5個人，每人一款飲品，我叫左西柚沙冰@58，

將軍澳開左間炸雞店雖然有好多人等 但等左十幾分鐘左右就可以入座喇.菜式種類好豐富單是炸雞已經有4,5種選擇 有辣 有唔辣 喜歡食濃味嘅仲可以揀有溶岩芝士嘅炸雞/排骨當然仲有其他大路野例如 拌飯 部隊鍋 韓式年糕 粉絲等.而我當日點左..1. 芝士溶岩甜辣炒雞 -喜食辣嘅就岩晒 雞嘅邊炒到又脆又香口-食兩食太辣的話 沾埋旁邊嘅溶岩芝士 即時解辣!2. 餡料多到爆出黎嘅蛋卷-厚火腿粒 紫菜 紅蘿蔔絲 青瓜絲等-仲配有幾種特製嘅醬汁 好惹味!3. 飲品 有驚喜 桃味檸檬沙冰 -最特別係有條鯊魚仲點綴!!-可選有酒精/無酒精.上菜速度好快員工動作好快手又有禮環境寬敞乾淨 坐得幾舒服

If you are ordering 2 types of chicken as 1 dish, expect to wait another 15 minutes! The staff is too busy to care for your wait!

今日約左個BEST FRIEND係屋企附近食飯吹水, 估唔到GOOBNE CHICKEN 係TKO竟然開左分店!!之前食過出面尖沙咀個間已經覺得好正, 但又要BOOK位又限時又多人, 今次呢度正正子呀!又近屋企, 又唔使BOOK, 又唔使等, 又冇人趕!! YO!!韓式炒粉絲雞蛋卷 $148煎雞蛋卷入面包住左韓式既粉絲, 仲有紅蘿蔔, 餐肉, 黃瓜, 紫菜同埋芝士, 口感豐富, 再加上上面既茄汁醬, 芥味醬, 同埋一齊上碟既千島沙律醬, 味道配搭得宜, 令一食完一卷又想再食一卷。 砂鍋魚糕湯 $150相入面係韓國街頭街尾最多既雕魚板串，但係上鍋既時候已經幫我地剪好左一片一片!!勁多雕魚板串同埋魚糕!!!我真係好大意食魚糕!!湯入面仲有好多入晒味既白蘿蔔!!湯飲落去有小小酸辣, 但魚糕魚片食落口又係第二個味道, 好特別好新奇!!同埋呢個魚糕煲真係會令人想食韓國街邊既魚糕店, 真係好想快啲飛一轉首爾!! 鐵板芝士韓式烤肉炒飯配醬燒豬肋骨 $143,芝士豬肋骨係韓國已經唔係新野, 但去到食既時候真係會好飽好濟, 但今次呢個鐵板芝士韓式烤肉炒飯配醬燒豬肋骨鐵板將芝士融化, 配上烤牛肉炒飯好似冇

平時淨係去K字頭食炸雞，今日黎會一會韓式Goobne，聽人講都話好味，又點可以唔試。環境方面，坐位夠曬寬敞，光線明亮，俾人一種舒適感。Menu都特別過人，亦細心為你準備食炸雞工具。你明唔明佢究竟有幾多種味道？當你心大心細之際，竟然細心到有一雞兩味既選擇，份量一樣，就可以試到兩款口味。今次我地叫左果味蒜香烤雞（圖上）+甜辣烤雞（圖下）。本人比較鍾意果味蒜香，小清新自然，皮脆肉嫩，加左果味（檸檬？）令到你越食越開胃。其次，鐵板芝士炒飯都好正，你知啦，溶曬既芝士熱食係超👍🏻好食。雖然豬肋骨成為了配角，但都不失禮，肉夠淋，醬汁甜甜地，同一般既燒汁唔一樣。芝士要拉極唔斷先得

同事前排吃了炸雞，話雖然好好味，但覺得好熱氣和好油膩，吃了兩三小件就要收手，噢！聽完之後，我決定馬上約她去一間主打烤雞的韓國餐店，相信她必能吃得開懷。我心水的烤雞店就是……Goobne Chicken，它有幾間分店，今晚就揀了都近大家的將軍澳分店。餐店門面以黑色主調，紅色燈光招牌鑲在門口正中央，好搶眼！走進內裏，以灰色磚牆設計配黑白的傢俱，牆上只掛了幾幅菜式相片，並沒有花巧的擺設, 裝潢簡約平實，感覺很舒適。地方都很寬敞闊落，設有多張二至四人枱，亦有幾排長沙發座配四人枱，枱與枱之間有不少空間，坐得舒適，亦出入方便。齊齊研究餐牌，有兩款新推介菜式餐牌外，還有一本厚厚的木餐簿。話明主打烤雞，當然有很多款式選擇，包括四款鐵板軟芝士烤雞、六款雙拼烤雞和十款不同口味烤雞。除烤雞外，還有其他菜式選擇，如炒年糕、雞蛋卷、拌粉絲、部隊鍋、魚糕湯、鐵板芝士系列、烤肉、辣筋麵、沙律等等，而飲品就有酒精和非酒精類。******************************既然可一次過嚐兩種口味，當然要揀雙拼。經一番商討，揀了一份果味蒜香烤雞+甜辣烤雞 Fruity Soy Garlic Chicken +

朋友話Goobne Chicken嘅炸雞係佢食過最好味嘅炸雞 所以今晚忍唔住叫佢帶我去試下😝健康嘅我地嗌左個意大利青醬雞胸肉沙律 沙律嘅份量都幾多 唔同嘅蔬菜配上雞胸肉 味道清新😋但青醬略嫌油膩同埋份量唔多蜜糖咖哩烤雞味道不俗 金黃色嘅外皮仲灑上杏仁粒 好吸引😋 雞皮香脆可口 雞肉嫩滑多汁 而且烤嘅感覺無咁熱氣😝 蜜糖咖哩烤雞就咁食已經好好味 點醬又係另一種風味😆 芥末醬同蜜糖咖哩嘅配搭好有趣 甜甜地又帶有辛辣味隨餐附上嘅醃蘿蔔酸酸甜甜 加上清爽嘅口感可以保持口腔清新 令我覺得炸雞一啲都唔油膩😆餐廳嘅佈置簡單舒適👍🏻而且仲會一路播放流行曲 對於鍾意聽歌嘅我黎講係一大加分位😆不過服務一般 我地請店員幫我地加水 但到到埋單都未幫我地🤧

朋友住將軍澳，突然間好想食kfc，但我朋友話太熱氣，建議不如食Goobne烤雞。店內環境闊落，坐得舒服，我們一共4位。韓式BBQ醬煙燻烤雞+原味烤雞雞肉嫩滑，韓式BBQ醬味小小甜，幾惹味但我比較喜歡原味烤雞，保留了雞肉原汁原味，配上不同的醬汁，味道更多配搭鐵板軟芝士蜜糖咖哩烤雞(無骨)蜜糖咖哩再加芝士，其實這樣的配搭，味道還有得輸嗎?? 烤雞無骨啖啖肉，肉質尚算嫩滑鐵板芝士韓式烤肉炒飯配醬燒豬肋骨豬肋骨有兩條，捲上熱辣辣的芝士，再配埋烤肉炒飯，很邪惡但好味飲品選擇多，味道都很不錯鯊魚之淚要了有酒精的，但飲落像波子汽水。香桃韓式米酒，三款米酒之中最少酒精的，味道像蜜桃乳酪，如果米酒味道出多少少就完美了。Mojito清新解膩，這一款是沒有酒精的。