Goobne Chicken (天晉匯2)

營業中

休息中

三五知己係平日想搵間餐廳靜靜咁食野唔難, 但係要搵個環境寧靜又坐得舒服嘅就難少少今次朋友遷就我, 係將軍澳附近搵食平時去開pop corn個邊, 但係今次想搵間靜靜地嘅地方同朋友坐下傾下, 所以就去咗天晉匯個邊原來個邊好多野食架今次想食雞... 全部都係雞....原來雞可以有咁多種味, 好多味揀呀! 好啦! 就呢幾樣啦~鐵板芝士蜜糖咖喱烤雞 (無骨)😍蜜糖味咖喱烤雞仲有個咖喱汁醬, 令到個咖喱味更濃, 上面仲有一片片果仁片, 下面滿滿嘅芝士, 如果襯熱食仲可以拉出芝士絲包住蜜糖咖喱烤雞食. 而烤雞仲要係無骨, 可以一啖放落口, 好方便. 韓式BBQ醬煙燻烤雞+原味烤雞😍一碟有2種口味, 有BBQ醬煙燻嘅烤雞甜甜地已原味烤雞仲可以配上三種醬汁, 比較鍾意黃色個種, 有少少辣味鐵板芝士韓式烤肉炒飯配醬燒豬肋骨😍炒飯配上芝士汁, 每粒飯都有芝士味, 芝士控嘅我真係好愛咁食炒飯。豬肋骨肉質一啲都唔韌香桃韓式米酒😍米酒有啲似mike shake, 米酒其實只有0.7%, 餐牌仲寫有維他命A架. 鯊魚之淚😍可以有酒精同無酒精選擇, 鯊魚係一個gimmickMojito😍平時飲開嘅Mojito係有酒

食過三次，三次其實都有同樣感覺，就係食物質素唔太值呢個價。炸雞嗌左兩款口味，今次試下果味同埋蒜香味，見到係好吸引既！炸雞既皮雖然黏住好多醬汁，但依然係脆既！食落好夠味，但到雞肉既位就會覺得唔夠入味，而且雞肉肉質鞋鞋地，唔滑。另外又係嗌左蛋捲啦，蛋包住唔同既配料，饀料豐富要讚但蛋皮就略嫌太熟，所以都有少少失望，點醬食就會好啲。最後仲有叫個豬肋骨芝士飯，豬肋骨好稔，而且好入味👍🏽👍🏽👍🏽👍🏽👍🏽同埋有好多芝士🤤🤤

今日晚餐想食炸雞，就嚟咗Goobne Chicken，估唔到而家連將軍澳都開咗分店。我哋嗰日七點五十幾分去到，外面有人排緊隊，但明明見到入面有好多吉枱，但完全冇員工去執枱，結果等左好耐先可以安排到幾張枱同時入去。我地三個人叫左三款野食，首先係砂鍋魚糕湯，呢個湯冬天飲應該好正好暖胃，有少少辣辣地，入面有魚糕，幾款唔同顏色嘅魚蛋，原粒雞蛋同菜，可能我本來唔太鍾意食魚丸，覺得味道都差唔得幾多，不過就夠彈牙嘅！之後就係韓式雞蛋捲，雞蛋入邊包住火腿青瓜蘿蔔， 雞蛋好滑，配埋醬汁好好味！最後係主角韓式BBQ醬煙燻烤雞，我哋揀咗有骨，雞肉非常juicy，就算雞胸肉都唔會覺得鞋。BBQ醬有少少微辣，食落好香，因為佢係烤雞，所以無左層脆脆嘅外皮，雖然有啲失望，不過冇咁熱氣啊！炸雞係好好味，不過價錢都偏貴，一次半次就可。

我們七位等了三十分鐘，起初並沒有太多人，見新來的兩位，四位係咁被安排入座，而餐廳職員一丁點兒也沒打算泊枱比我地。強烈建議四位以上不要去，因為你永遠等不到位打算泊枱比我地。強烈建議四位以上不要去，因為你永遠等不到位！Blacklisted!

炸雞炸雞夜~ 呢間炸雞店已經開左6間分店了! 香港有很多炸雞連鎖店，每間都要有d gimmick先做得住。我入到黎係俾呢杯“鯊魚之淚“吸引住。鍾意佢夠新奇，有得食有得玩，想拎埋隻baby shark番屋企呀哈哈!炸雞今次試左蜜糖咖哩烤雞，蜜糖味over左，唔夠咖哩味，隨住個炸雞係有個 sauce , 係caesar salad sauce. 唔係好明點會用黎點炸雞，不過試完後個味又幾夾。Egg Roll 都比較大路，好食既。總括黎講而連鎖做得唔錯，reminds me of BBX Chicken 果間連鎖。

食物份量，非常搵笨。味道一般，油淋淋，芝士凍冰冰食唔到!我今晚是第一次食這間餐廳，點了3樣餸，第一樣嚟嘅，係部隊煱，睇相頭係非常靚，份量足夠2人食嘅，但嚟到時，真心覺得好似比人食剩似的，剩下大約一半。問佢有無嚟錯，佢話已經好多啦！我! 佰幾蚊，份量小到，1個人都唔夠食。搵笨2)叫咗碟鐵板芝士炸雞，唔單只份量小，成個鐵板都係唔熱嘅，d芝士仲係一舊一舊。食咗唔落格。3)你呢碟蛋卷叫做ok小小，但都係貴貴地。總之，呢間野，又貴又唔好食，又油淋淋，服務又唔好。一定Bad List 無下次

這天本來是要吃下午茶的，但經過這間韓國炸雞店，朋友突然說很想嚐一嚐，只好半推半讓的坐了進來。我和好友一坐下，便看到一個新推出的套餐，可以選擇一款芝士雞和一種果酒。看到芝士兩個字，好友瞬間雙眼發亮，我們便選了一個咖哩味的鐵板軟芝士烤雞和一瓶香桃味的果酒。烤雞還未送上，果酒卻是先到。我們各自斟了一杯喝。說真的，我也是第一次喝這麼特別的果酒。香桃的味道不太濃，但在酒的甘香味道襯托下也頗為突出，整體的味道是不錯的。不過，最特別的是它的口感。它完全沒有酒的醇厚質感，反而像沙冰一樣，喝下去時有一些碎冰，一點也不像在喝酒。喝了幾口，烤雞很快便送到。我先吃了一口雞，咖哩味果然很濃，但又不像外面一些店舖的咖哩，會蓋過雞的肉味。但當我再用雞肉捲起芝士來吃，我才發現精粹所在。咖哩的味道與芝士混合後，奶香味特別濃郁，再配上芝士軟滑的質感和雞肉的彈牙口感，可以說每一口雞都蘊涵着數重滋味，令我和好友很快便吃光整碟了。雖然我從未想過吃這麼貴的「下午茶」，但這也算得上是一次滿足的經歷。

想食此間韓國店好耐，终於有時間去試試。環境不錯，地方算是寬敞，服務員都很有禮貌，其中有一男一女是韓國人，非常有禮地招待客人。原味烤雞此店招牌菜是韓式烤雞，一定要試啦！雞肉咬落唔乾，好嫩滑，有小小辣，唔食得辣的人，應該都可以接受到。份量也少，兩款醬汁也好味，酸酸辣辣，還有我最like 嘅醃白蘿蔔，服務員很細心，見到我地差不多吃完D白蘿蔔，就立刻添加，同去韓國食係一樣呀！牛肉炒年糕牛肉肉質都不錯，有肉味，年糕很好吃，煙煙靱靱，口感滿意，但嫌醬汁咸左少許。韓式雞蛋卷賣相不錯，是用雞蛋一層層卷包着而成，同日本壽司相似。饀料有紅蘿蔔、青瓜、芝士、紫菜、午餐肉。食落非常豐富，又不滯胃，好食呀！部隊鍋相信很多韓迷一定試過這個鍋，韓國人很喜歡吃辣的，但感覺不及韓國食咁辣，味道也不及韓國般好味，價錢也略貴，試一次就夠啦！整體來說，食物都滿意，可以再去啊！

好友新居入伙、我們一班朋友一齊去將軍澳house warming。因為唔想麻煩主人家準備食物、決定齊齊落樓下覓食。原來天晉二期商場開了不少新食肆、Goobne Chicken終於進駐將軍澳了！果味蒜香烤雞蘋果檸檬醬汁配烤雞有點果香、蒜味香濃、不比它的蜜糖咖哩烤雞遜色。招牌凱薩沙律$108份量很大、沙律菜和蕃茄仔都新鮮。吃烤雞伴上沙律感覺健康得多！不過若然有多點醬汁會更好吃。砂鍋魚糕湯$150是我其中一樣最喜歡的韓國國民料理。微辣的魚糕湯好暖胃、雕魚串跟魚蛋都爽彈入味、清清地伴以蔬菜更健康、可嘗試在家弄一個。不愛喝啤酒的朋友不妨叫枝Somersby Apple Cider $38 送烤雞呢！

Goobne Chicken 在將軍澳天晉商場內新設立的店舖不是很久，之前好想來嚐鮮，但係次次星期五六日晚來到店舖門口都要排隊入座，最後都係選擇其他餐廳了。今日同屋企人落樓食飯，見到原來這間店都有午餐食wow，同埋每個炸雞飯餐大概係60幾，唔算貴了，隨餐還會附送開胃前菜（醃製的蘿蔔之類的）還有麵豉湯，午餐選擇唔多，大概6款唔同口味的炸雞搭配米飯，煎蛋同蔬菜。不夠飽的話當讓可以order晚餐的炸雞咯，所以我們order了蒜味炸雞，味道還是不錯的，份量沒有想象中大份，值得一讚的是糯米酒很好喝。

一向對韓國菜一般，不過一心諗住與家人一同來嘗試新開韓國鋪....結果感覺好差，差到要第一次寫食評，平衡返自己心理呢個蜜糖烤雞，少蜜糖味，雞皮又唔脆，雞肉乾，好乾！好乾！好乾！$168質素差過KFC，我真係食返KFC好過！另外個係炒粉絲雞蛋卷，$148，真係好普通，味道一般，呢個價食雞蛋卷，我真心建議食蛋卷仲好...好鹹！如果唔係咁鹹，其實都可以接受，味道ok....呢個米酒極之非常勁失望！酒無酒味，有桃味但勁甜，成杯奶昔咁！....呢個芝士雞，聽閒店入面主打食芝士雞。但啲芝士係底，上菜冇耐啲芝士就乾左，雞肉同芝士係分開，雞還雞食，芝士還芝士食。仲有兩個味一啲都唔夾.....奇奇怪怪咁，點解咁多人話好味？我唔明最慘係，成閒鋪係食雞，無粉面飯....如果想同爸爸媽媽黎，你就可以慳返喇，因為又貴又唔好味，佢地又食唔慣！

it's really good. ordered take out and had a really good time eating this at home. the wait line is sometimes a bit long, so take home is not bad

當日同幾個同事去食飯同事本身以為唔係好多人等位點知去到廿幾30個人喺度等位結果我哋等左差唔多45分鐘先輪到我哋入到去限時坐一個半鐘咁我哋就梗係嗱嗱聲叫嘢食佢哋嗰度有一隻芝士烤雞好出名所以我哋就叫左一隻另外再叫左個魚糕湯咁既物體再叫左個沙律飲唔叫左梳打野正路既其他野食普普唔重要唔講喇隻芝士烤雞真係好好好食焗得好乾身脆口芝士味濃又香好好好食我本身只喜歡食胸位但最後我係咩位都食好食既程度係應該要叫多隻我見唔少人叫外賣呢個好值得！

老公好喜歡吃韓式烤雞，所以一有空我們就會到處覓食，今次的開餐的餐廳地址睇就好似好荒蕪，但其實只係將軍澳地鐵站B1出口再行一陣便到的 <Goobne Chicken>！！天晉匯算是較新的商場，所以出地鐵後沿途都行得舒服光猛店鋪設計開揚光明，而且想不到食客超多，我們接近9點時去到依然差不多坐無虛設看見Goobne最近有新出品<cheese in the city>，身為芝士控的我們當然要試試！！熱辣辣的鐵板上先用軟芝士墊底後加上無骨的甜辣脆雞，連同醃白蘿蔔一起奉客。甜甜酸酸的無骨雞柳味道有點像中式的咕嚕肉但無骨更啖啖肉，加上濃郁的軟芝士真的芝味無窮另外我們也點了炒粉絲蛋捲。蛋捲由幾層滑蛋捲著炒粉絲和其他配料而成，加上撒上面的茄醬和芥末醬更添滋味蛋捲另外會跟這個醬，質地有點像蛋黃醬但其實是辣的吃雞蛋捲時添小許辣更過隱飲品方面，老公點了柚子沙冰。酸酸甜甜的沙冰帶著清新的柚子味，不是葯水味，吃著熱辣辣的烤雞時再喝點冰冰的，十分解喝，很爽！！老公點了冰，我反而想點個熱的飲品紫薯latte的奶味很重但不會搶掉紫薯的香甜，加上撒在面的肉桂粉後一齊喝，味道更有層次感呢

今晚小弟去左將軍澳新開的Goobne Chicken。餐廳位於PopWalk 2期，幸好不用等位，即可人入座，用膳時間大約有90分鐘。點左蜜糖咖哩烤雞，每隻烤雞都係厚厚蜜糖，食落甜甜地，再加埋咖哩醬仲好味，咖哩唔辣但又係甜甜地，覺得沾上後感覺無甘膩，唔錯唔錯。叫左個鐵板忌廉芝士雞，雞都幾滑身，份量夠多，而且有意粉唔驚唔夠飽，而d忌廉汁好creamy蜜糖柑橘茶，蜜糖好夠，酸酸甜甜，最好係夠熱，一飲成個胃暖晒。芝士炒年糕，辣辣地，年糕煙韌彈牙，仲有公仔面，撈埋濃濃芝士變得好好味，而個鐵板夠熱，令芝士唔會甘快凝固。最後點左個凱撒沙律，食小小菜，以減低油膩度，沙律算爽口，d番茄都幾新鮮。整體，唔錯，可以encore