影片
更多
2015-03-22
1867 瀏覽
Honey! 同你一齊咗十個月喇, 記得一開始嘅時候我都無掩飾相機食先嘅習慣, 到依家寫食評要係餐廳四圍影相, 你都無怨言, 仲幫我呢個文盲對功課 嘿嘿, 為興祝紀念日, 每月都會搵間特別有意思嘅餐廳, 比心機寫好啲, 當係同你一齊嘅小日記 Go Inside Kitchen, 首先比餐廳名吸引到, 感覺應該好專注食物會唔錯 , 放工六點黎到, 咁啱餐廳負責人係到, 可以傾吓偈了解餐廳背後概念, 餐廳收集咗超過一百位客人嘅夢想, 出咗本"我們還有夢想", 講追求夢想嘅書, 有人想令媽咪老懷安慰, 到南非流浪, 經營特色懷舊冰室等, 我嘅夢想當然係當食家啦, 哈哈, 書中會給讀者鼓勵, 夢, 從不只是想!「你若不想做, 只會找個藉口, 你若想做, 自會找到方法」係openrice search "Go Inside" 時會出現另一間 "高。牽心" 餐廳, 原來都係同一公司, 以呢間走私房菜路線, 風格大不同! 工廈中嘅環境寬敞, 裝修簡約多以木元素, 創辦者係衣食住行裏面簡咗嘅食, 可以達到自己嘅夢想之餘令食客感到開心滿足, Go Inside係指Go Inside your
Go Inside Kitchen, 首先比餐廳名吸引到, 感覺應該好專注食物會唔錯 , 放工六點黎到, 咁啱餐廳負責人係到, 可以傾吓偈了解餐廳背後概念, 餐廳收集咗超過一百位客人嘅夢想, 出咗本"我們還有夢想", 講追求夢想嘅書, 有人想令媽咪老懷安慰, 到南非流浪, 經營特色懷舊冰室等, 我嘅夢想當然係當食家啦, 哈哈, 書中會給讀者鼓勵, 夢, 從不只是想!
「你若不想做, 只會找個藉口, 你若想做, 自會找到方法」
係openrice search "Go Inside" 時會出現另一間 "高。牽心" 餐廳, 原來都係同一公司, 以呢間走私房菜路線, 風格大不同! 工廈中嘅環境寬敞, 裝修簡約多以木元素, 創辦者係衣食住行裏面簡咗嘅食, 可以達到自己嘅夢想之餘令食客感到開心滿足, Go Inside係指Go Inside your heart, 聽吓自己心中嘅夢想!
而我哋就揀咗9道菜嘅晚餐, 可以迫自己慢慢落黎食一餐, 因為返工時候嘅午餐, 急急腳咁去餐廳食完就要返 辦公室繼續拼搏, 呢度可以同愛人享受一吓
意式香草麵包喜歡食西餐, 因為一坐低就有麵包食, 嘿嘿, 每人有一份法式麵包及香草麵包, 方型嗰款黎到已經聞到陣rosemary香草味, 麵包烤到少少金黃色, 望落好脆身, 食落外脆內軟!
餐廳同橄欖油公司合作製造出自家味道, 有蘋果香味, 落到喉嚨有檸檬清新感覺, 配埋包食嘅時候有啲似檸檬夾心餅, 黑醋好濃郁, 倒出來較傑身, 好似係十五以上嘅品質, 味道好香, 喜歡呷醋嘅我唔客氣喇
117 瀏覽
1 讚好
0 留言
香煎加拿大帶子伴柚子芥末配大蘑菇 (4.5/5)厚身帶子煎到金黃色, 係最佳嘅賣相哈哈, 落少少柚子汁帶出鮮味, 帶子面頭少少脆身, 而入面就好鮮好嫩, 用大蘑菇假裝帶子裙邊, 食落好爽口裏面仲有唔少水, 加埋蒜蓉炒香好入味, 伴碟嘅沙律上有啲濃縮無花果汁, 甜味幾開胃
香煎加拿大帶子伴柚子芥末配大蘑菇
109 瀏覽
0 讚好
0 留言
香煎加拿大帶子伴柚子芥末配大蘑菇
121 瀏覽
1 讚好
0 留言
平時較少見嘅沙律名, 好奇地上網做一做research, 原來叫Waldorf salad係美國都係一個受歡迎嘅沙律, 材料主要有各款生果及果仁, 喜歡用什麼調味料都可以, 廚師就用薯仔, 青蘋果梅花間竹咁達成一層小塔, 上面就放有鮮蝦, 配合旁邊嘅烤合桃, 口感豐富
香茅雞蓉忌廉湯 (3/5)首先聞到好香忌廉味, 簡單喺上面加咗啲乾麝香草(thyme), 飲嘅時候就會多種層次, 香茅味唔算突出, 味道啱啱到喉嚨, 雞粒口感幾好, 唔似得一般嘅雞肉切成丁粒, 較難入味, 而呢到用免治雞肉, 細細粒都唔錯
法式鵝肝雲吞 (5/5)切開長形雲吞時即現心心眼, 因為餡料係原片鵝肝, 油脂慢慢流到士黃色吉士醬汁中, 雲吞皮都吸收咗鵝肝嘅精華而變咗色, 甘香味道令我食到一臉滿足 食完三片肥美雲吞, 底下仲有啲菠菜, 可以配埋啲醬汁食, 配搭非常細心
法式鵝肝雲吞
122 瀏覽
1 讚好
0 留言
法式鵝肝雲吞
105 瀏覽
2 讚好
0 留言
法式鵝肝雲吞
106 瀏覽
1 讚好
0 留言
一餐都未食完, 點解有甜品先嘅? 哈哈
廚師特別安排一道雪葩, 用青檸肉同砂糖打成沙冰, 再用已急凍青檸載起, 好有夏日感覺, 𢳂上黎有啲黏黏哋, 比起普通沙冰口感較特別, 整體唔算太甜, 雪葩其實係用黎清胃迎接美味嘅和牛
澳洲純種和牛 (4.5/5)將牛扒切成扇形, 清楚睇到裏面嘅粉嫩色, 因為脂肪分佈平均, 感覺唔會太羶, 肉質好嫩, 食嘅時候好有水份, 應該係用大火封住肉汁, 再離火用錫紙包住, 用餘溫焗熟咁就唔怕過熟!
澳洲純種和牛肉
111 瀏覽
1 讚好
0 留言
澳洲純種和牛肉
126 瀏覽
1 讚好
0 留言
平時餐廳做嘅都係用焗兜上, 只會睇到面頭嘅脆脆, 賣相單一
以呢到用小圓模固定焗好之後再上碟, 咁我哋可以睇到裏面嘅層次, 有提子乾躲藏喺蘋果層, 每片蘋果面都會有淡淡嘅肉桂香更添味道, 面層嘅牛油曲奇脆脆, 配糖霜及雜莓裝飾點絕, 旁邊黃色嘅係蘋果蓉, 細嗰個時無牙咬生果, 媽媽就將蘋果切開一半, 用匙羹刮出蘋果蓉, 諗起都幾得意 蘋果揀較生嘅, 味道就會酸啲, 夾埋一齊食就會平衡返
肉桂蘋果金寶脆脆
98 瀏覽
1 讚好
0 留言
肉桂蘋果金寶脆脆
131 瀏覽
1 讚好
0 留言
茉莉花茶做結尾, 清一清飽肚感, 選用公平貿易嘅產品, 為推動被邊緣化的生產者, 環保及社會政策公平性標準, 配合餐廳嘅精神!
推介此餐廳 4/5每道菜廚師加上不同嘅香草, 帶子中蒔蘿草, 忌廉湯上加麝香草, 比食客感受天然調味料, 感覺用心, 最特別係餐廳嘅經營精神, Do all you can to make your dreams come ture! 生活為了追求夢想, 亦要慢慢享受, 哈哈
平均消費$327, 9 courses(連餐飲, 麵包)
Go Inside Kitchen
星期一至六: 12:00-15:00; 18:00-22:30
星期日休息
觀塘觀塘道404號時運工業大廈5樓D室
Tel: 3152 3533
分店-> 高。牽心 Go Inside
紅磡都會道6-10號置富都會7樓741號舖
張貼
