Go Inside Kitchen (已結業)

衣家其實有唔少工廈餐廳都充滿驚喜～質素又唔錯！黎開觀塘當然搵番間試下😂好多工廈餐廳都比較難搵 但呢間｛Go inside kitchen}一啲都唔難搵！因為佢橦大廈就係正大馬路果邊～成間餐廳環境都幾舒服！唔會坐得好迫～至於食物方面就叫左個Set dinner 同埋啲小食～跟餐送埋蒜蓉包同埋忌廉湯～特別一讚既係個沙津！個黑醋汁酸酸甜甜 好開胃！主菜就叫左黑松露什菇意大利飯～黑松露好香～只係啲飯有少少硬～另外仲有黑松露雞翼～呢個跟餐加68蚊就有8隻咁多！超抵！而且又好食好香～推介！小食叫多左個芝士肉醬焗大啡菇～must 叫item 黎！好惹味又juicy我地仲叫左個煙三文魚飛魚子意大利粉～呢個一定要試！一粒粒魚子連埋意粉就食好有口感 而且味道剛好！總括黎講 呢間工廈餐廳好唔錯！而且佢門口帶左個信息比食客「im a dreamer, but im not the only one」非常positive 值得一讚～

荔枝角工廈多美食就知，估唔到觀塘工廈都有驚喜🤗地鐵站行過去都係5-10分鐘，除左去apm搵食，又多一個選擇👍出𨋢已經見到好搶眼的招牌，晚市唔算好full，可以慢慢坐，絕對適合放工想慢活的食客😊室外亦有座位，景觀都不錯晚市有set，亦可以散叫，由於不太肚餓，所以散叫左兩款主菜第一款係三文魚白酒忌廉汁扁意粉，三文魚好食👍忌廉汁唔會太漏第二款係紐西蘭羊扒配香草醬意大利飯，羊扒肉質嫩滑，而且有3塊咁多😆好滿足

本身其實都係觀塘人 所以都去過唔少工廈餐廳～ 今次搵左間叫Go inside Kitchen既工廈餐廳 地點都算易搵～近大馬路果邊既～入到去裝飾都以簡單為主 每張台之間既距離都唔會好近～坐得舒服！今次就叫左個set dinner geh～Set dinner 跟左包同湯～質素都OK!Salad揀左雞肉沙津～個黑醋汁令成個沙津生色不少！讚主菜就叫左黑松露什菇意大利飯～黑松露味超香！好中意另外加左68蚊叫左個黑松露雞翼！足足就8隻咁多～雞翼既黑松露味更加濃 而且好好味👅👅最後甜品就叫左士多啤梨Puff～完美結束成個晚餐～總括黎講餐廳食物質素同價錢都好合理！食飯果陣見到唔小大家大細黎食飯～都幾適合家庭聚餐👍🏻👍🏻

朋友話觀塘工廠開咗好多餐廳，搵吓搵吓就搵到呢間。佢個位置雖然有啲遠但係唔算難搵，上到去個環境都唔錯，幾光猛，唔覺得係一個工廠大廈入面。因為我哋嗰日都早去，所以冇咩人，唔係好洗等位，不過都大概7:30到就開始多人啦。佢出邊仲有個露台位，感覺都幾舒服。我哋兩個人帶咗一個set dinner再加一個意粉。佢個set dinner絕對有驚喜，有沙律，是日餐湯，再揀一個主菜，有埋甜品同飲品。我哋就揀咗巴馬火腿蜜瓜田園沙律，BBQ黑毛豬肋骨做個主菜，再加多個帕施圖汁大啡菇尖通粉。呢個蒜蓉法包好好味，熱辣辣，個外皮脆入面軟，聞同食都一樣咁香蒜蓉味。今日是日餐湯係蕃茄湯，飲落覺得係新鮮蕃茄榨而唔係用茄膏，因為飲嘅時候都飲到好多蕃茄肉，微酸但係係新鮮蕃茄嘅味道，而且都好有口感。呢個巴馬火腿蜜瓜田園沙律好fresh，parma ham 醒蜜瓜已經係perfect match,仲要加埋黑醋source直頭絕配👍🏻之後佢就到呢一個尖通粉，佢個basil pesto 好香好濃郁，入晒每條通粉入面，而個大啡菇唔好比佢好似好乾外表呃左，其實係好軟林好juicy。大嘅驚喜就係呢一個黑毛豬肋骨，一上枱我哋兩個係嗌到嘩嘩

觀塘出名多好野食，去到觀塘緊係，又係工廈尋好東西。2個人黎到，其實都唔知食咩好，老友就想食西餐。係離地鐵站不遠處既工廈入內挑戰意大利菜。地方其實都唔算難搵，入去到以黑色為主色，其實都係普通工廈設計。不過我最鍾意係佢對面裕民中心既大窗，可惜我地早黎未算入黑，如果唔係燈光映下的觀塘，一定好浪漫。背景音樂係英文歌，不過不得不說，英文歌底下既重節奏，啪啪啪啪咁，太嘈啦。完全失去了意大利餐廳既感覺。食物方面，我們叫了香草意大利飯配羊鞍及大啡菇長通粉。先來意大利飯，煮得唔錯，熟度岩岩好，入口有口感，不錯。羊鞍煮得過左火，好難入口，味道又淡。再來既係大啡菇長通粉，大啡菇真係大啡菇，本來幻想係原隻上，點知係分上，失望。長通粉煮既時間岩岩好，重帶點鹽香。入口清新，可惜最後到底想不到滿滿的油正等待著我。好可怕經過今次，真係有苦有甜。哈哈，不過工廈我唔會放棄你地嫁。

今日去左apm行街 聽人講觀塘啲工業大廈有好多美食出沒😄跟住就喺網上睇下有咩好推介發現呢間go inside kitchen都幾出名就決定咗食呢間一入到去啲枱都set好曬好整齊又好多選擇揀又平又有貴👍夠大眾化前菜嚟咗一人兩片蒜蓉包同忌廉湯個蒜蓉包真係好好味！少少熱 焗得又脆真係一流跟住嗌咗個沙律配黑醋汁呢個就不過不失同平時嗰啲差唔多八蚊就有一隻芝士煙肉焗蠔見到咁抵即刻忍唔住加咗四隻主菜係澳洲西冷嗌左五成熟口感食落去幾好又唔乾btw有少少生 下次黎會試下七成熟仲有買咗個飛魚籽炸軟殼蟹忌廉汁扁意粉我覺得呢個最好食😂😂個意粉乾身得黎唔會太乾唔會好似有啲餐廳整到乾爭爭好難食啲飛魚籽好多啖啖都有加上一大舊炸軟殼蟹食落去真係好滿足😊黑松露蜜糖雞翼表面煎得好香脆又入味不妨一試呢度竟然冇我平時飲開嘅凍奶茶所以就試下佢哋嘅柚子茶而我朋友就叫左咖啡最後嗌咗一份cheese cake啲裝修幾特別佢哋道牆有啲金句都好有意思🙆

觀塘除左愈黎愈多新商廈，係觀塘番工的朋友都知呢個區真係多人到一個點，好彩工廈入面一間又一間的餐廳不停咁開，LUNCH TIME先叫做可以舒緩一下GO INSIDE KITCHEN名符其實要走入少少，每次到工廈食飯都會有少少CONFUSED，由於工廈每層都幾大，每次都要花少少時間先搵到餐廳係邊而每次入到工廈的餐廳，都會帶俾我一種柳暗花明又一村的感覺，呢間都一樣，入到去成件事唔同晒，舒舒服服的裝修今晚唔係太肚餓，SET DINNER應該會食唔晒，所以我地就決定散叫溫泉蛋卡邦尼意粉 ($128)CARBONARA係我好喜歡的一道意粉，見到中間的溫泉蛋，我已經急不及待要將佢整爛，再將蛋汁拌勻整個意粉，呢碟CARBONARA煮得好對版，汁夠濃夠多，掛係每一條意粉上面，煙肉同磨菇都俾得唔少，意粉的軟硬度亦做得好合適紐西蘭羊扒配香草醬意大利飯 ($148)今晚叫的兩道菜都係我的最愛，我好鐘意食羊，喜歡羊的蘇味，羊扒質感幾淋，唔算多筋，香草醬意大利飯的香草味好濃，醬汁相信係用新鮮香草製成，意大利飯同CARBONARA的意粉一樣，軟硬度做得非常好試完晚餐之後，我又多一間LUNCH選擇了

今天雖然整天下雨，都無損我去和朋友聚會的心情。今天到了觀塘工廈覓食-Go Inside Kitchen。Go Inside Kitchen是一間社企，有好幾位員工都有聽障問題，不過溝通不成問題，而且員工都有很好的笑容。有Set dinner 或者散叫，都算有很多款式。散點菜式分別有沙律，小食，主菜，意粉，甜品和飲品。今天不是太肚餓，所以叫了一西班牙海鮮飯和柏施圖汁大啡菇尖通粉作主餐。西班牙海鮮飯配料豐富，有帶子，青口和蝦。帶子新鮮好味，不過青口有一點點靭。意大利飯煮得剛好不太淋，調味適中，確實不錯。啡菇尖通粉充滿菇菌的香氣。尖通粉煮得較硬，很合我口味。香草醬份量適中，沾滿每一條通粉又不會有太多醬留在碟底。啡菇煮得很淋又有很香的菇味，低下還有一些雜菇，增加了口感。愛菇人士不可錯過。泡芙山一來我和朋友都嘩了一聲，想不到分量這麼足。泡芙內有士多啤梨味忌廉，不算太甜。不過上面的泡芙雪得硬些，下面的比較淋。我和朋友一致認為泡芙雪得硬些比較好吃，忌廉也沒那麼膩。這裏可以改進一下。

同事睇左openrice食評，覺得幾好，叫我地一齊去試新野。餐廳環境及裝修都幾好，而且原來有仕應係聾啞人士，他服務態度有禮又熱心，雖然他不能說，但能夠憑口型聽，很好。但餐廳客人逐漸多了所以比較嘈雜。開始點菜，我地5個人，所以點左5款不同的午餐一齊分享，點左午餐牌上的E,F,H,J,K。一來就緊係上蒜蓉包啦，好香蒜蓉又多，但唔夠脆。南瓜忌廉湯好好飲，又唔傑身。主菜~香煎三文魚扒：好香，魚皮脆。讚！香焗雞扒配意大利飯：雞扒尚算ok，但飯太硬。西班牙黑毛豬豬鞍架：豬鞍肉質唔錯，肉夠林。讚！德國黑椒豬手：味道濃，夠野味。空運美國安格斯肉眼：扒大件，肉質夠嫩，唔實。讚！最後，甜品點了…1份榴槤炸蛋&1份綠茶紅豆蛋糕，我地得1位同事食榴槤，其他4位唔食架。但食榴槤嘅同事係勁讚榴槤炸蛋好好味。總結：服務好用心，食物好好味，價錢又唔貴。

apm 又多人又要等位 老公話帶我去觀塘d工廈餐廳食lunch最鍾意d有窗既餐廳 好開揚又有自然光 影出嚟啲相都靚啲Set Lunch有10款選擇蒜蓉餐包軟綿綿餐包okay 餐湯- 甘筍薑湯份量非常充足 好夠熱又滑身 好飲 黑松露蜜糖雞翼 (+$15)雞翼都幾好味 黑松露味好香香焗雞扒配芥末籽忌廉汁意大利飯主菜份量都好充足 件雞扒好大塊 個飯好creamy 都幾好食個意大利飯加左藜麥 感覺健康d 讚德國黑椒豬手配白飯我覺得個豬手有啲肥 但老公話要半肥瘦先至夠好食喎

同埋兩個同事－齊來食下。我地叫了－個西冷扒，德國豬手，同－個温泉蛋意粉。個餐包左餐湯，蒜蓉包，餐飲。個湯味道可以，蒜蓉包就很好吃，又熱辣辣，我吃了兩大片呢！個主菜都唔錯，隻豬手大到呢，兩個人吃才對，即使沒有加$5由薯格變飯，都飽到上心口。 西冷扒７成熟又係幾琳，幾好食。意粉也可以。搞笑的是，我地全部無刀用，要問他們拿。叫餐飲，我同事們點了冷熱咖啡各一杯。送上時沒有糖，也没有糖漿，冷那杯更無飲管。要求侍應送上又好像忘記。我杯熱檸檬茶等了好耐才有，也是没有糖，更没有匙子篤檸檬。我們覺得侍應們都很green, 也不想太麻煩，就算啦，但真係第一次有這種情況。整體而言，食物係幾好。

話說有日吃貨小妹撇甩左小胖男友 約左靚媽去街 行街前當然少不了要先食返個悠閒靚lunch先啦帶左靚媽去離apm不遠 一間經常高據open rice榜首既Go inside kitchen第一次黎呢度食lunch 原來set lunch都有A-K 11款選擇 包齊餐湯餐包同餐飲 價錢算合理餐湯係忌廉蘑菇湯 菇味濃郁 連嘴尖既靚媽都對此讚口不絕靚媽不嬲都奉行菜肉balance 所以加12蚊要左個田園沙津 個黑醋汁開胃醒神 個人頓時好fresh好green當日小妹就叫左個飛魚籽煙三文魚白酒忌廉汁扁意粉 個cream質地挺身 唔會太杰 仲非常足料 勁多煙三文魚而靚媽個燒羊扒香草醬意大利飯都好大份量有三大件羊架 意大利飯粒粒分明 靚媽頗滿意有其母必有其女 所以靚媽同小妹一樣都係一個"大吃貨"眼見加8蚊就有芝士煙肉焗蠔 15蚊就有黑松露蜜糖雞翼 咁抵又點忍到口最後食埋個精緻既blueberry cheese cake同芝麻豆腐cake 就完成好滿足既一個lunch臨走前發現窗外仲有個露天小空間 秋涼時黎一定好舒服

星期三晚上，因為公事的原因，我和外子要到觀塘走一趟。近來，總是諸事不順，心情有點鬱結。 晚上便順道於觀塘吃晚餐，選間較好的餐廳，希望藉著好好的吃一頓飯，獲得力量再出發。觀塘人煙稠密，車水馬龍，是一個很特別的社區，既混雜，但又很豐富，每個角落都散發著城市人那種努力求存的生命力。在街上走著，抬頭望去，有新有舊，有大型商廈，亦有不少老舊工廠，是香港發展史的一個縮影。近年，觀塘像是找到了自己的方向，不少商店、食肆進駐工廈，這些都是由下而上帶動的變遷，是生命力的展現。在朋友介紹下，我們來到一家正正位於工廈內的餐廳 Go Inside Kitchen。由觀塘港鐵站經過APM，再走不遠便能到達，只是工廈還是比較不起眼，我和外子走過了也不為意，問一問途人，才成功找到。不太習慣於工廈遊走的我們，總覺得處處驚喜，電梯內坐著一位叔叔替大家按掣，像是乘了時光機回到過去一樣。Go Inside Kitchen位於 樓，餐廳內的氣氛跟外面環境截然不同。甫進餐廳，舒適安逸的感覺油然而生。主要以原木色作裝潢，燈光有少許昏暗，令人放鬆。Go Inside Kitchen還有一個小露枱，遠眺可看到觀塘別具特色的景緻。有點

晚餐特登入左觀塘區食。揀嚟揀去，最後去左Go Inside Kitchen，都推薦大家食呀！雖然Go Inside Kitchen喺工廠大廈入面，但門面好靚，好放心餐廳入面裝修精緻！店舖唔大，但坐滿人，好有人氣嘢食方面就嗌左Set dinner蒜蓉法包，非常好味！外脆內軟，仲有好多香草同蒜蓉粒，好惹味，一定要試！跟住係煙三文魚田園沙律，配上黑醋食，酸酸地，特別開胃煙三文魚好新鮮，份量都好夠！仲有黑松露帶子意大利飯。好濃黑松露味，但又唔會食到一半覺得膩！帶子係半熟，有啲煙韌。飯粒就偏硬，好啱意大利飯最後如果食得太飽，可以叫士多啤梨泡芙做甜品！感覺輕量啲，唔會太滯。入面仲係士多啤梨cream，都幾特別架

今日去觀塘工廠區shopping ，shopping前就去「go inside kitchen」吃個豐富的午餐。 這裏的 set lunch都有好多選擇， 喜歡吃魚的我，今天選了「香煎三文魚扒」。 set lunch包括蒜蓉包、忌廉湯、主餐和餐飲。蒜蓉包上面有好多新鮮嘅蒜蓉，十分好味加上拉花的忌廉湯賣相十分好，味道不是太濃和太杰。主菜香煎三文魚扒配香草忌廉汁，配菜沙律菜很新鮮，薯格十分脆和惹味， 可惜分量較少。 香煎三文魚扒煮得剛剛好，肉質滑溜和很juicy，配上忌廉汁味道不錯。加了$12選了一客甜品， 份量剛剛好，不會太多，但味道只屬一般。飲品方面加了$12 選了特別的血橙果汁梳打，酸酸的梳打剛剛中和了三文魚扒的 油膩 。