GO熊小館 (薄扶林道) (已結業)

屋企附近呢一間台式麵店, 一直都好想試下, 雖然依家疫情下唔可以堂食, 不過外賣都一樣可以試到。 其實佢間舖唔算好大不過就好友台式風味， 而且都好乾淨。 入到去店職員好熱情咁招呼遞餐牌， 好用心介紹佢哋嘅招牌菜。 言談間知道原來佢哋特登喺台灣請師傅過嚟，所以食物有一定水準。最後我決定要一個酥炸排骨撈麵同一個牛魔王湯麵。 佢哋撈麵個醬好特別好惹味， 雖然係外賣但係一啲都唔馬虎，酥炸排骨仲特登另外用紙盒裝住唔會畀 撈麵嘅醬 整到淋咗， 食嘅時候仲好脆。 牛魔王湯麵包括有牛展牛腩牛丸同牛肚， 唔好以為佢會個麵好普通，最重要係個湯底，用咗藥材牛湯去配搭， 湯有淡淡藥材味同時有好濃沃牛味。食台式嘢當然唔少得鹽酥雞啦，所以都嗌咗一份鹽酥雞同一份素食鹽酥雞做小食，其實分量都算多而且啲雞炸到好脆，味道調教得剛剛好，又唔會太鹹。 至於素食鹽酥雞係咩呢其實就即係炸杏鮑菇， 味道亦都好好食。 整體嚟講，我好滿意， 絕對會 encore。

呢家日日都要係office食，緊係搵d唔同款式既食物解悶啦。其實西營盤有好多餐廳，今日想食台灣嘢，就去左呢間餐廳。我叫左個牛魔王湯麵，佢個麵好彈牙，配料有牛丸、牛筋腩、牛肚，佢個湯係用藥材煲，好養生之如少味精但好濃味好好飲！我叫左個台式拼盤，佢有鹽酥雞、台灣腸、花枝丸同埋炸豆腐。個炸豆腐皮薄又脆，豆腐超淋，食落去好幸福！再加埋佢個甜酸醬同青瓜，好醒胃好好食！最後叫左杯香芋珍珠奶茶，芋頭味重，用黎完結呢個午餐好滿足！

☔🌧️下雨天，去咗西營盤買外賣，返屋企慢慢歎。選擇咗新開張不久嘅新店熊小館，店子小小，店員非常有禮貌。買咗兩個午餐，有花枝丸撈麵，同台灣小香腸撈麵，午餐送冬瓜茶，珍珠奶茶就加五蚊。店員話師父係台灣請返嚟，味道好正宗。食過先知咁好味😋，老公都大讚。小香腸有黑椒味，好惹味。撈麵彈牙，份量多。冬瓜茶清新，好鍾意😍❤️另外叫咗個小食祕製小茄子，上面有好多肉鬆，醬汁甜甜酸酸，茄子入味，大力推介俾大家。💯

係西環食嘢都冇乜台灣料理揀，見到有尼間新開，價格又ok就試吓花枝丸撈麵 $58花枝丸超好食，係出面冇試過尼個味道😍😍炸得啱啱好，仲要唔會太油，必試尼個撈面仲有青瓜絲、台式肉燥，汁既調味酸酸地好開胃豬軟骨湯麵 $62豬軟骨炆得啱啱好，份量都幾多，主動分左湯，貼心位加分，叫左清湯，睇落好淡，點知竟然清淡得黎但係好夠味，好少店舖清湯都咁好食😋台式小香腸 $35以尼個價錢有8條小香腸真係好抵食😍，尼個小香腸，甜甜地之餘帶有淡淡既黑椒味，唔會好寡，推介👍🏻見佢午市套餐仲抵，仲送埋飲品，下次再試過裝修好有中式feel，用熊貓🐼做主題好qq

呢排香港又爆第三波疫情...日日百幾宗 你都未話唔驚...非常時期，我地唯有買外賣返屋企食，今次放工黎左呢間好似係新開既台灣餐廳，好大隻熊貓🐼喺度，第一下仲以為係四川菜xDD入去睇睇餐牌，佢地有啲定食set 定價唔貴 六十幾蚊有找～我地叫左兩個set 再加多個菜～台灣鹽酥雞湯麵：麵條粗身而彈牙，再配上色澤亮麗金黃，香脆可口，薄薄的炸粉包裹著仍然充滿肉汁的嫩滑雞肉，令人一食上癮。牛腩牛丸湯麵：牛腩嘅烹調令其口感嫩滑入味，牛丸爽口彈牙而麵條亦都是粗身彈牙，而是乾拌麵是佐以些少的湯汁再加上自家秘製的香油將其拌勻，香氣撲鼻，入口順滑。肉燥生菜：灼過嘅生菜仍能青綠，再添上秘製肉燥，令其味道更為豐富。住喺附近既街坊可以試試！

數下手指究竟有幾耐無去過旅行，超級掛住台灣美食今日行經呢間台灣小店，本身諗住買個外賣，見到無咩人就快快脆脆食個快飯<台式小香腸$35>好得意嘅小香腸，size系平時食開嘅台灣香腸嘅三份一，味道系台灣味甜甜地，係懷念嘅味道啊<鹽酥雞湯麵$55>鹽酥雞唔會太咸好酥脆，份量重好多㗎正宗台灣湯麵，面底Q彈軟熟，仲有唔少嘅肉碎<小熊牛肉麵$58>小紅牛肉麵牛肉係偏瘦，食到中間食到軟腍嘅牛筋，入口即溶，原來好食嘅牛肉麵唔使飛去台灣食嘅唔知套餐仲可以加奶茶，五十幾蚊一個餐真係好抵

疫症關係，午餐決定出去買外賣回家吃經過這家新開的台灣小館 價錢亦都實惠 就叫兩個餐回家吃叫了小熊牛肉湯麵加珍珠奶茶 $58另外叫了豬軟骨湯麵也是加珍珠奶茶$58再加上細分鹽酥雞 $18侍應態度超級良好 有耐心等了大概10分鐘就可以拿回家打開一看湯，麵已經分開非常貼心 珍珠非常QQ有彈性 茶味不錯 為炎炎夏天透心涼小熊牛肉湯麵有牛肉四五片湯底是香濃的藥材味 再配上雪菜蘿蔔等配料 不錯吃豬軟骨湯麵 豬軟骨份量不少清湯亦帶有少許胡椒味 清新怡人 鹽酥雞 新鮮熱辣 稍嫌有點過乾 兩人加起來也不用$150，性價比很高呢！

呢排既疫情都非常嚴峻，甚至連晚市堂食都取消埋，咁我呢啲搵食之人都要想搵返啲靚外賣食吓，放工就係附近見到呢間新既台灣野就決定試試佢手勢，估唔到小店都幾有驚喜！首先要讚一下佢個牛肉湯底，係有超級濃既牛同藥材香氣，啲麵加落去吸晒啲汁係十分正！feel到絕對係真材實料煮出黎👍🏻牛三寶麵材料極多，豬軟骨都係水準之上，另外試左小食炸豆腐都係即炸同埋個面有勁多木魚😋真係好有台灣地道小食同麵食既feel!咁抵既價錢外賣自取仲有八折，可以做我呢期既外賣食堂👍🏻

思念台灣美食🍲一人午餐食住台灣菜煲台灣劇也不錯🙂小店坐得舒適，空氣清新，午飯小休好地方👍為食餐單: 牛肚牛腩撈麵🍲 $60撈麵有麻醬、青瓜絲、酸菜、蔥花，好惹味😋牛腩好入味，唔會硬，肥瘦適中😉牛肚好爽好香，牛魔王必愛😎冬瓜茶(凍)🥤 (跟餐+$8)炎炎夏日梗係飲番杯冬瓜茶消消暑，清甜得黎又唔會太甜，涼涼的，好解渴又清熱🍃台灣拼盤🍱 $45啱曬樣樣都想試下既朋友仔😋有招牌鹽酥雞、花枝丸、台式小香腸、炸豆腐🤤招牌鹽酥雞好香脆，內裏雞肉鮮嫩juicy🍖花枝丸好彈口香口🍡台式小香腸皮脆咬落好好味🥖炸豆腐沾上酸辣醬加上酥脆外皮，味道一流，入面豆腐依然保持好滑又有豆腐味🥡秘制小茄子🍆 $35輕輕泡油既小茄子好香，再舖上厚厚既肉鬆加酸辣醬，食落唔會好油膩而且會食到唔停口😂

西環西區勞工處後邊條街，有間見GO熊小館食台灣麵的，見好耐無食台灣野，所以口痕痕！而價錢一 d都唔貴！！仲幾抵食的！叫左個鹽酥雞湯麵，轉做麻辣湯底，湯頭微辣帶香味！帶點辣勁，味道幾惹味，而且帶點濃濃既麻油 香，幾吸引！麵底幾有咬口，帶點彈性，至於鹽酥雞份量好足，有6,7粒，粒粒都夠哂香濃！脆身不油膩，內層都幾嫩，幾正的！另外牛肚牛丸撈麵都幾正，牛肚爽口彈牙，幾有質感。牛丸味道幾夠味，亦都相當好食。另外有午市套餐，仲會包埋飲品，增加抵食！

今早去大學處理一啲事情，到咗食晏時間，就想響附近發掘下有乜好嘢食，呢區係我曾經留下不少腳毛嘅地方😆行吓行吓見到呢間小店，做台灣菜，幾吸引，咁就入去試吓。好肚餓，叫咗午市套餐「小熊牛肉湯麵」配「珍珠奶茶」，再加「台灣拼盤」同「肉燥青菜」，希望嚟個大滿足😄牛肉麵先上，飲一啖湯，有非常之濃郁嘅牛肉味，再夾起一件牛肉，有少少肥，食一啖，肥嘅地方好滑、瘦嘅地方煮得好焾好入味，贊！牛肉大大件有幾件👍，仲有兩件炆得好焾嘅蘿蔔，同埋有啲開胃鹹酸菜喺湯裏面；油麵就夠硬有咬頭啱我胃口。呢碗牛肉麵真係有驚喜，估唔到小店有此功力👏，午市套餐都係$58，性價比好高。「台灣拼盤」裏邊有鹽酥雞、魷魚丸、小香腸、豆腐，全部都好味。其中小香腸好香好有豬肉味，豆腐就外脆內滑有少少酸甜，非常開胃👍「肉燥青菜」係生菜，好鮮嫩，配合一粒粒嘅肉燥，好食。珍珠奶茶唔係好甜，啱我飲。呢餐係出乎意料之外，特別牛肉麵真係好高水準，真係大滿足😋